|
الفوركس كعمل اساسى
السلام عليكم ورحمه الله وبركاته النهارده ياجماعه كنت بفكر كده فى مستقبلى وبصراحه سئلت نفسى سؤال وماعرفتش اجاوب او بمعنى اصح الاجابه مش عجبانى اولا كلنا الحمد لله تعليم عالى ولكن كما نعلم فرص العمل ضئيله جدا ولو توفر عمل بيكون مش مجزى ماديا خالص وساعات عمل طويله بصراحه حاجه تحرق الدم المهم انى فى الفتره الاخيره قررت انى اعتمد على الفوركس وطبعا فى الاول كانت خسائر فظيعه الى ان من الله عليه وبقيت تقريبا اعمل ربح ثابت طبعا مش من فتره بقالى بتاع كام شهر كده ولكن حتى الان قلقان لان هذا السوق لا يرحم المهم السؤال كان هل يمكن الاعتماد على الفوركس كمهنه اساسيه؟؟؟ نعم...........لا من الاخر ياجماعه كانت اجبتى نعم ولكن...... انا لا اشعر فى هذا السوق بشىء مهم جدا (الامان) اى شغلانه (مهنه) مهما كانت متعبه بتبقى عارف ان اخر الشهر فى فلوس لكن دى ممكن اخر الشهر يكون خساره فلوس ماهو رايكم ؟؟؟ |
رد: الفوركس كعمل اساسى
اقتباس:
فى مهن مش بتحقق دخل ثابت كل شهر زى المحاماه والطب(العياده الخاص) ممكن شهر فوق اوى وشهر لا المهم راى الشخصى ان الفوركس لا يصلح للاعتماد عليه كعمل اساسى المفروض احنا بنعمل اللى علينا فى جميع الاحوال (وفى السماء رزقكم وما توعدون) |
رد: الفوركس كعمل اساسى
لا يمكن ان يكون عمل اساسى طالما رأس المال اقل من 100 ألف دولار و لن تحصل عليهم الا بعمل حقيقى و مينفعش تيجى اخر الشهر و نقول لزوجتك و اولادك الشهر الجاى مش هناكل عشان انا خسرت:) أرجو ان أكون وضحت وجهة نظرى تقبل مرورى |
رد: الفوركس كعمل اساسى
السلام عليكم طبعا هذا السؤال تعرضنا له كثير والكل يسأل نفسه نفس السؤال ولكن القليل القليل من يجاوب عليه بالنسبه الي لا يمكن الاعتماد على الفوركس كوظيفه اساسيه او عمل رسمي لك لانه كلشي فيه خطورة لا يمكن الاعتماد عليه يعني شهر ناكل عيش وشهر ناكل هوا بعيد عنكم والمختصر لازم يكون لك شيء ثابت وغير قابل لنقصان او ذهابه 100$ ثابتات افضل من 1000$ ليست ذابته |
رد: الفوركس كعمل اساسى
من الصعب الاعتماد على الفوركس كعمل اساسى هيزيد من الضغوط عليك مما يؤثر بالسلب على اسلوبك فى المتاجرة حتى لو لم تتاثر لازم هيجى وقت وتكون خسران فيه وساعتها هتكون العواقب مش تمام . وجهة نظرى (1) لازم يكون راس مالك فى الفوركس بفلوس عندك استعداد تخسرها بمعنى ادق لو خسرتها مش هتبقى مصيبة . (2) يمكن الاعتماد عليه كعمل اضافى |
رد: الفوركس كعمل اساسى
لااااااااااااااااااااااااااااااااااااااااااااااااا ااااااااا
انا بقي عكسكم راي انه ممكن يكون عمل اساسي وفي معاه عمل تاني ثانوي يكون بمثابة تأمين مش اكتر وده اللي بعمله دلوقتي باذن الله |
رد: الفوركس كعمل اساسى
المثل يقول
Safety first و الاجابة فى الكلمتين و بس.. |
رد: الفوركس كعمل اساسى
العمل فى الفوركس او غيره من اسواق المال ما هو الا استثمار لجزء من مالك او دخلك فلابد اولا ان يكون لك مصدر دخل و عمل تفيد به مجتمعك و اسرتك و تؤمن به حياتك و ما هو فائض عندك و تريد استثماره و لا يزعجك ضياعه و لا تحتاجه بصفه حاليه او ملحه فيمكنك استثماره فى اسواق المال اسهم او عملات و على نسب الربح تكون المخاطرة و لكن قبل ان تسلك هذا الدرب عليك الاستفاده من خبرات من سبقك |
رد: الفوركس كعمل اساسى
لمن لا يملك وظيفة قارة ممكن يربح منو مبلغ جيد جدا ويعمل بيه مشروع حلو وبعدين يجعل الفوركس دخل ثانوي
|
رد: الفوركس كعمل اساسى
يمكن ولكن بشروط .
- رأس مال جيد لا يقل عن 10 الاف دولار حتي لا يكون عليك ضغوط نفسيه و تقدر تحقق راتب شهري جيد بأقل المخاطر . - الآلتزام بأستراتيجية و ادارة رأس مال صارمة ، الآكتفاء بنسبة ربح مابين 15-30% شهرياً وعدم الطمع نهائياً مهما كانت الأغرائات لضمان الآستمرار ، واظن 1500-3000 دولار شهرياً ، 8500 - 17 الف جنية راتب ممتاز جداً بالنسبة للمعيشة فى مصر . - محاولة عمل مشروع تجاري اخر من ارباح الفوركس يضمن لك دخل ثابت مستقبلاً يمكن الآعتماد عليه بدلاً من ارباح الفوركس فى اى وقت لآن زي ما قلت انت السوق لا يرحم . واخيراً .. شخصية قوية يمكنها مواجهه المصاعب و المخاطر والضغط النفسي الى ممكن تقابلها فى هذا السوق الذي لا يرحم ، شخصية لا تعرف التهور او الآنتقام من الفوركس فى حالة الخسارة او الآغراء المادي والا المصير النهائي سيكون الفشل و الخسارة لاقدر الله وهذه شخصيات قلما نجدها ،، والله يوفقك . |
| الساعة الآن 11:39 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com