هو حضرتك بتدخلني في فرعيات تانيه ليه يا استاذنا ...يعني موضوع التعليقات بتاعت المصريين والسعوديين انا مالي ومالهم ما اللي عايز يعلق يعلق .... ثم انى ممكن اعملي 500 اكونت علي اليوتيوب واخش بواحد مصري وواحد سعودي وواحد كوالالمبوري ... يعني التعليقات مش مقياس لاي حاجه ... وبعدين انا جبت الفيديو دا تعليقا علي موضوع الديموقراطيه المطلقه في الاسلام وتعليقا علي كلام الشيخ عبد المنعم الشحات انه مش هو اللي بيقول الكلام دا لوحده وان فيه اغلب العلماء المتفق عليهم بيقولو نفس الكلام كون بقي ان الشيخ دا هاجم فكر الشيخ دا او فلان كشر في وش علان مش بتاعتي نبقي نتناقش فيها في وقت لاحق :1 (31):

اما بالنسبه للشيخ عمرو اديب فانا عايز اقولك انى اتفرجت علي الحواراللي قال فيه كدا كامل واقدر اقولك من نبرة صوته وطريقته في الكلمه اللي قالها دي انه مكنش بيهزر .... اذا عمرو باشا اديب ومش هقول عليه شيخ المره دي ... منافق وبـ 70 وش لانه دلوقتى بيدعي الليبراليه وانه حامي حمي الناس اللي حقها هيتاكل واللي هيتعذبو ويتشردو وهيتم قمعهم تحت الحكم الاسلامي رغم انه في الفيديو قال تولع الديموقراطيه اللي تجيب اسلاميين يبقي ازاي ليبرالي وبيولع في الديمقراطيه هتقولي لو منافق كان نافق الاخوان والاسلاميين هقولك لا يا بيه عمرو اديب مينفعش يبقي اسلامي لانه معروف سكته ومذهبه من ايام مبارك فمكنتش هتبقي لايقه عليه اوي لكن دلوقتى هو سابك الدور كويس .... هو بالمختصر كدا لا علماني ولا اسلامي هو بيمشي حاله كنت بحب اتفرج عليه ايام مبارك عشان كان لذيذ ونظام مبارك كان سايبله مساحه يعيش فيها بس لما صدق نفسه وعدا المساحه دي ادولو علي دماغه ... ودلوقتى بحب بردو اتفرج عليه خصوصا في الحقات اللي بيبقي ضيوفه فيها اسلاميين سواء اخوان او سلفيين لان بلاقي ضيفه بيكلمه بادب وهدوء وهو صوته عالي اد كدا في الاستوديو ... يا راجل دا كان في حلقه جاب فيها حازم صلاح ابو اسماعيل اول ما اعلن انه هيرشح نفسه للرئاسه ... كان فاكر انه جايب وواحد بدقن يضحك عليه شويه ويقسم عليه ... اتفاجيء قدامه بواحد فاهم وعارف كويس وهو بيعمل ايه فمبقاش قدامه كل شويه غير انه يعلي صوته ويقولو الخمره والستات والقمار والسياحه واي حد هيتفرج علي الحلقه دي علي اليوتيوب وهيشهد شهادة حق هيقول ان حازم ابو اسماعيل اكتسح شردي واديب في الحلقه دي وكسب منها دعايه اكتر ما كسب عمرو تشويه للاسلاميين

اردوغان بقي وتركيا والكلام دا انا بحبه وبحترمه لانه كان له مواقف ارجل من ارجل حاكم عربي موجود دلوقتى وهو مقتنع بالعلمانيه ودا حقه لان بلده اقرب للغرب مننا ... لكن من قبل ما يجي مصر ويقول خطابه العلماني وانا مقتنع ان تجربة تركيا متنفعش في مصر ... هو احنا ليه عايزنا نقلد والسلام ليه ميبقاش لينا احنا تجربه جديده تثبت نجاحها ليه ميبقاش لينا فكرنا المستقل ونموذجنا الجديد