|
علمنى من اخطائك
كم مرة فتحت صفقة وبعد مرور فتره من الوقت اكتشفت انك تسرعت فى هذه الصفقة وهناك مالم تلحظه وتتمنى لو فقط اقترب السعر من سعر الدخول؟
انا شخصيا تتكرر معى كثير. قد انسى ان القى نظرة على شمعة الاسبوع الماضى مما تعطى مؤشر ان صفقتى الحالية فى خطر ولا الحظ ذلك غير متأخرا. قد ادخل بالخطأ وقت صدور خبر قوى وانا غافل عنه. قد انسى ان ألحظ السبريد المرتفع. وقد افتح صفقة بيع وانا اقصد شراء(تحصلى كتيير):1 (107): قد اكون اخللت بادارة رأس المال. قد تكون رفعت الستوب لوز على امل واهى بأن يرتد السعر مره اخرى..وقد تكون اهملت الستوب تماما. ياريت تشاركنا بكل صفقة فتحتها وندمت عليها ولو صفقة خسرتها وانت مش عارف خسرتها ليه ارفق لنا الشارت واحنا نقولك :D قد تكون غفلت عن نقطة هامه وقد يكون هذا عدم توفيق طبيعى لا دخل لنا فيه. نتعلم من اخطاء الاخرين احسن ما كل واحد يتعلم على حسابه :1 (83): |
رد: علمنى من اخطائك
موضوع جميل جدا يا غالي ( 1 ) صفقه فتحتها قبل الاغلاقات وقبل ان يثبت لنا انه تم كسر الترند او المقاومه .. الخ طبعا ويعكس علينا السعر والستوب هو درع الحمايه ( 2 ) صفقه فتحتها عكس الترند العام على امل الارتداد والتصحيح وكان الترند العام هو سيد الموقف ( 3 ) صفقه فتحتها قبل ان انام على امل ان اغلقها على نقاط قليله ولكن عكس عليك السعر ولم تستطيع ان تغلقها ولم تستطيع ان تنام تحياتي |
رد: علمنى من اخطائك
ربنا يبارك فيك يا حاج طارق فهذا الموضوع بكل تأكيد سيفيد المبتدئ و يجعله يبدأ من حيث انتهى الاخرين فلا يكرر ما وقعوا فيه من اخطاء اعتقد ان التسرع فى فتح صفقه و الدخول بمبالغ كبيره و اهمال الاستوب و تحريكه بإستمرار و كذا الدخول المتكرر بيعاً و شراءاً فأنت تريد ان تربح مع كل هبوط و كذا مع كل صعود مثل هذه العادات هى بدايات الخسارة بل و سببها الرئيسى |
رد: علمنى من اخطائك
أخطائي كثيرة جدا كمبتدئ (1) دخلت السوق بدون أن أتعلم واعتمدت على توصيات الآخرين وفقط , وهذا أكبر خطأ لذلك قررت أن أتعلم أولاً ( تعلم أولاً ) (2) الطمع وهو الداء الذي أجاهد نفسي على أن أقتله إلي الآن ( اقتل الطمع ) (3) حينما يتملكنى الطمع أدخل بعقود كبيرة لا يتحملها الحساب , ( إدارة رأس المال ) (4) دائماً ما أدخل من أماكن خاطئة من عند ترند او دعم أو مقاومة ويرتد على السعر ( تخير نقطة الدخول السليمة ) (5) أحب أن أتواجد في السوق دائماً سواء بالبيع أو الشراء ( السوق لن يطير والفرص متاحة دائماً ) (6) ليس عندي استراتيجية واحدة بل مشتت بين أكثر من استراتيجية ولهذا قررت عدم تشتيت نفسي ويكفينى استراتيجية واحدة أو اثنين على الاكثر مع الالتزام التام بكل شروطها ( تخير استراتيجية واحدة للتداول والتزم بها ) ده اللى فاكره حالياً تحياتي |
رد: علمنى من اخطائك
موضوعك اكثر من رائع بارك الله فيك
متخافش ماتطمعش ماتستعجلش لو لقيت نفسك بتكسب اربع خمس صفقات ورا بعض لازم تأخذ اجازه من السوق لانه لو كملت هيكون عليك الدور فى الخساره |
رد: علمنى من اخطائك
اقتباس:
مرور ولا اجمل ولو لا قدر الله فتحت صفقة جديده غير موفقة لا تبخل بها علينا وتعليقاتى فى الاقتباس |
رد: علمنى من اخطائك
اقتباس:
واختلف معك ان هذا الموضوع يفيد المبتدئين ,اعتقد الكل يخطىء هذه الاخطاء ولكن بتفاوت نسبة التكرار حسب الخبرة |
رد: علمنى من اخطائك
اقتباس:
نصائح كلها فى محلها ولا غبار عليها. *اضيف عليها فقط ما تعلمته من خسائرى السابقة...لا تحاول ان تاخد الترند من اوله..انتظر شمعة 4 ساعات للتأكيد على الترند الجديد(نصيحة اخسر دائما عندما اتجاهلها) شكرا للمشاركة الغنية |
رد: علمنى من اخطائك
اقتباس:
معاك يا عمنا فغالبا ما نكرر اخطاءنا من حين لأخر و الى الأن و لكن الفارق أن اخطاءنا فى البدايات كلفتنا الكثير بينما المبتدئ الان فرصته افضل حينما بقرأ مثل هذا الموضوع او موضوعات مشابهه فيجد من خلالها العظه و النصح من تجارب من سبقه |
رد: علمنى من اخطائك
اقتباس:
ادينى صفقة انت خسرتها وقولى انت خسرتها ليه(شغل الفهولوة بتاع الشبراوية ده ميدخلش علينا يا ريس ;) ) لكن نصيحتك الاخيرة رائعة مشكلتها الوحيدة انى مكسبتش لسه 4 صفقات ورا بعض:1 (75): |
رد: علمنى من اخطائك
اقتباس:
ما تعلمته هنا فى المنتدى وقت الحساب التجريبى وقانى من خسارة اكيدة لأول حساب حقيقة لى رغم انى فاتح حساب صغير لكنى حتى الان لم اخسر بل واربح ارباح صغيره تتناسب مع الحساب الصغير ولولا نصائحكم الغالية لتكلفت الاف الدولارات لاصل لمرحلة مقبولة لدرجة انى اتسائل ازاى الناس القديمة دخلت الفوركس قبل انتشار المنتديات! تسلملنا يا استاذ سامى يا جميل همسة:فين تحليلاتك يا باشا غايبة عننا من فترة؟ |
رد: علمنى من اخطائك
اقتباس:
انا خسرت صفقات كتيير بسبب التمنى كانت الصفقه بتبقى خسرانه وانا اتمنى انها ترجع تانى وتكسب وطبعا كنت بخرج فى الاخر بخساره كبيره او تصفير الحساب وطبعا علاج الموضوع ده هوا الاستوب لوس ولازم ترضى بالخساره زى ما بترضى بالمكسب وانا بشكر المنتدى هنا نه هوا ايلى علمنى اشتغل بالاستوب |
رد: علمنى من اخطائك
(1) صفقة مناسبة ومحققه لشروط دخولى لكن فى وقت لا يوجد به سيوله كافيه غالبا تنتهى باغلاقى على خساره ( لا ادخل صفقات بعد الرابعة عصرا بتوقيت مصر مهما حصل ) (2) صفقة ضربت الأستوب لوز وبعدها مباشرة رجعت فى الأتجاه السليم بسببها أهملت الأستوب لوز فى الصفقة التاليه على أمل ان يرتد السعر لصالحى وطبعا الباقى انت تعلمه :1: (3) صفقة فتحتها بسبب الملل لأن مفيش صفقات واضحة = 90% صفقة خسرانه وشكرا على موضوعك الجميل |
رد: علمنى من اخطائك
شكرا على الموضوع المفيد اخ عادل.. اخطائي في البداية كلفتني خسارة حسابي التسرع في فتح صفقات لتعويض صفقة خاسرة فتزداد على الخسارة اصبحت لا اتراجع يضرب الستوب انتهى يومي الخروج من الصفقة قبل تحقيق اهدافها عند الاقتناع بنقاط جيدة اخرج او احيانا استمر ابعاد الستوب حتى لايضربه السعر فتزداد الخسارة و في النهاية اغلقها خاسرة ويموت الستوب احدده و اتركه في نقطة غالبا ما تغير اتجاه السعر تحقيق الصفقة لنقاط جيدة فالطمع في المزيد فتغلق في النهاية على سعر الدخول.. اصبحت اقنع الا في حالات وجود صفقتين من نفس سعر الدخول اغلق الاولى على ربح واترك التانية بماتجود به الايام و مازالت بعض الاخطاء تحصل سببها عدم التركيز .. بالتوفيق للجميع ومازلنا في الطريق لنتعلم المزيد..فلكل شيء وقته و تمنه |
رد: علمنى من اخطائك
اقتباس:
|
رد: علمنى من اخطائك
اقتباس:
|
رد: علمنى من اخطائك
اقتباس:
اما الستوب..فمهما قلنا سيظل دائما مثار جدل ليوم الدين..هل ستوب بعيد ولا ينضرب؟ستوب قريب ينضرب بسهولة؟اترك الستوب كما هو وقت الخسارة؟اقرب الستوب وقت الربح؟ اسألة لن تنتهى ولن تجد من يعطيك حل قاطع ,لكن انا شخصيا احب الستوب,يحسسنى بالامان دائما قد اربح اكثر بدون ستوب ولكنى سأدفع الثمن من اعصابى وصحتى. مشكور على المشاركة الرائعة |
رد: علمنى من اخطائك
والان مع اخر اخطائى..
دخلت صفقة بيع للفرنك اللعين وبسبب انى سبت الشارت ودخلت انام لم يتحقق الهدف بفارق نصف نقطة"شوف القهر" والان الفرنك يصعد بخطى واثقة تجاه الستوب راقب الشارت قدر الامكان |
رد: علمنى من اخطائك
طبعا انا مش هضيف جاحه لان اللى اتقال هو سبب كل الخسائر بس هقول اهم 3 حاجات فى كل اللى اتقال:
1- التسرع انك تحس ان فى فرصه قدامك انت محللتش خالص بس انت بصيت على الشارت ولقيت العمله بتنزل يبقى هابط ندخل بقى .... واستوب لوس ده لو كنت بتستخدمه. 2- الخوف والطمع اللى يتخلص منهم يملك الفوركس انك تخاف لا تكمل للهدف لاحسن السعر يرد عليك ودى مصيبه وتخرج ب نص المكسب والسعر يروح للهدف بعد خروجك على طول.....طيب والطمع انت حطيت هدف والسعر نزله بسرعه بفضل الله لا فاضل نقطه لا نكبر الهدف شويه بدل من 30 خليه 40 لا لا 50 يا عم خلى الصفقه لبكره يمكن نكسب لابتوب ..ويا اما تخرج بنص الهدف الاساسى او ستوب لوس. 3- الجهل انك تدخل توصيه وانت مش عارف دخلت ليه دى مصيبه لانك بتبقى قاعد ركبك بتخبط فى بعض لو السعر رد عليك نقطه واحده طيب اللى مدينى التوصيه قالى 30 نقطه ستوب لوس خلاص فاضل 15 والصفقه تقفل فاضل 10 فاضل 5 لا انا هقفل واخلص 25 خساره احسن من 30 وفجأه السعر يرد تانى والتوصيه تحققت طيب ده كله ليه واللى حط الهدف ليه والاستوب فى المكان ده ليه..؟؟؟؟؟؟؟؟؟؟:1 (27): |
رد: علمنى من اخطائك
انا غلطت غلطة هبلة فتحا اعمل اورد و غيرت العملة و انا بنقا السعر فتحت عقد ع زوج 2:1 (83):
زى ما دكتتور اسامة علمنا الدخول الصحيح هو اهم حاجة ف اى صفقة |
رد: علمنى من اخطائك
اقتباس:
مرة غيرت الويندوز لأنه كان جاب آخره فسطبت ويندوز جديد وسطبت الميتاتريدر وظبطت شارتاتى وكله تمام و أول ما جت صفقة كويسه دخلت بسرعه معاها ..... طبعا الميتا علشان لسه متسطب كانت النقطه بدولار ( الوضع الأفتراضى ) وانا عمرى ما بدخل بالمبلغ ده :1 (3): الحمد لله عدت على خير وطلعت بمكسب نقطه ونص يعنى 1.5 دولار :1: لكن غلطه بالرغم من سذاجتها الا انها كان ممكن تكلفنى كتير اقتباس:
|
رد: علمنى من اخطائك
اقتباس:
فعلا هذه هى النصائح المثلى.. نصيحتى ايضا صفقة عندما افقت وجدت ان نفسك البغيضة اقنعتك بالدخول كتير شوية.. و ساعتها حتعرف ان الدخول فعلا كان كتييييييييييييييير شوية..بس بعد فوات الاوان.. احسب خسارتك قبل ما تدخل.. الالتزام كنز لمن يريد ان يتاجر. الله كريم |
رد: علمنى من اخطائك
اقتباس:
|
رد: علمنى من اخطائك
اقتباس:
|
رد: علمنى من اخطائك
اقتباس:
دايما اللى اعمله فى 3-4 اسابيع اضيعه فى صفقة واحده او صفقتين واعيد المقطوعة من الاول..التزم شوية واحس انى شايف صفقة مضمونه فجأه متعديش زى غيرها ابدا..ازود الستوب..ازود العقد ..وانت عارف الباقى:1 (48): شكرا انك فكرتنى بالموضوع ده وكرمته بزيارتك يا دكتورنا الجميل |
رد: علمنى من اخطائك
الحمد لله بقالى فترة بعيد عن فتح صفقات مثيرة للندم
لكن من حوالى اسبوع كده او 10 ايام فتحت صفقة بيع على الدولار كندى,اتجاهه العام هابط جدا فتره تذبذب كبيرة,كسر الدعم بقسوة دخلت بعنف محطتش ستوب على الشارت وقلت الستوب هو اغلاق يومى فوق الدعم وقد كان.... عندما اغلق يومى فوق الستوب كانت الخسارة حوالى 90 نقطة على ما اذكر وهى اكبر خساره منيت بها حتى ايام الديمو مخسرتش كده الظريف بقه انى من يوم ما قفلت الصفقة دى الكندى هبط حوالى 400 نقطة ولا حاجه ليومنا هذا:1 (83): |
رد: علمنى من اخطائك
ما شاءالله موضوع مليئ بالاخطاء:1: تعلمنا منك الكثير والله شكرا لصاحب الموضوع وللاعضاء |
رد: علمنى من اخطائك
موضوع متميز :
بالنسبة لى : الدخول بلوت عالى جدا وعلى الرغم من أن الصفقة تكون صحيحة إلا أن الارتداد نقاط بسيطة يجعلها تفشل وتقترب من المارجن الأمر الذى يجعلنى أدخل فى دوامة الهيدج وماشابه . تلك هى أكبر الأخطاء عندى تقريبا |
رد: علمنى من اخطائك
اقتباس:
لكن حتى انت يا استاذ سراج عندك الاخطاء موجوده وبتشوف المارجن؟:1 (27): متهيألى لو المارجن قرب وتدخل هيدج تبقه بتقرب للمارجن اكتر بفعل انه الهامش المحجوز بيزيد بسبب الصفقة الزياده اللى فتحتها الا بأه لو حسابك مايتمرجنش غير لما يسحب من المارجن المحجوز نفسه ويقفل فقط عند تصفير الحساب بالكامل... طيب ايه رأيكم..مش الدخول فعلا لابد ان يصنف حسب قوة التحليل؟ يعنى لو مثلا حسابى 500$ والدخول المعتاد للصفقات اللى عليها كلام 0.01 بيكون الدخول فى الصفقات الاكثر قوة 0.02 وللصفقات القوية جدا وناجحة بنسبه كبيرة 0.03 وللا انتو تفضلوا توحيد اللوت بغض النظر عن قوة الصفقة؟ |
رد: علمنى من اخطائك
اقتباس:
ولكن الأمر يحتاج لقوة اعصاب نسبيا حتى لا يحدث اضطراب ويقوم المرء بعمل صفقات عجيبة فى اتجاهات متعاكسة بلا تحليل أو خطة اعتمادا على الامال فقط . هناك شيئان أستخدمهم بكثرة فى سوق الفوركس وعلى الرغم من أنهم دوما يربحوننى وأستفيد منهما دوما إلا أنى أكرهمم بشدة هما التعزيز والهيدج . والغريب فى الامر أنى أخرج غالبا من صفقات الهيدج بصفقتان عكسيتان رابحتان وأخرج من عقود التعزيز بواحدة موجبة والاخرى سالبة برقم أقل من الرقم الموجب ... http://fx-arabia.com/vb/images/smilies/1%20%2883%29.gifhttp://fx-arabia.com/vb/images/smilies/1%20%2883%29.gif بالنسبة لتوحيد اللوت ففى الصفقات الطويلة (سوينج) صاحبة الستوب الكبير 100 نقطة مثلا أو 50 نقطة لا ينبغى أن يكون اللوت هو نفسه فى الصفقات السكالبينج فصفقة السكالب تكون فى معظم الوقت اللوت الخاص بها من ضعف إلى 3 اضعاف على اقصى تقدير صفقة السوينج لان ستوب صفقة السكالبينج نادرا ما يتعدى 20 نقطة ومعظم الستوبات تكون لا تتجاوز 10 نقاط بالاضافة للسبيريد فى صفقات السكالبينج |
رد: علمنى من اخطائك
ولايك على الموضوع المتميز
+ 1 |
رد: علمنى من اخطائك
انك تثق فى نفسك انك اصبحت محترف
انك تثق فى صفقة بنسبة 100% انك تعتمد انك هتبقى خبير من خبرات الأخرين وليس من المرمطة فى الحسابات الحقيقة لان خبرات الأخرين يجب ان تكون مجرد تأكيد للصفقة اللتى قررت ان تدخلها بالفعل ملحوظة اخيرة اى نصائح هتقرأها برضه مش هتعمل بها الا لما تتأكد منها بنفسك وتخسر منها الاول :1 (72): |
رد: علمنى من اخطائك
لية مش مهتمين بالموضوع دة
للرفع ،،،،،،،،،،، |
رد: علمنى من اخطائك
اقتباس:
مرحب استاذ سامى حضرتك اوفيت باهم نقاط لذلك اكتفى بالاقتباس والاهم طبعا الدخول بمبالغ كبيرة وعدم ادارة راس المال ضاربا بعرض الحائط تحزيرات تقبلوا تحياتى واحلى لايك لطارق باشا على الموضوع القيم وكل المشاركين فى الموضوع |
رد: علمنى من اخطائك
اقتباس:
اقتباس:
------------- الموضوع ده فاجئنى انى لاحظت ان اخطائى الان زادت عن ايام ما كنت مبتدىء بكتير ولسه اخطائى القديمة تتكرر من كام يوم دخلت صفقة على الكندى بدون ستوب محدد..قلت الستوب اغلاق فوق الترند بشمعة ساعة قوية,رحت اتغديت ورجعت لاقيت الصفقة خسرانه اكتر من 100 نقطة وخرجت بخسارة 130 نقطة فى رقم قياسى جديد على حسابى. الخطأ التانى اللى مكسوف اقوله اصلا انى دخلت صفقة سكالبينج على حساب الديمو...ومطلعش ديمو:1 (71): والادهى انى دخلت بعقد ستاندرد يعنى الصفقة خسرانه 50 دولار من البداية رضيت بهذه الخسارة القاسية وخرجت فورا والحمد لله لان كل العملات ارتفعت فى تلك الساعة امام الدولار بجنون وانا كنت داخل بيع..كنت قريب جدا من المارجن الحمدلله على كل شىء. ------------ ياريت الناس الغاوية هيدج وتبريدات تقولنا رايها فى هذا الاسلوب..مميزاته وعيوبه وامتى نستخدمه لانى بصراحه بخاف اتورط فى تلك الصفقات رغم انى اثق فى مرحلة ما ان السعر سيعكس على قليلا ولكن اتردد جدا فى الدخول بصفقة عكسية. |
رد: علمنى من اخطائك
اقتباس:
عايز أقولك طالما أن أخطأك زادت عن ما كنت مبتدأ و أنك بتكرر أخطأ قديمة يبقي أنت كدة وصلت لمرحلة ثقة زيادة بالنفس و دي من عيوب الفوركس و أنت عارف كدة كويس أكيد و بعدين يا راجل يا طيب بقي تدخل علي حسابك الحقيقي علي أنة حساب ديموا :) دة طبعاً يدل علي أنك كمان بتتداول و أنت مش مركز شكلك طبعاً مشغول طول اليوم في شغلك الله يعينك يا غالي و بترجع أخر اليوم مش شايف قدامك شبهي كدة :) و بتدخل علي الحساب الحقيقي علي أنة ديموا :) ربنا يكون في عونك يا ريس ودة بردة خطأ فادح لابد من تجنبة :) أما بخصوص سؤالك عن الهيدج و التبردات و مميزاتهم و عيبوبة ؟ بص يا طارق الهيدج لا أفضلة بأي شكل من الاشكال و مش حخبي عليك بصراحة أنقذلي حسابي مره واحدة بس قبل كدة كنت خلاص مارجن تقريباً بيني و بين المارجن نقاط بسيطة قمت فاتح هيدج و فتحتة بالرغم أني مش بحب التداول بية بس أنا قولت هي بايظة بايظة خلاص و سبحان الله فتحت الهيدج و كسبت منة في البيع و الشراء كمان و قدرت أعوض خسرتي بس لما أستخدمتة مره أخري ضيعني و كتير بصراحة كان بيضيعني لأنة بيبقي عايز تركيز غير عادي و متابعة غير عادية مميزاتة يحافظلك علي حسابك لو كان في خسائر فادحة أو لقدر الله جائك المارجن تقدر تظبط بية حسابك و توقف خسائرك إلي أن يتبين لك أتجاه السوق الصحيح التبريد : ممتاز طبعاً و أفضلة كثيراً في حالة ما إن عكست عليا صفقة أكثر من 50 نقطة بس لابد من الدخول مع الاتجاه العام يكون أفضل طبعاً لان لو عكس عليك السعر حيكون بسبب تصحيح أو أعادة أختبار و دي بتكون من 50 إلي 100 بيب بكتيره و يرجع تاني لأتجاه الصحيح بس بشرط أنك تكون مراعي إداره رأس مال صارمة جداً علشان لو لقدر الله فضل الزوج يعكس عليك مهما كان لا يؤثر معك مميزاتة : طبعاً أرباح عالية جداً يعني لو أنت فاتح عقد و عكس عليك 50 نقطة و فتحت عقد أخر تبريد بعد رجوع السعر إليك يكون كل هذا أرباح لك أو علي أسؤ الظروف تقليل الخسائر بصراحة موضوع ممتاز و منتظر الكثير من ردود الاخوة الاعضاء :) همسة : ممكن تقرأ الموضوع دة حيفيدك بردة خطوات وأخطاء وعيوب المبتدئين |
رد: علمنى من اخطائك
التدريب التدريب ثم التدريب لان التدريب هو اساس التعليم
واوعي تتسرع واوعي تطمع واوعي تفتح صفقات كتير فقط 10 % من حسابك واحفظ دي لانها اول حاجة هاتنساها مهما كان لاتفتح صفقات بحد اقصي 10 - 15 % وربنا يوفقك يارب |
رد: علمنى من اخطائك
موضوع رائع جدا وانا كنت لسه بفكر فى الموضوع ده عايز احسن من اخطائى الكثيره جدا
واول خطاء وهو عدم الثقه والتشتت يعنى اكون فاتح صفقه لونج والاقى توصيه على العمله دى شورت او حد بايع وطبعا اخرج من الصفقه دى على اساس انى انا غلط وبعد لما اخرج تقريبا بتجيب الهدف تانى حاجه عدم التركيز ابقى بكون بعمل كزا حاجه مع بعض فاتح المنتدى بقراء موضوع وفاتح الاجنده بتاعت الاخبار وفاتح الياهو وحد يكلمنى وانسى الصفقه تالت حاجه انا قاعد مش لاقى حاجه اعملها ومش لاقى صفقه كويسه ادخل اى حاجه علشان مش ابقى فاضى وطبعا بتقفل بخساره لانها دخول بدون اى اساس رابع حاجه انى اعقد اتفرج على السعر واسرح معاها ومستنى ينزل نقطه او نقطتين كمان علشان ادخل اشترى بامان والقى السعر جرى منى وحاولت اعلق اوامر بس مش عارف بيفرق معايا على ربع نص نقطه ويجيب الهدف بس وانا بره الصفقه علشان الاوردر مش اتنفذ خامس حاجه الاستوب ده نفسى احطوا فوق راسى نفسى احطوا فى اعلى حته فى الدنيا علشان السعر مش يجى عندوا ويضرب لانى اخوك كييف ينضرب الاستوب ويروح للهدف سادس حاجه انى مع اول شمعه تصحيح او تفريغ ببيع الهدف وبخاف واقول عصفور فى اليد ولا عشره على الشجره بس دلوقتى انا بحاول اعود نفسى للتارجت يتحقق للاستوب يضرب مفيش وسط بس حاسس انى مش هقدر سابع حاجه نفسى اتعلم كل حاجه واحطها فى الشارت بحس انى الشارت مختفى من كتر الادوات اللى عليه بولينجر على موفينجات على استوكاستك على باربوليك على ماكد على حاجات كتير اوى وطبعا واكيد بيعطوا اشارت عكس بعض نادر لما يتفقوا واخر خطاء انى اقراء موضوع جميل زى ده ومش اعمل لايك احلى لايك |
رد: علمنى من اخطائك
اقتباس:
اقتباس:
مريت يمكن بمرحلة الثقة الزياده فى وقت ما كنت رابح اما الان فمش عارف هتيجى الثقة منين :D موضوع حساب الديمو ده اكيد يعنى مش مركز خالص,ماهو انا لو مركز كويس مكنتش لعبت على الديمو وكنت اشتغلت على الحقيقى فانا مخلى الديمو للتهبيل والتجريب عشان كده عملت غلطة تدرس فى الكتب! انا زيك والله بكره الهيدج مش عارف ليه حتى على الديمو مش بحبه ومبرضاش اجربه واقول عشان متعودش عليه هو تداول خطر من اجل توفير السبريد لا اكثر!لكن مكدبش عليك احيانا بندم انى مستخدمتهوش... لما الاقى اشاره بانعكاس السعر على صفقتى بتفرج لغايه ما الاقى الصفقة بدأت تسلب وانا برضه بتفرج وقتها بقول ياريتنى كنت هدجت لغايه مالاقى اشاره اخرى باستمرار الصفقة فى مسارها الاصلى. مش هقولك مبروك الاشراف بس هقول مبروك للاعضاء هذا المشرف الرائع من جميع الجوانب وبصماتك مع الاخ الغالى بشار ظهرت فى المنتدى بسرعة جدا, منتحرمش من جهودكوا ابدا يا رجالة اقتباس:
اقتباس:
الخطأ الاول اللى تحدثت عنه هو خطأ صعب جدا تلافيه خاصة لما تلاقى اللى موصى بتوصيه عكس صفقتك واحد من الناس الجامدين اوى لكن حلها الوحيد للى قدرت اعمله هو انى افتح الصفقة واحط التارجت والستوب واسيب الشارت كله! تانى خطأ هو مش غلط اوى يعنى هو الواحد هيفضل متمسمر قدام الشارت طول اليوم؟ان بتنتظر السعر او الاغلاقات وتفتح صفقتك وتكمل حياتك,الغلط اكيد انك تفتح الصفقة وانت مش مركز لازم الاول تشوف كل الفريمات وتتأكد ان مفيش خبر غادر جاى فى السكة وتتوكل على الله..هدف او ستوب مش فارقه هتخسر كتير وهتكسب اكتر. الخطأ الثالث:هو خطأ كبير فعلا ولابد ان تروض نفسك والا تدخل السوق مالم تكن متيقظا رائق البال بل ومتحمسا. الخطأ الرابع حله سهل وهو الوامر المعلقة..اصطاد السعر فى مكان مميز وانت رايق انا افضل هذه الصفقات لانها تتسم بالتركيز اما الدخول بسعر السوق فغالبا ما اكتشف انى تسرعت قليلا فى هذا القرار. الخطأ الخامس علاجه هو الخبرة نحن نلوم الستوب والسعر انه يضرب الستوب اولا ويذهب للهدف رغم ان هذا هو ذنبنا نحن..لم ندخل من اماكن قوية بما يكفى,تعجلنا الدخول فابعدنا الستوب ورغم بعده الا انه لا يوجد ما يحميه فينضرب . الخطأ السادس يشبه جدا الخطأ الاول,الارباح ستولد الثقة مما سينهى هذا الخطا ان شاء الله اظن الابتعاد عن الشارت خيار جيد حفاظا حتى على اعصابنا يا اخى. السابع:اجعلها بسيطة!وتاجر باستراتيجية واحدة فقط والا ستجد كعطيات متضاربه انا ارى فى المنتدى اخوه عمالقة يربحوا فقط برسم ترند!مجرد خط مائليجلب لهم خيرا وفيرا..اجعلها بسيطة يا اخى ولا تستخدم الا الاداة التى تراها ناجحه امامك على الشارت لهذه العملة. انا اللى اشكرك ولايك على اثرائك للموضوع. --------------- اتمنى يا جماعة يكون الموضوع كأنه كرسى اعتراف,عندما تندم على صفقة ادخل اعترف بغلطك وابد الندم وتعهد ان تستفيد من تلك الصفقة وتمنى لغيرك ان يتجنب تلك الاخطاء. النصائح كلها جميلة وصحيحه ولكن المخضرمين لم يبخلوا بها وهناك مجلدات للنصائح الذهبية فى عدة اقسام,لكن عندما نجد متاجر ناجح يكتب ان له اخطاء ستكون الفائدة مضاعفة. |
رد: علمنى من اخطائك
موضوع اكثر من رائع ومفيد جدا لنا جميعا
تكررت معى فعلا ان ادخل صفقة ويرتد السعر على ثم يعود الى هدفى السابق ولكن بعد ضرب استوب(السبب اختيار مناطق دخول خاطئة) التسرع عند وجود فرصة وعدم درساة جميع جوانبها من اخبار واسبوعى ويومى حتى الحق الفرصة (هههههههه قال يعنى هطير ولو طارت مفى غيرها) بالنسبة لحجم العقد احاول بالفعل ان اثبت حاليا على الميكرو حتى اتعلم جيدا قبل ان اخاطر بلوت عالى عند اعتمادى على الاسكالبينج لا اضع اساسا ستوب مممممممممم احيانا يكون جيدا واحيانا لا ففى صفقة كان هدفى 7 نقاط او اقل وصل خسارتى بالسالب الى اكثر من 150 نقطة ولكن الحمد لله ارتد السعر واغلقت الصفقة بربح ولكن هذا ليس مضمون من الممكن ان يرتد السعر ولا يعود مرة اخرى موضوع رائع جدا لايك كبير |
| الساعة الآن 03:21 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com