|
تحذير لصيادلة الأسكندرية ... المضحكات المبكيات
بعد أن كان الطلبة فى عهد البائد يشكون من الأمن وتقييده لأنشطة الطلبة بالجامعة أصبح الأمن بقدرة قادر هو من يحمى أنشطة الطلبة .... وعجبى ,,,
كتبت هدي المصري العدد 4352 - السبت الموافق - 5 نوفمبر 2011 الأمر بالمعروف والنهى عن المنكر تلغى حفلا فنيا فى جامعة المنصورة ما أشبه اليوم بالبارحة.. ففي أواخر السبعينيات شهدت جامعة أسيوط أحداث عنف متصاعدة من الجماعات الإسلامية التي منعت بالقوة الأنشطة الفنية وكانت مقدمة لما هو أبعد سواء منع اختلاط الطلاب والطالبات والفصل بينهم في المدرجات وأروقة الجامعة وانتهت باغتيال رئيس الدولة في أوائل الثمانينيات ومحاولة قلب نظام الحكم لإقامة الدولة الإسلامية، ودفعت البلاد ثمناً فادحاً من دوامة العنف التي غرقت فيها لسنوات! اليوم يتكرر المشهد بحذافيره في جامعة المنصورة، ويزيد عليه الوضع الصعب وحالة الرخاوة الأمنية، وتفكك أجهزة الدولة، وغياب الأمن عن الجامعة فما جري من منع إحدي الحفلات الفنية من قبل قوي التطرف هو إنذار مبكر بما ستؤول إليه البلاد إذا لم تواجه بمنتهي الحزم والشدة! داخل جامعة المنصورة، والتي تعرف بوجود مكثف للجان السلفية داخلها.. جرت واقعة لم تشهدها الجامعات المصرية من قبل وهي محاولتهم إلغاء حفل طلابي بعد أن تم الاستعداد له وتجهيز المسرح والفقرات الغنائية ومعرض تشكيلي وجاليري وعرض لوحات الفنانين. طلاب كلية الصيدلة - المسئولون عن تنظيم الحفل - فوجئوا بعدد من الطلاب الذين ينتمون للتيار السلفي، يساندهم طلبة من جماعة الإخوان يعترضون علي إقامة الحفل، معتبرين أنه نوع من الفجور !! وتم تصعيد الأمور حتي وصلت تهديداتهم لعميدة الكلية ! الحدث أصاب الطلاب المنظمين للحفل بقلق كبير، خاصة أن هناك مواقف أخري ترتبط بنفس الأمر وتحدث بالجامعة مما يزيد من القلق.. فالشيخ محمد حسان - أبرز رموز السلفية - يعتقد البعض أنه اتخذ من الجامعة منبرا له بزياراته المتكررة لها.. كذلك ازدهار النشاط الإخواني المكثف، وإشعال المظاهرات داخل الجامعة بعد خسارة إبراهيم العراقي مرشح الإخوان في انتخابات رئاسة الجامعة أمام منافسه د. سيد عبدالخالق بفارق 10 أصوات، علي الرغم من موقف جماعة الإخوان، الذي يرفض ويتصدي لأي تظاهرات في المرحلة الحالية، إلا أنهم ساهموا في إشعال الأحداث. وبعيدا عن التصعيد المتعمد للأحداث من قبل طلاب الإخوان بعد هزيمتهم الانتخابية وسطوة اللجان السلفية داخل الجامعة، كان طلاب كلية الصيدلة يستعدون لإقامة أضخم حفل طلابي داخل حرم الجامعة كيوم ثقافي متكامل يتضمن العديد من الأنشطة الفنية لطلاب الجامعة.. معارض فنية وفرقة غنائية تقدم بعض أغاني ثورة يناير، وهذا ما أكده كل من العميدة ومدير الأمن وطلاب الكلية والمنظمين للحفلة الذين تكلفوا مبالغ مادية، وحصلوا علي جميع التصريحات الأمنية من قبل إدارة الجامعة. لكن ما حدث يوم 26 أكتوبر الماضي والذي وصفه طلاب الصيدلة وغيرهم من طلبة الكليات الأخري داخل الجامعة بنوع من فرض فكر أحادي متزمت لا يتناسب مع المبادئ التي نادت بها ثورة يناير. ويقول الطالب عبدالرحمن الإمام بكلية الصيدلة ومن المنظمين للحفل نظرنا إلي الحدث علي أنه نوع من مصادرة الفكر وقد يتكرر مرات أخري من خلال المضايقات والمحددات التي يفرضها بعض زملائنا من الطلبة الذين ينتمون لذلك التيار. وأضاف : هذه المرة كان الأمر مختلفا وفيه نوع من التصعيد، خاصة مع كل حفل يقام كان الموضوع ينتهي برفع المصحف وتوجيه النصيحة للطلبة، لكن لم يحدث أن يهدد أعضاء اللجان السلفية بحشد سلفي من داخل الجامعة وخارجها في حالة عدم الرضوخ لمطلبهم، لدرجة جعلتهم يقومون بالاتصال بالشيخ السلفي حازم شومان الذي تنتشر شرائطه في جميع أنحاء المنصورة وصاحب الجملة الشهيرة (الليبرالية يعني أمك ما تلبسش حجاب). وحضر إلي الكلية، وكانت محاولاته أن يثني الطلاب علي إلغاء هذا الحفل معتبره سلوكاً يدعو إلي الفجور، وعندما فشلوا في إقناعنا بدأوا يحذرون طلبة الجامعة من حضور الحفل، وبعض طلبة الإخوان حاولوا بكل دأب إفشال الحفل، لدرجة أنهم رددوا شائعة أن رئيس الجامعة أهم المدعوين للحضور - رغم أن هذا لم يحدث - مستغلين استياء نسبة كبيرة من الطلبة من رئيس الجامعة واعتباره من فلول النظام الساقط، وعمدوا إلي جمع أكبر توقيعات من طلبة الكلية لإلغاء الحفل. لكن إصرارنا كان أقوي لنثبت أن مبرراتهم ليس لها أي أساس من الصحة، فالحفل لهم يحدث به أي مشاكل واستطعنا حمايته وكان هناك تنظيم وتأمين من المشرفين يضمن حماية الزميلات أثناء الحفل بل بعد انتهائه بتخصيص بوابة لخروجهن.. وعندما يأسوا من إفشال الحفل، صعد أحد الطلبة من جماعة الإخوان علي المسرح مع بداية الحفل ليعلن للطلبة أن الإخوان تكفلوا بحماية الحفل.. ذلك رغم أن الجميع شاهد تعمد الإخوان في جمع التوقيعات وضد إقامة الحفل. وأضافت: عاشت الجامعة أجواء سيئة في عهد مبارك بسبب ما كان يمليه الأمن علي إدارة الجامعة. لكن بعد تنحي مبارك جاءت التيارات الدينية لإغلاق الباب وفرض أجنداتها عن طريق التهديد والوعيد في الغالب. فعندما فشلوا في إلغاء الحفل هددوا بأنهم سوف يقومون بإقامة الصلاة أمام المسرح وقراءة القرآن! وكان رد فعلنا علي ذلك هو أننا توقفنا حتي انتهاء الصلاة وذهب بعضنا ليصلي، ثم عدنا لاستكمال باقي فقرات الاحتفال. أما أحمد صبري طالب آخر أشرف علي تنظيم الحفل فيخشي هو الآخر من أن تصل تيارات التشدد الديني في الجامعة إلي مراحل متقدمة من خلال النفوذ الذي تمتلكه متعجباً من موقف الإخوان المتناقض فيؤكد أنهم أشاعوا عن مسيرة إخوانية ستحاصر الجامعة في حالة عدم الرضوخ لمطللبهم.. ويضيف أحمد قائلاً: حاولوا إفساد حفلنا رغم أنهم كانوا يروجون لحفل آخر لحمزة نمرة خاص بالجماعة داخل أروقة الجامعة، وكان حفلهم بالتذاكر وليس دعوة مجانية وأقيم بنادي جزيرة المنصورة، ومعظم جمهوره كانوا من طلاب الجامعة، ولم نحاول أن نضايقهم مثلما فعلوا معنا وبالفعل أقاموا حفلهم في اليوم التالي لحفلنا. ويذكر: لم تكن هناك أي مؤشرات للرفض قبل يوم حفلنا، لكن بمجرد أن رأي الطلاب السلفيون الميكرفون أصيبوا بصدمة وأخذوا يجمعون توقيعات علي مستوي الجامعة لإلغائه وأشاعوا أننا سنحضر في الحفلة راقصة وخموراً!! أما عن رأيه في التشدد السلفي تجاه الفن.. فيقول أحمد: المتشددون ينظرون إلي الموسيقي والغناء والتمثيل وغيرها من الفنون علي أنها من المكفرات وبالتالي فإنهم يتعاملون معنا علي أساس هذه الفكرة. أحمد عبدالعزيز طالب اعدادي صيدلية يروي لنا تفاصيل أكثر ويقول: حاولنا جمع توقيعات الطلبة بأرقام بطاقاتهم الشخصية لنثبت للجميع أن طلبة الكلية والجامعة ضد فكرة إلغاء الحفل، بعدما قامت المجموعة السلفية بتهديد العميدة التي حاولت أن ترضي جميع الأطراف وألا تعمل علي إفشال الحفل. أما د. ماجدة نصر عميدة الكلية فقالت إن الأزمة حدثت بسبب انتشار التيارات الدينية المتشددة في الجامعة، مشيرة إلي أن إقامة حفل طلابي ليس حدثاً جديداً وهناك حرية في جميع المجالات والاتجاهات مادامت في حدود الأنشطة الطلابية وخاصة بعد الثورة. وأضافت د. ماجدة : إحدي أسر الكلية حصلت علي موافقة بإقامة حفل عبارة عن يوم ثقافي كامل يتضمن عرض أنشطة ثقافية ومعارض فنية يبدأ من الساعة السادسة إلي الساعة الثامنة والنصف ولأن الحفل عبارة عن دعوة عامة لجميع الطلاب، كانت الموافقة بعمل مسرح في ساحة الكلية علي غرار ما كان يحدث في حفلات الجامعة في السنوات الماضية. واستطردت: بالفعل عكف الطلاب علي تجهيز المسرح، لكني فوجئت بمجموعة من الإخوان وشباب السلفيين جاءوا لي معترضين علي الحفل، واصفين إقامة المسرح بأنه عمل فسق ومنكر، فحاولت أن أوضح لهم فكرة الحفل وأزيل الأفكار الخاطئة لديهم، بالرغم من ذلك وجدت أن بعض الطلاب منهم ذهبوا للحصول علي توقيعات من زملائهم بإلغاء الحفل. وأضافت: لم أوافق علي إلغاء حفل طلابي مستوفي كل الشروط وحصل علي موافقة أمنية. وكانت المفاجأة عندما نظرت من نافذة مكتبي لأجد الشيخ حازم شومان في ساحة الكلية قبل بدء الحفل وسط مجموعة الطلاب وعمال الكلية يتحدث معهم دون أن يشرفني في مكتبي ويتحدث إلي وسمعت من أحد الطلاب أنه ذكر أنه سيصعد علي المسرح ويمنع الطلبة من إقامة الحفل مما أثار غضبي لأنه من غير المسموح له بذلك، فرفضت وجوده في الكلية دون استئذان الأمن وتدخله في شأن من شئون الطلبة، أصرت علي استئناف الحفل وكسر شوكة السلفيين. أما اللواء محمد أسامة السنوسي مدير أمن الجامعة فأكد لنا أن الحفل الذي حصل علي جميع الموافقات استؤنف بشكل طبيعي، وأن ما اضطره إلي تقليل فترته ساعة واحدة فقط هو الحرص علي سلامة الطلاب.. ويضيف : انتهت الأزمة وعقدنا لقاء مع الطلاب، وعبروا عن رأيهم، ونحن مع حرية الرأي التي كفلتها الثورة، ولا نستطيع أن نمنع أحداً من التعبير عن رأيه، كما أنه لا ينبغي علي أي مجموعة أن تفرض رأيها خاصة بعد تغير المناخ الجامعي بتأثير ثورة يناير، ويتعجب السنوسي متسائلاً: لما يتعرض الشباب السلفي لزملائهم في الوقت الذي لا يعترضهم أحد في أي فعاليات أو ندوات مستشهداً بندوات الشيخ محمد حسان المتكررة بعد الثورة. |
رد: تحذير لصيادلة الأسكندرية ... المضحكات المبكيات
ولسة الانتخابات قربت وهنشوف من المحرمات ما كثر
|
رد: تحذير لصيادلة الأسكندرية ... المضحكات المبكيات
كل هذا كذب وافتراء على الاخوان والسلفيين
من هدى المصرى ؟؟ّ!!! وماهى روز اليوسف !!؟ لى صديق استاذ ومعيد بكلية التجارة جامعة المنصورة واكد لى ان ماكتبته هدى المصرى ليس فيه شىء من الصحة وكل الموضوع ان منذ بداية الثورة والاعلام ليس لدية شىء الا ان يظهر الاخوان والسلفيين بابشع الصور كأن مصر ليس فيها مشاكل الا هم اليس الشيخ محمد حسان هو الشخص الذى طلبه الاعلام والحكومة قبل انتهاء الثورة ليظهر فى التلفزيون لكى ينصح الشعب والثوار المشكلة ليست فى المقالات والصحف ولكن فينا نحن اذ نأخذ هذه المقالات وننشرها اكثر واكثر فرجاء الى الاخوة الاعضاء استراحة اف اكس ارابيا لجميع المواضيع ولكن بلاش المواضيع اللى زى ده ورجاء الى الاخ الفاضل صاحب الموضوع يوجد ملايين المواضيع الجميلة والمسلية فلماذا هذا الموضوع بالذات !؟ |
رد: تحذير لصيادلة الأسكندرية ... المضحكات المبكيات
الي المهندس فيليب صاحب الموضوع علي فكره انا مش عارف احنا ليه بنركز بس علي اي هفوه او شيء مش عارفين اصله من فصله طالما منسوب للسلفيين وبننسي الحاجات الكتيره الكويسه اللي منسوبه ليهم اي جماعه او مجتمع في الدنيا فيه الكويس والوحش لكن اذا كنا عايزين نتكلم بموضوعيه نقارن الكويس بالوحش ونشوف مين اكتر واهم مش كده وبس لا ده الكويس ده ما حدش عرف يعمله غيرهم ياريت نكون موضوعيين اكتر من كده والله الموفق
|
رد: تحذير لصيادلة الأسكندرية ... المضحكات المبكيات
اقتباس:
اسمحلى ارد على حضرتك السلفيين فعلا بيعملوا حاجات كتير حلوه بس بيعملوا حاجات اكتر وحشة كمثال فى احد خطب الجمعه طلع شيخ منهم يخطب وعمال يشتم ويكفر العلمانية كفر وطبعا الليبرالية والديمقراطية حرااااااااااااااااااااااااااام واقسم بالله العظيم قالها رحت اكلمة بعد الصلاة حاول يقنعنى ان الليبرالية دى خروج عن الاسلام وانا بقوله ان الليبرالية دى مذهب سياسى مش دينى يعنى انا مثلا مسلم موحد بصوم رمضان و باشهد ان لا اله الا الله وان محمد رسول الله يبقى ازاى تكفرنى ؟؟؟؟؟؟؟؟؟ وبعدين بانه منطق ان الديمقراطية حرااااااااااااااااام ؟؟؟؟؟؟؟؟؟ طيب بلاش بانه منطق بانه عقل او دين (امرهم شورى بينهم) طيب ايه رايك فى عبد المنعم الشحات ده المتحدث الرسمى باسم حزب النور الاخ ده بيخترع دين بيقول انه لاقدر الله لو مسكوا الحكم فى مصر مش هيهدوا التماثيل(اللى هى الاثار) لا هما هيغطوا وشها بالشمع انا مش عارف انه جاهل افتى بكده يعنى هو عبد المنعم الشحات ده ولا اتخن واحد من شيوخ الوهبية بيفهموا فى الدين احسن من سيدنا عمرو بن العاص اللى فتح مصر فى عهد الفاروق عمرو بن الخطاب اللى كان ممكن يسوا الاثار دى بالارض لما دخلوا مصر المصيبة انهم محسوبين على الاسلام والمسلمين |
رد: تحذير لصيادلة الأسكندرية ... المضحكات المبكيات
اقتباس:
هو صحيح الليبراليه مذهب سياسي وهو فعلا لا علاقة له باي دين ولذلك في وجهة نظري المصيبه ان اللي يحكم يكون من الليبراليين عارف ليه لان انا وانت واي مسلم يتشرف بانه يكون سلفي اي سلفي لمنهج رسول الله صلي الله عليه وسلم اللي الليبراليين مش عايزين يكون ليه وجود علي الخريطه لان منهجهم علماني بحت الليبراليين وغيرهم من المضاديين للمنهج السلفي ليهم هما كمان اخطاء كتيره واخطاء بشعه ممكن اعرف ليه ما بنحطش المنظار عليها زي ما احنا بنستني اي غلطه للسلفيين زي ما يكونوا هما ملايكه من السما مش المفروض يكون ليهم اي غلطات اللي عايز يغلط حد ويستنكر عليه افعاله يقولنا هو مين وتبع ايه وقبل كده ما يكونش ليه غلطات واذا كنا بنتكلم عن الديمقراطيه فاول مبادئها احترام الراي الاخر وعدم التنكيل والتجريح بصاحبه اذا كنا عايزين نبني بلد قائم علي الديمقراطيه والشوري يبقي المفروض لو سمعت راي حد من اي حزب تاني لا انتمي اليه وما عجبنيش رايه اناقشه بموضوعيه دون التعرض للشخص نفسه بانه بيفهم ولا ما بيفهمش والكلام اللي انت اكيد فاهمني من غير ما اقوله وشكرا لمداخلتك اخي الكريم امير وكل سنه وانت طيب |
رد: تحذير لصيادلة الأسكندرية ... المضحكات المبكيات
اقتباس:
قرأتها فى اليوم السابع ام قرأتها فى روز اليوسف ام سمعتها على لسان المذيعين الحلوين على القنوات الفضائية مثل عمرو اديب او هالة سرحان عندك مقاطع فيديو على لسانه وصورته ؟ عايز اشوفهم هل تعلم ان فى ذروة وقت الثورة نشرت القوات المسلحة شكر فى جميع وسائل الاعلام لسلفية العريش لصدهم هجوم مسلح على احدى الكنائس !! حد سمع عن الموضوع ده ؟ طبعا لاء انا لو عايز اعرف شيوخنا الافاضل بيقولوا ايه اتفرج على الحياة او روتانا او ام بى سى ولا اشوف الرحمة والناس ادخل على اليوتيوب واعرف مين الدكتور عبد المنعم الشحات اللى حضرتك قلت عليه انه جاهل من الاخر اعرف همه مين فعلا وبيقولوا ايه لكن على لسانهم همه مش لسان الناس التانيين وبعديها اتناقش لكن وانت على علم ودراية |
رد: تحذير لصيادلة الأسكندرية ... المضحكات المبكيات
اقتباس:
اولا / وحضرتك طيب وبخير وبصحة وبسعادة والاسرة الكريمة ثانيا / مين قال ان الليبرالية مش عايزه تطبق الشريعه مسمعتش كده غير من احد شيوخ الوهبيين الليبرالية : هى الحرية فى حدود النظام العام والاداب مين بقى اللى بيحدد النظام العام القانون والدستور (اللى المادة التانية جزء اساسى منه) يعنى كمثال مهاتير محمد وماليزيا مش اسامة بن لادن وافغانستان ليا وجهه نظرشخصية ان الاخوان ليبراليين بنسبة 90% قبل الثورة ودلوقتى بنسبة 100% وهنتخبهم فى الانتخابات اللى جاية وهما متحالفين مع ايمن نور وده من اقطاب الليبرالية ثالثا/ مش كل اللى بيقولوا انهم ليبراليين ملائكة خد عندك مثلا نجيب ساويرس (جاسوس) ده من وجهه نظرى رابعا/ خد كمثال موقف واحد ليبرالى زى الدكتور البرادعى وواحد وهابى زى ياسر برهامى من حسنى مبارك قبل الثورة ده يثبت لحضرتك ان مش كل السلفيين ملائكة ولا كل الليبراليين وحشيين خامسا / ديمقراطية ايه هما الناس دى عايزة ديمقراطية والله فى احد خطب الجمعه قالوا ان الديمقراطية حرااااااااام!!!!!!!!!! حرام يعنى زى السرقه والزنا طيب داخلين الانتخابات ازاى ؟؟؟؟؟ طيب وعلى فرض انهم دخلوا الانتخابات وكسبوا لا قدر الله هيعملوا ايه فى الحاجات الحرام من وجهه نظرهم (الانتخابات) ؟؟؟؟؟؟؟؟؟يعنى هيطلعوا على السلم وبعد كده هيشيلوا واخيرا عند حضرتك حق فى موضوع ان كلنا سلف انا اقصد الوهبيين وفى النهاية الخلاف فى الراى لايفسد للود قضية. |
رد: تحذير لصيادلة الأسكندرية ... المضحكات المبكيات
اقتباس:
الرد فى الاقتباس |
رد: تحذير لصيادلة الأسكندرية ... المضحكات المبكيات
اخى امير عيسى
بما ان الموضوع ستطول فيه المناقشة فأحب ان اوضح اننا اخوة فى الله وجمعنا منتدى اف اكس ارابيا وسنظل نتناقش حتى يقتنع احدنا برأى الاخر ومهما كانت النتيجة من نقاشنا فهذا لن يؤثر فى علاقتنا كأخوة فى شىء لان فى ناس كتير بيقولوا ان اسلوبى حاد واذا شعرت ان هذا هو اسلوبى معك فأعذرنى وسامحنى فلا اقصد ان يكون اسلوبى حاد ونخش بقه فى الموضوع ياباشا اولا : انت اتهمت عبد المنعم الشحات بالجهل وكنت هتشتم اكتر من كده علشان موضوع التماثيل بالنسبة لاتهامك او انك تشتم احد من علماء الاسلام هذه حرام حتى لو فعلا اخطأ فالطعن فى العلماء حرام ومتزعلش منى هذا عالم من علماء الاسلام فهل لديك من العلم مثله ؟ بالنسبة لموضوع التماثيل فلى ثلاث نقاط النقطة الاولى : حكم الاسلام فى التماثيل ان التماثيل حرااام ويجب هدمها والرسول صلى الله عليه وسلم عندما دخل مكه قال لاتتركوا تمثال قائم ويجب ان يسوى بالارض واذا دخلت على جميع انواع الافتاءات الاسلامية فى جميع المواقع فى العالم ستقول لك هذا ماعدا دار الافتاء المصرية !!! يعنى من الاخر عندك رأى الاف العلماء فأرجوا ان لاتكون ممن يأخذوا رأى عالم واحد لانه يتوافق معه رأيك وتخيل بقه ان رأى عبد المنعم الشحات يعتبر متساهل لانه لم يقل نهدم بل قال ان نغطيها بالشمع لان التمثال اذا غطيت وجهه او كسرت جسمة ذهبت منه الحرمانية النقطة الثانية : لقد قلت ان عمرو بن العاص عندما دخل مصر لم يهدم اى تماثيل ياباشا معظم التماثيل الفرعونية وغيرها كان مطمور تحت الرمال وكله مكتشف حديثا يعنى من اول 1800 ميلادى وانت طالع او كان فى وسط الصحراء اى مناطق لم يصلوها الا اذا كان عند اثبات على غير ذلك النقطة الثالثة وهى الاهم : تماثيل من هؤلاء الذين تريدون الحفاظ عليها وانها رمز الحضارة !! الفراعنة .... الفراعنة اللذين استعبدوا الناس وحاول قتل الانبياء مثل سيدنا ابراهيم وسيدنا موسى عليهم السلام الله سبحانه وتعالى لم يذكر الفراعنة فى القرءان الا بالذم والضلال لكن الاعلام والتعليم على مدار الزمان دخل فى دماغنا اننا اولاد الفراعنة وهم اجدادنا العظام ده حتى يا اخى الواحد لما بيفترى قوى فى الظلم بنقول عليه ده بقه فرعون حاجة اخيرة بيقولها الناس الغلابة زى ان التماثيل ده هى رمز الحضارة والسياح بيجوا علشانها ودخل قومى للبلد يا اخى هرد عليك واقول لو الفلوس هتيجى من حاجة حرام اذن الله الغنى عنها وبعدين رموز الحضارات كثيرة جدا فمش هتيجى على كام تمثال للفراعنة كلمة اخيرة مش معنى ان احد الشيوخ فى خطبة جمعة قال ان الديمقراطية حرام اذن هذا هو رأى الاسلام ورأى جميع الشيوخ فلا تأخذ السلفيين والاخوان بذنبه يعنى لو احد الممثلين شتم الثورة هل معنى ذلك ان جميع الممثلين وحشين او اغلبهم كما قلت !! طبعا لاء هتقول ان فى كتير محترمين انما لو احد شيوخ الاسلام قال حاجة غلط اذن هذا هو رأى الاسلام وهمه دول ياعم شيوخ الاسلام |
رد: تحذير لصيادلة الأسكندرية ... المضحكات المبكيات
اقتباس:
الرد فى الاقتباس ومنتظر رد حضرتك |
رد: تحذير لصيادلة الأسكندرية ... المضحكات المبكيات
انا شايف ان الموضوع في جدل شديد ونقاش حامي ..... واعذروني انتم جميعا لستم اهل فيما هو حلال وما هو حرام .... وفيمن يجوز ان نطلق عليه لقب عالم وفيمن لا يجوز عليه هذا اللقب .... كل واحد متحمس لفكره ومنهجه وكل همه انه يطلع التاني غلطان .... ليه ميبقاش المنهجين صح ... بمعني ليه منخدش من الليبراليه والعالمانيه ما يوافق فكرنا ومنهجنا الاسلامي ونترك ما يتعارض مع اسلامنا ... وفي نفس الوقت نلتزم بدينا ومعتقداتنا ونبعد عن التشدد والتزمت .... ليه ديما كل واحد في دماغه انه هو الوحيد اللي صح وهو الوحيد اللي بيفهم ...... تذكرو ان دا كان منهج مبارك وحزبه الواطي .... يارت منكررش الغلط
|
رد: تحذير لصيادلة الأسكندرية ... المضحكات المبكيات
اقتباس:
احنا مختلفناش وانا ضربت مثال بماليزيا و مهاتير محمد دولة اسلامية متقدمة اقتصاديا فى الزراعة والصناعة وعندهم ديمقراطية مؤمنين بالحرية والدولة المدنية عندهم ناس بتعبد بوذا وكدولة اسلامية تؤمن بحرية الاعتقاد مهتدش التماثيل ورجمتهم ولا علقت ليهم المشانق |
رد: تحذير لصيادلة الأسكندرية ... المضحكات المبكيات
اقتباس:
|
رد: تحذير لصيادلة الأسكندرية ... المضحكات المبكيات
اقتباس:
مشاركة كريمة من اخ عزيز وضغط على مشاركة غير جيدة بالغلط ارجو من الادارة تصحيحها |
رد: تحذير لصيادلة الأسكندرية ... المضحكات المبكيات
استاذ امير عيسى
علشان اقدر احدد اتجاه مناقشتى معاك اريد منك الاجابة على بعض الأسئلة اولا بعد اذنك لو اصبحت رئيس مصر فماذا ستفعل فى الامور الاتية : هل ستمنع الخمور ؟ هل ستمنع الدعارة والقمار ؟ مارأيك فى الافلام العربية ؟ هل ستضعها تحت الرقابة وتقوم بحذف المشاهد الاباحية او الخلاعة الموجودة سواء فى الملابس او الافكار ما رأيك فى النساء الذين يمشون فى الشوارع بالملابس الخليعة ؟ سواء محجبات او لا لان الخلاعة ليست معناها ان تكون المرأة عارية فقط بل لو محجبة ومرتدية ملابس محزقة فهذا اضل وألعن ماذا ستفعل معهم ماذا ستفعل بعلاقتك مع اسرائيل ؟ ماذا ستفعل فى التعليم بالنسبة لمادة الدين الاسلامى ؟ يعنى هتضيف جديد منتظر ردك ملحوظة : انا لا انتمى لاى احزاب دينية ولست متعصب او متشدد ولا ادافع عن الاحزاب الاسلامية بل ادافع عن الدين الاسلامى |
رد: تحذير لصيادلة الأسكندرية ... المضحكات المبكيات
اقتباس:
بالنسبة للملاحظة ملاحظ وواخد بالى بس المشكلة هنا بقى ان الاحزاب اللى مفكرة نفسها اسلامية عندها اعتقاد ان مينفعش تختلف معاهم لية؟؟؟؟؟؟؟ الناس دى فى اعتقادهم انهم بيدافعوا عن الاسلام والمتحدثين الرسميين باسم الدين يبقى انت لو اختلفت معاهم يبقى انت اختلفت مع الدين ويبقى انت مش عايز تتطبق الشريعة ويبقى انت كافر مع ان فى حاجات كتير ممكن تتفسر اكتر من تفسير بس انت لو ما اتبعتش التفسير بتاعم يبقى انت كدة بتحارب الاسلام (زى موضوع التماثيل) اللى احنا بنقول عليها اثار الازهر شايف انها تبقى من غير هد ولا شمع والوعاظ الوهبيين شايفين غير كده فانت لو مسمعتش كلام الاخوه الوهبيين تبقى بتحارب الاسلام وتسمع كلام عن المؤامرة على الاسلام والكفرة واعداء الاسلام وتسمع وتشوف كمية شتائم وبذاءات المفروض ما تطلعش من ناس بتدعى الدين شفت اللى عملة انصار الحوينى مع الذى اختلف معه ورفع علية دعوى قضائية اتجمعوا امام المحكمة وهات يا شتيمة؟؟؟؟؟؟؟؟؟؟؟؟؟؟؟؟؟ ويارب نفضل حبايب ومش مختلفين مع بعض كتير ولا حول ولا قوة الا بالله ومع الاعتذار للازهر فى المقارنة |
رد: تحذير لصيادلة الأسكندرية ... المضحكات المبكيات
الى الاستاذ امير عيسى
ممكن بس توضح نقاط اخيرة اجابتك على السؤال الاول مبهمة وغير واضحة كرئيس مصر فأنت قلت المفروض انها تمنع ولكن مش معنى هذا انى اكسر مع انى محدش جاب سيرة التكسير خالص لذا اريد ان اعرف حكمك كرئيس على شرب الخمور وبيعها فى مصر السؤال الثانى انا فهمت من اجابتك ان القمار والدعارة ممنوعين فى مصر لكن شكليا ولكنهم مسموح بهم للاجانب فهل هذا رأيك كرئيس لمصر اى هل سيظل وضع الدعارة والقمار كما هو ام ماذا ؟ عندما سألتك على النساء العاريين الماشيين فى الشوارع انت قلت ان ربنا هيحاسبنى على نفسى بس لكن انا بسألك كرئيس مصر وليس كأمير عيسى ام سيبقى هو نفس الرد ارجوا توضيح اجاباتك ومواقفك التى ستتخذها فى هذه الاسئلة وسؤال اخير : ما رأيك فى ان الموسيقى والاغانى حرام |
رد: تحذير لصيادلة الأسكندرية ... المضحكات المبكيات
اقتباس:
قال الله تعالى لا اكراه فى الدين يعنى مش بالعافية وطالما هناك ضوابط فى حدود النظام العام والاداب اللى عايز يعمل حاجة يعملها وربنا هيحسبنا كلنا http://www.youtube.com/watch?v=jTVye...eature=related |
رد: تحذير لصيادلة الأسكندرية ... المضحكات المبكيات
اقتباس:
الشيخ محمد حسان وأى شخص يساعد مصر لتتقدم للأفضل ويحافظ عليها مشكور كل الشكر . اقتباس:
اقتباس:
اقتباس:
اقتباس:
اقتباس:
اقتباس:
تحياتى أخى الكريم ,,,, وكل سنة وأنت طيب النهار دة يوم عشورا |
رد: تحذير لصيادلة الأسكندرية ... المضحكات المبكيات
اقتباس:
وبعدين يا ريت تعرف حاجه مهمه غايبه عنك اننا عندنا في الاسلام اختلاف العلماء رحمه يعني لو واحد قال رايه وقال بعديه قال الله وقال الرسول ممكن تختلف معاه جدا وتقوله وجهة نظرك بقال الله وقال الرسول طالما مش امور عقائديه او في اصل الدين ومش معني انه بيستدل علي كلامه بقال الله وقال الرسول انه بيكفر اللي حواليه لا عادي انا ممكن يكون ليا راي مختلف واؤيده بقول الله والرسول المهم اننا تكون مرجعيتنا واحده وصح لاننا احنا الاتنين مسلمين |
رد: تحذير لصيادلة الأسكندرية ... المضحكات المبكيات
اقتباس:
بعيدا عن مضمون الرد واتفاقى او اختلافى معه اسلوب الرد حاد وعنيف للغاية ؟؟؟؟؟؟؟؟؟؟ |
رد: تحذير لصيادلة الأسكندرية ... المضحكات المبكيات
شكرا جزيلا
|
رد: تحذير لصيادلة الأسكندرية ... المضحكات المبكيات
اقتباس:
أما عند الأختلاف مع أحد العلماء فأنا مبسوط أن وجهة نظرك كدا وأنا معاك وفاهم اللى بتقوله وموافق طبعا عليه لكن ما شوفتهوش أتطبق لما بلال فضل كان بيناقش أحد الشيوخ بل على العكس أتقال عليه كافر وبيحارب الله ورسوله بمجرد مناقشته للشيخ يعقوب فيما يقول ولم يكفره جاهل او غيره بل كفرته القناة نفسها فى كل برامجها وكل المواقع والفيسبوك ... بأختصار الراجل أتبهدل علشان فال رأيه فى الكلام وكان مستند على احاديث وايات وبناء عليه وقتها زعلت وأتكلمت بردو ( مش معاك علشان متقولش مشوفتكش بتتكلم وللا حاجة) ... أرجو تكون الأمور وضحت لك ومتحولش الكلام تانى لمسيحى ومسلم.لأنك متعرفش أنك مثلا بتكلم واحد كان فى يوم من الأيام بيعلم واحد مسلم أفغانى أزاى يقرأ القرآن بطريقة صحيحة وبيعرفه معنى الأيات بناء على طلبه لأنى كنت العربى الوحيد الموجود مع الأفغانى دة .والراجل كان محتاج يتعلم لضرورة ملحة تخصه هو .لكن علشان ليبرالى قبل ما اعرف يعنى اية ليبرالية فمكنش عندى مشكلة فى كدا خالص. بالتوفيق يا غالى,,,, |
رد: تحذير لصيادلة الأسكندرية ... المضحكات المبكيات
اقتباس:
وبعدين انا لما قولتلك ما شوفتكش بتتكلم عن مواضيع معينه كان قصدي طبعا هنا في المنتدي مش علي وجه العموم والكلام واضح اما عن الامام العلامه محمد عبدالوهاب كونك ما تعرفش انه من الائمه فده والله مش ذنبي وكونك انك بتحكم بلقب عالم لخريجي الازهر بس فعلي كده الامام احمد بن حنبل والامام مالك مش ائمه لانهم ما اتخرجوش من الازهر ومعلش اسمحلي هو بلال فضل ده من العلماء عشان يقف امام الشيخ العلامه محمد حسين يعقوب ويجادله بالحجه هو اي حد من عوام المسلمين جه علي باله انه يفتي في الدين يقوم يفتي ومش انت ولاانا اللي نقول علي واحد زي الشيخ محمد حسين يعقوب انه مش عالم لان اللي اعطاه اجازه بالعلم هم ايضا علماء وائمه كبار بالسعوديه اما كونك قريت لحد القران فانا مش عارف انت عايز تستدل بيها علي ايه بالظبط |
رد: تحذير لصيادلة الأسكندرية ... المضحكات المبكيات
اقتباس:
طبعا كل دة كلام بعيد عن الموضوع وكلام شخصى مكنش له مكان فى الموضوع .... لكن نشوف النصف الممتلئ شكرا علشان مقولتليش "أنت قصدك الأفغان كذا وكذا " وخليتنى أقعد أدافع عن نفسى فى كلام مقولتهوش تانى ... كويس أنك عديتها دى :1 (77): بالتوفيق يا د.محمد حسام .. |
رد: تحذير لصيادلة الأسكندرية ... المضحكات المبكيات
اقتباس:
استاذ نادر مالفرق بين الامام والداعية والواعظ والعالم ؟ والتعريفات التى ستقولها ياريت توضح بعد لما تقولها جبتها منين بالظبط يعنى المصدر من له الحق فى اطلاق كلمة عالم او داعية او اى لقب ؟ انا ام انت ام كبار العلماء ام المسلمين العاديين هل العالم لابد له ان يكون خريج ازهر ؟!! لو قلنا ان العالم يجب ان يكون خريج ازهر اذن نحن خلعنا صفة العالم عن اكثر من 80% من علماء الاسلام ومش هقولك فى العصر القديم لاء فى العصر الحديث وطبعا زى ما حضرتك قلت دول اصبحوا علماء بدعم من دول مختلفة يعنى هوه العالم ميكنش عالم الا من الازهر !!!! وبعدين فيها ايه لما يكون العالم الاسلامى كان خريج هندسة او طب او حتى معهد حاسب ألى يعنى همه الصحابة كان معظم اعمارهم فوق العشرين لما عرفوا اصلا يعنى ايه اسلام وفيهم كان فوق ال30 و 40 وفى العصر الحديث عندك اكبر عالم من علماء الاسلام على مدار الخمسين سنة اللى فاتوا الشيخ الالبانى حجة فى مصطلح الحديث وقال عنه العلماء المحدثون انه اعاد عصر الحافظ بن كثير وابن حجر العسقلانى هذا العلامة لم يكن خريج ازهر بل هل تعلم اين تعلم من سن 8 سنوات الى سن 20 سنة على يد ابيه لان ابيه لم يثق فى المدارس ووضع له منهج متكامل فى جميع نواحى الدين بالاضافة لاحد الشيوخ العاديين فى قرية فقيرة ساعد فى تعليمه ولكنه بعد ذلك انطلق بهمته وارادته فى طلبه للعلم واصبح من ابرز واكبر علماء الاسلام هل تعلم من تلميذه النجيب باتفاق العلماء والذى اكمل مسيرته وايضا لم يكن خريج ازهر اسحاق الحوينى وخذ ايضا هذه الاسماء التى تعتبر رموزا لعلماء الاسلام فى العصر الحديث ولم يكونوا خريج ازهر ولم يقال عليهم علماء بدعم من دول مختلفة ! مصطفى العدوى صالح بن فوزان بن عبدالله الفوزان عبد العزيز بن باز بن جبرين محمد بن صالح العثيمين محمد حسين يعقوب محمد حسان الشيخ الدكتور جمال المراكبى وبالنسبة للشيخ محمد بن عبد الوهاب فهو ليس امام انه عالم وامام وداعية ومجاهد |
رد: تحذير لصيادلة الأسكندرية ... المضحكات المبكيات
طيب انا هرد علي كلامك جزئيه جزئيه اما اشوف اذا كنت بحشر الكلام زي ما سعادتك بتقول ولا لا اولا انت قلت
مفهوم أخذت من كلامى وحشرت فيه "مركزأوى" وحشرت فيه " مسلمين ومسيحيين " وبعدين رديت عليه . أسم حضرتك د.محمد حسام أنا غالبية أصحابى " محمد " و لما بيكون كتير محمد فى أسكندرية أصحابك بتنادية بأسم أبيه يعنى م.محمد هشام ننده له " يا هشام " لأنى لو قلت يا محمد 15 مهندس من ال 20 مهندس هيردوا عليا ... وطبعا أ.هشام مش مهندس فغالبا مش بقول يا باشمهندس هشام بدون تقليل ولا غيره لأن مش أنا اللى هقلل أو أرفع من أنسان لأن ممكن يكون خريج معهد فنى صناعى ويعرف أكتر من مهندس بحكم الخبرة .. فشخصية الواحد هى اللى ترفعه أو تنزله لكن محدش يقدر ولا أنا يسرنى أنى أقلل من حد طبعا ... ونصيحة لو عاوز تعرف تفكير حد تسأله وش كدا "أنت بتقلل منى ؟" لكن متفترضش شئ من عندك فى كلام حد ... وأنا أسمى نادر وأنت بتكلمنى بأسم فيليب معرفش لية !!! ومفيش غير 2 نادر فى المنتدى كله واحد كاتب أسمه بكنيته والتانى أنا . أنا كمان كنت برد عليك أنت وعلى كلامك ولا دار فى دماغى " اللى حوليهم ومتعصب والكلام دة " لكنه دار فى تفكيرك أنت وأفترضته بردو مع نفسك كدا .أنا لما دخلت موضوع تانى فى مشاركة امبارح قلت بصراحة كدا الموضوع دة متوتر ومتعصب جدا وهشارك فيه " يعنى لو شايفك متعصب كنت هقولها لك بردو ... النقاش قلب وأصبح أنى بدافع عن نفسى عن كلمات أنت اللى قولتها على لسانى مش أنا اللى قولتها ... ياريت نركز فى أساس الموضوع . طيب كلمة مركز اوي ومسلمين ومسيحين ما هماش شتيمه عشان تزعل اوي كده لما اقولهم بالنسبه لاصحابك طبعا انت تقولهم اللي انت عايزه وعشان انا ماعرفكش ولا انت تعرفني خاطبتك بكلمة بشمهندس ليا في اول رد ولو انت قابلت حد واتعرفت عليه لاول مره وقالك انا فلان الفلاني وانت من غير ما تعرفه ناديته زي ما نادتني هيحس انك بتسخر منه وياريت ما تقوليش انا ماليش دعوه باحساسه وبعدين انت فعلا حشرت في كلامك كلمة تعصب وكانك حكمت عليا باني متعصب ياريت بلاش احكام مسبقه مش هو ده كلامك وراجع كلامك عشان تتاكد اما كوني قولتلك فيليب فما تزعلش اوي انا ليا اصحاب اسمهم نادر كتير :D الجزئيه التانيه من كلامك بتقول فيها غريبة المفروض يعنى يكون المنتدى هو مكان النقاش الوحيد بالنسبة لى ؟!!! هو انا قولت ان المفروض يكون كده الجزئيه التالته من كلامك بتقول فيها الناس اللى زى الائمة احمد بن حنبل و مالك وأبوحنيفة والشافعى هم اللى قام على فكرهم الأزهر لكن انا بتكلم على ناس مؤهلاتها : بكالوريوس اعلام - بكالوريوس السن - دبلوم معلمين - بكالوريوس طب و جراحة - بكالوريوس طب + ماجيستير طب اطفال - بكالوريوس تجارة- هندسة قسم كمبيوتر- ليسانس اداب قسم مساحة + ماجيستير تخطيط عمرانى - بكالوريوس خدمة اجتماعية - ليسانس حقوق - بكالوريوس هندسة قسم مدنى - بكالوريوس طب - بكالوريوس زراعة + ماجيستير و دكتوراه فى العلوم الزراعية - ليسانس حقوق + ماجيستير و دكتوراه فى القانون - بكالوريوس هندسة قسم ميكانيكا - بكالوريوس تربية قسم كمياء وطبيعة - بكالوريوس تربية قسم رياضيات .... وبدون ذكر أسمائهم علشان ميكونش الكلام فيه طابع شخصى أفتكر أنك تعرفهم واحد واحد ... ونجحوا بقدرة قادر فى التشكيك فى علماء الأزهر وتنصيب أنفسهم علماء أو بدعم من دول مختلفة عننا فى مصر جذريا وذات طبيعة فكرية بدوية ممكن نسميهم دعاة مثلا لكن علماء صعبة معايا شوية وإلا أكون أنا بقى عالم هندسة على الكتب الهندسية اللى قريتها . ممكن نستثنى الشيخ الفاضل محمد اسماعيل المقدم ... بكالوريوس طب + ليسانس الشريعة الاسلامية من جامعة الازهر (مع أحتفاظى بالأختلاف معه فى بعض الأراء ). الناس اللي انت بتتكلم عنها اخدت اجازات بالعلم من علماء كبار ودي الطريقه اللي كان كل الائمه السابقين ماشيين عليها الازهر مش هو المكان الوحيد اللي بيخرج علماء الجزئيه اللي بعد كده بتقول فيها أنت مش قولت "المهم نكون أحنا الأتنين مسلمين وانا ممكن يكون ليا راي مختلف واؤيده بقول الله والرسول المهم اننا تكون مرجعيتنا واحده وصح " وللا بلال فضل مش مسلم http://www.fx-arabia.com/vb/images/smilies/1%20(13).gif طبعا انا قولت في كلامي ان بلال فضل مسلم طبعا ولكنه من العوام في العلم الديني فما ينفعش انه يقف امام عالم ويعمل راسه براس العالم اما بالنسبه لكلامي فانا كنت اقصد ان الاتنين يكونوا من نفس مستوي العلم ويكونوا اساسا علي علم عشان مش اي حد قاريله كتابين يفتكر نفسه انه بقي عالم الجزئيه اللي بعد كده انت قلت فيها أه الجملة دى كنت عاوز أدلك بها على حاجتين الأولى أنك بتكلم واحد مش متعصب وأنك تحس يعنى أية ليبرالى وطباعه بيكون شكلها أية .... والتانية أنت عارف طبعا أن قراءة القرآن الكريم بطريقة صحيحة بتكون صعبة على الشخص العادى علشان التشكيل وكدا لكن أنا قلت لك كنت بقرأه له وأفهمه له كمان ( وكمان بحفظه له ) علشان تعرف أنك بتكلم شخص فاهم ودارس الكلام اللى بيقوله ( وحافظ كمان أكتر من ناس كتير ) يعنى مش شخص من النوع اللى داخل يكتب كلمتين ويشتم ويجرى .. أنا قارئ كتب أسلامية مقدرتش أحتفظ بها فى بيتى علشان معنديش مكان للكمية الكبيرة منها ... شبة اللى بتشوفهم فى المكتبات بتاعة الأفلام كدا . وبالتالى أنت بتكلم صديق مش عدو . طبعا كل دة كلام بعيد عن الموضوع وكلام شخصى مكنش له مكان فى الموضوع .... لكن نشوف النصف الممتلئ شكرا علشان مقولتليش "أنت قصدك الأفغان كذا وكذا " وخليتنى أقعد أدافع عن نفسى فى كلام مقولتهوش تانى ... كويس أنك عديتها دى http://www.fx-arabia.com/vb/images/smilies/1%20(77).gif كونك عارف ده كله ده مش دليل علي عدم التعصب بل بالعكس احب اقولك ان جميع الناس اللي كانت تهاجم الاسلام كانوا بيقروا كويس اوي قبل هجومهم لعلهم يوصلوا لاي ثغره تمكنهم من الاسلام واخيرا احب اقولك ان كلامي من اوله لاخره كان المقصد منه ارد غيبة الاخوه المسلمين اللي تم انتقاد افعالهم في الموضوع لان دينا نهانا عن الغيبه ولو حابب اتكلم في الموضوع استدعيهم واقولهم رايي عشان يقدروا يدافعوا عن نفسهم والحمد لله مقصدي اديته بالتوفيق يا بشمهندس نادر |
رد: تحذير لصيادلة الأسكندرية ... المضحكات المبكيات
اقتباس:
بالنسبة للشيخ محمد بن عبد الوهاب الامام والعالم والداعية والمجاهد ده من وجهه نظر حضرتك وطبعا مع المتفقين مع وجهه نظر حضرتك طيب ممكن نشوف وجهه نظر تانية لواحد محسوب على الاسلاميين الدكتور محمد العوا وهو نائب الشيخ القرضاوى رئيس الاتحاد العالمى لعلماء المسلمين http://www.youtube.com/watch?v=zr2j7...layer_embedded http://www.youtube.com/watch?v=8DDyH...layer_embedded http://www.youtube.com/watch?v=eGSA0...layer_embedded ياريت مسمعش انت مش عجبك الحوينى يبقى انت مش عجبك شرع الله |
رد: تحذير لصيادلة الأسكندرية ... المضحكات المبكيات
اقتباس:
والذى قال ان اسحاق الحوينى هو تلميذ الالبانى هو الشيخ الالبانى بنفسه عندما قرأ كتاب ( فصل الخطاب بنقد المغنى عن الحفظ والكتاب ) للشيخ الحوينى لان الشيخ الالبانى كان يقول دائما انا ليس لى تلاميذ بالنسبة لكلام العوا لما اشوف الفيديوهات هبقى ارد عليك بس مش العوا هوه اللى هيتكلم عن الامام محمد بن عبد الوهاب او هاخد منه اى كلام عن السلفيين او الوهابيين مع انى الاثنين واحد بالنسبة لاسحاق الحوينى انت مضايق منه فى حاجة غير موضوع ان المرأة جاهلة ؟ يعنى واخد عليه حاجة تانية غير ده ؟:1: اخيرا الانسان الوحيد فى العالم اللى لو معجبكش كلامه هقولك ساعتها انت مش عجبك شرع الله هو الرسول صلى الله عليه وسلم وانا لما دافعت عن كلام الشحات دافعت عن الكلام مش عن الشحات لما بدافع عن كلام احد الشيوخ بدافع عن الكلام نفسه مش شخصية الشيخ ولما دافعت عن الحوينى انا كنت بدافع عن كتبه وخطبه وعلمه الواسع |
رد: تحذير لصيادلة الأسكندرية ... المضحكات المبكيات
اقتباس:
ممكن تشوف الفيديوهات اللى أرفقها لك امير كبداية . دمت بود كما تود أ.فاروق |
رد: تحذير لصيادلة الأسكندرية ... المضحكات المبكيات
اقتباس:
|
رد: تحذير لصيادلة الأسكندرية ... المضحكات المبكيات
اقتباس:
بالتوفيق يا دكتور محمد حسام وربنا ينصرك دائما فى فعل الخير ,, أ.فاروق: معلش لو عاوز تكمل كلام ويهمك السؤال اللى سألته وقلت لك هجاوب عليه ممكن تبعت لى على الخاص وأبعت لك الرد حرصا على مشاعر بعض رواد المنتدى الذين قد يفهمون الأمر بطريقة خاطئة وأنت تعلم بالطبع طبيعة حساسية موقفى ... مش كل الناس تقبل النقاش بهذة الطريقة بل قد يغضب البعض كما سلف .وأعتذر أن كانت حرية التعبير كفرد فى المجتمع أخدتنى شوية :1 (109):.وأن كنت اعتقد انه فى خلال بضع سنوات سيكون من الطبيعى مناقشة هذا الكلام بلا حساسيات ... بالتوفيق لسعادتك ايضا . |
رد: تحذير لصيادلة الأسكندرية ... المضحكات المبكيات
اقتباس:
طيب انا عايز اتابع ايه الحل ؟؟؟؟؟؟؟؟؟؟ |
رد: تحذير لصيادلة الأسكندرية ... المضحكات المبكيات
اقتباس:
|
رد: تحذير لصيادلة الأسكندرية ... المضحكات المبكيات
اقتباس:
هى دى المصيبة السوده راى الحوينى هو حكم الله!!!!!!!!!!!!!!!!!!!!!!!!!!!!!!!!! يعنى لو اختلفت معاه يبقى انا كافر ده على اساس ان معاه صكوك المغفرة والرحمة من ربنا انت بتقولى الحوينى وانا بقولك الإمام الشافعي و قوله رأي صواب يحتمل الخطأ،ورأي غيري خطأ يحتمل الصواب انت بتقولى الحوينى يعنى حكم الله وانا بقولك الإمام مالك بن أنس رحمه الله إمام دار الهجرة يقول: كل امرء يؤخذ من كلامه ويرد عليه إلا صاحب هذا المقام وأشار إلي روضة النبي صلى الله عليه وسلم فلا عصمة لأحد بعد الأنبياء |
رد: تحذير لصيادلة الأسكندرية ... المضحكات المبكيات
طب انت سمعت يا استاذ امير ليه الشيخ الحوينى قال ان كرة القدم حرام ؟
وما رأيك فى الاسباب ؟ ملحوظة انا متابع الدورى الانجليزى بقالى 5 سنين وهو عشقى الاول والاخير فى كرة القدم |
رد: تحذير لصيادلة الأسكندرية ... المضحكات المبكيات
اقتباس:
وختاما انا تقريبا بأكتفى بهذا القدر وممكن اى شخص يدخل يتابع الموضوع من اول مشاركة الى الاخر هيقدر يميز بين اتجاهين سائدين فى مصر وفى الاخر اتمنى الخير للبلاد والعباد |
رد: تحذير لصيادلة الأسكندرية ... المضحكات المبكيات
اقتباس:
كنت منتظر رد على مشاركة حضرتك من الامس ولسه هفضل منتظر بالنسبة للمجتمع مش جاهز للشفافية والمصارحة هرد عليك .................مش كله وان انت اخذتك الجلالة واتكامت برحتك وانت لازم تتكلم برحتك .......احنا فى بلد ديمقراطى (المفروض) الانسحاب فى هدوء .............مش حل لفظ المرفوضين !!!!!!!!!! ومواطن درجة اولى ممتازة (انت راكب اتوبيس) لا ياعم انت فهمت غلط مفيش حد نازى هنا |
رد: تحذير لصيادلة الأسكندرية ... المضحكات المبكيات
اقتباس:
الامام محمد بن عبد الوهاب انا قرأت عنه فى اكثر من 7 كتب تاريخ لمؤلفين مختلفين وقرأت عنه فى اكثر من 20 كتاب اسلامى وايضا لمؤلفين كثيرين وقرأت له شخصيا كتابين له فلماذا أرى فيديوهات لواحد او اتنين زى العوا وبعدين فى الدين الاسلامى العلم يؤخذ من الكتب اولا ومش اى كتب لازم تكون كتب معتمدة واسانيدها صحيحة انا لما بسمع معلومة من احد الشيوخ على الرحمة وتكون غريبة على اذنى ببحث عنها اولا فى الكتب لكى اتأكد منها فما بالك بمقاطع اليوتيوب والتى لااعلم لو كان ملعوب فيها ولا لاء زى مقطع الجهاد الخاص باسحاق الحوينى فهو مقطع من فيديو منذ 18 عاما ويتكلم فيه عن الجهاد بصفة عامة ومقاطع كثيرة لا يأخذون منها الا كلمة حرام ولايكملوها حتى الاخر بالنسبة لشرحك الجميل عن مذاهب الفقه وان المذهب يتكون على حسب المكان فهو كلام غريب جدا وعجيب وليس صحيح تماما وهذا طبيعى لانى وانا شخص مسلم وتقريبا لدى بعض الثقافة الدينية اجد ان علم الفقه من اصعب العلوم الدينية ولا استطيع ان اتكلم فيه او اجادل فيه وهو علم واسع جدا ولكى ارد عليك فيه احتاج الا البحث والدراسة على الاقل لمدة اسبوعين ومن الكتب وليس الانترنت وفى الاخر ممكن ان لا افهمه اصلا ! فمن الطبيعى وانت انسان مسيحى ان تكون أرائك فى الفقه غير صحيحة وفيها بعض اللخبطة لذا اطلب من اى عضو له فى علم الفقه ان يرد على ماكتبه الاستاذ نادر وتوضيح حقيقة اختلاف المذاهب الفقهية لانى لا اجد فى نفسى المقدرة على هذا ولكن ثقافتى القليلة بالاسلام هى التى جعلتنى متأكد ان ما كتبته غير صحيح حتى لا تسألنى وتقول مادام انت متعرفش فى الفقه ليه قلت انى كلامى غلط ؟ |
| الساعة الآن 06:27 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com