رد: المتاجرة بدون تحليل او مؤشر او توقع
 

تمام يا باشا اتفقنا انا هجرب الموضوع ده الاسبوع الجاي كله وبعدين نعرض نتايج الاستراتيجية لمدة اسبوع ونشوف احتمال نجاحها اد ايه مع بعض
وزي ما اتفقنا على الازواج اللي قولتها نثبتها بيننا وجرب انت 15 و 60 وانا هجرب 20 و 80 ونشوف نتايج ونقارن اخر الاسبوع الجاي وربنا يكرم ونطلع بحاجة نتفق عليها
ونستفيد ونفيد الكل ان شاء الله

رد: المتاجرة بدون تحليل او مؤشر او توقع
 

العفو يا دكتور شرفنا مرورك

رد: المتاجرة بدون تحليل او مؤشر او توقع
 

تمام يا كبييييير نجرب من اول الاسبوع الجاي .. بس عندي تعديل اعتقد هيبقى افضل ... ايه رايك بدل ما ندخل هيدج .. نشووف ترند الزوج على اليومي و نيجي عند الشمعة السادسة مثلا لو كانت شمعة صغيرة هنعلق اوردر بيع من الهاي بتاعها او شراء من اللو بتاعها حسب اتجاه الترند ع اليومي و نعلق صفقة معاكسة على استوب الصفقة ... كانه هيدج برضو بس كدة زودنا فرصة عدم ضرب ستوبين في حالة الهيدج العادي و كمان فكرة هاي او لو الشمعة شايفها هتقلل قووي من ضرب الاستوب بسرعة لان في الازواج السريعة لما بيتكسر هاي او لو غالبا السعر بيمشي بعيد ... و كمان لو ممشيش بيعمل اعادة اختبار للو او هاي الشمعة اللي قبلها و يرجع في اتجاه الترند بتاعه .. ايه رأيك ؟؟

رد: المتاجرة بدون تحليل او مؤشر او توقع
 

طيب يا باشا على حسب اللي فهمته كده يبقى مثلا لو في ترند هابط مثلا هنيجي نعلق اوردر بيع عند الهاي بتاع الشمعة الصغيرة اللي بنتكلم عليها
يبقى كده الاوردر هيتفعل في تصحيح مثلا والمفترض احنا معلقين الاوردر عشان يتفعل والترند يكمل لتحت تاني
طيب دلوقتي نضمن منين ان الاوردر يتفعل اصلا ياريس مش ممكن الشمعة اللي بعدها تيجي هابطة زي ما هي والاوردر ميتفعلش ؟!
معاك ان في الحالة دي هنبقى ضمنا ان الصفقة العكسية تتفعل بقى عند استوب الصفقة المعلقة تمام بس دي ال happy case بتاعتنا
لكن ممكن برضو لأي سبب من الاسباب خبر او تحليل او دعم مثلا ممكن السعر يجي عند الهاي بتاعنا ويفعل اوردر البيع زي ما اتفقنا بس المرة دي ميبقاش تصحيح والسعر يكمل لتحت
ممكن يكون انعكاس او كسر ترند او خبر قوي يخليه يكمل صعود ميلفش من عن الهاي وينزيل في الحالة دي هيضرب الاستوب البيع بسهولة وممكن ميكونش فعل اوردر الشراء التاني اصلا

هنحل دي ازاي يا كبيير

رد: المتاجرة بدون تحليل او مؤشر او توقع
 

وبعدين ياريس لو في نفس الحالة دي ترند هابط واوردرين زي ما اتفقنا وحصلت انه مصححش عشان يفعل صفقة البيع وكمل هبوط وفضل نازل وفعل صفقة الشراء بس فضل مكمل نزول عكس صفقة الشراء اللي اتفعلت هتبقى برضو دراما

رد: المتاجرة بدون تحليل او مؤشر او توقع
 

ولو عكسناها برضو مش مضمونة
يعني لو ترند هابط برضو بس علقنا اوردر شرا مش بيع عند الهاي نلعب على نقطة انه لو كسر الهاي يبقى هيعكس ويكمل صعود مش هينزل تاني وفي حالة انه حتى لو نزل نبقى معلقين اوردر بيع عند استوب الشرا بقى ف كده لو طلع كسر بجد يبقى كسبنا اوردر الشرا اللي اتفعل ومن غير ضرب استوب الاوردر العكسي لانه متفعلش اصلا
ولو فعل الشرا وبعدين نزل يبقى هيفعل امر البيع عند استوب الشرا ويكمل تحت بقى يجيب تارجت

انا محتار الصراحة انت رأيك ايه

وبعدين الصراحة انا شايف ان تارجت 80 ده كتير انه يتحقق في يوم واحد من غير بنزين يعني خبر قوي ولا حاجة لكن ممكن ياخد يومين تلاتة لو مفيش اخبار

عاوزين نوصل لاستراتيجية واضحة نوحدها انا وانت ونشتغل عليها الاسبوع دالجاي واخر الاسبوع نقيمها ونتناقش ايه اللي ممكن يتعدل عشان نبعد عن عيوبها ونجرب تاني
ومين عارف ممكن اسبوع في اسبوع كده بعد كام اسبوع ربنا يكرمنا باستراتيجية متخرش المية ومتوجعش الدماغ ونعمل بيها احلى شغل ان شاء الله مع التجريب والتعديل

رد: المتاجرة بدون تحليل او مؤشر او توقع
 

عندي اقتراح كويس ممكن نجرب استراتيجية الشمعة 9 لانها اقوى و ندخل حسب الاتجاه اليومي ما دمت تدخل على هاي و لو الشموع

رد: المتاجرة بدون تحليل او مؤشر او توقع
 

بص يا باشا .. انا هعمل صور شرح للي قولته و بعدين قولي رأيك ... هعملها و انزلها بعد شوية

رد: المتاجرة بدون تحليل او مؤشر او توقع
 

تمام يا ريس .. هشوف وضعها على الشارت و نحدد أفضل شمعة ندخل منها و ممكن كمان ندخل معانا مضاعفة واحدة بس بحيث لو كان في خبر اتحرك عكس اتجاهه الاول .. و هيرجع تاني لاتجاهه فهيضرب الاستوب فلاوردر المضاعف يتفعل و يروح معاه السعر في اتجاهه ... هشوف على الشارت و اشوف أفضل شمعة ممكن نشتغل من عندها .. و اللي يقدر يقتح الشارات و يشوف و يلاقي حاجة ينزلها برضو عشان نوصل لأفضل وضع

رد: المتاجرة بدون تحليل او مؤشر او توقع
 

السلام عليكم جميعا و رحمة الله و بركاته ..

ايه رأيكم بقى في الباكتيست الجميل دة ... هعرضه عليكم و اللي عنده ملاحظة يقولها ..

1- الباكتيست بداية من يوم 7-10 حتى يوم 16- 10 ... يعني الشهر الماضي .. طبعا هيا فترة قليلة بس معلش عشان وقتي .. المفروض هعرض الطريقة دلوقتي و اتمنى الناس تعمل باكتيست زيه بالظبط و تنزله هنا زي كدة بالظبط أتمنى التعاااااااون من الجميع.

2- طريقة الدخول :-
الصور اللي جاية مبنية على الدخول وفقا لشمعة اليوم السابق على الباوند ين .. اذا كانت هابطة بنيجي عند افتتاح شمعة الساعة 6 و ندخل بيع بهدف و ستوب هنحدده في الاخر مع بعض ...و اذا كانت صاعدة يبقى هندخل شراء مع افتتاح شمعة الساعة 6.

3- نتيجة الباكتيست بالنقاط الرابحة و النقاط الخاسرة في الفترة المذكورة :-

في خلال الفترة المذكورة ... لو كان الدخول بهدف مفتوح و ستوب 20 نقطة + الاسبريد يعني قول بالزيادة 25 نقطة ستوب ... فالنتيجة هتكون كالاتي ...

النقاط الرابحة خلال كل يوم = 100 + 104 + 233 + 125+ 75 + 303 + 130= 1070 نقطة
النقاط الخاسرة " الانعكاس " = 25 نقطة فقط
اذا المحصلة = 1045 نقطة خلال ال 7 ايام المذكورين

4- صور الشارت :-

http://im89.gulfup.com/OgfDUr.png

http://im89.gulfup.com/hvxAZf.png

http://im89.gulfup.com/i03dCM.png

دلوقتي بقى مطلوب من الأخوة و أتمنة التفاعل من الجميع :-
1- ابداء اي ملاحظات على الطريقة.
2- عمل باكتيست بنفس الطريقة على أيام أكثر عشان نعرف جدواها أكتر .
3- اهم شيء عندنا الاستوب و الهدف .. في نهاية التفاعلات و التعاون هنحدد أفضل هدف مع أفضل ستوب يمكن العمل به.
4- الباكتيست دة على المجنون فقط ... يا ريت لو حد عمله على أزواج تانية سريعة زيه و انا هحاول كمان.

في النهاية .. بالمرفقات مؤشر بيرسم خطوط افقية على الساعة اللي انت تحددها ... خلي جميع التوقيتات صفر و أدخل الساعة على التوقيت بتاع منصتك و هوا هيرسملك الخطوط على الشمعة اللي انت عايزها و ابدأ في استخلاص النتائج.



http://www.fx-arabia.com/vb/uploaded...1416058630.mq4