|
ايداع الاموال الي شركة الفوركس بلتحويل البنكي ؟
السلام عليكم الي اعضاء المنتدي الكريم
بعد تدريب ودراسة فى سوق الفوركس قررت ادخل مجال الفوركس واخترت شركة وساطة مناسبة استفسار هو انا ذهب الي البنك الاهلي الذي فيه حسابي البنكي لاقوم بتحويل المبلغ الي الشركة الوساطة فسالني عن سبب التحويل هل اخبره بسبب الحقيقي هو تجارة الفوركس لاني خايف ان اخبرته بالسبب الحقيقي قد لا يسمح البنك بالتحويل لان تجارة الفوركس غير مصرحة فى مصر او عند السحب ارباحي من الشركة لا يستقبل الي رصيدي فى البنك يمكن سؤالي ساذج بس خايف بدل يعملي مشاكل فى التحويل او السحب فارشدوني ماذا افعل ؟ وما هو افضل بنك فى مصر من ناحية تحويل الاموال والسحب وخدمة العملاء ؟ وشكرا |
رد: ايداع الاموال الي شركة الفوركس بلتحويل البنكي ؟
انا بستعمل الأهلى سوسيتيه NSGB وعملت تحويل وسحب أكتر من مرة بالنسبة لسبب التحويل بكتب فوريكس عادى مفيش مشاكل معايا |
رد: ايداع الاموال الي شركة الفوركس بلتحويل البنكي ؟
تجارة الفوركس غير مصرحه في مصر ازاي يا باشا هو احنا هنتجار في المخدرات روح يا عم وقول فوركس زي ما انت عايز انا لسا فاتح حساب وعامل فيزا ومفعلها علي النت ولما سالوني عن سبب التفعيل قلتلهم محتاجها للفوركس
|
رد: ايداع الاموال الي شركة الفوركس بلتحويل البنكي ؟
اقتباس:
انما فى شركات بتشرط ان تكون طريقة الايداع هى نفسها طريقة السحب لانك لو حولت مبلغ صغير من البنك الاهلى هاياخد منك مصاريف 40$ لو عندك اى استفسار انا تحت امرك لانى عميل فى البنك الاهلى |
رد: ايداع الاموال الي شركة الفوركس بلتحويل البنكي ؟
الموضوع ده فى غاية الاهمية على الاقل بالنسبة لى فتح حساب فى البنك الاهلى لتحويل (ايداع) الى شركة فكسول تحديداً عاوز من الخبراء فى الموضوع ده شرح وتبسيط الطرق الى ابسط ما يكون .. لانى فى الاول عرفت ان الحد الادنى لفتح حساب بالدولار 1000$ مع انى عاوز افتح حساب بـ 250$ بس ، وبعدين عرفت انى ممكن افتح بـ 1000$ حسب قوانين البنك ثم اسحب اللى انا عاوز اسحبة .. برضة مشكلة .. وبعدين سمعت ان الحد الادنى 500$ ... كل ده الكلام عن البنك الاهلى لانه كل بيشكر فيه ولانة اقرب ليه بصراحة بس اخر ما اثلج صدرى هو انى ممكن افتح حساب بالمصرى عادى جداً واحول منة الى فكسول عادى جداً وفى حالة السحب من الشركة ان شاء الله يتم فتح حساب لى بالدولار تلقائى بدون التدخل منى (المعلومة من مصدر محترم) وبعد اذنكم شرح لموضوع الفيزا للتعامل فى هذا المجال .. لانى لا اعلم اى شئ عن الفيزا من اول استخراجها الى الايداع والسحب مع ذكر من فضلكم سلبيات وايجابيات (عيوب ومزايا) التعامل بالفيزا طبعاً اعتذر لصاحب الموضوع على التطفل ولكن اعتقد ان الاستفادة ستكون للجميع اشكركم |
رد: ايداع الاموال الي شركة الفوركس بلتحويل البنكي ؟
اقتباس:
بالفعل هو بيكون فيه حد أدنى لفتح الحساب وده بيختلف من بنك لبنك لما فتحت حسابى ( فى NSGB ) كان الحد الأدنى أقل بكتير من 1000 دولار طبعا بعد فتح الحساب اسحب منه الى انت عاوزه مفيش مشاكل وفتحته فعلا بالمصرى وبعت منه فلوس بالدولار عادى ولما سحبت فلوس من الشركة الى كنت شغال فيها اتعمل اوتوماتيك حساب تحته بالدولار واتحطت فيه الدولارات القادمة كما هى بالنسبة للفيزا دى انت بتطلب تعملها وانت بتفتح الحساب (فيزا نت مدفوعة مقدما ) دى بتاخد شوية وقت على ما توصلك تقريبا اسبوعين من بعد طلبها وبيكون ليها مصاريف سنويه تقريبا 10 جنيه والميزة فيها ان حضرتك بتحولها أو بتشحنها من حسابك الأصلى يعنى لو حسابك فيه ما يعادل 1000 دولار مثلا ممكن تحول منهم 100 دولار فقط للفيزا و تتعامل بيهم ولما يخلصوا بتحول ليها تانى من حسابك وهكذا فمفيش خوف ان يتسحب منها أكتر من الى انت كاتبه بالنسبة للأيداع والسحب الفيزا ممكن تودع بيها ( تدفع بيها فقط ) لكن السحب بيكون على حسابك البنكى وبالنسبة لأرسال الأموال انا بفضل الفيزا عن الحوالات البنكية لأنها أسرع بكتير ومصاريف دفع الفلوس بيها ايضا أقل بكتير من التحويل البنكى باقى نقطة واحدة تتأكد منها من الشركة الى هتشتغل معاها ان شاء الله وهى ان لو انت دفعت بالفيزا ممكن تسحب بتحويل بنكى ولا لأ لأن فيه شركات بتشترط الدفع بالتحويل البنكى اذا أردت السحب بالتحويل البنكى تحياتى أخى |
رد: ايداع الاموال الي شركة الفوركس بلتحويل البنكي ؟
ملحوظه مهمه يا جماعه وهو ان اغلب الشركات اللي بتشترط ان يكون السحب بنفس طريقة الايداع بيكون كلامها علي اصل الفلوس اللي انت بعتها مش علي الارباح يعني الارباح ممكن تسحبها عادي بالتحويل البنكي
|
رد: ايداع الاموال الي شركة الفوركس بلتحويل البنكي ؟
اقتباس:
|
رد: ايداع الاموال الي شركة الفوركس بلتحويل البنكي ؟
اقتباس:
ملاحظات فى الاقتباس بعد اذنكم ايه اسهل طريقة للايداع والسحب فى رأيكم علشان نستعد من الان وما افضل البنوك وما رأيكم فى بنك مصر والاهلى بالرغم من انى شفت ناس كتير شكرت فى الاهلى اشكركم |
رد: ايداع الاموال الي شركة الفوركس بلتحويل البنكي ؟
اقتباس:
لم اتعامل مع الأهلى المصرى لكن عموما الآليه واحده وممكن تتاكد من البنك نفسه ده هيكون أفضل رقم الحساب الى هتاخده من البنك ( وفيه فلوس بالمصرى ) ده الى هتتعامل بيه لما تبعت فلوس أو لما تيجى تسحب فلوس من شركتك الحساب الفرعى الى بالدولار مش هيتعمل الا لما يجيلك تحويل بالدولار من بره ( هيتعمل اوتوماتيك تحت رقم حسابك الأصلى وهيكون امتداد ليه ) وده لفصل الجنيه عن الدولار وطبعا ممكن تحول ما بينهم بسهوله بالنسبة لأفضل البنوك انا بتعامل مع الأهلى سوسيتيه وممتاز |
| الساعة الآن 08:12 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com