|
القبض على هيثم الشامى مجرم الانترنت
السلام عليكم..,
موضوع تناقلته المنتديات العربية و اكده بعض الاعضاء فيها انه تم القبض على المدعو سيئ الذكر هيثم عدنان الشامى نصاب الانترنت فى شرم الشيخ فى حالة رثة و هو الان محتجز فى قسم شرطة مدينة نصر اول لمن يريد التأكد., الحكم الصادر ضده بالحبس خمسة سنوات مع رد اموال المودعين و هذا فاننا نعلن ان من لديه قضية معه ان يسارع بتقديم اوراقه الى نيابة الاموال العامة او مراجعة محامى الضحايا من اجل استعادة جزء من الاموال او الزج به فى غياهب السجن مدى الحياة او حتى يرد اموال ضحاياه., و نحن نقول الى الجحيم ايها الشيئ السيئ هيثم الشامى.., الله كريم., |
رد: القبض على هيثم الشامى مجرم الانترنت
الف مبروك لكل المودعين مع هذا المجرم ولي سؤال دكتور اسامة بخصوص القوانين لقد نصب علي شخص في الاردن بمبلغ جامد وفر الى مصر واملك الشيكات والكمبيالات التي تدين هذا الشخص هل استطيع تقديم بلاغ ضده فيي مصر علما انه مطلوب من السلطات الاردنية في حال دخل الارردن همسة: تم التساهل معه لكونه افرج عنه بالاصل بكفالة من قاضي من نفس العائلة حسبي الله ونعم الوكيل |
رد: القبض على هيثم الشامى مجرم الانترنت
نعم يمكنك ذلك طالما انه هناك اتفاقية تسليم مجرمين بين مصر و الاردن و هو ما تسأل عنه المحامين فى بلدك الحبيب الاردن و ان كان كذلك فيمكنك الحضور الى مصر و تقديم المستندات الى النيابة عن طريق محام مصرى ليبدأ فى اجراءات البحث و التقاضى و منعه من السفر خارج البلاد.,
الموضوع سهل و لكن عايز وقت و صبر طويل للحصول على حقوقك المسلوبة و حسبى الله و نعم الوكيل فيه.., الله كريم., |
رد: القبض على هيثم الشامى مجرم الانترنت
تسلم يا دكتور وهذا ما ساقوم به قريبا ان شاء الله |
رد: القبض على هيثم الشامى مجرم الانترنت
بالتوفيق لكل أصحاب الحقوق في استعادة حقوقهم ..، |
رد: القبض على هيثم الشامى مجرم الانترنت
ما يهمنا بلامر انت ترجع الاموال الى اصحابها ’’ وهو اين ما يذهب يذهب |
رد: القبض على هيثم الشامى مجرم الانترنت
الحمد لله يارب يكون الخبر صحيح أظن دا كان تحذير شديد اللهجة لكل من يفكر أن يعطي نقوده لشخص آخر ليضارب بها ودائماً ما اتذكر المثل الذي طالما ذكره د. أسامة " ما حك جلدك مثل ظفرك " إن شاء الله الحق يرجع لأصحابه ويسترد كل واحد أمواله تحياتي |
رد: القبض على هيثم الشامى مجرم الانترنت
مهما حصل
فمصير الظــــــــالم واحد وهذا جزائه شكرا استاذي على الطرح |
رد: القبض على هيثم الشامى مجرم الانترنت
هذه هى النهاية الطبيعية و المنطقية لهذا الشيطان الى مزبلة التاريخ يا هيثم |
رد: القبض على هيثم الشامى مجرم الانترنت
فعلا اتقبض عليه واللى راح شافه بيقول ان شكله معفن ولابس فانله مقطعه وانه للاسف شكله كده كان خسر فعلا كل فلوسه فى الفوركس واخر مبلغ سحبه يوم ما هرب كان 10 الاف جنيه ده كان اخر حاجه معاه فى حساب البنك
ان شاء الله انا متابع الموضوع ولو ظهر اى جديد هابلغكوا هنا |
رد: القبض على هيثم الشامى مجرم الانترنت
اقتباس:
فعلا والله ربنا مياركش في الفلوس الحرام اللي سرقها ، وكانت نهايته ولا الشحاتين . رغم اعتقاد الجميع انه هرب بالملايين برة مصر . ولكن غباءه وعدم ادراكه وقعه بمصر لدرجة ان الناس مش مصدقة انه اتقبض عليه في شرم الشيخ بالعفانة دي |
رد: القبض على هيثم الشامى مجرم الانترنت
والله انا سمعت الخبر دة فعلا بس معتقدش اساسا انو اخد 250 مليون من الناس اكيد فى مبالغة وحتى او اخد المبلغ دة فعلا ما فيش حد يمللك المبلغ دة ويتقبض علية او حتى يتمس اكيد فلوسو حتلعب
|
رد: القبض على هيثم الشامى مجرم الانترنت
اقتباس:
الحمد لله رب العالمين وأدعو الله سبحانه وتعالى أن يسترد جميع المودعين أموالهم ( آمين ) |
رد: القبض على هيثم الشامى مجرم الانترنت
اقتباس:
أنا عرفت من احمد ليلة القبض علية وهو فى مباحث الموال العامة ...لكن كنت عيان ونسيت اكتبها افرح الناس. اقتباس:
أه بتجر رجله علشان ينزل مصر يقعد معانا شوية ....ياعم قول له عاوزين نشوفك بالعربى كدا وخلاص ههههه اقتباس:
يعنى نعتبر ده وعد ؟ اقتباس:
أنـســــــــــــــــــــــــــــــاه اقتباس:
يرجع أية بس انسوه يا جدعان ... لكن كفاية أنه اتمسك وأعتقد دا دليل انه حرامى صغير مش حوت يعنى . اقتباس:
بص يالورد القصة ان ناس حطيت لها 100-200 دولار أو يا عم 10000$ وكل كام يوم تدبيلة ويقول لهم ال 100 بقت 1000 وهكذا وقت اختفاءه كان وصل لل 250 مليون لكن اصل اللى علية هتلاقية قروش لكن طبعا عندنا فى مصر علشان الحكومة تهتم ...الناس تقول انا أتسرق منى جمل مش فأر .... لكن 250 مليون ...كان زمانه ف كوارالامبور ياعم الحاج. |
رد: القبض على هيثم الشامى مجرم الانترنت
اقتباس:
|
رد: القبض على هيثم الشامى مجرم الانترنت
و ليكن لنا فى قصصهم عبرة فليس لنا بحال من الاحوال أن نعطى لإنسانٍ ما أموال لتشغيلها فتوظيف الاموال غير مسموح به فى مصر من الاساس و للأسف النهايات الدراميه معروفه سلفاً و لكن حينها لا يكون هناك بكاء إلا على اللبن المسكوب و ماذا يفيد |
رد: القبض على هيثم الشامى مجرم الانترنت
انت ليه متشائم كده يا نادر؟؟
لو مرجعتش الفلوس حيفضل فى السجن للابد ممكن ساعتها تباع املاكه لو اشترى بيهم املاك و يعطى المال او جزء منه للمودعين.., حادث الريان مش بعيد و الناس اخدت برضه حبة فلوس من اللى كانوا حطوها معاهم.., الله كريم., |
رد: القبض على هيثم الشامى مجرم الانترنت
اقتباس:
الواقعية ليست تشاؤم كما ان الدراما ليست تراجيدى .... قد يكون عملك اعطاء الدواء للناس والدعاء لهم بالشفاء من عند الله واعطائهم بسمة و أمل .... اما أنا فعملى 1+1 دائما وأبدا = 2 وأكيد ان عملك يؤثر على شخصيتك كما ان عملى يؤثر بالطبع على شخصيتى . تحياتى لك وبالتوفيق للملكومين. |
رد: القبض على هيثم الشامى مجرم الانترنت
اقتباس:
كلام ... زوووووووووووبد حبيب وهاتفضل حبيب يا نادر يا فيليييييب |
رد: القبض على هيثم الشامى مجرم الانترنت
موضوع هيثم ده فيه شىء غامض اظن انه فى الاول خالص كان شغال فوركس لكن بعدها خسر وقرر يدى من ده لده لغاية ما تيجى اللحظة المناسبة ويهرب فيها لكن تصورى بقى ان هيثم ده مش لوحده اكيد فيه ناس مهمة كانت وراه وبعدين سابته والنقط الغامضة بقى: هيثم هرب بعد العيد ويوم تلات وهو كان واخد اجازة فى العيد وقايل محدش يكلمنى وقافل موبايلاته يبقى اسبوع العيد كان فرصة مثالية انه يهرب برا مصر ومحدش كان هياخد باله وبصراحة مش قادر اقتنع انه مهربش الا ب10 الاف جنيه ولا حتى 50 هيثم كان فيه ناس بتديله مبالغ بمئات الالوف وكذا واحد قال ان كان فى واحد هيديله مليون جنيه يوم الاربعاء طيب ما كان يستنى ميهربش التلات او حتى كان يهرب الجمعة ويبقى وفر فلوس الارباح اللى دفعها الاحد والاتنين ده غير بقى وكيل شركة ..... اللى كان عنده كل يوم فى المكتب ليه منبهناش ان هيثم مش شغال فوركس؟ وايه سبب التواحد المستمر خلاصة القول القبض على هيثم فى مصر بيطرح علامات استفهام كبيرة لانه كان ممكن يهرب على ليبيا حتى لكن انه يستنى لما يتقبض عليه دى غريبة شويتين |
رد: القبض على هيثم الشامى مجرم الانترنت
اقتباس:
حاجه من اتنين يا خسر فى وقت العيد مبلغ كبير جدا اثر عليه فكرر يهرب او انه كان ناويه نصب من الاول ومستنى حد يودع مبلغ كبير بعد العيد ويخلع بيه فى الاول والاخر دى نهايه كل نصاب ده غير عذاب الاخره |
رد: القبض على هيثم الشامى مجرم الانترنت
حاجه تانيه نسبت اقولها هوة اتقبض عليه ازاى وفين وكان طول الفتره دى مستخبى فين
ياريت الى يعرف يعرفنا لان اجابه السؤال ده هتفسر حاجات كتير وكمان الحكم بيقول ورد اموال المودعين يعنى هيفضل طول الحياه فى السجن لو مردش الاموال دى |
رد: القبض على هيثم الشامى مجرم الانترنت
انا احد المنصوب عليهم من هيثم
و انا كنت عارف انه هينصب لان دة نظام اقتصادي استحالة يستمر و لكن مكنتش بصراحة متوقع انه ينصب دلوقتي كنت متخيل انه هيستمر لفترة اكبر و دة بسبب المشاريع الي كنت بسمع عنها في مرسي مطروح و الاب توبات و ... حسبنا الله و نعم الوكيل فانا مش هاخد اي حاجة لان ماخدتش منه اي وصل يثبت اني دفعت حاجة |
رد: القبض على هيثم الشامى مجرم الانترنت
نسيت اقول ان بصراحة انا شايف اننا في مصر صعب ان حد ياخد فلوسة و الوضع اصعب بالنسبة للدول العربي
و لكن مفيش مانع ان الواحد يحاول و بالاخص لو معاه ما يثبت انه دفع او يتجمع مجموعة من المنصوب عليهم لكن السؤال هل هيثم كان بيخطط للنصب من زمان و لا هو فعلا خسر في الفوركس ؟ |
| الساعة الآن 09:18 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com