|
رد: انا نازل يوم 25 يناير.
اقتباس:
دون تفكير دون النظر لمسلمات الامور يااخي لابد ان ياتى الوقت الذي تتوقف فيه كي تجمع غنائمك من الحرب احنا طالبين الاصلاح هم طالبين المناصب احنا بنحب بلدنا هم بيحبو مصلحتهم يسقط حسني مبارك الرئيس وتحيا مصر وامنها واستقرارها وهنشوف خلال الـشهور القادمه ايه اللى هيحصل انا نزلت المظاهرات وشفت بام عيني ايه اللى فيها وايه اللى بيحصل لا يجب ان نحكم بعواطفنا السياسه ليست عواطف عندك مليون عقل بيفكرو ازاى يوقعوك ازاى يقضو عليك ازاى يعملو عندك فتنه عشان تنهار مصر ليست منتدي او شىء هين مصر دوله كبيره ولها مكانتها فى الشرق الاوسط من سيدرس التاريخ سيفهم |
رد: انا نازل يوم 25 يناير.
اقتباس:
مع احترامي عزيزي ... الفديو مفبرك .... اذا كانت خائنه وعمليه للموساد لماذ يخفون صورتها ؟ |
رد: انا نازل يوم 25 يناير.
اقتباس:
رأيك ... واحترمه بشدة ولم ارى بطاقتها ولا هويتها ولكنه احد السيناريوهات المطروحة وأمامنا الجمل والنخلة والأيام والله أعلى وأعلم. |
رد: انا نازل يوم 25 يناير.
اقتباس:
انا رحت اليوم يا باشمهندس التحرير علشان اتفرج و انا كنت رافض اني اخرج يوم 25 لاني كنت متوقع بطش شديد من الحكومه انما خرجت مع اصدقائي و كان يوم طبيعي و غير متوقع و لم تحدث احتكاكات معنا انما يوم الجمعه احد اصدقائنا في الشرطه حزرنا بشده و استمعنا له و الحمد لله اننا لم نخرج بالفعل كان البطش شديد المهم اللي كنا عايزينه و اكتر بكتير اتحقق و انا عن نفسي مكنتش متخيل انه ممكن نحصل علي نصفه علشان ماطولش عليكم رحت التحرير اليوم الصباح الباكر كنت هناك حوالي الساعه 9 صباحا و اللي شوفته ما يسرش اي حد بيحب مصر فعلا الناس اللي هناك طول لا طلعوا يوم 25 او همهم مصر من اصله و انا داخل فتشوني بكل احترام مفيش اي مشكله الاعداد كانت قليله و انا لفيت المكان كله فيه ناس بايته من كام يوم و اكل مجاني عباره عن سندوتشات و عصائر بيفرقوه علي بعض ناس متعصبه جداا اول موقف انهم يرفضوا الحديث مع اي تلفزيون مصري نهائي تماما و يطردوهم بزفه و يحاولوا يكسروا الكاميرا و دول كانو بتوع قناة المحور البنت اللي بتزيع برنامج العيشه و اللي عايشينها و فعلا صعبت عليا و المصور تعب جدا و طلب مني مرافقته لما لاقني بعامله باسلوب مختلف و لكن في النهايه مشي من غير مايعرفوا يصوروا حاجه بتاعه قناة ال بي بي سي ارابيا كانوا مرحبين بيها جدااااا و صورا معاها انما بشرط ان تصور في الاماكن اللي متجمعين فيها مش الاماكن الفاضيه و طبعا وافقت و بعد ما حاولت تصورت الاماكن الفاضيه و قالت عباره واحده و بعدها ما تشوف غير النور قالت ان الناس ابتدوا يمشوا و ان الاعداد قليله جداا غير الايام السابقه دي بقي اتشالت علي ضهرها بالفعل للاسف قامت احد السيدات التي كانت ترافقها بالنداء علي زاميلتها و محدش عرف يخلصها من الركل و الضرب و الابكاس و فعلا مشيت وهي مغشي عليها تماما و انا هناك سمعت ان النت رجع حاولت الدخول من الموبيل لاقيته بالفعل اشتغل قمت استاذنت من واحد اتعرفت عليه و كان داخل يتفرج برضه اخذت رقمه و قلت له اني ضروري امشي لان النت اشتغل ولازم امشي و انا كنت فاتح صفقات كتيره رجعت علشان اتابعها و كنت مشغول جدااا لاني كنت خايف السوق يضربني و خصوصا اني كنت فاتح صفقات كتير و كنت عامل ليها جني ارباح وماكنتش عامل استوب لوس و الحمد لله عدت علي خير و احمد الله تعالي اني ذهبت و اعتقد ان الله وفقني و لم اصب باي سؤ لان نيتي في الخروج عدم الاضرار باحد وكنت كل ما اريده ان يشعر المسؤلين ان لنا صوت فقط لا اكثر انا رجعت البيت و اتصلت بالزميل هناك قال لي انهم الان لا يسمحون بخروج احد من الاعتصام و يقوموا بتهديد كل من يحاول الخروج لان الاعداد بدات تقل و لكنه استطاع من التسلسل مع احد دوريات الجيش الذي طلب منه في منطقه فاضيه ان يساعده علي الخروج و بالفعل استجاب له و كان نقيب و قال لي ان الوضع اصبح به احتكاكات لذلك فضل الانصراف خوفا من تطور الوضع و بالفعل حدث بعد ذلك الوضع الدموي من المؤيدين و المعارضين اللي خرجت بيه من هناك ان الناس اللي هناك عايزين يعملوا شو و بس و في واحده كنت فاكرها بتسال علي اماكن الخروج فقالت ليا انا مش هخرج من هنا غير ميته او الرئيس سايب الحكم فاستغربت جداااا الكل هناك بالفعل ده شعارهم الموت او تنحي الرئيس مهما فعل و بعد كده محاكمته الله يكون في عونهم فعلا و يعدي الايام دول علي خير ان شاء الله |
رد: انا نازل يوم 25 يناير.
اقتباس:
انا شوفت هناك مشهد غريب جدااا مذيعه لبنانيه و معاها شاب كل اللي بيعملوه انهم يختاروا بعض الاشخاص و ياخدوا ارقام تلفونتهم و يقولوا لينا انهم هيدونا دورات في السياسه و التدريب في كيفة التصرف في المواقف الصعبه و البرمجه اللغويه و العصبيه و هيكون ده مجاني و هيدونا مكافات بالدولار طوال فترة التدريب و انه ممكن اكمل القرص في لبنان او امريكا في حالة تفوقي !!!! و انا مشيت اتفرج عليها لاحظتني و قالت ليا ازاي انا متضامن معاهم و مبهتفشب ليه معاهم قلت ليها ان انا موقعي فقط الانترنت و ان انا واحد من المؤيدين علي شباب الفيس بوك فرحت و قالت ليا ان دوري ميقلش عنهم و طلبت رقمي انما انا قلت ليها اني مش فاضي الغريبه انها اصرت جداا و قالت ليا انها ستخبر الجميع اني اريد ان اهرب من الميدان فاستغربت من طبيعة التهديد اللي قالتها لكني اصريت و الحقيقه بالفعل انا مرضتش ان اسمي يكتب معاها لاني حسيت بامر غريب رغم فضولي الشديد لمعرفتي ما هي الدورات التي احصل منها علي مال و اسافر لبنان و امريكا كمان علي حسابهم الحقيقه بعد ما هربت منها كنت عايز ارجع ليها تاني علشان اعرف و حبيت بالفعل اديها رقمي لكن و الحمد لله لم اجدها مش غريبه يا باشمهندس موضوع الدورات ده و لا حضرتك مش معايا |
رد: انا نازل يوم 25 يناير.
اقتباس:
|
رد: انا نازل يوم 25 يناير.
اتق الله يا من تقول أي شهادة من الميدان ولا تضلل الناس أنا أيضاً أصدقائي هناك الآن .. ولم أسمع بما تقول أبداً ..، |
رد: انا نازل يوم 25 يناير.
أخر كلام لي
لو ظل مبارك في السلطه ليستعد الشعب المصري للعقاب المبرح و سيخرج ليقول لكم أعمل لكم ايه انتم 84 مليون ساذج انتم صدقتوني ليه سيقول للشعب المصري انتم بتظاهراتكم قد خربتم الاقتصاد و لا يوجد في الخزينه اموال للاصلاح و سيبدأ يتعزيز السجون و المعتقلات ولكن إن رحل سيكون هناك الأفضل يكفي انه الأن استطاع أن يوقع الشعب المصري في فتنه بين مؤيديه و معارضيه استعدوا للعقاب اكثر الدول انزعاجا لرحيل مبارك هى اسرائيل افهموا بقى |
رد: انا نازل يوم 25 يناير.
أنا لست من حزب وطني و لاأنتمي لأي حزب
أنا مصري فقط وبقلك خاف على بلدك الرئيس مبارك لو كان عايزها تخرب كان اقال الحكومة و سافر و ساب مصر تولع و قتها كنت هتلاقي الدول كلها هتدخل في بلدك و هوا ده الي هما عايزينة و بيخططوله يا جماعه مصر اذا سقطط ضاعت هيبة العرب و الي بيكلم على الناس الي في التحرير ده بقلك دول مش ناس عايزه الخير لمصر الشعب الي طلع في ثورة 25 و 28 بيطلبو بتغيير النظام كله رجع بيتة لان النظام اتغير بالفعل و الدستور اتغير انما الي قاعدين هناك دول في التحرير ناس مش عايزه تتفاهم عايزنها تولع و بس عايزين مجلس الشعب و الشورى ينحل و الحكومة تنحل و الرئيس يتنحى و كل ده في وقت واحد طب لما كل ده يحصل بقت فين حكومتك لازم الرئيس مبارك يفضل قاعد لانتهاء فترتة و انتقال السلطة بطريقة سلمية و الحمد الله تم تغير الحكومة و الدستور و الغاء نظرية التوريث تمام و تم وقف مجلس الشعب و الشورى الى انتهاء محكمة الاستئناف و الحكم فيها يبقى انت عايز اية أكتر من كده الي انت عايزه بعد كده ده اسمة حاجة واحده بس انك عايزها تولع بس و حسبي الله و نعم الوكيل |
رد: انا نازل يوم 25 يناير.
نسأل الله أن يفرجها عليكم و يخمد نار الفتنة
و يكون التغيير من غير خسائر اللهم يسرها يا كريم و أعد مصر بلدا آمنا مطمئنا آمين |
| الساعة الآن 07:32 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com