|
الفوركس واهم حكم التداول
السلام عليكم ورحمة الله وبركاته
اعضاء منتديات اف اكس ارابيا الكرام تحية طيبة وبعد بما ان السوق سريع جدا لدرجة ان الواحد مش عارف يتنفس من الخنقة بتاعة السوق حبيب ادردش معاكو عن كام مصطلح او بمعنى اصح اهم حكم المضارب التى يجب ان يضعها فى اول ورقة له قبل المضاربة او التفكير حتى به نبدأ بأهم واحده فيهم وهى 1- التاريخ يعيد نفسة كلمه كل الناس سمعتها وان كان قوتها فى بساتطها وصعوبتها فى نفس الوقت كثير من الناس يعتقدون ان المعنى ( السعر بيعمل زى المرايه اللى عملو هيعملو تانى ) .....!!!!!! حد فاهم يعنى اية الكلام دا ؟؟؟ حد شاف المعنى دا فى السوق ....؟؟؟؟ اراهن لو حد جابلى منظر واحد متكرر مرتين فى هذا الرح الخارق للحيره لكثير من الناس هقولكو الاجابة فى نهاية الدردشة يتبع |
رد: قبل قيامك بأى رحلة فى الفوركس او فى حياتك يجب ان تعلم!!!!
أعتقد المقصود من التاريخ يعيد نفسة أن السعر يسلك نفس السلوك في ذلك التاريخ سواء أن يكون للصعود أو الهبوط
يعني مش شرط أن يكون بنفس حجم النقاط و الله أعلي و أعلم علي العموم موضوع رائع بشمهندس شريف و متابع معك ،،،،،،، |
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
قربت قوى قوى من معناه وبعدين بعدت قوى مع العلم ان التفسير من دماغى يعنى ممكن يكون لية معنى تانى وتكون انت صح لكن منورنى وخليك معنا يا بطل علشان فى مفجأه جميلة فى نهاية الموضوع تحياتى يا بطل |
رد: قبل قيامك بأى رحلة فى الفوركس او فى حياتك يجب ان تعلم!!!!
2 - الترند صديقك او the trend is your friend او من خالف الترند خالفة ...... او او او او او او او
كل الناس بتعرف ترسم ترند تمام وكل واحد بيحدد الاتجاه بالترند اللى راسمه سواء على الاسبوعى او الشهرى او او طيب كام واحد خانة الترند رغم انه عامل الترند ابنه مش صاحبة يبقى الترند لية قوانين قبل الرسم وبعد الرسم ( طبعا الناس هتقول عليا بحب اعمل ضجة والكلام بتاع العيال دا على العموم دى دردشة تاخد بيها انت حر ) طيب حد سأل نفسه كام ترند لازم يترسم علشان افهم الدنيا احم احم بسم الله الرحمن الرحيم الاجابة تونس( تسع ترندات بالتمام والكمال) لازمممممممممممممممم يتبع وادينا بنتسلى مع بعض يا رجاله |
رد: قبل قيامك بأى رحلة فى الفوركس او فى حياتك يجب ان تعلم!!!!
الظاهر انى بتكلم فى صحره
والله العظيم دا سر نجاحى يا ناس افهمو السوق مش لعبة وللعلم الشمعة اللى خسرت الناس كلها اول امبارح دى انا كسبتها والحمد لله من اولها لاخرها طبعا الردود هتبقى زى المطر كمان ساعتين ههههههههه على العموم لو لقيت بنى ادمين بتحب العقل البشرى هكمل وكالمعتاد لو لقيت سدت النفس همشى وهكمل فرجة عليكو تانى زى الاول تسلم يا روينى على اهتمامك |
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
تسع ترندات يعني تقريباً أرسم الترندات علي الفريمات كلها من الشهر حتي فريم الدقيقة و لا .... |
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
لا يا بطل والله التسعة كلها على فريم اوحد بس وتسعة تانيين على فريم تانى ومش مع بعض كمان يعنى كل فريم مستقل بزاته ومعلش انا مش قصدى التشويق انا نفسى افكر مع الناس بس بالهداوه علشان لو قلت كل الكلام فى رد واحد صدقنى محدش هيفهم حاجة وعن ثقة تابع بس انت يا بطل معلش لو اتأخرت علشان يمكن فى ناس لسة مخلصتش الصلاه فخلينا مستنينهم |
رد: قبل قيامك بأى رحلة فى الفوركس او فى حياتك يجب ان تعلم!!!!
متابع معاك ياجميل ايه موضوع ال9 ترندات ده
|
رد: قبل قيامك بأى رحلة فى الفوركس او فى حياتك يجب ان تعلم!!!!
يا اخى انت طيب بس عيبك ان دمك حامى اوى
النهارده يوم الاجازة الحيلة اكيد اللى وراه مصلحه طول الاسبوع بيقضيها النهارده ومنهم انا اللى نفسى اصلح عربيتى المسكينه اللى جالها شلل من الركنة موضوع ال9 ترندات ده غريب جدا بصراحه كده مش هعرف ابيع ولا اشترى لأنى هلاقى السعر دايما عند دعم او مقاومة ------------ هى اسألتك فى الموضوع دى منتظر منها مناقشة مننا وناخد وندى فى الكلام ولا منتظر تفاعل عشان تقول الاجابات؟ عموما اكيد موضوع ساخن جدا لأنه من مضارب انا عارف انه مبدع ومبتكر دائما متابعين |
رد: قبل قيامك بأى رحلة فى الفوركس او فى حياتك يجب ان تعلم!!!!
التاريخ يعيد نفسه اعتقد معناها ان السعر بيتحرك فى اتجاه صعودى مثلا عند ظهور مثلا نموذج سعرى معروف ومدروس فى الماضى و اثبت اداءه الجيد فى الماضى
وشكرا على الموضوع الرائع ومتابع معاك ......... |
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
اقتباس:
وبالنسبة للموضوع للتفكير من قبلكم علشان عاوز الناس تشغل دماغها معايا فى شوية حاجات ولا اتعب ويطلع عينى سنين والناس تاخدها على الجاهز وفى الاخر الموضوع ملهوش قيمة وتسلم يا بطل على الكلمتين الجامدين دول تحياتى يا ريس ويا رب عربيتك تبقى بى ام دابليو بعد ما تتصلح :o اقتباس:
وعاوز اعرف انت ضاربت على اساس ان التاريخ يعيد نفسة قبل كده ؟ او فى حد من الناس ضارب او فلتر على الاساس دا قبل كده ؟؟؟؟؟ معتقدش .........!!!!! |
رد: قبل قيامك بأى رحلة فى الفوركس او فى حياتك يجب ان تعلم!!!!
3- هل اليورو دولار صاعد ام هابط ؟
هل الكيبل صاعد ام هابط ؟ هل المجنون صاعد ام هابط ؟ 4- الجزء الرابع دا خاص بالنقطة رقم اتنين اللى هى الترند صديقك مدام الترند صديقى مبدخلش لية مع الترند مدام انا عارف انه صاعد او هابط او بمعنى اصح لية بنعمل دعوم ومقاومة مادام فى ترند وفى اتجاه وكده كده هيروح فى الاتجاه معايا.............!!!!! |
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
هو التحليل الفنى العادى..يعنى لما السعر بيروح لسعر معين بيرتد منه واللى احنا بنطلق عليه اسم "مقاومة" هو تجسيد لتلك المقولة.. والزوج اللى كان بيحترم الفايبوناتشى اقدر اضارب عليه بالفايبونيتشى... يعنى زى مانا ابقه عارف شخصيتك من طول معرفتى بيك اقدر اتوقع تصرفاتك فى مواقف معينه.. مره فكرت بيها كعامل زمنى يعنى اشوف الزوج فى مثل هذا الشهر كان بيتعامل ازاى واحاول اتوقع اتجاهه القادم لكن بصراحه مكنتش النتايج مرضية. بخصوص مقولة "الترند صديقك" فانا احاوال اطبقها حسب الفريم اللى انا شغال عليه وبعمل دعوم ومقاومات لأتقى شر الذبذبة قدر الامكان لأن الترند يعطينى اشاره بالاتجاه القادم ولكن المدى البعيد شوية ممكن يحصل انعكاسات كتير فى النص. وعلى فكره اعرف واحد بيضارب فى البورصة المصرية فقط بهذا المبدأ بغض النظر عن الانعكاسات لانه مش شايل هم الستوبات والكلام ده عشان مفيش رافعة ودى نفس فكرة شراء الناس للذهب..ترنده صاعد منذ بدأ الخليقة فمش بيوجه راسه بمقاومات ودعوم وبيشترى على طول |
رد: قبل قيامك بأى رحلة فى الفوركس او فى حياتك يجب ان تعلم!!!!
طيب انا عندى سوال علشان متورط فى اتمنى تفيدونى هل ينفع ابيع واشترى دولار فى نفس الوقت
|
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
بس مش دى الاجابة اللى تجيب الجوهره اللى بتكلم عليها خليك معايا وانت تعرف الفوله تحياتى يا جميل |
رد: قبل قيامك بأى رحلة فى الفوركس او فى حياتك يجب ان تعلم!!!!
5- الهدج وما ادراك ما الهدج
الهدج المركب والغير مركب هوا امتحان قاسى جدا لاى استراتيجية فى الحياه يعنى اللى عاوز يعرف قوه الاستراتيجية يدخلها بهدج مركب ويخرج من الصفقة مدبل الحســــــــــــاب وانا طبقطها على حساب حقيقى عمداااااااااا 6- التقرب الى الله والاذلال له قبل المضاربة مع الاسف الناس فاهمه التقرب الى الله فى وقت المحنة خطأ علشان مندخلش فى تفاصيل والناس تنفر من كلامى واركب نفسى ذنب على الفاضى قبل كل مضاربة تدعى ربك بدعاء السوق دى يعنى اقل حاجة 7- السلوك السعرى السلوك السعرى 99 فى المية من الناس مش عارفة قوته وانا كنت واحد منهم واسوءهم كمان لكن تربية الفوركس ليا فهمتنى ان السعر لية سلوك بنسبة تكاد تكون متناهيه من الدقة طبعا مع استبعاد الكوارث الطبيعية فقط حتى تدخل البنوك المركزية يحترم سلوك السعر ودى من اهم النقاط للمضارب الناجح فقط |
رد: قبل قيامك بأى رحلة فى الفوركس او فى حياتك يجب ان تعلم!!!!
معاك ان شاء الله اخي
|
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
|
رد: قبل قيامك بأى رحلة فى الفوركس او فى حياتك يجب ان تعلم!!!!
اخير رجعت تاني ياعم شريف ابوس ايديك مش تطفش تاني ههههه
منتظرين مفاجئاتك الحلوة وورشتك الجديدة والتاريخ بيعيد نفسه يعني الي حصل قبل كده بيتكرر تاني عندنا مثلا ممكن نتنبأ بسقوط الامطار بشدة معينة السنة الجاية مثلا لان منحني السقوط بيوضح ان كل 20 سنة بيحصل سقوط امطار بشدة معينة في منطقة معينة وهكذا.. هو ده فهمي للتاريخ بيعيد نفسة وممكن يعيد نفسه ان مصر عمرها ماحتدخل كاس عالم لان بقالها 900 سنة مبتدخلش ههههه متابعينك يا باشا:1 (7): |
رد: قبل قيامك بأى رحلة فى الفوركس او فى حياتك يجب ان تعلم!!!!
متابعك يا تعلب الفوركس
ومنتظر التوضيح فى النقاط اللى بتتكلم فيها |
رد: قبل قيامك بأى رحلة فى الفوركس او فى حياتك يجب ان تعلم!!!!
متابع معاك يا غالي و انشاء الله نخرج من الموضوع باضافه قويه من معلوماتك و خبرتك لي كل الشباب و لك جزيل اشكر اخوك محمود اسماعيل
|
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
|
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
من وجه نظرى الشخصيه ((التاريخ يعيد نفسه)) بمعنى اذا توافقت شروط وقواعد معينه سيتحرك السعر طبقا لهذه القواعد بصوره نسبيه ---------------- وخير دليل على ذلك هى نماذج الهارومنيك تنجح النماذج اذا توافرت الشروط كامله اذا ضعف شرط ترتفع نسبه فشل النموذج وليس بالضروره فشل النموذج لانها عمليه نسبيه وفى اعتقادى ان العباره الصحيحه هى (( التاريخ يعيد نفسه ولكن السوق يفعل ما يريد وقتما يريد وفى اى وقتا يريد )) ---------------------- |
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
كلامك جميل اخى ( التريند صديقك) ولكن احيانا يكون صديقك هو اسواء اعدائك ومن وجهه نظرى ان الجمله الصحيحه لذلك ((التريند صديقك ولكن ليس الى النهايه )) فقد تعتقد ان الاتجاه سيكمل مع التريند ولكنه ينعكس دون سابق انظار (خيانه من التريند) واحيانا تعتقد ان الاتجاه سيخالف التريند وتكتشف ان اكمل مع التريند ولم ينعكس (عدم ثقه فى التريند) ولذلك وجد امر وقف الخساره اخى Trend is your Friend But are you really know your friend |
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
اسمحلى اقولك ان كلامك سليم رغم ان ليا تفسير عملى اكتر ولكن هل طبقت هذه النظرة فى مضاربتك ارجو الاجابة يا بطل وتسلم على الرد الممتع دا اقتباس:
اقتباس:
تحياتى اقتباس:
اقتباس:
كل الكلام اللى يستاهل بوسه ده لكن ,, السؤال لكل من رد هل فى حد طبق الكلام دا فى شغله العملى .....!!!!!!:confused::confused::1 (68)::1 (68): |
رد: قبل قيامك بأى رحلة فى الفوركس او فى حياتك يجب ان تعلم!!!!
تسمحولى ارد على اول نقطة
|
رد: قبل قيامك بأى رحلة فى الفوركس او فى حياتك يجب ان تعلم!!!!
أتفضل يا كبير متابعين :)
|
رد: قبل قيامك بأى رحلة فى الفوركس او فى حياتك يجب ان تعلم!!!!
تسجيل متابعة
|
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
بخصوص الشمعه بتاعت امبارح كانت متوقعه اخى ولكن كانت المفاجئه بالنسبالى انها خالفت التحليل الزمنى التحليل ده كان يوم 29/11 http://www.fx-arabia.com/vb/uploaded...1322849774.gif كان التحليل الزمنى بيقول ان الموجه الرابعه هتاخد وقت خمس ايام اتجاه صاعد ليصل الى هدف 1.3520 ولكن السعر وصل اليها فى يوم واحد وبداء بعدها للتذبذب http://www.fx-arabia.com/vb/uploaded...1322849980.gif وهذا دليل على شيئين اولا التاريخ يعيد نفسه بصوره نسبيه ثانيا التريند صديقاك ولكن ليس الا النهايه |
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
اعتقد ان المشاركه السابقه تاكد انى بطبق الكلام الى بقوله فى شغلى العملى وليس مجرد كلام :1 (7): |
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
التاريخ يعيد نفسة = حفظ وفهم السلوك السعرى = متابعة الترندات العينية وليست الخطوط يعنى اية بقا الكلام دا لما تتابع ترندات كتير وخصوصا على الايشيموكو هتلاقى ان السعر ماشى بأنتظام متناهى يعنى لو عمل موجة بيصحح لو كسر التصحيح بيعمل موجة تانية ولو مكسرش بيرتد ولكن الموجة والتصحيح ليهم اصول يعنى الموجة لما بتنطلق بسرعة بيصحح بسرعة ولما الموجة بتاخد راحتها فى الانطلاق التصحيح بياخد واضعة الطبيعى فى هدوئة وغالبا التصحيح بتاع الموجة بيبتدى ما بين الساعة 8مساء الى الساعة 5 صباحا واى شمعة غالبا وليس دائما بيكون ليها ذيل مسبق الجسم وفى نهاية الشمعة الذيل الهادئ بعد سرعة الشمعة ولكل فعل رد فعل بمعنى ان الضغط يولد الانفجار بمعنى توضيحى ان الذبذبة لما تكون عالية وفى نضاق ضيق الانطلاق بيكون خفيف مش قوى ولما الضغط بيكون على مجال واسع الانفجار بيبق رهيب وان كان فى مستويات ثابته لا تتغير طوال حياة بعض الازواج والازواج المهمه فقط طيب ازاى نطبق الفيلم اللى انا بحاول اشرحة وشكلى شرحتة بصعوبة اولا فى مجموعتين من المضاربة المضاربة على اساس الانفجار المضاربة على اساس نص الموجة ممكن تخلونى اخد نفسى واتغدى وارجعلكم تانى واللى مفهمش يقول مش عيب لانى حاسس اتنى لسة مشرحتش عدل لارهاقى من الشغل يتبع |
رد: قبل قيامك بأى رحلة فى الفوركس او فى حياتك يجب ان تعلم!!!!
اقتباس:
متابعين يا غالي :) |
رد: قبل قيامك بأى رحلة فى الفوركس او فى حياتك يجب ان تعلم!!!!
ردا ع مجموع الاسألة الى للفوركساوى الممتاز هههه الى اكيد مش انا بس هحاول اجاوب ع اد فهمى و استعابى العملى بالنسبة للتاريخ يعيد نفسو طبعا اجابة بعد شرح حضرتك ملهاش لازمة بس انا بشوفها لاتنطبق ع الاماكن او المستويات النفسية الى بحطها المضاربين او ان دة مستولى مقاومة و كدة لا التاريخ يعيد نفسو من سلوك العملة السلوك السعرى طبعا مش هعرف اشرحها زى حضرتك بس هنسميها بلبلدى العشرة و دى بتيجى من الى يستخدم استراتجية معينة فترة طويلة بيعرف تفاعل السعر معاها ازاى معلش لو كلامى غريب شوية انت البوس بردو
اما عن ترند يور فرند انا من وجهة نظرى ان الترند لحظى يعنى اة ف ترند اتجاة كبير انما ف النص ف تصحيح و موجات بشوف ان اى ترند يتكون ممكن نعتمد علية ل بعض من الوقت اما عن صاعد و هابط دى بقى زى ما انت شايف ادامك ممكن يهبط وقت و يرجع يكمل اتجاهة او يكسرو و طبعا الشارت بيتكلم بيقولك الهبوط دة هنا لية و و لحد فين و دة انا جربتو عملى حتى مع الاخبار الكبيرة التأثير الى بيعملو الخبر هو مجرد تحرك عنيف بس بعدو لازم يشتغل فنى و دة عن تجربة يا استاذى ارجو انك تتقبل اسلوبى البسيط و محاولتى اوصل الى جربتو عملى بدون فزلكة او كلام اكاديمى و منك نستفيد للاسف امتحانات و كدة بس كل يوم لازم ادخل اشوف هلالك ظهر الاقيك مش موجود اغيب اغيب و اسأل عليك :1 (58): |
رد: قبل قيامك بأى رحلة فى الفوركس او فى حياتك يجب ان تعلم!!!!
تسجيل متابعه واعجاب بالموضوع الشيق لانى هيفتح الحوار لكشف اسرار وخبايا وخبرات وتجارب
اما انا وجهه نظرى على الترند صديقكك هو كالاتى لو ترند صاعد وانا شارى والسعر انخفض فعمرى ما هخسر لانى الترند صاعد ومستوى الاسعار بيزيد فمن المؤكد والاكيد انى السعر هيزور المستويات اللى دخلت منها فعمر الترند ميخسرك لانوا صديقك اما لو داخل شراء فى ترند هابط فى موجه تصحيحه كاذبه فاشك انك ستزور هذه المستويات مره اخرى وبالتالى ستخرج بخسائر فادحه اما التاريخ يعيد نفسوا اظن المقصود بها هو حركه السعر فى اوقات معينه ولنفرض مثلا على سوق السلع كما كان فى الماضى فى ان كانت تختلف اتجاه السوق طبقا لمواسم معينه فكان فى موسم مثلا الربيع كان تتنعش الاسواق والشتاء كان يعم الكساد على الاسواق فاظن ده تاريخ الشارت |
رد: قبل قيامك بأى رحلة فى الفوركس او فى حياتك يجب ان تعلم!!!!
الكبير طول عمره كبير مستنيك من زمااااان من ايام الاشيموكو ايوه كدة بقي رجعت الايام الحلوة انت عارف طبعا يا شريف باشا ان مواضيعك بتزقطط معايا :1 (76): متابع معاك بشدة وفعلا احسن دليل ان التاريخ بيعيد نفسه سحابة الاشيموكو والكيجن وتكوينهم للمقومات و للترندات وبالنسبة لحركة الشمعة انا فاكر من اخر مرة اتقبلنا في القاهرة مع د أسامة في ام كلثوم :1 (114): لما قلتلي ان الشمعة بتتحرك 3 مرات وانها في الغالب بتعمل الذيل الاول وبعدين تتحرك تقريبا يعني شوقتني للجي وبالذات ال9 ترندات بالتوفيق في الشرح ,,, بس ادينا كمية شوية :1 (102): |
رد: قبل قيامك بأى رحلة فى الفوركس او فى حياتك يجب ان تعلم!!!!
التاريخ بيعيد نفسه من اهم قواعد المضاربة بالنسبة لى التى اعتمد عليها مثل ما حدث هذا الاسبوع
اليورو دولار من اول الاسبوع والمفروض انه هابط خصوصا بعد وجود جاب لأعلى ومع مرور يوم ورا يوم واليورو يصعد مع ان التحليل الفنى بيقول هبوط حتى التحليل الاساسى بيقول هبوط ونفسية المتادولين برضه بتقول هبوط على الاقل يغلق الجاب الضغط بيكبر كل شوية وبيزيد حتى جاء خبر البطالة والتوظيف يغير القطاع الزراعى لحد هنا وفجأة عارفين بيقولوا الانسان وهوه بيموت حياته كلها بتعدى قصاد عنيه بالظبط كده هوه ده اللى بيحصل قبل الخبر بساعة تقريبا كل حاجة مرت قصاد عينى فجأة وفى عقلى تحرك السعر طول الاسبوع واشكال الشموع فتح الجاب وعدم اغلاقها الاخبار حلوة للدولار والسعر بيتحرك العكس شكل الشارت واسلوب تحرك السعر واغلاقات طوال الاسبوع ايوة اللى بيحصل ده انا شفته قبل كده نفس الظروف بالظبط تقريبا كلها ولما حصل كده اخر مرة والخبر جاء جيد للدولار انفجر الدولار لاسفل وعلى هذا وبعد ان جاء الخبر ايجابى فتحت عقود بيع بكل ثقة ووضعت الهدف من 100 نقطة الى 150 نقطة هذا هو تعريف ان التاريخ بيعيد نفسه بالنسبة لى ونسبة نجاح هذه الطريقة معى تبلغ 90% وهذه الطريقة الذى يعرفها ويحترفها لابد ان يكون من المتداولين الذين يقضون على الاقل 10 ساعات يوميا امام الشارت كل يومبحيث يحصل بينك وبين شارت العملة نوع من العشرة والفهم لأى حاجة تحصل |
رد: قبل قيامك بأى رحلة فى الفوركس او فى حياتك يجب ان تعلم!!!!
تحياتى الى صاحب الموضوع
التاريخ يعيد نفسوا اظن المقصود بها من وجهة نظرى وانا لسة مبتدى وارجو تصحيح المعلومة هو انة لو يوجد ترند هابط فرضا وتم كسرة سوف يكمل الاتجاة لاعلى او العكس وهو نفسة مفهوم الترند صديقك حتى الكسر تحياتى |
رد: قبل قيامك بأى رحلة فى الفوركس او فى حياتك يجب ان تعلم!!!!
انا شخصيا لا أعترف بأنه فى سوق العملات التاريخ يعيد نفسه بالمعنى المعروف نظريا
فى الفوركس كل شئ ممكن فيمكن ان يكون الترند صديقك ولكن كن حذر هذا الندل سيبيعك فورا فى أى وقت التاريخ يعيد نفسه نعم ولكن بشروط مستحيل ان تتوافر فى سوق قائم على الاحتمالات والمتناقضات التحليل الفنى والأساسى وكل انواع التحاليل والمؤشرات وغيرها قد تجدى نفعا لبعض الوقت فقط ولكن ما فائدة ان اربح عدة ايام واخسر فى الايام الاخرى كنافخ الكير اعتقد ان مفتاح السوق يكمن فى هذه النقطة وهى فصل الشارت الى قسمين رالى وتذبذب وكل مايصلح مع الرالى يفشل فى التذبذب والعكس |
رد: قبل قيامك بأى رحلة فى الفوركس او فى حياتك يجب ان تعلم!!!!
متابعين معاك حبيبى شريف
|
رد: قبل قيامك بأى رحلة فى الفوركس او فى حياتك يجب ان تعلم!!!!
باشا كدة بقى غذا وعشاء ؟؟؟
صحتين على قلبك تحياتى |
| الساعة الآن 04:29 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com