|
نتائج المرحلة الاولى من الانتخابات
اكتساح لحزب الحرية والعدالة فى جميع الدوائر واحتلالهم المركز الاول
وتوازن بين حزب النور وحزب الكتلة المصرية والتنافس على المركز الثانى |
رد: نتائج المرحلة الاولى من الانتخابات
مبروك وان كنت افضل اكتساح حزب النور فانا اراه اقرب لسنه من الاخوان الله كريم |
رد: نتائج المرحلة الاولى من الانتخابات
فعلا ,,
حزب الحريه والعداله تفوز فى معظم الدوائر ,, ربنا يستر ويكونوا أمل فى التغيير والبعد عن مصالحهم الشخصيه كجماعه ,, |
رد: نتائج المرحلة الاولى من الانتخابات
والله مافيش فرق بين حزب النور وحزب الحرية والعدالة الاتنين بيدوروا على مصالحهم الشخصية إن شاء الله المرة القادمة يكون في فرصة اكبر لناس افضل وادينا بنجرب الديموقراطية عموما البرلمان اللي جاي مالوش صلاحيات يعني مالوش لازمة يعني نقدر نقول كده دي كانت انتخابات ديمو :1: وربنا يصلح الأمور إن شاء الله وتحيا مصر |
رد: نتائج المرحلة الاولى من الانتخابات
اقتباس:
|
رد: نتائج المرحلة الاولى من الانتخابات
اقتباس:
نتيجه متوقعه لحزب الحريه والعداله والمفجاه حزب النور |
رد: نتائج المرحلة الاولى من الانتخابات
اقتباس:
لا تقنطوا من رحمة الله بعد اعتراضهم على نزول الميدان اطلق البعض على اسمهم الانتهازية والندالة بس فى الاخر الناس دول سياسيين ودفعوا التمن قبل كده كتير وحققوا الفوز قبل كده فى النقابات عدة مرات وان شاء الله يكون فى تغيير اقتباس:
متفق معك ان الكل بيدور على مصلحتة الشخصية حتى الكتلة والوفد المهم ان مصلحته الشخصية ممكن تمشى مع مصلحة البلد اختلف معك فى انه لايوجد فرق بين حزب الاخوان والوهبيين فهناك من يعترف بالديمقراطية ويمارسها وهناك من ليس فقط يحرمها بل يكفرها ولا حول ولا قوة الا بالله اقتباس:
وياترى مفاجاة شكلها اية |
رد: نتائج المرحلة الاولى من الانتخابات
الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا عبد المنعم الشحات مرشح حزب النور فى دائرة المنتزة الديمقراطية مش بس حراااااااااااااام لا دى كفر ولا حول ولا قوة الا بالله http://www.youtube.com/watch?v=Sn0Rr88S-9s |
رد: نتائج المرحلة الاولى من الانتخابات
اقتباس:
لسه كنت كاتب عن الخبر في مصراوي اولا الراجل قال وحدد ان الديمقراطية في مصر حلال ودليل انه شارك فيها لاكنه يقصد ديمقراطية الغرب وانا بصفتي مسلم محايد اتخذت كلامه منطقيا وعقليا شايف ان كلامه صحيح لان ديمقراطية الغرب الوجة المعاكس للحرية وحرية الغرب مش هقول كلها وحشة لا اجزاء منها وحشة والي هي حرية الملبس والحريات الشخصية المتمثلة في الزواج المدني بعيدا عن احكام الدين وايضا حرية الشذوذ وان كان لا وجود لقوانين تنظمة لاكن مسموح ومقبول في المجتمع حتي لو اتعمل في الشارع ومن هذا المنطلق انا شايف ان كلامه صح 20 الف % ارجوك يا استاذ امير ارجوك حاول تنظر للأحداث بأكثر من وجهة ومن طريقة والنبي عليه افضل الصلاة والسلام قال التمس لأخيك 99 عزرا ياريت كمان متفسرش الأحداث بتفسيرك ولاكن انظر لتفسيرات الأخرين لعلك تكون مخطئ حاول متدورش علي كلام تقولو عن الأسلاميين لمجرد انك تتبع مبادئ من صنع البشر وبمعني اصح بقا كمثال وليس تشبيه الأكيد ان المسيحي شايف ان عقيدة المسلم خاطئة والمسلم شايف ان عقيدة المسيحي خاطئة وكلاهما يبحث في عيوب الأخر ولا يفكر في عيوبة المنطق دا فاسد وغير صالح للاستخدام الأدامي وعلي فكرة الراجل دا لو مش كويس مكنش كسب في الأنتخابات لان الأنتخابوة مش معقولة مفيهمش دكاترة ومهندسين وصيادلة ومدرسين ومحاميين مش معقول كل الي رشحة ناس جاهلة مش معقولة الناس الي رشحيتو دي كلها مبتفهمش والقلة الليبرالية او العلمانية ( القلة القليلة ) هي الي بتفهم الناس دي عندهم عقول تفوقو علي امثالهم من البشر ليس في الدين فقط ولا كن في الدين والتعليم اغلب الدكاترة سلفيين واخوان فا ليه نحجر علي فكر ناس افضل منا تعليما ( والا مكانوش اصبحو في مهن غير متاحة لجميع البشر ) كمثال عام وليس موجة لأشخاص محددين رجاء الدخول للموضوع ده كل ده ولسه مش واخدين بالكم - الصفحة 8 قراءة الرد رقم 75 والرد رقم 79 وعلي فكرة الناس الي بتقول الاسلاميين مصالح شخصية والكلام دا كلام فارغ مين حكمكم علي ضمائر البشر كل الي بيقولو كدا مش بيذكرو وقائع يا ناس يا عاقلة هاتولنا دليل واحد هو انتو ربنا استغفر الله العظيم يارب بتعاملوهم بنيتهم ليه ؟؟؟؟؟؟؟؟؟؟؟؟؟؟ عرفتو الي في نيتهم اذاي نفسي عاقل يفهمني بس لان انا غير تابع للجماعات دي وبنظر لكلامهم بالعقل بحس انها مصطلحات وقحة وكلام غير سديد وغير عاقل وغير متزن بالظبط كأن واحد جزار ( مع احترامي للجزارين فوق راسي ) غير متعلم بيتخانق مع دكتور جامعة ( هل يستوي الفكر ) علي فكرة كمان الليبراليين والعلمانيين بيفضحو نفسهم بكلامهم لان الاسلاميين فيهم ناس عاقلة بترد عليهم صح والحكم بينهم الشعب والجمهور علشان كدا العلمانيين والليبراليين لن يكون لهم وجود في مصر المستقبلية تحياتي |
رد: نتائج المرحلة الاولى من الانتخابات
اقتباس:
بص يا استاذ امير انا عامة ضد انى اخد مقطع مدته 58 ثانيه من حوار ممكن يكون امتد لساعه او اكثر .... لان في الغالبيه العظمي بيبقي صاحب المقطع مظلوم يعني احنا سمعنا الـ 58 ثانيه بس يا هل تري كان فيه ايه كلام قبلها وكان فيه ايه كلام بعدها .... اعتقد بردو انه مش من المنطق انى احكم علي حديث من مجرد كلمتين سمعتهم في اقل من دقيقه ... مش معني كلامي انى متفق معاه بالعكس انا مش بفضل حزب النور لان واضح من سياستهم واسلوبهم في الدعايه الانتخابيه ان فيه نوع من انواع التشدد ودا مش مطلوب لا في الفترة دي ولا في اي فترة تانيه بس بالفعل هما كانو مفاجئة الانتخابات يعني متوقعتش ان هيبقي ليهم العدد الضخم دا من الاصوات بالنسبه لسنه اولي انتخابات ... اما الحريه والعداله فدا متوقع جدا ويمكن انا كنت قلت لحضرتك انهم هيكتسحو بالتاكيد ويمكن حضرتك قلتلي لاء الناس مبقتش واثقه فيهم والحمد لله صدق توقعي ويمكن المراحل القادمه هي مراحل ستشهد اكتساح واضح جدا للنور والحريه والعداله وهيبقي صعب اوي ان يفوز اي مرشح للكتله المصريه لان الاخوان فرضين سيطره شبه كامله علي الاقاليم ... حتي الصعيد واللي فيه نسبه كبيره من اخواتنا المسيحيين بردو مش هيقدر الكتله المصريه يحقق نجاح ملموس هناك قدام الاسلاميين ... المهم في اعتقادي دي فرصه ذهبيه للاخوان انهم ياكدو انهم فعلا يحملو الخير لمصر زي ما شعارهم بيقول .... انتظروا الحكم كتير واهو جيه درهم واتمني يقدرو يستغلو الفرصه لانهم لو مقدروش فساعتها اقدر اقول فعلا لن تقوم لهم قائمه لان الناس حباهم وساعتدهم وهتستمر بمساعدتهم طول الانتخابات لكن دا هيبقي مطلوب قصاده تحقيق نتائج جيده في المستقبل ... وربنا يهدي الحال ويولينا خيارنا |
رد: نتائج المرحلة الاولى من الانتخابات
اقتباس:
عندك حق انا كان المفروض ارفقت الفيديو كامل اللى هو بيقول فيه ان الاحزاب حراااااااااااااااام علشان بتفرق كلمة المسلمين وان مفيش مدة محددة للرئيس وتقيد مدتة ليه ومفيش تداول للسلطة فهى بيعه للامام بعقد ابدى ومفيش معارضة ونعارض لية مايركب علينا ويغتصب زى مهو عايز الناس دى لو مسكوا البلد هتقسم زى السودان http://www.youtube.com/watch?v=lD69K...eature=related ودى هدية عبارة فيديو قبل ثورة 25 يناير اللى كانت السبب انه يرشح نفسة فى البرلمان http://www.youtube.com/watch?v=MWRhkBU9QaY |
رد: نتائج المرحلة الاولى من الانتخابات
اقتباس:
بس بشكل عام هقولك علي حاجة اي ليبرالي او علماني بيحارب اي اسلامي لأقتلاعة بشكل جزري يعني هو مش بيحاربو في نقطة معينه وبيخالفو فيها هو عايز يقتلع جزورة وده طبعا مش هيحصل لان الليبرالي والعلماني ضعيف التاثير حتي و ان وصل للأعلام واصبح مالك لأغلب القنوات الأعلامية وده بشكل مختصر لان خطابة بارد وساذج اه انا لما علقت علي الفيديو علقت علي الكلمتين الي حاطهم وانا موافق معاه بشكل كامل فيهم لاكن بقية الفيديو انا مش هعلق عليه وليس لاني مش هعرف ارد عليه ولاكن علشان انا حدودي في الرد وصلت لحد هنا وبشكل عام مشكلة الليبرالي او العلماني التانية انه بيمسك في فرد قد يكون كلامة خاطأ او صحيح وبيقيس كل كلامة علي الأسلاميين كلهم مع ان فيه ناس كتير في الأسلاميين ممكن يكون ليهم افكار اخري لاكن هو الليبرالي كدا وانا بتسأل هل كل الليبراليين والعلمانيين كويسين ؟؟؟؟؟ اغلبهم كدابين ومنافقين علشان كدا العلمانيين بيفسرو عدم رغبتهم في ان الاسلام يحكم وهو ان السياسة لعبة قذرة لذلك يجب ان نتركها لهم يمسكوها وطبعا الليبراليين والعلمانين هما الي لايقين للمهمة دي لذلك هما عايزين الأسلاميين يسيبوها لان عندهم اخلاق ويتنافس فيها الليبراليين والعلمانيين ( لانهم هيطبقو السياسة القذرة ) ههههههههههه ياه علي الفكر اللذيذ انا اسف لو كلامي فيه خروج لاكن دي الحقيقية السياسة قذرة ولا لاء ؟؟ الليبراليين والعلمايين مش عايزين الاسلاميين يشاركو في الحكم لان السياسة قذرة ولا لاء ؟؟؟؟ لما الاسلاميين يطلعو منها مش هيفضل غير ليبراليين وعلمانيين يمارسو السياسة القذرة ولا لاء ؟؟؟ هل فيه واحد بيمارس حاجة قذرة مش قذر ؟؟؟ هل فيه واحد عندو كبارية ومحترم هل فيه واحد بيبيع مخدرات ومش بيشربها محترم هل فيه واحد بيدير شقة دعارة ومحترم ؟؟؟؟؟؟( كأمثلة وليست للتشبية ) الليبرالية ( جاهلية كجاهلية كفار قريش ) ( تناقض كتناقض كفار قريش ) |
رد: نتائج المرحلة الاولى من الانتخابات
اقتباس:
اتفق مع اغلب ما ذكرت لكن نقدك لازع اوي يا اخي :1 (52): ... بص احنا عايزين نفرق بين العلماني والليبرالي اللي عايزها سداح مداح .... والعلماني والليبرالي المسلم اللي عايزها معتدله لان والحق يقال في كتير اوي من دعاة الليبراليه في مصر معتدلين زي ما فيه زيهم بردو متشددين يعني مثلا في واحد بيقول انه علماني لانه عاجبه في العلمانيه ان الدين لله والوطن للجميع وان كل واحد حر في تصرفاته بشرط انها تكون حريه مسئوله وان يبقي فيه اعتدال في التحرر بما يتناسب مع ثقافتنا الاسلاميه العربيه ... يعني ناخد من الغرب العلمانيه اللي تناسب دينا واخلاقنا وطباعنا اللي اتربينا عليها ... يعني زي ما قال الدكتور اسامه في احدي مشاركاته انه يحب العلمانيه في حدود الاسلام يعني لا اقبل ان مراتي تنزل بمايوه البحر واقول دي حريه وعلمانيه لا اقبل ان مراتي تمشي في الشارع متبرجه ومش لابسه حجاب واقول دي حريه وعلمانيه في المقابل تعالو نشوف راي واحد زي الاستاذ المحترم نجيب سويرس ايه : http://www.youtube.com/watch?v=yy9bs...&feature=share واللي بيقرف ومش عايز يتفرج انا هلخصلو اللي قاله في كلمتين والحوار دا معمول في كندا علي فكره ... المذيعه بتساله ماذا سيحدث لو امسك الاسلاميين بذمام الحكم في مصر .... قالها هيرجعو مصر للعصور الوسطي !! ........ قالتلو هل تعتقد انهم هيطبقو الشريعه الاسلاميه ..... قالها ايوا اكيد بس انا واحد من الناس مقدرش استغني عن كاس الخمر بتاعي بليل وهما هيمنعو الخمره .... انا واحد مراتي ست جميله وبتحت تلبس ملابس مثيره وتنورات قصيره لتكون ملفته في الشارع ساعتها هيقولو لازم تلبس حجاب ... واللي عايز الباقي يكمل الفيديو .... انا جبت الفيديو دا عشان حجتين هما 1- الاخوه الدعاه لليبراليه المعتدله زي ما بتجيبو فيديوهات للسلفيين وبتعرضو اراء ليهم انتو شايفينها متشدده فياريت تدورو علي اراء الناس اللي زي الديوس دا وتعرضوها ومتركزوش بس علي الجانب السلبي في الاسلاميين وانا بالنسبالي لو قامت في مصر دولة زي افغانستان افضل عندي من ان مصر تبقي زي ما الاستاذ الخمورجي اللي بيعري لحم مراته دا عايزها 2- للاخوه المتحمسين لتطبيق شرع الله وان مصر تبقي اسلاميه ... حاول تفرق مبين عينة الليبراليين اللي زي استاذ امير عيسي والدكتور اسامه وبين اشخاص مرضي عايزين يقضوها خمره ونسوان ومايوهات زي المحترم المبجل نجيب سويرس انا اه مسلم وبحب ديني لكن بحبه بسماحته واعتداله ونقائه نصيحه ياريت تتفرجو علي باقي الفيديو عشان فيه كلام زي الفل :1 (52): |
رد: نتائج المرحلة الاولى من الانتخابات
اقتباس:
دا رد الشيخ عبد المنعم الشحات علي الموضوع دا ومناظره مبينه وبين المذيعه دينا عبد الرحمن علي قناة التحرير ... http://www.youtube.com/watch?v=otJKqeXnm2M |
رد: نتائج المرحلة الاولى من الانتخابات
والله انا شايف ان الاحزاب الليبرالية حاليا مش من مصلحتها تكسب اصلا واللى هيدخل البرلمان القادم سيصبح كارت محروق
فهى الان احزاب ضعيفة واتوقع ان تظل ضعيفه لفترة لا بأس بها.. الاخوان المسلمين او حزب الحرية والعدالة قدامهم 4 سنين بعدها هنشوف *هل عالجوا مشاكل المرور فى العاصمة والاسكندرية؟ *هل استطاعوا النهوض بالاقتصاد "ودى محتاجه معجزة على حسب تصورى" *هل نجحوا فى تجنب الحروب غير المتكافئة؟ *هل استطاعوا القضاء على العشوائيات؟ *هل نهضوا بالتعليم؟ *هل قضوا على الفساد والرشوة والمحسوبية؟ *هل اعادوا الامن بما يرضى الله ,بدون ظلم للامنين ولا لرجال الامن؟ *هل استعادوا زعامة مصر الضائعة؟ *هل استطاعوا تطبيق حياه ديموقراطية سليمة؟هل حافظوا على حقوق الاقلية؟ -------- والله لو نجحوا ولو بنسبه 60% فيما سبق سأكون اول المرحبين بالدولة الدينية. اما لو اكتفوا بتطبيق الحدود وفلترة الانترنت والفضائيات وقوانين تحد من الخمور والملابس الضيقة..فهذا لن اعده نجاحا لأن اصدار القرارات مفيش اسهل منه لمن امتلك السلطة. |
رد: نتائج المرحلة الاولى من الانتخابات
اقتباس:
وانا بقولك لو نجحو في 30 % في القضاء علي كل المشاكل دي في 4 سنين يبقو نجحو نجاح منقطع النظير ولو ان 30% دي بردو نسبه كبيره جدا اذا ما قورنت بحجم مشاكل في مصر تخطت النصف قرن وحجم الفساد المستشري في مؤسسات الدوله .... اما اذا اكتفو زي ما حضرتك بتقول بفلترة النت والخمور والكلام دا فانا اول واحد هقول تسقط دولة الاخوان ولكن ليس دولة الدين فالدين ارقي وارفع شأن من الاشخاص لان دا لو حصل يبقي دا خطأ من الاخوان وليس خطا من الدين .... نعيب زماننا والعيب فينا وما لزماننا عيب سوانا :1 (90): |
رد: نتائج المرحلة الاولى من الانتخابات
اقتباس:
مش شعارهم من 80 سنه "الاسلام هو الحل"؟اهو البرلمان كله اسلاميين اهو يحاربوا باه اللى كانوا متضايقين منه وبينتقدوه دائما. 30% ممكن اى حزب عادى يحققهم |
رد: نتائج المرحلة الاولى من الانتخابات
اقتباس:
بس انا هكون مختصر معاك مفيش حاجة في العلمانية او الليبرالية حلوة مش موجودة في الأسلام طيب طالما كل حاجة في الحاجتين دول حلوين موجودين في الأسلام ليه نتبعهم ونقول احنا ليبرالين او علمانين طيب ما نقول احنا مسلمين بس ؟؟؟؟؟؟؟؟؟؟ دي نقطة بالنسبة للفرق بين الليبرالية والعلمانية فا انا وضحت في الموضوع الي فات ان الي الفرق ما بينهم يتمثل في تشبية او جملة وهي ليبرالين يطبقو نظام علماني الليبرالية دي مجموعة من المبادئ لا اعتقد التخلي عن جزء منها لا يعبر عنها بمعني لازم تطبق كلها يعني من الأخر لازم يبقا فيه حرية في اللبس وفي الزواج بين الديانات الأخري والي يقول انه معارض الحاجات دي في الليبرالية اذا هو غير ليبرالي حتي لو ادعي الليبرالية المشكلة ان اغلب الحاجات الي قد تكون حلوة في الليبرالية موجوده اصلا في الاسلام انا بأمانة مش شايف اي اختلاف ودي حاجة بيني وبين نفسي والله يعني مش كلام وخلاص النقطة التانية مفيش حاجة اسمها نطبق الليبرالية او العلمانية بشكل لا يعارض الاسلام هتطبق فيهم ايه ؟؟؟ العدل موجود في الأسلام المواطنة والمساوة موجودة في الاسلام الحرية موجودة في الأسلام ؟؟؟؟؟ طيب هتطبق ايه فيهم الكلام بقا الي قولتو في موضوع اللبس وكدا فا بصراحة انا شايف ان فيه نوعين واحدة محترمة وبتلبس كويس وواحد مش كويسة وماشية عريانة مينفعش يبقا فيه حالة وسط اعتزر للجميع ان كان نقضي لازع بس اانا اي كلام بقولو لو مثال وحش بكتب جنبة للأيضاح وليس للتشبية واي كلام بقولو بكتب جنبو حاجة ذي كدا علشان محدش يفكر اني اقصده وربنا عالم الي بالي في النفوس والنوايا عاما يا اخي احنا مش مختلفين فيه حاجة وربنا ميجبش اختلاف انا بس بيوجعني جدا اي حد معارض للوجود الأسلامي المعتدل في مجتمعنا لذلك بحس اني جريح لما بشوف ردود بالشكل دا يعني الليبراليين لما الاسلاميين يكسبو يقولك يا تزوير يا جهل طيب ولو هما كسبو هيقولو اية ديمقراطية وعدل طيب والجهل دا بالنسبة لنقابات الأطباء والمهندسين والصيادلة والمعلمين والمحامين نخبة المجتمع والصفوة هل هما جهلة كمان هل اي واحد مش ليبرالي ومش بيحب الليبرالية والعلمانية جاهل ؟؟؟؟؟؟؟؟ احنا لو جبنا دكاترة الجامعة وعملنالهم انتخابات هيختارو اسلاميين بردو |
رد: نتائج المرحلة الاولى من الانتخابات
اقتباس:
الشعوب الدول اعمارها تختلف كليا عن الأفراد والأشخاص اذا كان الفرد بيدرس تقريبا 11 او 12 سنة علشان يطلع مؤهل لسوق عمل في مجال معين من المجالات فما بالنا بدولة الفساد ماسك فيها ومكلبش من قرون وخاصة الفترة الي فاتت الفترة الي المفروض يتقاس فيها اي نظام قادم سواء اخوان او ليبراليين هو 10 سنين ليس اقل من ذلك فيه ناس كمان ممكن تشوف اكتر لاكن بردو دا ميمنعش ان المفروض ان احنا نلمس التحسن في خلال 4 سنين قادة علي الاقل من ناحية الحد من الفساد معلومة ::: كنت اتمني ان الليبراليين يكسبو بنسبة اكبر من كدا لاني نفسي اكتر من تشعب وايدولوجية في الحكم لاكن الكفة متجهة كلها ناحية اخوان وسلف وكمان كنت اتمني السلف ميكسبوش بأكتر من 7% لاني متخوف من فكرهم بالنسبة لربط الدين بالدنيا بمعني اي تغيير هيحصل سواء داخليا او خارجيا يجب مراعاة الأوضاع والمشكلات الي قد يسببها التغيير واشعر ان السلف عقليتهم متجة ناحية الدين فقط واتمني يخيب ظني انا لما اتكلمت علي الشيخ عبد المنعم وكلامة لاني مقتنع بالكلام الي قالو في نفس النقطة لاكني متخوف جداااا من الي هيحصل مستقبلا وكنت اتمني الأخوان تنجح بنسبة كبيرة بعيدا عن السلف بس ان شاء الله أأمل ان الأخوان يعملو اتزان في البرلمان بمعارضة السلف في بعض القضايا الحساسة علشان يعرفو يسيطرو عليهم |
رد: نتائج المرحلة الاولى من الانتخابات
اقتباس:
انا مش شايف اى معضله فى النقاط اللى انا ذكرتها غير بس "النهوض بالاقتصاد" ودى لو عدنا فيها لحالة عهد مبارك هكون راضى والازمة المرورية انما ايه المشكله انك تعيد الشرطة والامان للشارع؟ انك تعمل نظام تعليم محترم حتى لو بنفس المكانيات التعبانه الموجوده حاليا؟ انك تشدد الرقابه فى الهيئات والمصالح الحكومية وتعطى اهمية لبلاغات المواطنين؟ انك تراعى ربنا فى الرعيه ومتهضمش حقوق الاقلية؟ انك تلعب سياسه صح ومتفرطش فى حقوقك وفى نفس الوقت متورطش نفسك فى حرب انت مش قدها؟ لعلمك اغلب مشاكل مصر مش بالضرورة تتحل بالفلوس...تتحل برجالة وبناس عندها الحق حاجه غاليه جدا وشخصياتهم قوية فقط يا سيدى فى داهية الاقتصاد وفرص العمل بس اشتغل على المشاكل الاخرى. وبالمناسبة تركيا حققت طفرة كبيرة فى 5 سنوات والبرازيل تسير بخطى سريعة ايضا |
رد: نتائج المرحلة الاولى من الانتخابات
ان شاء الله كل خير
|
رد: نتائج المرحلة الاولى من الانتخابات
بسم الله الرحمن الرحيم
برضه بنرجع لنفس المشكلة اللى وضعونا فيها اعداء الاسلام ان احنا اتربينا على حاجات غلط لكن مش عارفين انا هوضح كل نقطة قالها عبد المنعم الشحات وذلك للرد على من يتهمه بالجهل اولا : الديمقراطية يعنى مثلا لما بنسمع كلمة ديمقراطية بنقول الله عليها لانها معناها الحرية وان الشعب له كلمته ويقدر يعبر عن رأيه ونستغرب جدا لما نشوف رئيس حزب السلفيين بيقول انها حرام لكن لو انت فاهم يعنى ايه ديمقراطية والراجل ده قال ليه الكلام ده مش هتستغرب يعنى ايه ديمقراطية المعنى اللغوى : هى مشتقة من اليوناينة وعبارة عن كلمتين : ديموس ومعناها عامة الشعب كراتيا ومعناها حكم اذن المعنى العام هو : حكم الشعب المعنى العام : الديمقراطية تجعل سلطة التشريع للشعب وعليه فيكون الحكم لغير الله ويكون للشعب ونوابه والعبرة بالاغلبية ويصبح اتفاق الاغلبية قوانين ملزمة للامة حتى لو كانت مخالفة للفطرة والدين والعقل مثل تشريع الاجهاض واباحة الزنا وشرب الخمر وزواج الشذوذ والغاء الاحكام الشرعية يعنى من الاخر القانون الذى سيتفق عليه نواب البرلمان هيمشى مع العلم ان نواب البرلمان فيهم المسلم والفاسق واليهودى والملحد والعلمانى وجميع انواع الديانات !! والحكم لله وحده والقوانين قوانين الله والدليل : ( فَالْحُكْمُ لِلَّهِ الْعَلِيِّ الْكَبِيرِ ) غافر/12 ( إِنِ الْحُكْمُ إِلَّا لِلَّهِ أَمَرَ أَلَّا تَعْبُدُوا إِلَّا إِيَّاهُذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لا يَعْلَمُونَ ) يوسف/40 : ( أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللَّهِ حُكْماً لِقَوْمٍ يُوقِنُونَ ) المائدة/50 هذا هو نظام الديمقراطية فى العالم وياريته اصلا بيتحقق يعنى عندك اوروبا وامريكا لو همه فعلا عايزين الديمقراطية وحرية الرأى اذن : لماذا اذن منعوا الكلام عن محرقة اليهود على يد النازيين بل يتم تجريم وسجن من ينكر هذه المحرقة ؟!! لماذا لايتركوا الشعوب الاسلامية تختار دينها ومصيرها ؟! اين هم من مذابحهم فى العراق وافغانستان ؟ ومذابح الروس فى الشيشان وكوسوفو ؟ اين هم من اغتصاب اليهود للاراضى والشعب الفلسطينى ؟ عرفتوا بقه ليه عبد المنعم الشحات بيقول ان الديمقراطية حرام عرفتوا اصلا يعنى ايه ديمقراطية وطبعا الاسلام عنده دائما الافضل وهو الشورى ولكن الشورى لها شروط : اولا : يتكون مجلش الشورى من ناس على اكبر درجة من الفقه والعلم والاخلاق والوعى اى لايكون فيهم فاسق او عاصى او مشرك او ملحد ثانيا : تكون الشورى فى الامور المستحدثة اى التى لايفصل فيها نص من القران او السنة اما حكم الشعب فهو يناقش قطعيات الدين فيرفض تحريم الحرام بل ويحرم ما فرضه الله مثل ختان الاناث !!! ثالثا : قد يأخذ الحاكم رأى واحد فقط قويت حجته عن باقى المجلس ورأى سداد رأية عن باقى رأى المجلس اما فى الديمقراطية النيابية يصبح رأى الاغلبية هو الملزم سواء حرام او حلال عرفتوا الفرق بين الديمقراطية والشورى ثانيا : الاحزاب وتعددها لم يذكر موضوع تعدد الاحزاب فى القرأن الا وتعرض للذم وجميع افتاءات علماء الاسلام وضحت ذلك ولكن يكفينى القرأن {وَاعْتَصِمُواْ بِحَبْلِ اللّهِ جَمِيعاًوَلاَ تَفَرَّقُوا {وَلاَ تَكُونُواْ كَالَّذِينَ تَفَرَّقُواْ وَاخْتَلَفُواْ مِن بَعْدِ مَا جَاءهُمُ الْبَيِّنَاتُ وَأُوْلَـئِكَ لَهُمْ عَذَابٌ عَظِيمٌ {إِنَّ الَّذِينَ فَرَّقُواْ دِينَهُمْ وَكَانُواْ شِيَعاً لَّسْتَ مِنْهُمْ فِي شَيْءٍ} {وَأَنَّ هَـذَا صِرَاطِي مُسْتَقِيماً فَاتَّبِعُوهُ وَلاَ تَتَّبِعُواْ السُّبُلَ فَتَفَرَّقَ بِكُمْ عَن سَبِيلِهِ ذَلِكُمْ وَصَّاكُم بِهِ لَعَلَّكُمْ تَتَّقُونَ} {فَتَقَطَّعُوا أَمْرَهُم بَيْنَهُمْ زُبُراً كُلُّ حِزْبٍ بِمَا لَدَيْهِمْ فَرِحُونَ} وادخلوا على جميع انواع الافتاءات لجميع انواع الشيوخ هتجدوهم يقولوا ان تعدد الاحزاب حرام وليس من الاسلام عرفتوا بقه ليه عبد المنعم الشحات قال كده يعنى مش جايب الكلام ده من بيتهم ثالثا : وان مفيش مدة محددة للرئيس وتقيد مدتة ليه ومفيش تداول للسلطة فهى بيعه للامام بعقد ابدى يكفى ان ارد واقول منذ بداية الاسلام حتى انتهاء اخر خلافة اسلامية اى لمدة 1500 سنة لم نسمع بهذه الاشياء ولا يسقط الامام الا عند وفاته او تنحيه او لايطبق شرع الله يعنى الكلام اللى قالوا عبد المنعم الشخات برضه مش جايبة من بيتهم ياسبحان الله الرئيس لو بيحكم من غير ظلم وبشرع الله يبقى يمشى ليه رابعا : ومفيش معارضة ونعارض لية مايركب علينا ويغتصب زى مهو عايز فى حاجة اسمها الشورى واول مرة نسمع عن حاجة اسمها حزب المعارضة فى الاسلام اصلا لذيذ انه يكون فى حاجة اسمها معارضة حتى لو الحاكم 100% وبالنسبة لمقطع مايركب علينا ويغتصب زى ماهو عايز فانا لم اسمعها فى الفيديو ولم تذكر تماما !!!! عارفين مشكلة عبد المنعم الشحات ايه ؟ انه رجل قال كلمة الاسلام ويريد تطبيق الشريعة فى زمن اصبح فيه الاسلام غريب وشعب اصبح تطبيق الشريعة بالنسبة له زى الافلام العربى الابيض اسود وانها تخلف وجهل انا نفسى بحاجة فى حاجة واحدة اى حد يسمع فيديو عن الاسلام من الشيوخ ويجده غريب قبل مايهاجمه يبحث عن الحقيقة فى الاسلام عن طريق الكتب والقرأن والسنة |
رد: نتائج المرحلة الاولى من الانتخابات
اقتباس:
سلمت يمناك |
رد: نتائج المرحلة الاولى من الانتخابات
اقتباس:
انا بس عايز الفت نظر حضرتك لحاجه ......... مباديء الليبراليه او العلمانيه ليست مقدسه بمعني انها من صنع البشر .... يعني اقدر اخد منها اللي يناسبني وابعد عن الغير مناسب ليا ... عكس الدين اللي يتؤمن بيه كله يا تكفر بيه كله .... وانا لما بقول انا بميل للاسلام المعتدل او الليبراليه المعتدله دا مش معناه انى بقول ان فيه حاجه في الليبراليه مش موجوده في الاسلام بالعكس الاسلام اقوي واشمل .... وصدقني المشكله كلها ان الناس اللي خايفه من حكم اسلامي وللاسف فيه منهم مسلمين السبب في دا هو لغة خطاب قطاع كبير من الشيوخ السلفيين فقطاع عريض منهم يستخدم الخطاب القوي واعتقد ان المجتمع المصري غير مهيأ لهذا علي الاقل في الفترة الحالية |
رد: نتائج المرحلة الاولى من الانتخابات
اقتباس:
اقتباس:
اكتفى بردك هذا وعايز اسال حضرتك كم سؤال شبة اللى حضرتك وجهتهم ليا فى موضوع سابق وبطلب اجابات محددة واضحة زى اللى حضرتك طلبتهم منى وعلى فرض صحة قولك وعلى فرض اكتساح حزب النور الانتخابات بنسبة 90% حزب النور مش الحرية والعدالة - ما موقفهم من الاحزاب الاخرى ؟؟؟؟؟ وهل ستحل طبقا للحضرتك ذكرته فى المشاركة السابقة؟؟؟؟؟؟ - لو فى مدة محددة لتولى الرئيس المدة اية موقفكم منها؟؟؟؟؟ - لماذا طوال ال 1500 سنة وهى عهد الخلافة لم يسمى فيها غير 5 خلافاء فقط بعهد الخلافة الراشدة؟؟؟؟؟ - على انه اساس وبأى طريقة سوف يتم انتخاب اعضاء مجلس الشورى اللى حضرتك اشرت اليهم؟؟؟؟؟؟ - اعضاء مجلس الشورى اللى حضرتك اشرت اليهم بيتم اختيرهم من الشيوخ و القانونيين ولا العلماء ولا ايه ؟؟؟؟؟؟؟؟؟ - على انه اساس تم تعريف كلمة الديمقراطية ( لغوى - تاريخى ) ولا ده تعريف (علمى) من كتاب قانون دستورى حديث ؟؟؟؟؟؟؟؟؟ - على انه اساس حرم معظم شيوخ الوهبية الخروج عن الحاكم كمثال ( ياسر برهامى وعبد المنعم الشحات) ؟؟؟ مع العلم انه من الممكن ان يكون الحاكم ظالم؟؟؟؟؟؟ - ما رايك فى حزب الحرية و العدالة بعد تحالفة مع بعض الاحزاب الليبرالية فى التحالف الديمقراطى؟؟؟؟؟؟؟؟ - ما رايك بحركة طالبان الافغانية؟؟؟ |
رد: نتائج المرحلة الاولى من الانتخابات
اقتباس:
|
رد: نتائج المرحلة الاولى من الانتخابات
ايه يا فاروق الكلام ده؟يعنى انت متعرفش ان الخروج على الحاكم فى الاسلام حرام؟او على اقل تقدير السلفيين محرمينه؟
مسألتش نفسك ليه مكانوش موجودين فى الثورة؟ ويعنى ايه يحلوا الاحزاب؟البلد والشعب يبقوا لعبه فى ايدهم يعنى وانت شايف ده صح؟ وكمان يعدلوا فى الدستور عشان نرجع للخلافة ورئيس مدى الحياة؟انا كنت ناوى اهاجر لو مسكوا الحكم لكن والله لو عملوا كده ماسايبهم غير قاتل او مقتول. والتحرير لن يصبح موجودا لانهم هم انفسهم بيحرموا الخروج عن الحاكم ولو كان باغيا فمابالك انك عاوز تتظاهر ضدهم ده مش بعيد يدوسوك بالدبابات وبعدين اوعى تفتكر الثورات سهله دى مصر لم تثر فى حياتها على الحاكم الا فى ثوره يناير فقط . مصر دى بلد العجايب..الشباب والثوار يثوروا ويدفعو التمن من دمهم يقش ناس بدقون كانوا بيحرموا خروجهم فى المظاهرات وبيرحبوا بالديموقراطيه حتى تأتى بهم ويقضوا عليها ! سبحان الله! |
رد: نتائج المرحلة الاولى من الانتخابات
اقتباس:
جزاك الله خير الاجابة وافية جدا جدا جدا لى واعتقد انها واضحة لغيرى واكتفى بهذا القدر ولاحول ولا قوة الا بالله |
رد: نتائج المرحلة الاولى من الانتخابات
اقتباس:
انت بس أسأل وانا اجاوب وفى جميع الاحوال طبعا لاحول ولا قوة الا بالله |
رد: نتائج المرحلة الاولى من الانتخابات
اقتباس:
طارق حبيبى لو كنت تعبت نفسك شوية وقرأت عن موضوع الخروج على الحاكم مكنتش هتقول كده اولا : الخروج على الحاكم الكافر مباح وحلال 100% على جميع اقوال العلماء انما الخروج على الحاكم المسلم وان كان ظالما هوه ده اللى يوجد فيه خلاف كبير بين علماء الاسلام ومعظم الاختلاف فى كيفية تكفير الحاكم او ما مدى الظلم الذى يستلزم الخروج عليه وبما ان هذه القضية فيها اختلاف فى الاراء اذن فهى تقع تحت مسمى الشبهه ده رأى علماء الاسلام فى موضوع الخروج عن الحاكم ثانيا : انهم لم يشتركوا فى الثورة من قال لك هذا ؟ وبالنسبة لكلامك عن حل الاحزاب انا وضحت الدين بيقول ايه فيه فى المشاركة رقم 21 وبالنسبة لباقى تصوراتك وتوقعاتك فهذه ارائك الشخصية ومش هجادلك فيها |
رد: نتائج المرحلة الاولى من الانتخابات
رد قاطع للشيخ عبد المنعم بخصوص موضوع الديمقراطيه
http://www.youtube.com/watch?feature...&v=o0D3zrQhKEI |
رد: نتائج المرحلة الاولى من الانتخابات
رد قاطع للشيخ عبد المنعم بخصوص موضوع الديموقراطيه http://www.youtube.com/watch?feature...&v=o0D3zrQhKEI |
رد: نتائج المرحلة الاولى من الانتخابات
اقتباس:
ثم مين قاللى انه مكنوش موجودين فى الثورة؟محمد حسان قال انه ضد الثورة لحرمانية الخروج على الحاكم واسحاق الحوينى كاتب فى الموقع الخاص بيه ان المظاهرات كلها على بعضها حرام(تقريبا حلال ليهم بس) |
رد: نتائج المرحلة الاولى من الانتخابات
اقتباس:
عاما اتمنا من الله انه ينصرنا ويرزقنا بحد يراعي ربنا في الشعب ويكون كفأ ومن اي ايدولوجية المهم ميخترقش قواعد الدين |
رد: نتائج المرحلة الاولى من الانتخابات
اقتباس:
الخروج على الحاكم حرام وحزب النور من الاحزاب التى تنادى بالخروج على الحاكم عند ظهور الفساد والظلم الواضح وكانوا مشتركين فى الثورة وانا وضحت قبل كده الفرق بين : الدعوة السلفية ( حزب النور ) السلفيين العاديين الذين لاينتمون الى حزب النور مثل الشيخ محمد حسان وقلت ان الفرق بينهم فى حاجة واحدة فقط وهى الخروج عن الحاكم فحزب النور يرى الخروج على الحاكم عند ظهور ظلم وفساد واضح والسلفيين العاديين لا يخرجوا عن الحاكم الا اذا كفر وكان كفره واضح |
رد: نتائج المرحلة الاولى من الانتخابات
أمريكا: تصريحات الإخوان بعدم الرغبة في تشكيل تكتل مع السلفيين ''إيجابية''
................................... ما شاء الله الاخوان اذكياء جدااااااااااا انا متفق معاهم لاسباب كتير السلفيين ليس لديهم خبرة في السياسة الي الأن وايضا تحالفهم مع بعض هيقصي العلمانيين والليبراليين من السلطة نهائيا ودي اكبر خطيئة ممكن تحصل ما شاء الله انا قبل ما تتحدد النتيجة بشكل كامل قولت ارجو من الاخوان عمل توازن في البرلمان بمعارضة السلفيين في بعض القضايا كدا ان شاء الله خيررررر انا وثقت في الأخوان اكتر وان شاء الله صوتي ليهم في الجيزة |
رد: نتائج المرحلة الاولى من الانتخابات
لماذا لا تعترف التيارات الليبرالية و العلمانية بهزيمتها شر هزيمة أمام التيار السلفي ؟؟؟ ***************************** ( اللهم انصر الاسلام و المسليمن ) |
رد: نتائج المرحلة الاولى من الانتخابات
انا عندي سؤال ملح جدا يا جماعه : http://www.youtube.com/watch?feature=player_embedded&v=ymsPBi1CBtE#! هو الراجل دا عايــــز ايـــه ؟ |
| الساعة الآن 07:25 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com