|
ما رأيك فى ترخيص الفوركس رسميا فى مصر؟
السلام عليكم الاخوة الكرام..
موضوع فتحته منذ فترة و فوجئت ان الكثيرين يطلبون عدم ترخيص الفوركس فى مصر.. و لكن بعد ثورتنا المباركة فانا اعتقد انه ان الاوان ان نفتح الموضوع مرة اخرى لنتناقش فيه.. ترخيص الفوركس فى مصر كلنا نعلم ان الفوركس غير مرخص رسميا فى مصر و فى كثير من الدول العربية كالاردن و السعودية و المغرب و العراق و سوريا و اخرين.. فى السابق قال البعض ان انوف الحكومات ستتدخل لتفسد هذا العمل و لكن هل لازال الوضع كما هو فى السابق بعد الربيع العربى؟؟ الان اسالك ما رأيك فى ترخيص فوركس FOREX رسميا فى مصر و فى الوطن العربى ؟؟ الا ترى فى هذا فائدة ضخمة جدا للعرب ؟ 1- بقاء الاموال داخل مصر و عدم خروجها للغرب. 2- امكانية تحقيق ارباح للبنوك المركزية العربية القوية للغاية لو اجتمعت و هو ما يصب فى خانة الدعم للعرب بعملة صعبة. 3- الكف من شركات النصب و المسميات المختلفة تحت خمسميت ستار و النهاية انك مش مرخص رسميا كفوركس فى مصر. 4- التداول مع شركات وطنية موثوقة و مرخصة من قبل البنوك المركزية و يوفر علينا التوجه للقضاء خارج مصر و حباله الطويلة و مصاريفه المرتفعة و التوجه و المتابعة مع القضاء المصرى فى حالة وجود اى مشاكل. 5- تشغيل عمالة كثيرة فى المتابعة و الدعم الفنى و تعليم علم ينهل منه الخارج اموالا طائلة و الوكلاء و فتح بيوت كتيرة جدا. طيب ليه لا؟ ليه منفكرش اننا نبعت رسالة صغير لمنى الشاذلى او عمرو اديب او الجزيرة مباشر مصر و نقولهم يتكلموا على الموضوع ده.. احنا مش شوية..احنا كتير جدا فى الوطن العربى,ممكن يقدر ب 50-60 الف متاجر عربى و ده برضه رقم مش بسيط لانه حول العالم العربى.. يعنى لو اتفقنا فى هذا الامر ممكن نرسل ايميل و نقول لهم اتكلموا فى الامر و هاتوا حد خبير فى بورصة مصر و مسؤل و يشرح لنا ليه لا او نخاطبه و نطلب منه تراخيص شركات رسمية فى مصر تخضع للدولة و بقوانين صارمة.. طبعا العيوب المتوقعة لهذه الفكرة هو ان السبريد حيكون اعلى اكيد و كمان حيكون فى كوميشن على الصفقات و ضرائب على الارباح.. لكن المقابل يساوى راحة نفسية فى العمل و لا احد يسالك انت بتعمل ايه و فلوسك دى جاية منين و قانونيتها ايه.. ممكن لو اتفقنا فى حاجة اننا نعمل توقيع الكترونى على الفيس بوك و نطلب من الناس تصوت و نشوف قرار و نرسله لاى قناة اعلامية او جريدة تتحدث عنه باسهاب.. تحياتى و فى انتظار ارائكم و اقتراحاتكم. الله كريم. |
رد: ما رأيك فى ترخيص الفوركس رسميا فى مصر؟
اول مره اعرف ان ترخيص الفوركس ممنوع فى مصر واغلب الدول العربية!
هذه الفكرة يا دكتور ستواجه بعض العوقات,اولها واقواها هى صعوبه ايجاد فتوى بتحليلها إذ ستجد الازهر بصفة خاصه يحرم الفوركس ويعتبره مقامرة ثانى العيوب هو ان الدولة من مصلحتها انك تستثمر فى الاسهم افضل للنهوض بالاستثمار خير من النهوض بالفرنك السويسرى :D ثم ان الغالبية هيكونوا بيخسروا فلوس لفترة طويلة وده يضر الاقتصاد القومى عكس الاستثمار فى البورصه المصرية فى البورصه المصرية فلوسك حتى لو خسرت فبتفيد سهم شركة ما تستثمر فى مصر اما فى العملات فاموالك تذهب هباء فدى البورصات العالمية ----- الكلام ده لا يعنى انى ضد الفكرة لكنى اعطيك فكرة مقدما عن الاعتراضات التى ستظهر لكنى اوافق على هذه الفكرة خاصة ان الغالبية يخافوا ان يودعوا اموالهم عن طريق الانترنت او تحويل بنكى لشركة لم يروها من قبل |
رد: ما رأيك فى ترخيص الفوركس رسميا فى مصر؟
هى فكره جيده بالطبع يا دكتور ولو الحكومات بتبص من منظور ان الفوركس يستنزف فلوس العرب فقط ممكن نعملها زى موضوع الرخص يعنى اى شخص مصرى يقدر يتاجر بس بعد تجاوزه لمستويات معينه وحصوله على رخصه مزاوله المهنه واللى يخالف كده يعاقب قانونيا وبكده نضمن ان كل العرب اللى يدخلوا يدخلوا بناء على علم وخطط مش مجرد ان معاهم فلوس وبس وكمان ممكن نفتح مدارس للفوركس ؟؟ هذا رأيي والله اعلم انت ايه راى حضرتك يا دكتور وانا معاك فى فكرتك ومؤيدك جدا يا دكتور |
رد: ما رأيك فى ترخيص الفوركس رسميا فى مصر؟
ترخيص الفوركس في الوطن العربي صعب حاليا
خصوصا في الاردن الوضع الذي مرت به المنطقة سنة 2008 بعد انهيار البنوك العالمية ادى الى انهيار الفوركس في الاردن والى اغلاق جميع شركات الوساطة والوكالة في الاردن وايضا اصدار احكام على المتعاملين فيها وغيرها الكثير الوضع الان لا يسمح ابدا بالترخيص اولا يجب انهاء المشكلة السابقة واعادة الاموال التي تم حجزها لاصحابها وايضا انهاء الامور القضائية ولا ننسى ان سوق الفوركس بحاجه الى وعي كبير وبكل صراحة ما كان في الاردن سنة 2008 لم يكن فوركس حيث انه كان معتمد على الاهواء فقط في البيع والشراء ان شاء الله تنحل مشاكل الفوركس في الاردن حتى نبدأ الكلام عن اعطاء التراخيص الله كريم |
رد: ما رأيك فى ترخيص الفوركس رسميا فى مصر؟
هذا امر صعب
ولكن لو حصل حيكون متااااااااااااااااااااااااز |
رد: ما رأيك فى ترخيص الفوركس رسميا فى مصر؟
امنية جميلة واهداف نبيلة ولكن ...........................
المشكلة في الوطن العربي ليس بالكفائات ولكن بالنظام الرقابي الهزيل غالبا وعدم الشفافية مشكلتنا مشكلة مجتمعية ونحن لا نثق كثيرا بانظمتنا الرقابية لذا ستجد الترخيص مرتعا للفاسدين ويظلم الشرفاء لانه ببساطة الخير يخص والشر يعم كثيرة هي الاحلام الجميلة والتي لو تحققت يعم خيرا كثيرا اهم شيئ النظام الرقابي المحايد والصارم والشفاف امنية عظيمة اخرى ماذا لو كان هناك عملة عربية موحدة وليكن اسمها ما يكون وتدخل في ازواج التداول الرئيسية كم نضيع من الفرص بسبب فقدان الثقة المجتمعية وفقدان الثقة بهيئات الرقابة الخاضعة للحكومات كلنا امل بان يكون الربيع العربي ربيعا مجتمعيا وليس سياسيا فقط |
رد: ما رأيك فى ترخيص الفوركس رسميا فى مصر؟
انا من علمى البسيط
ان ده هيبقى وجع دماغ يعنى اللى الواحد بيشوفو من متاجرى السهم والسندات من شكاوى وقوانين ووجع دماغ الميزة فى الفوركس انه ابسط من غيره ليه نعقده |
رد: ما رأيك فى ترخيص الفوركس رسميا فى مصر؟
القنوات الفضائيه ان اهتمت وخصصت من وقتها لمناقشة الموضوع ممكن يفتح موضوع نقاشى كبير ينتهى من مقدم البرنامج بمناشدة للجهات المختصىة بداسة الموضوع
ده مش حل ممكن نتقدم للجهه المختصة مباشره لمعرفة ما هى المعوقات والحلول لترخيص نشاط جدد كالفوركس |
رد: ما رأيك فى ترخيص الفوركس رسميا فى مصر؟
اعتقد ان صعب فى مصر ترخيص الفوركس بسبب كثرة النصابين و فهلوة المصريين و كل واحد هيعمل زى المدعو هيثم الشامى لو فاكروينوة و يضحك على الناس و يلم الفلوس و ينصب دة من وجهة و من الجهة الاخرى الحكومة مش من مصلحتها انها مش عايزة حد يعرف الفوركس فى مصر بشكل كبير و يكسب منها علشان وقتها ممكن الناس تبطل تحط فلوس فى البنوك و يروحوا للفوركس و يكسبوا منو اكتر و طبعا دة من وجهة نظرهم مش مكسب ليهم ووجع دماغ دى وحهة نظرى تحياتى للجميع |
رد: ما رأيك فى ترخيص الفوركس رسميا فى مصر؟
موضوع جميل ومهم يا دكتور ترخيص الفوركس في الوطن العربي هو امر في غايه الصعوبه وفي غايه الخطورة في نفس الوقت الفوركس هو الشغل الوحيد الذي يجب ان يراقب عن قرب ولا يترك كما هو دون مراقبه مشدده لاننا لو نظرنا الى الفوركس من الخارج سنراى مليء بالاحلام والارباح : وهو ما يبحث عنه كل شخص يعني لو تم ترخيصه يمكن ان نرى كارثه عالميه في الوطن العربي ستزيد نسبه الفقراء فيهم صدقني ! طبعا انا لست ضد الترخيص انا مع الترخيص ولكن بشروط كبيرة ومشدده حتى يدخل عليها من هو قادر ومن هو مؤؤهل تحياتي |
رد: ما رأيك فى ترخيص الفوركس رسميا فى مصر؟
شكرا للردود الرائعة و المثيرة..
فعلا فى معوقات كتير فى ترخيص الفوركس فى مصر او الوطن العربى.. طيب الاخ امير عيسى قال اننا نتوجه للجهات المختصة ..طيب ايه هى الجهات المختصة؟ هل البورصة ؟؟ لا اعتقد فهم يكرهون الفوركس و الفوركسيين .. هل وزارة المالية.. لا اعتقد ايضا لانه مفيش حد حيفيد.. اعتقد اننا على الاقل نوصل صوتنا ان فى ناس زينا و مثلنا و نترك الامر للحكومات .. لو عايزة ترخص يبقى خير و لو مش عايزة ترخص يبقى خيرين شرط انه يكون فى ضمان ان هذه الاموال لا تجمد بسبب عدم دفع الضرائب او بسبب عدم وجود قانون ينظم هذه التجارة.. البعض الخاسر يقول انه لا فائدة و لكن تخيل لو ابتسم لك الحظ يوما و ربحت مثلا 12 الاف دولار..من اصل الف او الفين دولار.. فى الاصل ان البنوك التى ترد لها تحويلات اكثر من 10 الاف دولار تقوم باجراء روتينى هو مراسلة ادارة الائتمان و مكافحة غسيل الاموال لمراقبة المستقبل لهذا المال.. طيب لو اشتغلت و اكتر و ربنا كرمك شوية اكتر حتكون قلقان برضه.. طيب لو فتحت حساب فى كوميشن و جبت عميل ولا اتنين و بقيت تاخد عمولات كويسة بشكل شهرى لو قلنا مثلا كل شهر الف دولار بشكل مستمر..طيب مش ممكن تقع تحت التساؤل ؟ حتى الان محدش وقع تحت اى تساؤل او تحت اى طائلة قانونية من اى نوع سوى النصابين او المتلاعبين باسم الفوركس لكن من يدريك غدا وانتم كما تقولون الحكومات قد تكون مفسدة فما اسهل ان تجمد ارصدتك.. برضه احنا مش مطلوب مننا اى حاجة..احنا بس عايزين نوصل صوتنا للمسؤلين اننا مش شوية احنا كتير و كمان بنزيد و اعلانات الفوركس فى المواقع كل يوم بتزيد وكتير بيدخل على الاقل يتعلم او يجرب مرة و لما يكتشف الصعوبة بيمشى.. ليه البنوك المصرية متاجرش فى فوركس و تحقق ارباح طالما فى سيولة عملاقة..سمعت ان الاهلى المصرى ارسل بعض الاشخاص للتدريب فى لندن على الفوركس للمتاجرة(غير مؤكد).. هناك ادارة فى البنوك تسمى ادارة الالتزام تختص بفروق تحويل العملة ولكنها لا تتاجر بالمال و هذا يعنى انهم ملمين بحركة السعر لان هذا من اساس عملهم لو حد عايز يحول ملايين بتفرق معاهم السعر و السيولة.. اذن القصد اننا نرسل ايميل بسيط لقناة اعلامية او لجريدة مقروءة او مسموعة و نطلب منهم فتح الموضوع و التحدث للاخصائيين فى الامر و اعطاء سبب واقعى و مقنع للرفض.. تحياتى للجميع و شكرا على المرور.. حتى الان النص موافق و مشجع و النصف لا.. تحياتى |
رد: ما رأيك فى ترخيص الفوركس رسميا فى مصر؟
السلام عليكم
يوجد في بعض الدول العربيه بعض شركات او مكاتب التداول في العملات في دوله الامارات توجد بعض الشركات لتداول العملات وهي مرخصه من قبل الهيئه الاتحاديه للاوراق الماليه و السلع و لكن يتخوف الناس منهم و ذلك لقله خبرتهم و عدم وضوح هذه الشركات في كيفيه دخولها الاسواق العالميه او هل هي تتعامل عن طريق و سيط عالمي كذلك يوجد بنوك و طنيه تتعامل مع الفوركس حتي انه توجد لدي بعضهم منصات تداول ميتاتريدر خاصه بهم اغلب تلك المكاتب و الشركات تتعامل مع الاسهم بالاضافه للعملات |
رد: ما رأيك فى ترخيص الفوركس رسميا فى مصر؟
ياريت يتم ترخيص الفوركس فى مصر هتفرق معانا كتيير
|
رد: ما رأيك فى ترخيص الفوركس رسميا فى مصر؟
الجهه المختصة وزراة الاستثمار ممكن نتقدم بطلب تاسيس شركة اى كان نوعها سواء مساهمة او توصية بالاسهم او ذات مسئولية محدودة ونشوف ايه النتيجة |
رد: ما رأيك فى ترخيص الفوركس رسميا فى مصر؟
اقتباس:
الله ينور يا هيما بجد هو ده الكلام الصح بجد لا ينفع ان الفوركس يترخص في مصر بسبب عقلية الشعب المصري الضعيفة جدا علميا والعالية جدا فهلويا بكرة نلاقي دبلوم صنايع كفر الشيخ ولا مش عارف ايه وبيشتغل محلل فني و يقولك انه معاه شهادة من امريكا ولا بتاع وفي نفس الوقت البنوك مش عايزة حد في مصر يشتغل فوركس عشان الناس تحط فلوسها في البنوك وتضحك عليهم بالفايدة الآمنة جداااااااااااااااااا 9 % أحلى لايك لأحلى دماغ عالية في التفكير |
رد: ما رأيك فى ترخيص الفوركس رسميا فى مصر؟
فكرة جيدة ويا ريت لو الموضوع ده تحقق هيكون لية نفع كثير
|
رد: ما رأيك فى ترخيص الفوركس رسميا فى مصر؟
لازلت اعتقد انه من مصلحه الحكومة تشجع الاستثمار العائد بالنفع بالعملة الصعبه
لكن شرط كما قال الاخوه ان يكون هناك قيود وشروط صارمة للشركات وللمتداولين والفهلوة موجوده حتى فى البورصه المصرية لكن الناس اتعلمت متاكلش من الفهلوه دى ولو هناك قيود على المتداولين يبقه مش هتسمح بالتداول غير للناس الفاهمه اللى صعب يتاكل بعقلهم حلاوة |
رد: ما رأيك فى ترخيص الفوركس رسميا فى مصر؟
سوف يكون ترخيص الفوركس بمصر ممتازا فى حالة واحدة :
أن يكون لك حرية الإختيار إما أن تتاجر مع شركة فوركس مصرية أو تتاجر مع شركة فوركس فى أى مكان بالعالم كما هو الآن , وغير ذلك سيكون ضرر كبير علينا فنحن نعلم مقدار البيروقراطية والتعقيدات هنا , ولكن الخوف من أنه يتم ترخيص شركات فوركس بمصر تكون بشروط مجحفة ويتم التضييق بشدة على إمكانية تحويل الاموال أو استقبال الأموال من شركات فوركس خارج مصر .. الامر المقلق أيضا الضرائب ...لانها مصلحتهم أولا ... وعلشان نطمئن على مستقبل أولادهم ... فى الوقت الراهن هناك جو من التفاؤل يسود الجميع فى ظل انهيار النظام السابق ومحاولة الاصلاح القائمة ... ربما يكون ترخيص الفوركس فى الأيام القادمة ومع تنامى معدلات الاصلاح وقلة الفساد ونشر الوعى والتعليم بين الناس متميزا , ولكن ليس الأن . |
رد: ما رأيك فى ترخيص الفوركس رسميا فى مصر؟
انا مع ترخيص الفوركس فى مصر علشان يبقى الواحد ماشى قانونى وميحصلش زى مالدكتور بيقول تجميد ارصده او اى مسائله قانونيه
وبالنسبه للدكتور اسامه عايز اسئله لما بيحول اى ارباح من شركه فوركس زى اف اكس دى دى للبنك فى مصر هل بيحصله اى مشاكل او اى مسائله حتى لو المبلغ كبير ا صغير؟ |
رد: ما رأيك فى ترخيص الفوركس رسميا فى مصر؟
والله يا دكتور اعتقد ترخيص الفوركس فى الدول العربية زى بالضبط فكرة انشاء المحطات النووية
شكله حلو من بره ولكن الباطن ربنا يستر منه شعوب بتاعت خليها على الله وربنا يستر من غير علم ولا دراسة غير انو الترخيص حيكون باب كبير للنصابين زى شركات توظيف الاموال بتاعت زمااااااااان |
رد: ما رأيك فى ترخيص الفوركس رسميا فى مصر؟
اهلا يا دكتور أفكار قوية كما عاهدناك
بارك الله فيك الفوركس في الدول العربي في رايي لن ينجح ما لم ينتهي زمن اللوصصة اي اللصوصية التي يبدع فيها أصحاب القرارات و الكراسي ممكن يوافقوا من هنا بشروط بسيطة و بعد أن تدخل الناس للسوق بأموالهم و حصد بعض الأرباح تنهال عليك الدولة بضرائب لم تسمع عنها من قبل ناهيك عن وقع السيرفر و قعت المنصة عطب في استقبال الأوامر الى غير ذلك من ألاعيب للنصب ما هو معروف أن أصحاب القرارات لهم خبرة في النصب ما لم تتغير عقلية المسؤول العربي سيبقى الوضع عليه و على المتضرر اللجوء الى الشركات الغربية بالتوفيق و السداد و ان شاء الله خير |
رد: ما رأيك فى ترخيص الفوركس رسميا فى مصر؟
اعتقد انه ليس من السهولة بمكان الترخيص بمزاولته عن طريق شركات و طنيه ( حكوميه او قطاع خاص ) فالامر يلزم خضوعها و مراقبتها من قبل الهيئة العامه لسوق المال كشركات وساطة الاسهم بالاضافة الى التأثيرات المباشرة حينها على الاسهم المصريه و الاتجاه نحو الفوركس ربما الان و التعامل من خلال شركات عالميه فإن ثقافه الاستثمار من خلال شركات غير مصريه يقيد و يحد كثيرا من التعامل فى الفوركس و اذا ما تم فتح الباب محلياً و رسمياً فإن هذا يعنى تحول شرس من سوق المال المصرى الى الفوركس أضف الى ذلك هل اذا ما تم ترخيصه فى مصر هل سيترك امر التعامل مع شركات عالميه اخرى متاح أم لا ؟؟؟؟ سؤال مهم أضف الى ذلك التعاملات الضريبيه و الموائمه للقوانين المصريه كما أن التقنيه التكنولوجيه هل ستتواءم مع كل جديد ؟؟؟ تساؤلات عديده تطرح نفسها مع الرغبة فى الترخيص للتعامل فى الفوركس فى مصر و كما ترى السوق المصرى فى بورصة الاسهم و مأسى الناس المتعاملين فيها و شكواهم المتكررة بل و انتحار بعضهم و ... و .... و .... إلخ لأن الكل يدخل كما يقولون بسياسة القطيع دونما علم و دونما سابق خبرة فتكون الخسائر فتخيل هؤلاء دخلوا الفوركس و خسروا ايضاً هل تستشعر حجم مأساتهم حينها و حجم ردود افعالهم و ما سينتج عنها ؟؟؟؟ |
رد: ما رأيك فى ترخيص الفوركس رسميا فى مصر؟
يمكن انا ببص للموضوع بنظره اخرى و عن مصر تحديدا ان مصر بتواجه مشاكل كتير الكترونيا و الفوركس ده معتمد على الأنترنت بشكل اساسى وتداول الكترونى مصر مش محطوطه على اكبر و اهم المواقع اللى بتهتم بالتجاره الألكترونيه فى مجالات كتيره و اكبر لبنوك الأكترونيه فى العالم الباى بال مش حاطه مصر فى القائمه بتاعتها بسبب وضعها اعتقد يسمي الوضع الأئتمانى
الشركات و المواقع العملاقه دى شايفه ان مصر مش بالجدراه انها تتحط على لائحتها و ناس كتير بيعانوا من كده و طبعا عندهم اسبابهم القويه انهم ميحطهاش وانا عند خبره بسيطه لقيت ان فيه حجات ناقصه كتير فى الأمور الألكترونيه فى مصر و سببتلى مشاكل و لغايه دلوقاتى بعانى منها هل بوجود نظام ائتمانى غير جدير انه يستحق مكانه خارج مصر بسبب وعى او قوانين او اى شئ هيقدر انه يتولى حجم ضخم زى سوق الفوركس و يقدر يتعامل معه بنفس كفاءة الأنظمه الأجنبيه ماعتقدشى انا شايف انه لو بس سمحت بالتداول فى الفوركس خارجيا و مع وجود قيود زى الأعتراف بكشوف حسابات الفوركس هايكون شئ كويس والواحد يقدر يتشغل و هو مستريح |
رد: ما رأيك فى ترخيص الفوركس رسميا فى مصر؟
انا مع ترخيص الفوركس في بلادنا العربية لكن بشروط اولها طرد كل رؤساء الدول العربية الى المريخ او الزهرة تعليق مشانق الوزراء والنواب على باب كل شركة فوركسية ان يفتح كل مواطن شركة خاصة به كي لا يسرق الاغبى منه ان يتم احراق نصف اللصوص واطعام سمك القرش النصف الاخر والغيم يعزلك ياحلوة شال والليل يحكيلك حكي ما انقال :1 (27): :1 (27): :1 (27): :1 (27): :1 (27): :1 (27): |
رد: ما رأيك فى ترخيص الفوركس رسميا فى مصر؟
فكره جميلة و موضوع رائع يا دكتور مشكووررر علية من وجهة نظري أن ترخيص الفوركس في مصر قد يكون شئ أيجابي و حان وقتة في مثل هذه الظروف التي تعيشها البلد الأن فهو سوف يعطي فرصة إلي تدفق العملة الصعبة إلي البلد مع وجود نسبة لا بأس بها الأن من المصريين المحترفين و أيضا ترخيص الفوركسس في مصر سوف يعطي فرصة لظهور شركات وساطة مصرية و مؤسسات لتعليم الفوركس و كيفية الربح من الفوركس هذا و يمنع من تلاعب الشركات الأجنبية بنا و يكون أسهل لنا في تحصيل الأرباح و لكن قد يكون شئ ليس بالمهم إلي المضاربين الصغار مثلي و لكنة شئ مهم للمتداولين الكبار و أيضا يعطي فرصة لزيادة الثقة في هذا المجال فأنا إلي الان أخاف أن أضع مبالغ كبيرة مع أي شركة مهما كانت الثقة في هذه الشركة و لكن عندما يكون في بلدي هنا شركات وساطة مرخصة من هيئة سوق المال و موثقة أيضا عالميا و يشرف عليها البنك المركزي و مضمونة أكيد سيعطيني الدافع إلي أن أدخل بمالغ كبيرة إلي هذا العالم الكبير و أنا مطمئن أعتقد أنة فعلا مشروع مربح للبلد حيث دخول العملة الصعبة إلي البلد و لكن السؤال دائما كيفية إحتساب الضرائب و هل الضرائب التي ستفرض علي شركات الوساطة ستحصلها منا عن طريق رفع نسبة السبريد أو ستحصلها مننا ككوميشن مثلا |
رد: ما رأيك فى ترخيص الفوركس رسميا فى مصر؟
شكرا للردود الرائعة..
غالبا لازال البعض غير مقتنع بجدوى الترخيص للفوركس فى مصر.. خلينى ارد على بعض المشاركات.. اقتباس:
بالنسبة لى لم تحدث اى مشاكل و لكن نصحتنى زوجتى و حمايا ( نائب مدير عام البنك الاهلى) بان لا استلم تحويلات اكثر من عشرة الاف دولار فى المرة الواحدة حتى لا اخضع لتحقيق ( روتينى).. الاجراء الطبيعى فى حالة اشتباه ان يقوم مدير الفرع بطلب مقابلة العميل و السؤال عن قانونية هذه الاموال حتى لا يتعرض المدير نفسه لمسائلة.. فى حالة عدم اثبات قانونية الاموال فان المدير يبلغ ادارة عليا فى البنك تسمى بادارة الالتزام التى تحقق ايضا فى مصادر المال و ان لم يثبت صحة و نقاء المال فانه يتم تحويله الى مباحث الاموال العامة بعد ذلك. حتى الان لم تحدث لى اى مشاكل من اى نوع و الحمد لله و احافظ على تكنيك معين فى السحب من ارباحى و عمولاتى حتى لا يكون الامر مزعجا لاخوانا فى المباحث :) اقتباس:
مصر مرخصة للاسف انها حرامية انترنت و ده طبعا بسبب حيتان سرقات الانترنت و الفيزات و فى كتير منهم مصريين و ده اللى حط مصر بلاك ليستد على مواقع كتير مش بايبال بس.. اتمنى ان الامر يكون اختلف بعد الثورة و انه يكون فى اناس فاهمين فى شغلهم فى التحقيق لانه للاسف اساسا المحققين ميعرفوش يعنى ايه جرائم انترنت و مفيش قوانين الا لتركيب صور بنات على عاهرات او مضايقات على الموبايل و اشياء لا تقترب من احترافية هاكرز الانترنت.. شكرا للمشاركة الرائعة اخى مايكل.. الله كريم |
رد: ما رأيك فى ترخيص الفوركس رسميا فى مصر؟
اعتقد انه هيكون غير اهمية كدة كدة احنا شغالين و زى الفل |
رد: ما رأيك فى ترخيص الفوركس رسميا فى مصر؟
واضح انه لازال اغلب المتاجرين يريدون العمل فى الظلام..
هل هذا تعبير عن خسائرهم مثلا و مفيش فلوس داخلة او عدم رضائهم بالتغيير الذى حدث.. شكلنا مش حنفوق غير بمفاجاة انه مثلا الفوركس ممنوع و ساعتها الكل حيصرخ و يقول احنا عايزين نرخصه و نتاجر رسمى.. سبحان الله الممنوع دايما مرغوب :) |
رد: ما رأيك فى ترخيص الفوركس رسميا فى مصر؟
من الحجات الفانى فى مصر انى كنت سعات بروح ادفع فاتوره النت يقولى الشبكه واقعه :1:
حد فهم حاجه :) |
رد: ما رأيك فى ترخيص الفوركس رسميا فى مصر؟
ياجماعة لو حد حب مثلا يحول مبلغ كبير لحسابة فى شركة برة مصر لو قلنا مثلا 20 الف دولار ياترى لو حد سألة من مسؤلى البنك انت هاتودى الفلوس دى لمين برة هايرد علية يقولهم اية؟؟؟؟ ولو فرضنا مثلا ان شخص ما قرر ان يسحب ارباحة وكانت اكتر من 30 الف دولار مثلا وحد سألة انت جبت الفلوس دى منين هايرد عليهم يقولهم انا جبت الفلوس دى منين بقى ؟؟؟؟؟؟؟ |
رد: ما رأيك فى ترخيص الفوركس رسميا فى مصر؟
اول مرة اشوف الموضوع ده بس انا راى الشخصى انى البينة التحتية للبنوك المصرية لا تتحمل سوق كبير زى ده وبالنسبة للضرائب فالاموال الساخنة لا توجد عليها ضرائب والمقصود بالاموال الساخنة اى اموال المضاربات لانها قابلة للربح والخسارة (يعنى لو بياخد ضرائب علشان بتكسب المفروض يعوضك لو بتخسر ) ولا هو فى الحلوة بس ولو البنية التحتة للنظام المصرفى تستطيع تحمل عب السوق اظن بردوا هتتجاه الناس للشركات الاجنبية ذو المصداقية العالية |
رد: ما رأيك فى ترخيص الفوركس رسميا فى مصر؟
فكرة ممتازة و ياريت تتحقق بس احنا لسه صعب الفوركس يترخص
عندنا الثقافه مختلفه خالص .. و تقريبا عدد الداخلين مجال الفوركس مش يكملو ال 2 مليون في مصر .. لازم يبقي الشيء فيه اهتمامات الاول من الشعب علي شان الحكومه تهتم بيه اذا اهتمت بيه |
رد: ما رأيك فى ترخيص الفوركس رسميا فى مصر؟
ابتسم يا دكتور انت فى مصر |
رد: ما رأيك فى ترخيص الفوركس رسميا فى مصر؟
ان شاء الله اتوقع ان الفوركس ستأخذ التراخيص فى مصر
ولكنها ستكون مشكله وقت مش أكثر اكيد بعد ثورتنا لازم الفكر يتغير والترخيص هيسهل علينا امور كثيره كما شرحها الدكتور 0 |
رد: ما رأيك فى ترخيص الفوركس رسميا فى مصر؟
السلام عليكم
انا بعيد عن المنزل و سيتم المناقشة في المساء + كلنا لاحظنا قناة فيرست فوركس تي في على النايل سات اظنها تهرب الناس عوض ان تجلب الناس لا هي عرفت ماهو الفوركس فقط تطلب من المشاهدين اداع الاموال على كل حال لي عودة للمناقشة مساءا شباب |
رد: ما رأيك فى ترخيص الفوركس رسميا فى مصر؟
موضوع رائع جدا يا دكتور يستحق النقاش
ولكن قبل التفكير فى الترخيص يجب ان يكون هناك ضوابط وضوابط كثيرا ايضا وايضا شروط كثيره نظرا لكثرة المعوقات التى من الممكن ان تقابلنا فاولا نحن لانملك بنوك تستطيع توفير مبالغ ضخمه من اجل الرافعه الماليه اضف الى ذلك قطاع الاتصالات والانترنت وما يتطلبه الفوركس من سهولة نقل البيانات والاسعار ثالثا يجب ان تكون هناك ضوابط لمن يريد المتاجره فى الفوركس وان يكون حاصل ع شهادة تحليل فنى معتمده ع الاقل من هئيه تتبع سوق المال وتتميز بالشفافيه ولا يترك الى كل من هب ودب وكذلك السماح بترخيص شركات للاستثمار فى سوق العملات بمخاطره محدودوه ومحدده مع العملاء لمن لا يملكون الخبره والشهادات و وارجو ان يضاف ماده للقانون نصها (يعاقب بالاعدام شنقا كل من يتولى ادارة حسابات فوركس دون ان يكون مرخص ومعها شهاده معتمده تسمح له بالمتاجره ) وده لانه كل اللى شاف ليه مقطع ولا اتنين ع اليوتيوب يقولك رايح ادير حسابات كما ارى انه من الواجب تحديد سقف للاموال المخصصه للمضاربه ووضع حد اعلى حماية للعمله للصعبه لاننا نحتاجها فى الوقت الحالى كونناا بلد مستورد وهناك ايضا الكثير من المزايا والعيوب يجب تقنينها ومعرفتها ووضع الحلول المناسبه لها حتى لا نصحو ع كارثه اخرى مثل شركات توظيف الاموال |
رد: ما رأيك فى ترخيص الفوركس رسميا فى مصر؟
السلام عليكم ماعتقدش ان الفكرة هاتنجح خصوصا ان الفوركس ذو سمعة سيئة فى مصر و غير كده لو فتحت شركات مش هاتستطيع منافسة الشركات فى الخارج خصوصا الشركات الجديدة اللى بتعمل سحب و ايداع بالبنوك الالكترونية فا أصبح الأمر سهل غير السبريد القليل و الرافعة المالية العالية و غير كده هايأثر بشكل سلبى على الإقتصاد لان الشعب المصرى معروف بطرقه الملتوية يعنى مثلا فى اخوة قالوا ان يعملوا قوانين و مش عارف ايه اكيد فى ناس هاتغرى ناس بالمكاسب و هاتدخلهم الفوركس بطرق غير شرعية و يخسروهم انا رأيى اننا محتاجين ننهض بالبلد الاول و ساعة ما يبقى عندنا اقتصاد اصلا نبقى نشرع الفوركس فى مصر الشركة اللى ممكن نعرض عليها الموضوع و تكون الاضمن هيا شركة هيرمس |
رد: ما رأيك فى ترخيص الفوركس رسميا فى مصر؟
موضوع رائع وجميل ويستهال النقاش ولكن لى بعض الملاحظات بعدما قرأت كل الردود على الموضوع وأأكد انها ملاحظات شخصية قد تتفقون معها او تختلفون .
1- اعتقد ان التجارة فى مجال الفوركس قد مرت عبر مراحل من التطور كما نعرف جميعا فلم يظهر الفوركس هكذا دفعة واحدة بشكله الحالى والسبب انه مر بمراحل تطور الاقتصاد ذاته بمعنى اخر ان اقتصاد هذه الدول ( الاقتصاديات الكبيرة ذات السيولة الضخمة ) قد مرت عبر عصورها بكافة مراحل التطور بدأً من النشأة والميلاد وحتى وضعها الراهن فكيف بأقصاديتنا الوليدة والناشئة ( او حتى القديمة منها والتى شاخت لعدم مرونتها او لفساد القائمين عليها ) ان تستوعب سوقا بهذا الحجم وسيولة بهذه الضخامة ونظاما بلغ من التطور ما لا تسطيع معه الاقتصادات العربية ان تستوعبه ها سؤال اسأله فقط لكل عارف بالاقتصاد ويدرك ان اى نظام اقتصادى لابد له ان يحقق معايير الكفاءة اولا لكى يستوعب نظاما جديدا عليه بالكلية . 2- كلنا نعرف ان سوق الفوركس او التجارة فى العملات لا تحقق فى الواقع الفعلى اى مكاسب تذكر للاقتصاد القومى لان تنامى الاقصاد لا يقوم الا على العمل الدؤوب وتحقيق الاكتفاء الذاتى بل و الوفرة سواء على الصعيد الزراعى او الصناعى او التجارى او المعلوماتى والنهوض الشامل بكافة جوانب الحياة من تعليم وصحة وحقوق انسان ومساواة فاذا تحققت هذه الشروط ينهض الاقتصاد وينتعش وفى هذه الحالة يكون نشاط الفوركس لا خوف منه ويساهم فى انعاش الاقتصاد اما فى دولنا العربية نحتاج هذه النهضة اولا سواء دولا فقيرة او غنية ( الدول النفطية ) لانه الى الان لا يوجد ( فى اعتقادى ) اى نظام اقتصادى عربى يقوم على اساس سليم وقوى ومتين بحيث انه لا يتأثر بالازمات العارضة او لا يكون لديه استرتيجية سليمة لمواجهة الكوارث ( وكلنا يذكر ازمة دبى ) فحتى الدول العربية الغنية مازالت اقتصاديتها بحاجة الى الكثير والكثير من الاصلاحات الجوهرية فما بالك بالدول الفقيرة . 3- اعتقد انه لو وجهت اموالنا واموال الشعوب والحكومات الى احداث هذه النهضة بدلا من ايداعها فى البنوك والربح من فرق العمله بهدف انعاش الاقتصاد من العملة الصعبة هو كمثل من يواجه المشكله بحل اخر غريب لا يرتضيه العقل ولا المنطق خصوصا واننا ما زلنا نملك اقصادات وليدة واصر واقول انها وليدة برغم قدم بعض اقتصاديتنا ( مثل الاقتصاد المصري ) والكل يعرف لماذا انا مصر على هذا التعبير والذى اراه من وجهة نظرى لاننا لا نملك الرؤية الصحيحة للموقف الاقتصادى العربى المتردى الذى يحتاج الى فكر ثورى من نوع يعتمد على العلم والبحث والاجتهاد فى استنباط الحلول المبتكرة والمشاركة والوحدة فيما بيننا فأذا حدث هذا تكون هذه اول المراحل لبناء اقتصاد قوى يقبل ويستوعب كل الانظمة الاقتصادية المعاصرة والقائمة ( ومنها الفوركس ) ويهضمها بل ويستفيد منها اما غير ذلك فكأننا نرضع الطفل الصغير لحوم البقر فما زال الطريق صعبا ( وليس طويلاً ) على اقصادنا الوليد . معذرة كان عندى كلام كثير جدا لكى اقوله ولكن احس اننى اطلت عليكم الحديث ونقاش موفق ان شاء الله يارب نخرج منه بشىء وشكرا لكم |
رد: ما رأيك فى ترخيص الفوركس رسميا فى مصر؟
اقتباس:
للعلم يا صديقى عدد ملاك الاسهم فى البورصه 2 مليون ومية وعشرين الف ام المضاربين مثلا فى الفوركس يقدر عددهم ب 240 الف شخص .................................................. .................................................. ............ عدد المضاربين فى الفوركس فى مصر لا يتجاوزا ()15() الف شخص طبقا لاحصائيه شاهدتها فى سى ان بى سى عربيه وتم تقدير عدد المتاجرين فى العالم العربى بانه لا يتجاوز 200 الف وتستحوذ السعوديه وفلسطين والارض المحتله والاردن ع النسبه الاكبر منهم |
رد: ما رأيك فى ترخيص الفوركس رسميا فى مصر؟
«الفوركس».. سوق خفية في مصر يزداد روادها ولا تعترف بها الحكومة تقرير صحفى وجدتة فى جريدة الشرق الاوسط http://www.aawsat.com/details.asp?se...&issueno=11559 |
| الساعة الآن 11:32 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com