يمكن يكون جانبي التوفيق في التعبير لكن القصد هو انه مش معني انه كان معارض للنظام السابق انه يبقي صح علي طول وانى افضل معجب بيه علي طول .... ابراهيم عيسي كان بيعجبني في النظام السابق ..... لكن دلوقتى مورهوش حاجه غير مهاجمة الحركات الاسلاميه ... حتي المعتدله منها ... ياباشا انا اتفرجتله علي حلقه مع الاستاذ حازم صلاح ابو اسماعيل ... كان في قمة التعصب والتهكم علي الراجل في حين ان الراجل بيكلمه بكل ادب واعتدال وهدوء وهو كان كل همه انه يلصق في الاسلاميين كل الصفات الوحشه اللي فيهم واللي مش فيهم وكأن الحركات الاسلاميه دي مفيهاش اي حاجه كويسه ...

بص يا استاذ نادر .... انا نقطت خلافي الوحيده مع استاذ امير انه ماشي بمبدأ الجيش ... اللي هو الحسنه بتخص والسيئه بتعم .... يعني لما يجيب مثلا فيديو لسلفي والسلفي دا بيقول كذا واللي بيقوله السلفي دا انا شايف انه غلط او انه متشدد هل معني كدا ان كل السلفيين كدا يعني لما يقول علي الاقل ابراهيم عيسي كان ضد النظام في الوقت اللي كا البعض فيه بيحرم الخروج علي الحاكم ( طبعا البعض دي عايده علي السلفيين ) هل كل السلفيين حرموا الخروج عن الحاكم ؟ واظن بردو انت تتفق معايا ان رجل الدين سواء كان واعظ او عالم بيبقي له نوع من انواع الاجلال عند اهل ديانته يعني انت مثلا لا تقبل ان حد قول علي القس فلان جاهل او القس فلان كذا صح ولا انا غلطان ......

هنرجع لنفس النقطه تاني ... معني كلامك ان كل السلفيين راحو غزو نجيب محفوظ بالمطواه وبيذدرو الاديان وكل الكلام اللي انت قلته .... الفكره انكو مبتفرقوش يعني واحد عمل كدا خلاص اشطه يبقي كلهم كدا ..... مفيش وجه مقارنه للي شافه ابراهيم عيسي في معتقل واللي عانا منه الاسلاميين في المعتقلات .... هل ابراهيم عيسي كان بيتكهرب .... هل ابراهيم عيسي قلعوه ملط واعتدو عليه جنسيا ..... هل هل هل اساليب التعذيب اللي استخدمت مع الاسلاميين كتير ويطول شرحها ياراجل دا في شاب سلفي كانو مستضيفه باسم يوسف في برنامج قاله دا لو قامت خناقه بين جماهير الاهلي والزمالك كانو بيجو يلمونا مفيش وجه مقارنه يا استاذ نادر

اولا انا عمري ما ركبت مواصلات ولا مشيت في الشارع ولا قعدت علي قهوه ولا حتي دخلت جامع ولقيت الناس فيه بتقول الكلام اللي حضرتك قلته ( دا هبو لنصرة دينكم وهيغيرو الهويه والليبراليين هياخدو اغلبيه ) لكن هنفترض جدلا ان دا حصل وان كان فيه تعبئه دينيه للانتخابات ..... هل كان دا من طرف الاسلاميين فقط ؟ وبعدين انا عايز الفت نظر حضرتك لحاجه لا البرادعي يقدري يلبس الستات مايوهات بالعافيه ولا الاسلاميين هيلبسو الستات النقاب بالعافيه مصر طول عمرها دوله وسطيه يعني لا مقبول فيها التشدد ولا بردو مقبول فيها التسيب ودي طبيعه في الشعب نفسه ...

علي العكس تمام الليبراليين كانو متوهمين انهم يقدرو يستقطبوا جزء كبير من الشعب المصري ... ياراجل دا كفايه المنابر الاعلاميه ... عمرو اديب وشردي وابراهيم عيسي وجرائد علي كل شكل ولون .... محدش يختلف علي مدنية الدولة ومحدش يختلف علي حق المواطنه المسيحي زي المسلم في الحقوق والواجبات الست زي الراجل في الحقوق والواجبات ... لكن من حق الاغلبيه هي اللي تقوم بتنفيذ دا طالما ان فيه انتخابات حره اتت بهم ... ومن حق الاقليه انهم يراقبو دا وهو بيتنفذ ... كما انه برده من حق الاغلبيه انهم ياخدو فرصه يشتغلوا مش هجوم علي الفاضيه والمليانه .... هو انا هحكم ازاي علي تجربة الاسلاميين في مصر اذا كانت ناجحه او فاشله الا اذا ادتهم فرصه يشتغلو وبعد كدا جيبت حاسبتهم هل يعقل بالبلدي كدا انى اجيب صنايعي يعملي حاجه في بيتي وقبل ما يبتدأ يشتغل اقوله انت شغلك زي الزفت مش عايز اشوف وشك تانى !!!؟

فعلا حصل وانا لسا متفرج علي الحقه دي تحديدا دلوقتى

اي مصري بيؤيد اي واحد واخد مظهر اسلامي .... هل الكلام دا بينطبق علي كل المصريين يعني انا كمواطن مصري الكلام دا مينطبقش عليا ... ممكن اعرف الباشا منين :1 (31): مش من مصر بردو طيب هل الكلام دا ينطبق عليك اكيد هتقولي لاء .... اذا الصنفين موجودين الصنف اللي تعليمه علي اده الغير مثقف الغير متعلم اللي بينخدع في المظاهر والصنف الآخر هو المتعلم المحترم المثقف المستنير صح كدا ولا هو الشعب كله بصمجي ولا ايه !!
طيب بمراجعه علي ارقام المرحله الاولي هنلاقي ان فيه 10 مليون وشويه صوتو .....الاخوان اخدو حوالي 3 مليون وشويه والنور اخدو حوالي 2 مليون وشويه والكتله حوالي مليون وشويه يبقي بحسبه بسيطه كدا بما انى مصري بصمجي 3 مليون وشويه مع 2 مليون وشويه يبقو تقريبا 5 مليون ونص مواطن مصري بصمجيه جهله فيهم شوية مهندسين مش فاهمين حاجه علي شوية محاميين عبط علي شوية دكاتره معاهم اعداديه تشكيلة جهله كدا يعني مشيين ورا الناس اللي بيقولو الشريعه والاسلام من غير تفكير ولا اقتناع في المقابل عندنا حوالي مليون مواطن مصري متعلم مستنير فاهم وواعي راح صوت للكتله المصريه المحترمه ومرحش زي العبيط يصوت للناس اللي بدقون وعاملين فيها اسلاميين ............. طبعا الحسبه اللي فاتت دي بمقاييس حضرتك ....

واللهي انا واثق تمام الثقه ان الشعب مش هيسمح بافغانستان في مصر ... كون انت مش واثق فدي قناعات شخصيه وحاجه ترجعلك ... وانا بردو مؤيد جدا لنتيجة الانتخابات النهائيه لاني واثق في ولاد بلدي وواثق في تفكيرهم ودرجة ذكائهم ممكن يكون في شريحه منهم بتصوت لمجرد استقطاب ديني لكن الشريحه الاكبر بتصوت عن وعي وادراك لانهم ناس متعلمه ومثقفه .... وزي ما كان فيه استقطاب هنا كان فيه بردو استقطاب النحيه التانيه كون ان انت شايف ان اغلب الشعب المصري شوية معاتيه بيدورو علي الاباحه علي النت وينتخبوا الدقون في الصناديق فدي بقي بتاعتك انت وانت اللي تتحمل رايك دا امام الاعضاء وامام الله ... وبعدين يا سيدي اللي بيدور علي الاباحه 85% واللي عايز يمنع الاباحه 90% يبقي ناخد براي الاغلبيه .... وبخصوص صديقك اللي بيعمل كل حاجه حرام دا فهو له ربه يحاسبه وبما انك راجل ليبرالي فاعتقد انك ملكش دعوه بعلاقته بربنا .... هتقولي ما الاسلاميين هيفرضو الشريعه وملهمش حق يحاسبونا والكلام دا هقولك محدش هيحاسبك حتي لو فرضو الشريعه اجباري علي الناس ودا مستبعد في الاخر كل واحد وشخصيته يعني اللي بيحب يشرب خمره هيستخبي ويشرب خمره اللي بيحب يزني هيستخبي ويزني الرك علي شخصية الفرد اولا واخيرا