كلامك مظبوط بس يفضل بردو حقيقة أن أحنا سابع دولة أمية على مستوى العالم دى مش شتيمة دا واقع الحال والحل مش أننا نفتخر بالدسوقى ونصفق .. أنا شايف أن الحل أننا نمشى فى الطريق اللى يجيب لنا مليون دسوقى ... دفن الراس فى الرمال مش هو الحل .... الحل كلنا نقول "أأأأأه " على رأى عادل أمام نشوف مشاكلنا ونحاول نحلها ويا بخت من بكانى وبكى عليا .

اكيد مش معني كلامي يا باش مهندس ان مصر خلاص كدا معدش عندها اميه ولا بطاله ولا اوضاع زي الزفت :1 (12): ... بس مقصود كلامي انه برده الوضع مش سودوي اوي كدا لما استعرضت امثله لاشخاص متميزين دا عشان ابرهن ان رغم ظروف مصر الصعبه اللي انها قدرت تفرز شخصيه متميزه من ابنائها ما بالك لما ربنا يصلح الحال زي ما بنتمني كلنا والحياه في البلد تتحسن ... اذا المشكله مش في المصري زي ما سي سويرس صورها المشكله في الاوضاع اللي بتحيط بالمصري من اقتصاد وتعليم وغيره .... وبالتأكيد اتفق معاك اننا لازم يكون عندنا مليون دسوقي واننا قدامنا فرصه لنفض الغبار وتطوير كل شيء في مصر ... لكن معلش سويرس مينطبقش عليه المثل بتاع بكاني دا :1 (68):

هتختلف معايا كمان فى حاجة انت اللى بتطالب بها ... مش أنت بتعترض على الفيديو المقتطع ... دلوقت بقى المقتطع حلو هههههه ... بص أى فيديو أنا بحطه موجود عندى كامل و100 فل وعشرة ( مع أنى محطيتش حاجة :1 (54):) بس تأكد لو قطعت فيديو أو حطيت فيديو مقطوع هيكون عندى الفول تايم بتاعه ومش هيكون تقطيع أو ترجمة تغير المعنى وتستغل عدم معرفة الناس باللغة.....

مش بختلف معاك بس انا بطالب انه يبقي فيه موضوعيه وانصاف يعني هل انا لما قلت اننا نجيب الفيديو كامل عشان نعرف نحكم علي الكلام هل انت او الاستاذ امير او استاذ طارق جبتو فيديوهات كامله ؟... الاجابه تونس :1 (52): ..... اذا يبقي النقاش ماشي في نفس الاتجاه والمنهج والطريقه الي ان يتضامن معايا جميع المتناقشين ويتبنوا نظرتي اللا مركزيه ذات الابعاد النمطيه عن الفيديوهات الكامله " كلام كبير اوي:1 (76): " وخلينا نحدد الكلام علي الفيديوهات اللي بتيجي من مستر youtube


طيب بص علشان انا ليا رأى فى الموضوع دة ومش عارف الناس عاملة نفسها مش فاهمة وللا أية وكتبت الكلمتين دوول قبل كدا بس نقولهم تانى ميضرش ... أميركا كل 3-4 أيام تمسك جاسوس عندها ... مرة أسرائيلى مرة صينى مرة روسى مرة كوبى ومرة ومرة ومرة .... دى اميركا .... روسيا والصين وأسرائيل وكل حتة نفس النظام كله بيتجسس على كله دا شئ طبيعى ...... نيجى بقى لوقت الثورة فى مصر .... حتى النظام مكانش فاهم أية اللى بيحصل وللا هترسى على أية وقدرات البلد المخابراتية والتنظيمية والداخلية كانت مكسورة ... يعنى البلد كانت سداح مداح ... فأى واحد منصف هيكون متأكد أن مخابرات كل الدول كثفت جهودها وكبرت حجمها داخل مصر بطريقة مش طبيعية علشان كله عاوز يعرف أية اللى بيحصل ... وأكيد كل طرف هيحاول يستغل اللى بيحصل لمصلحته ... أعتقد الكلام دة مش عجيب أو غريب يعنى ....عندك ليبيا مثلا دلوقت نفس القصة والحكومة الليبية حصلت على معلومات مؤكدة أن قطر بتحاول تتدخل وتعمل لنفسها عصابة فى ليبيا ( وانت عارف طبعا اسهل وسيلة تجمع بها الناس حولك ومعاك وهم مغمضين أية هى !!! وكمان يقولوا المجلس الليبى الكافر والمعرفش أية ) وفية مشاكل عنيفة بين ليبيا وقطر حاليا بسبب تمويل قطر بطريقة بشعة ماليا وبالأسلحة والمعدات لأطراف ليبية وأدينا قاعدين وبكرة نشوف ونعرف قطر وأميركا شغالين أزاى ومتفقين مع مين؟ على أية؟ ولية ؟ فى ليبيا .... دى معلومات معلنة ... مش وساوس يعنى.
باقى الكلام بتاع الجونة والقصص دى بصراحة مقدرش أغلطك فيه لأن معنديش معلومات عنه وكل اللى بنقوله أنه كلام مرسل ميتناقش يعنى ...لكن ممكن ندور ونعرف أكتر معلومات علشان أو نستنى نشوف التحقيقات هتعمل أية علشان منصيبش قوم ونندم بعد كدا . لكن زى ما قلت لك قبل كدا أنا بسمع الكلام دة وزيادة علية شوية شتيمة فوق البيعة كل يوم عن ساويرس أكتر من مبارك وجمال بشوية لكن لو الكلام دة صح و 85 مليون بنى أدم مش عارفين يصطادوه فى النيابة يبقى عيب أوى .

رد علي كلامك اللي مفيش جدال عليه كلنا مؤمنين بوجود الجواسيس وشغل المخابرات اللي بيتم في مصر دلوقتي ... بس يا هل تري سويرس باشا كان قصده ان الاصابع الخارجيه دي جايه تتمركز وتوسع نشاطها في مصر عشان تتفرج وتعرف ايه الي هيحصل ولا جايين عشان يقلبو نظام البلد ويهيجو الشعب علي حسني وينزلو الشباب التحرير !! طبعا ياريت تكون واخد بالك ان الفيديو دا كان قبل ما يتخلع المخلوع يعني في وجود المخلوع الكبير والمخليع الصغيرين اللي حواله زي عمر سليمان وشفيق بتاع البونبوني اللي هما بردو كانو متبنيين نظرية ااصابع الخارجيه في كل حواراتهم اللي كانو بيحوروها علينا ... يا استاذنا مفيش اي اصابع خارجيه كان من مصلحتها ان مبارك يمشي ونظامه يسقط ... اذا كان كان فيه فعلا اصابه خارجيه بتلعب فهي كانت بتلعب لصالح المخلوع عشان الدنيا تهدي مش بتشعللها ولا انت شايف ايه :1 (88):