خسرت فلوسي في الفوركس صدفه بعد ماعملت العمايل للحفاظ عليهم
 

السلام عليكم


زيي زي ناس كتير كنت مهتم بالمسابقات والحسابات الصغيرة لقدرتي الماليه الضعيفه لانى طالب جامعي

ولما اتفك عني حظر التصرف فحسابي البنكي وانا 21 سنه من سنه تقريبا كانو 8000 دولار

هوبا قررت انى احط كل الفلوس فالفوركس وكانت حالتي وحشه اوى فتصميم دخول الفوركس من كتر ماشفت ارباح حسابات المسابقات والحسابات الصغيرة وكمان كنت وكيل لشركه بير سلم عملت شويه فلوس حلوة
ومن ناحيه تانيه لتعويض خسارات كانت في المتوسط حسابات 400 دولار

بعد اخد ورد مع نفسي قولت احط 2500 دولار ع اساس لو خسرتهم مش هتاثر وهسيب الفوركس دون رجعه وحولتهم ل 5000 دولار قولت اسحب راس المال واضارب بالربح ال هو تدبيل فلوسي وحطتهم كمان مع شركه بير سلم بتدي بونص كبير وبئه الحساب 4000 دولار وراح مش فاكر لا ازاى ولا امته ولا فاكر الان غير انه راح بسهوله

بس انا لسه مخسرتش شئ
روحت قولت مبدهاش بئه ادخل بالتقبل وحولت 6000 دولار وبئه معايا 2500 فبنكي يعني الوضع تحول

دخلت صفقات وخسرت خسرت لحد مابئه الحساب 1800 دولار دخلت صفقه ييضابل يخسر كلو وفعلا بئه حسابي 4000 دولار سحبتهم وقولت توبه من دي النوبه ادخل الفوركس وللعلم عملت ريبات 1000 دولار فقولت خلاص يسيدي مش مهم الالف دولار دول بصحتي وبئه فحسابي البنكي بعد كل ده 7000 دولار

وودعت الفوركس دون رجعه وشلت الكمبيوتر وحطيت ال 7000 دولار في شهادات ادخار للبنك لمده 3 سنين بفايده 10.5% سنويا باخد ربحها ربع سنوي 75 دولار

وقولت هاهاها مش حخسر تاني لانى من الاول متاكد ان ربنا سبب الاسباب ومعرفتي بالفوركس ياجني دهب يا اشتغل فيه مهني يا اخسر كل فلوسي بس القدر قدر

ال انكتب ع الجبين لازم تشوفه العين والتشويق من هنا

حبيت بئه اشتريلي تيشرت برشلونه الرسمي بجانب ترنج وتيشرت لان كان معمول عليهم تخفيضات كبيرة اوى بسبب الكريسماس تقريبا فقولت اطلع فيزا انترنت من بنكي لكن الموظف قالي اتلغت بس فيه نوع حلو اوى اسمه بطاقه ائتمان بتشتري بيه وتسدد خلال شهرين او تقسطه بعد كده بفايده 15 جنيه شهريا لكل الف جنيه وعروض وخصومات

قولت انا حستخدمها فالفوركس واضيع فلوسي يا نهار
انا شهادات الادخار مش حتحميلي فلوسي لازم اعمل شئ تاني وفكرت انى اخد بطائه ائتمان بضمان شهادات الادخار كلهم واسحب كل رصيدها واحطه فبنك تاني كشهادات ايضا وبفائدتها اسدد فائده بطاقه الائتمان كوقايه من خسارتها

ههههههههههههههه انا عارف انى حخسر كل فلوسي زى كده بعض ال بيبقو مقبلين ع الموت بيعرفو قبلها وعمال ادور ع حيل للهروب من قدري

روحت مطلع بطاقه الائتمان بحد ائتماني اقصاه للبنك 2700 دولاراى تقريبا تلت فلوسي روحت قولت اشتري بيها الحاجات ال عاوزها من موقع برشلونه بالمرة بس لما اشتريت لقيت ان اتخصم في العمليات المعلقه لبطاقه الائتمان مبلغ اكبر من ال المفرود اسدده بربع المبلغ تقريبا كلمت البنك قولتله الغهالي قالي دي معلقه مينفعش قولتله يعني ايه معلقه قالي يعني لا راحت ولا مرحتش قولتله طب مامتمررهاش قالي مينفعش قولتله طب اعمل ايه قالي استنه تتم بعد يومين وتقدم اعتراض

وونا بدور لقيت ان البطاقه دي عليها رسوم سحب نقدي 1.5% وفنفس الوقت جالي فكرة انى اودع كل الحد الائتماني في شركه فوركس من شروطها ان الفلوس ال اتودعت بالفيزا ممكن تسحبها ع البنك فقولت انا احط كل الحد الائتماني فالشركه عشان بكده العمليه المعلقه بتاعت برشلونه هتتلغي وقت الاتمام بعد يومين لانى حطيت كل الحد الائتماني فشركه الفوركس وبالمرة اسحبهم ع البنك دون رسوم سحب نقدي وبالمرة اخد نقاط تسويق

لقيت وفلحظه الفلوس فشركه الفوركس وببص ع البنك لقيت العمليتين معلقتين هههههههههههههههه ومعرفش ازاى خسرت ال2700 دول

وفلحظه بئيت مديون للبنك ب 2700 وانا بدون دخل ثابت لانى طالب بل وبصرف بالهبل
قولت افك الشهادات قالولي مينفعش غير بعد 6 شهور من شراءها طب اسد الفلوس دي ازاى اه يا قدر لعبت لعبتك اخيرا بس كفايه والنبي بئه ههههههههه واشتغلت بعد الظهر ففترة ما بجانب اجازة الصيف لتسديد هذا الدين وبعد سنه وصل الدين ل 1600 دولار

طلعلي دون طلب مني ومعرفش ازاى بطاقه بدل فاقد من اسبوع من الان مع ان البطاقه قفلها البنك بسبب انى استخدمت كل الحد الائتماني فعمليه واحده

قلقت وقولت مروحش اخدها لحسن القدر بيقرب هههههههههههههههههه

ووانا فالبنك بسال عن الموضوع ده وشويه حاجات عن مديونات البطاقه راح قالي الموظف وليه تدفع مديونيه بطاقه الائتمان بفائده كبيرة ومصاريف ماتاخد قرض بضمان الشهادات لل 1600 دولار والقرض ده بفائده تعتبر نصف فائده البطاقه قولت قشطه ابدئ يعم راح عملي القرض وانا قاعد وقالي تعالي بعد يومين استلم روحت استلم وقالي استلم البطاقه حط فيها فاخدت البطاقه وسددت مديونيتها

من يومها وبعد 4 ايام من وسواس قهري بيقولي حط ال 2700 ال همه حد الائتماني للبطاقه تاني وياتضابل يتصفر ولو ضابلت ديونك كلها خلصت ولو صفر ******
المهم يعني والله معرف ازاى حطيت الفلوس وخسرتها بعد نص ساعه بانخفاض اليورو الجمعه الفائته انا كنت داخل معتمد علي ملك او كتابه ومشوفتش الشارت بس لقيت انى داخل من بدايه الهبوط بالضبط هههههههههههههههههه

واصبح ديني 2700+1600=4200 بجانب 1000 دولار مصاريف كليتي لازم ادفعهم قبل الميت ترم

يعني ال املكه فعليا ديون 5200 وفلوسي 1800 دولار بعد ماكانو من سنه واحده 8000 دولار

وللاسف تقريبا انا كده مش مكتوبلي اخسر تاني لان نص فلوسي متحفظ عليهم بسبب اصدار بطاقه الائتمان والنص التاني متحفظ عليه بسبب القرض ههههههههههههههههههههههه يعني حتي مقدرش اسدد ديوني من فلوسي

يقولولي لازم تسدد الفلوس ال عليك عشان نفكلك التحفظ علي فلوسك
وللعلك 5200 دولار لن استطيع تسديدهم الا خلال سنتين تلاته

وانا عازم النيه انى لن افرط في شهاده الادخار ال املكها ام 7000 دولار فلوس شقي بيها اهلي وده خطئي فلازم ادفع تمنه بالفوائد
ضيف عليهم الف كمان السنه الجايه اخر سنه ليا فالكليه

يعني انا املك 800 دولار
قول عبال ماسدد الديون دي حتكون قيمه الفوائد ال دفعتها تقارب ال 800 دولارماهوة فوائد من هنه ومن هنه وعمولات ورسوم وبلاوى وانتو عارفين البنوك يهيصو فالتحابيش دي هههههههههههههههه

فاذن القدر لعب لعبته وخسرت كل فلوسي صدفه بعد ماعملت العمايل للحفاظ عليهم
ياااااااااااااااه شوفتو ربنا سببلي كميه الاسباب دي ازاى لتنفيذ قدري ولو صدفه ؟!!!!!!!!

وياريت ع الفلوس بس دا مشاكل نفسيه وصحيه وبلاوى ولازم اشتغل بعد الظهر لاسدد ديوني بعد ماكنت مبشتريش هدومي غير مستورده وده لاني محرج اقول لاهلي انى خسرت فلوسي مع انهم يمكنهم تسديد عشرات الاضعاف لهذا المبلغ

الخلاصه لا تحزن ع خسائرك لانك حتخسرها حتخسرها ولو عملت مش زيي لا لو دفنتهم داخل نحاس مصهور ورميته فالمحيط ع امل الحفاظ عليهم او اى ماكان فلن تهرب من قدرك ابدااااااا
القدر قدر لازم نؤمن بيه والله خد الله جاب الله عليه العوض
واعتبرو يا اولي الالباب بالذات الشباب زيي

واخيرها هديه مدني حديث قدسى سيريح قلبك للابد عن الرزق للشعراوى رحمه الله
https://www.youtube.com/watch?v=B0GYLet7Yf0

اسف للاطاله واى اخطاء لعدم المتابعه

رد: خسرت فلوسي في الفوركس صدفه بعد ماعملت العمايل للحفاظ عليهم
 

هذه هى كوارث الروافع الماليه لا استغرب ان فى امريكا ان الروافع لا تزيد 50 فقط
العامل النفسى مدمر مع الروافع .. اذ كنت مدمن التدوال الافضل كان الاسهم لسبب بسيط انك لا تشترى الا ما تملك اى تدوال بدون روافع
ربنا يعوض عليك وعلينا

رد: خسرت فلوسي في الفوركس صدفه بعد ماعملت العمايل للحفاظ عليهم
 

صحيح كلامك ولكن في شركات الان اصبحت توفر روافع ماليه للاسهم ولكن صغيره جدا جدا مقارنة بالفوركس عندنا الروافع ما شاء الله وصلت 1:2000
المشكلة ان صاحب الموضوع كان بيعمل دائما بفل مارجن نظام تدبيله او خسارة فادحه وظبطت معاه مرة لكن معروف لازم هتجي الضربة القاضية لحسابك في اي وقت
easy come easy go
ربنا بعوض عليك وحاول تلجأ لاهلك علشان الفوائد لا تتراكم عليك لان البنوك لا تعرف الرحمه

رد: خسرت فلوسي في الفوركس صدفه بعد ماعملت العمايل للحفاظ عليهم
 

رد: خسرت فلوسي في الفوركس صدفه بعد ماعملت العمايل للحفاظ عليهم
 

رد: خسرت فلوسي في الفوركس صدفه بعد ماعملت العمايل للحفاظ عليهم
 

كلامك صحيح بس انا مدخلتش الفوركس بكيفي ده غصب عني صدفه لخسارة كل فلوسي حسب مامكتوبلي بالقدر


والدرس المستفاد هنه ان اى حد خسر فلوسه في الفوركس ميزعلش لان مكتوبله انه يخسرها فوالله خسرها بمزاجه خسرها من خلال مدير حساب غبي او بسبب غباءه او تهوره او حتي سوء حتي الى اخره فمكتوبله الخسارة فقدرة مهما فعل زى مانا حكيت فانا عملت اللالو للحفاظ علي فلوسي لكن قدري كان لازم ينكتب ولو اجتمع العالم معايا او ضدي

حكايتي بالضبط زى الراجل ال شاف ملك الموت فالسوق وهوة بيشتري حاجات فراح لسيدنا سليمان قاله انا شوفت ملك الموت وكان بيبحلقلي اوى وخايف ياخد روحي فقاله طب اعملك ايه قاله اامر الرياح تاخدني علي بلاد الهند تقريبا وحختفي هناك ولن يعثر عليا ملك الموت

قاله طيب وراح موديه الهند تقريبا والراجل احتمي ع امل انه هرب من قدرة

لكن بعد فترة سيدنا سليمان لما قابل ملك الموت ساله انت ليه بحلقت بالراجل ده وكان خدامه تقريبا قاله انا استغربت لما شوفته هنا مع انى المفرود اقبض روحه بعد شويه في بلاد الهند

فافعل ماشئت فانت رايح لقدرك فعلا
والحكمه هنا انك متزعلش ع اى شئ غير الصحه لان اى شئ بيتعوض معادا الصحه لان صعب تتعوض وهتزعل ليه لما هوة مكتوبلك بالبدايه وانت رايح لقدرك فعلا

رد: خسرت فلوسي في الفوركس صدفه بعد ماعملت العمايل للحفاظ عليهم
 

اي كان خطاءه في اسلوب اكثر احترام وارقى تكلمه بيه هو مش شغال عندك ولا خسرك فلوسك وبعديم عاوز تفهمني ان عمرك ماقمت باي افعال حمقاء وغبيه ادت بيك للمارجن كول اكيد كلنا مرنا بنفس التجربه واتعلمنا منها بس منغلطش في حد ونتريف عليه لانك كنت زيه في اليوم من الايام
فلوسه هو خسرها وراضي انىت مالك زعلان كده ليه ياريت تتكلم باسلوب ارقى من كده احتراما للمنتدى ال انت فيه
بالنسبة لصاحب الموضوع هو ده ابوك ولا ايه لأني حاسس بكده تقريبا :D

رد: خسرت فلوسي في الفوركس صدفه بعد ماعملت العمايل للحفاظ عليهم
 

لا حول ولا قوة الا بالله
اتوقع انو قصتك نسخة من الاف القصص الي بتحصل يوميا في عالم الفركس
ولكن نصيحة يا اخي لا تلوم القدر على ما اصابك ولكن قل
الحمد لله قدر الله وماشاء فعل

رد: خسرت فلوسي في الفوركس صدفه بعد ماعملت العمايل للحفاظ عليهم
 

رد: خسرت فلوسي في الفوركس صدفه بعد ماعملت العمايل للحفاظ عليهم