|
نصائح عامة
بما انى اعد نفسى خارج للتو من مرحلة المبتدئين وبدأت ابقه فوركساوى على قده
والفضل فيما تعلمت يرجع بنسبه لا تقل عن 95% لهذا المنتدى الجميل واعضائه ومشرفيه واخص بالذكر طبعا حبايبى معاذ ود اسامة وميدو 1982 وغيرهم كتيييير اللى عمرى ماهقدر احصرهم كلهم فكمحاولة منى لبذل قليل من الجهد للمنتدى الجميل ده قلت اكتب عصارة تجربتى ال 4 شهور اللى فاتوا..قد تحتاج للتعديل من الخبراء وقد تكون سليمة تماما وسأترك لكم الحكم ولعلها تفيد ولو عضو واحد فقط: 1-اهتم بالستوب قبل الربح قد تجد امامك فرصة جميلة تشير اغلب المؤشرات والتحليلات للصعود مثلا..لا تفتح الصفقة مباشرة..حدد اولا الستوب,هل هناك دعم قوى قريب من السعر يدعم الصعود؟كم يبعد؟100 نقطة؟ لا كتيير جدا ستكون خسارة قاسية,هنا فتش عن صفقة اخرى او راقب الشارت فترة اكبر حتى يقترب السعر من دعم او موفينج قوى تستند عليه فى الستوب. لو فتحت 4 صفقات كل صفقة منهم هدفها 80 نقطة وستوبها 40 نقطة..وبما ان التحليل يدعم اتجاهك فعلى الاقل ستحقق صفقتين الهدف وبذلك يكون الاجمالى النهائى +80 نقطة رغم ان نجاح الصفقات 50% ذلك خير من التعجل فى الدخول وتتلقى ضربة قاسمة تهبط من معنوياتك. 2-الاوامر المعلقة افضل من الاوامر المباشرة. صحيح ان ذلك سيحرمك من ميزة الدخول بعد تكون شمعة هامة ولكن الدخول باوامر معلقة تكون حاسبه برواقة بلا تسرع..وتكون عادة بالقرب من دعم او مقاومة قوية تدعم الستوب بتاعك 3-ان اردت ان تضارب فضارب على اليورو او الباوند,اما لو اردت ان تستثمر فلتستثمر بالذهب او الكندى او الفرنك اليورو والباوند عملات سريعة الحركة وقوية والتمكن من التحليل الفنى يخليك طالع نازل بتقش..اما الكندى والفرنك فهم هابطين ولو صعدوا والذهب صاعد ولو هبط! 4-اذا قررت ان تدخل بسعر السوق"مباشر بدون اوامر معلقة"فلا تأخذ الترند من اوله,انتظر شمعة تؤكد اتجاهك اولا. الطمع فى الارباح من اول الترند عاده ما تنتهى بكسر الترند وستوب سريع. 5-لا تفتح الصفقة قبل قراءة سريعة للاخبار القريبة على العملة. 6-لا تدخل صفقة فور انتهاء شمعة الدايلى لان السبريد يكون مرتفع جدا. 7-لا تدخل صفقة عكس توصيات الاعضاء المخضرمين. ياما حاولت اتفذلك واقول انى تحليلى صح وان المضرمين كمان بيخسروا..بس دايما الصفقات دى بالذات بخسرها ويكسبها المخضرمون. 8-عندما تخسر خسارة موجعة,لا تنتقم من الشارت. عن نفسى اروح العب كام جيم بلاى ستيشن ولما احس ان مزاجى رايق افتح الشارت تانى,الدخول المتتالى سىء باجماع الاراء. 9-اذا كنت مبتدىء لا تستخدم الاكسبرتات..ولا تشتت نفسك فى اكر من استراتيجية للتداول. يستحسن فى البداية التركيز اما على الكلاسيكى او المؤشرات..حسب ميولك. 10-لا تتبع توصية لم تحللها ولم تقتنع بها جيدا. هذا الموضوع قتلناه بحثا فلن اتعمق فيه ثانية. 11-تابع فيديو التحليلى الاسبوعى للعملات للدكتور اسامة فهو قيم جدا ,ولكن كونه موجود مجانا ينسى البعض اهميته وخليه فى ذاكرتك لاخر الاسبوع. 12-لون ترنداتك ومقاوماتك ودعومك.. انا شخصيا الون الترند الشهر بلون داكن جدا "بنفسجى غامق" واقلل من اللون الداكن حسب نزولى بالفريم الى ان اصل للون الابيض على فريم الساعة,ذلك يفيدنى جدا عندما اجد السعر قريب من ترند لا اتسائل ان كان هذا ترند شهرى ام اسبوعى.....لو احمر فهو اسبوعى ولو برتقالى فهو يومى ولو اصفر فهو 4 ساعات..ذلك يساعدنى على التنظيم اكثر. 13-لا تمسح اى ترند على فريم كبير حتى لو انكسر..دائما ما يتعامل معه السعر معامله خاصة وانا شخصيا ادخل على هذه الصفقات سكالبينج..وتزيد النقاط حسب الفريم..يعنى لو السعر اقترب من ترند يومى "حتى لو مكسور" ادخل صفقة عكسية مع التلامس بحوالى 20 نقطة فقط...او على الاقل انتظر تأكيد الكسر او الارتداد. 14-ليكون الشارت اكثر تنظيما فالخطوط المرسومة اخليها فقط visible للفريم الاصغر. .يعنى الشهرى يظهر على كل الفريمات والاسبوعى يظهر على كله الا الشهرى واليومى يظهر فقط على اليومى وال 4 ساعات والساعة ...وهكذا. لو لم تفعل ذلك فربما لن تعرف شكل الشموع من الشخبطة على الفريمات الكبيرة بفعل الخطوط اللى بترسمها على الفريمات الصغيرة. 15-لو لم تحترف الفوركس بعد..لا تهدج ابدا, سيكون لى موضوع منفصل عن الهيدج الذى لا احبه وارى مساؤه اكثر كثيرا من مميزاته..وصراحه حتى لو كنت حبيرا فلا اظن انى سأعمل بالهيدج يوما ما 16-لا تترك صفقة بدون ستوب. حتى لو كنت ملاصق للشارت فانت لا تضمن انقطاع التيار ولا انقطاع خدمه الانترنت ولا الكمبيوتر او مشوار عاجل اضطريت تسيب كل اللى فى ايدك عشانه...اذا كنت تعتمد على ستوب يدوى اوكاى ولكن هذا لا يمنع ان تضع ستوب بعيد احتياطى. 17-ان كنت مبتدىء لا تدخل غير بصفقات صغيره جدا. خسارة الصفقات الصغيره لن تؤلمك نفسيا ولكن ارباحها الصغيره يكون لها فى نفسك مفعول السحر. 18-لو كنت مبتدىء لا تضارب على اكثر من عملة او عملتين بالكثير نصيحة حصرية من العضو الجميل mido1982 افادتنى جدا شخصيا..عندما تركز على عملة واحده ستحفظها جيدا وتحفظ كيف تتعامل عاده فى المواقف الفاصلة وستفهم الاخبار الصادرة عليها ولن تتشتت فى مليون شارت امامك ومتبقاش عارف تفتح صفقات ايه ولا تقوم وتريح دماغك --------- اتمنى الموضوع يعجبكم ويفيد. |
رد: نصائح عامة
شكرا لك اخى على النصائح الغاليه + لايك |
رد: نصائح عامة
نصائح حلوة من شاب زى العسل:1 (72):
فى انتظار النصائح الجديدة والمعدلة بعد حوالى 5 شهور كمان:1 (80): |
رد: نصائح عامة
اقتباس:
كده انا هاجى فى حضنك من دلوقت :1 (83): النصائح المعدله ده دوركم باه من دلوقت عدلوا اللى انتو عاوزينه..اما الجديدة فأكيد مش هتأخر عليكم فيها |
رد: نصائح عامة
اقتباس:
|
رد: نصائح عامة
درر يا حاج طارق ربنا يبارك فيك و يجعلنا نستفد مما نتعلم |
رد: نصائح عامة
شكرا لك على الموضوع
+ 1 |
رد: نصائح عامة
فعلا نصائح ثمينة جدا لا تقدر في ثمن احلى لايك لعيونك |
رد: نصائح عامة
اقتباس:
وبالنسبة لموضوع حضنى مش هينفع دلوقت علشان يحيى وامه واخدينه كله وكاتمين على نفسى:1: |
رد: نصائح عامة
المشكلة ان اغلبنا يعرف هذه النصائح
ولا ينفذها ابدا بارك الله فيك على الكلمات الرائعة |
رد: نصائح عامة
اقتباس:
اقتباس:
اقتباس:
مفيش اثمن من مرورك وكلماتك الطيبة ومواضيعك كلها تستحق اللايك كذلك اقتباس:
اقتباس:
|
رد: نصائح عامة
بارك الله فيك بهذه المعلومات شرحت الفوركس كله
احلى لايك |
| الساعة الآن 05:30 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com