المشاركة الأصلية كتبت بواسطة ahmedphen0m (المشاركة 756850)

جميل
الفرصة الاولي حققت الهدف من الدخول التانيو الفرصة التانية من الدخول الاول سليم كدا و لا انا فاهم رسمك غلط؟

المشاركة الأصلية كتبت بواسطة Khaled_wahed (المشاركة 756874)

انا معاك في الموضوع ده

وكنت ابتديته من فتره على منتدى الجيران وتوقفت لعده اسباب اهمها التركيز في رحله الشهباء وثانيها لعدم توافر الوقت للمتابعه اللصيقه لان الفرص الصغيره تحتاج متابعه على الاقل مرتين يوميا وثالثا لعدم تواجد مشجعين ومشاركين ليا في دراسه الوضع

اولا حابب اقولك اني عامل دراسه تفصيليه لموضوع البوكسات الصغيره ده على زوج الكندي دولار لمده سنتين . هاعرضهم هنا وهانبتدي مع بعض نتابع الموضوع وندرسه .

انا الباك تيست كنت بعمله يدوي بحت بدون اي برامج فياريت تشاركنا بالبرنامج علشان يسهل علينا .

اهم الملحوظات اللي خرجت بيها من دراستي للموضوع هي :
*افضل طريقه للتعامل بتكون بتثبيت نقاط الدخول وتحديد الهدف (التعامل بالشهباء الاصليه ) باختصار ان الهاي واللو بتوع اول دخول هما اللي هانشتغل عليهم في المضاعفات كلها مع عدم الالتفات لاي هاي او لو يتكون بعد تحديد نقاط الدخول والمضاعفات .
*كل زوج وله عرض مستطيل مفضل للتعامل بيه اظن انه بيعتمد على رينج الزوج (في الدولار كندي كانت المستطيلات اللي طولها من 25 ليب الى 40 بيب هي الافضل واظن الكيبل كانت المستطيلات في حدود ال 50 بيب هي الافضل ).

*اكبر مضاعفه وجدتها على زوج الدولار كندي كانت الرابعه (الدخول الخامس ) لمده سنتين فاتوا وكانوا بوكسين فقط خلال السنتين . مع العلم اني ماكنتش ببص للاتجاه قبل البوكس ابدا حتى في بعض الاحيان كانت فرصه بتتكون داخل فرصه .
*كل ما الاتجاه للزوج كان قوي كل ما كانت الفرصه شبه اكيده( لدرجه اني كنت في اول الباك تيست ناوي احول الطريقه الى ستوب وتيك بروفت مش مضاعفات من كتر ما البوكسات كانت بتحقق هدفها من اول دخول .

*توصلت الى ان احسن طريقه هي الاكثار من الفرص مع تقليل الللوت بمعنى اني لو ناوي ادخل فرصه واحده ولقيت فرصتين قدامي افضل اقسم لوتاتي على الفرصتين .

*لابد من الحذر من قيمه الهامش والمارجن في الصفقات الصغيره ديه بالزياده جدا . لان اللوت بيبقى عالي والمضاعفات بتبقى تقيله .
يعني انت في الشهباء العاديه لو بتدخل بلوت ميني . في البوكس الصغير ممكن تلاقي نفسك داخل ب 4 لوتات ميني . في المضاعفه التانيه هتلاقي نفسك داخل باكتر من لوت ستاندرد و 6 ميني والهامش المحجوز كبير وقيمه انقطه تقيله
فلازم تكون حاسبها بدقه عاليه وتدرب نفسك نفسيا على كده.

*افضل تعامل يكون بسله عملات مختلفه تماما يعني ماتدخلش فرصتين على ازواج الدولار ابدا ابدا. لان الانعكاس هايكون مزدوج واللوت عالي اساسا .
*الفرص بتتكون كتير جدا وهدفها بيكون صاروخي (في الجدول اللي فرغت فيه الفرص كنت بحسب وقت تحقق الهدف بالساعه وبعض الصفقات انتهت بعد ساعه واحده )

*ارخم مافيها ان الصفقه لما بتطول وده نادر الحدوث بتفضل تتابع معاها عن قرب فمحتاجين نفلتر الفرص ديه برضه للبعد عنها

المشاركة الأصلية كتبت بواسطة Khaled_wahed (المشاركة 756877)

انا هارفع تمبلت الباك التيست اللي اجريته على الكندي دولار بمجرد تركيبه على شارت الكندي دولار هاتظهر بوكسات الفرص مرقمه لمده سنتين وهارفع جدول فرغت الباك تيست فيه لسهوله دراستها .
بس اول ماروح لانهم موجودين على الاب توب

المشاركة الأصلية كتبت بواسطة ahmedphen0m (المشاركة 756948)

فعلا المرونة مطلوبة و الجمود نهايته الفشل و الشهباء مرنة جدا و لا فيفي عبده ههههههههههه

المشاركة الأصلية كتبت بواسطة Khaled_wahed (المشاركة 757576)

ههههههههههههه


ضحكتني والله
واسف على التاخير عليك في موضو البوكسات الصغيره بس لظروف قهريه والله . والدتي مريضه وانا مشغول معاها شويه

المهم بس ان باك تست الكندي جاهز عندي هاعرضه عليك هنا في الورشه اول مارجع البيت وهابتدي ادرس الموضوع معاك تفصيليا ان شاء الله

المشاركة الأصلية كتبت بواسطة ahmedphen0m (المشاركة 757857)

طبعا اكبر مشكلة هي مشكلة المتابعة و ده السبب اني محاولتش اتشغل علي فريمات اصغر من الساعة او علي مستطيلات اقل من 100 بيب لاني صعب اني ابص علي الشارت اكتر من مرة واحدة فاليوم لظروف عملي و سابقا لظروف دراستي

بس احييك فعلا
انا متاكد ان الربح هيكون رقم ممتاز و هيتخطي بمراحل الربح اللي الشهباء المطورة بتحققه بالشكل الحالي و ده بيتراوح من 5 ل 10% شهريا
اعتقد بالطريقة بتاعتك و لان عدد الفرص اكتر بكتير ممكن توصل ل 10 ل 20% شهريا براحة تامة و بمخاطرة معقولة

المشاركة الأصلية كتبت بواسطة ahmedphen0m (المشاركة 757860)

و لو ممكن بعد اذنك ان يتم تخصيص موضوع لعرض النتايج عشان نلفت انتباه كل اعضاء المنتدي الكرام ليها و الك يعرف قوة و روعة الشهباء
يمكن تكون انت سبب في ربح ناس بقالها كتير بتخسر و لسه مش لاقيه الطريق