|
رد: أبحث عن حقي مع شركة FXDD وأرجو تفاعل الجميع
اقتباس:
شكراً علي نصيحتك ولكن أنا بدور علي حقي وبشوف حقي فين وبعدين أبقي عارف إن فيه تلاعب أو فيه حاجا خطأ وأسكت إزاي يعني ؟! |
رد: أبحث عن حقي مع شركة FXDD وأرجو تفاعل الجميع
السلام عليكم
انا مستغرب من امر وهو يوم الخميس الماضي تاريخ 14 نوفمبر الساعه 12:29 بتوقيت مكه المكرمه دخلت بامرين معلقين قبل خبر الاسترليني بدقيقه من سعر 1.6042 وشمعة الربع ساعه 12:15 وهي وصلت فقط لسعر 1.6039 وامنا بالله ان سعر الطلب غير العرض وتفعلت الصفقة نمشيها عادي لكن الغير عادي هو اني واضع ستوب 1.6031 يعني 11 نقطة بالضبط فلماذا تغلق الصفقة على سعر 1.6018 يعني 24 نقطة انا دخلت بلوت 5 دولار وحاسب حسبتي خسارة 55 دولار + 20 دولار السبريد = 75 دولار فلماذا تغلق الصفقة على خسارة 120 دولار ومني الى الدكتور اسامه فانا احترمه واقدره واتمنى ان يجاوب على سؤالي ويفهمني ان كنت غلطان او في شيء لم افهمه |
رد: أبحث عن حقي مع شركة FXDD وأرجو تفاعل الجميع
اقتباس:
|
رد: أبحث عن حقي مع شركة FXDD وأرجو تفاعل الجميع
اقتباس:
لكل 150 دولار .. 1 دولار أخي الكريم لكل 100 دولار .. 66.666 سنت الأرقام تقريبيه |
رد: أبحث عن حقي مع شركة FXDD وأرجو تفاعل الجميع
السلام عليكم جميعا
رجاء قراه مشاركتى بهدو وتانى لان بها الدليل القاطع والفصل بدايه احى الدكتور اسامه انه سمح للموضوع دا انه يظل على العام . رغم انى على خلاف معاه بخصوص هذه الشركه ولكن مبدائيا ان يظل هذا الموضوع على العام دا شى كويس .. واتمنى ان يظل على العام لكى تتضح الرويه .. وهذا الموضوع فى غايه الاهميه لذا اطلب من جميع الاخوه الالتزام بالالفاظ وعدم التهكم علشان الاخوه المشرفين ممكن بسبب عضو اخ لنا قال رايه بتعصب شويه ولفظ صدر منه نلاقى الموضوع مش موجود طبعا هيكون معاهم حق بسبب تعارضه مع سياسه المنتدى انا عايز اقول بس بعض النقاط فى الموضوع المهم دا .. اول نقطه .. اننا هنا كلنا اخوه اداره واعضاء وامولنا كعرب لازم نحافظ عليها واكيد الدكتور اسامه موافقنى على راى بدليل انه لسه قايل من شويه انه لو سبت تلاعب الشركه هيلغى الوكاله معاها .. ثانيا الشركه دى متسجله فى مالطه وجزيره مالطه دى اصلا عليها خلافات كتيره جدا واشمعنا الجزيره دى بالذات .. وكمان الشركه واقع عليها غرامات بسبب التلاعب قبل كدا .. هنعتبر كل الى قلته دا فى حق الشركه محل اختلاف نيجى بقى للمفيد الشركه بتقدم سبريد ثابت وسبريد متحرك .. يعنى الشركه لما الاسبريد بتاعها يرتفع مثلا 10 نقط .. العميل اللى بيتعامل بالاسبريد الثابت صفقاته تظل مفتوحه والعميل بتاع الاسبريد المتحرك صفقاته تغلق !!!! طب ازى الشركه بتاخد سعرها من البنوك والتنفيز بسعر البنك بدون تدخل من الشركه وازى تغلق عند عميل وعميل اخر ... هذا الكلام اول سبب يقول ان مفيش اى شفافيه والتنفيذ لا يخضع لاسعار البنك نيجى بقى لاهم واخطر نقطه على الاطلاق الشركه بتقول انها بتاخد اسعارها من البنوك وبتمررها للعميل .. طيب لو هنفترض ان عميل وقت الخبر الاسبريد عنده ارتفع 20 نقطه فى حسابه فى اف اكس دىدى وكان عميل شكاك وراح قارن السعر وقت ارتفاع الاسبريد فى نفس الدقيقه وفى نفس الثانيه مع شركات تانيه ولاحظ ان فى شركات كتير جدا الاسبرد عندهم مرتفعش عشرين نقطه ولا حتى 10 نقط ولا حتى 5 نقطه .. طيب هنا العقل والمنطق يقول ايه طالما الاسبريد او الاسلبيج كان فى شركه اف اكس دىدى اكبر بكتير من الشركات المحترمه التانيه دا ملهوش غير تفسيرين يستحيل يكون ليهم تفسير تالت التفسير الاول ان هذه الشركه شركه محترمه وصادقه وبتنفز الاسعار مباشره كما تاتيها من البنوك .. وفى الحاله دى يبقى الشركه بتاخد الاسعار من بنوك سيئه جدا وتتلاعب بالاسعار من الاخر بالمصرى كدا بنوك ""نص كم"" التفسير التانى ان البنوك اللى بتزودها بالاسعار بنوك محترمه بس الشركه نفسها شركه سيئه وبتتلاعب بالاسعار يعنىى ببساطه ياما الشركه كويسه والبنوك المزوده نصابه وبتلاعب بالاسعار .. ياما الشركه نصابه وبتتلاعب بالاسعار والبنوك المزوده كويسه . وفى كلتا الحالات فى طرف نصاب فى الموضوع يبقى الشركه اصلا مينفعش انى اكون عميل فيها انا بشرح ببساطه اهو وبهدوء علشان المشاركه ممش تتحزف طبعا اى حد عايز يناقشنى باسلوب علمى وتفكير منظقى يتفضل .. اتذكر احد الاخوه هنا حصل معاه سلبيج 28 نقطه فى شركه اف اكس دىدى رد عليه عضو اخر قاله انا حصل عندى سلبيج 4 نقاط ونصف فى شركه اخرى وزعلان كمان على 4.5 نقطه.. واكيد الفرق واضح خلاصه خبرتى وتعاملى فى المجال دا ..انا اتحدى اى احد يستطيع انه يثبت ان فى نفس الوقت اللى الاسبريد او الاسلبيج ارتفع فى شركه اف اكس دىدى ارتفع ايضا فى شركات اخرى محترمه انا ركزت على لب الموضوع واكبر دليل يثبت تلاعب الشركه ولم اتطرق الى ادله اخرى كثيره لانها ببساطه محل خلاف وجدل اما ما ذكرته فهو لايدع مجال للشك .. اما الشركه سيئه وتتلاعب بالاسعار واما البنوك المزوده لها بنوك سيئه وتتلاعب بالاسعار واكبر دليل انه هناك شركات محترمه كثيره اخرى تزودها بنوك كثيره اخرى ولكن الاسعار لاترتفع مثل شركه اف اكس دىدى اخر ما اود ان اتطرق اليه .. هو اليه التفيز وسياسه قطع الهامش لدى الشركات .. باختصار شديد مادامت الشركه غير خاضعه للرقابه الكنديه او السوسريه فهى تمتلك سياسه خاصه بها وانتى قمت بالتوقيع عليها عندما فتحت حسابك معاها .. ساذاكر هنا سياسه قطع الهامش للعقود المهدجه للبنوك الخاضعه للرقابه السوسريه بمثال بسيط انتى لو فاتح 20 عقد باى وعشرين عقد سيل . وجالك المارجن كول .. البنك او الشركه لن يقفل جميع العقود ولكن يقفل عقد واحد فقط لتخفيف الهامش المحجوز ويترك باقى الصفقات مفتوحه واذا ارتفعت الخساره يقفل عقد اخر ليقلل من الهامش المحجوز لكنه لن يقفل جميع العقود "" دا الشغل اللى فى مصلحه العميل مش فرح هو مصدقنا المارجن يجى نقفله كل الصفقات ونخسره"" طبعا تيجى تتكلم مع شركه زى اف اكس دىدى تقلك دى سياسه قطع الهامش لدى الشركه انا كتبت ما لدى .. وكل انسان لديه عقل يفكر به وضمير يحاسبه .. اتمنى مشاركتى ما تزعل منى احد .. ايضا رغم اننى اكره الشركات التى تتحايل علينا كعرب وتستغبى عقولنا الا اننى هنا اقولها امام الجميع اننى لست متحامل على الشركه وانما قلت القول الحق واذا استطاع اى احد ان يثبت لى ان الاسعار حينما ارتفعت لديها ارتفعت ايضا فى الشركات والبنوك المحترمه الاخرى انا سوف اقدم اعتزارى للشركه وسوف افتح لديها حساب بمئه الف دولار كتعويض منى عما صدر فى حقها .. واعتقد ان مبلغك كهذا تعويض جيد لشركه تلهث وراء عميل ب250 دولار تحياتى للجميع اخوكم اسلام |
رد: أبحث عن حقي مع شركة FXDD وأرجو تفاعل الجميع
اقتباس:
والله يأخ اسلام منور الدنيا بكلامك اظن ان انت جبت الخلاصة انا كنت مستني اقرأ رد اتنين اثق فيهم حضرتك او الاستاذ علي يوسف وكدة انا اعتقد ان كدة قدمنا حلين اولا ان يكون البند الخاص بغلق الصفقات في حالة المارجن كول صفقة صفقة ده مش موجود في العقد اللي انتا ماضي عليه وبكدة الشركة منصبتش عليك لكن من حقك انك تغضب لارتفاع السبريد بها ذلك الارتفاع المبالغ ومتكملش في الشركة ثانيا ان تقوم ادارة الموقع المحترمة بالرد علي مشاركة اخونا الغالي اسلام بك رد منطقي مثل كلامه والرد يكون علي النقطة بتاعة بنود العقد مش علي مشكلة الصفقات اللي اتقفلت دي ( قصدي رد يقطع الشك باليقين عن طبيعة شركة اف اكس دي دي) تقبلوا تحياتي |
رد: أبحث عن حقي مع شركة FXDD وأرجو تفاعل الجميع
انا شغال مع FXDD من فترة و مفيش معاهم اي مشكلة بصراحة سبريد ثابت عالي شوية علي طول الخط و خصوصا بالنسبة للمبتدئين احسن الف مرة من سبريد متحرك انت رضيت بيه من الاول محدش بالعقل والمنطق يوصل حسابه لفرق دولارات قليلة علي المارجن كول و هو حساب كبير مش صغير و في الاخر يفاصل في صفقاته قفلت ليه وازاي وامتي ويحاول يحسبها بالسنت مع احترامي لصاحب الموضوع بس بمنظر صفقاتك ده كده كده انت هيتمرجن حسابك في الاخر انا حساب 2000 دولار و اعلي صفقة فتحتها لحد دلوقتي ب 20 سنت يا ريت تتقبل كلامي و محدش بيتعلم بالساهل
|
رد: أبحث عن حقي مع شركة FXDD وأرجو تفاعل الجميع
اقتباس:
اقتباس:
للاسف هذه المعلومات تكون موجودة على السيرفر نفسه الذى اغلق و ليس لى صلاحية فى الامر لشرحه او معرفة سببه و سوف يتم الرد على فى الاسبوع الجديد و اقوم بنشره هنا ليكون دليلا مع الاخ عمر اذا اراد المضى قدما فى شكواه او ليعرف ما حدث فعلا.. اقتباس:
فى ناس بتسجل فقط عشان تخش تصطاد فى المية العكرة..لا يفرق معاها انت ولا حسابك ولا اى حد هنا..ليهم مصالح اخرى مع شركات اخرى او مواقع و منتديات اخرى و هم يظهرون فقط فى هذه المواضيع و التى نادرا ان تجدها فى اى مواقع اخرى غير اف اكس ارابيا. لو كنا لا نريد الشفافية ما كنا فتحنا الموضوع من البداية و سمحنا لك او لاى فرد بالكتابة و قلنا لك اذهب للجهات الرقابية تفصل لك فى الامر كما يفعل الجميع و لكن ليس هذا عهدنا مع الاعضاء الكرام.. المشاركات التى تحذف هى مشاركات فيها سباب واضح و صريح لادارة الموقع و هو ما لن نسمح به ابدا و لن يكون هذا بشفافية على الاطلاق.. عليك ان تركز فى سرد مشكلتك مع الجميع و نتواصل جميعا فى حلها مع الشركة لنصل الى ما يرضيك اولا و اخيرا اما ادارة المنتدى و المشاركات فنحن لدينا سياستنا و قوانينا التى لا تحيد من اجل مواضيع معينة و نحن ادرى بما نفعل.. تقبل تحياتى.. |
رد: أبحث عن حقي مع شركة FXDD وأرجو تفاعل الجميع
اقتباس:
لا يوجد اى خلاف على الاطلاق بيننا فمن حق اى شخص ان يفضل شركة عن اخرى و ايضا من حقه ان يمتدح شيئا و يذم شيئا.. المهم ان يكون مرتاحا فى التعامل مع الشركة التى يتعامل معها حتى لا توسوس له نفسه فى كل عقد يفتحه او يغلقه.. صراحة هذه المشاركة و هذا النوع من المشاركات هو ما نسعى لقراءته حتى يتسع ذهن القراء و الفهم و تكون هذه المواضيع ذات استفادة حقيقية للجميع.. حسب ما كتبت فان هذا (فرضية) ان لا يكون السعر ارتفع فى شركة اخرى..من المفيد للاخ عمر ان يحضر صور من سيرفرات شركات اخرى لتدعم طلبه مع الشركة و تفيده فى حل الاشكالية او فى المضى قدما.. اما البنوك سيئة او الشركة سيئة هذا ايضا امرا فرضيا انك فى الجانب الطيب من السوق و الحقيقة ان السوق كله وحوش و سباع كما تعلم.. لدى عدة اسئلة اود ان اوجهها من اجل ان تكون المناقشة مفيدة بيننا و ليستفيد القارئ.. - ايا من الشركات تنصح بها و لن تكون فيها هذه المشكلة؟ - ما هى افضل خمس شركات على مستوى العالم؟ - كيف يمكن معرفة ان الشركة سيئة فى التنفيذ؟ مشكلتنا سويا انك تعتبر ان اف اكس دى دى مثلها مثل انستا فوركس او يو اف اكس ماركت فى حين انها احدى ثلاثة شركات الوحيدة الموجودة فى امريكا حتى الان.. و استحوذت على عملاء دوكاس كوبى فرع امريكا.. كما ان منصة سوردفيش المملوكة لدوكاس كوبى هى منصة الشركة الحالية.. انا حاطط دايما دوكاس كوبى عشان عارف انك حتشير اليها فى رد او اخر فعليك ان تفكر ايضا كيف لافضل شركة فى العالم من وجهة نظرك ستترك عملائها الامريكان لاسوء شركة هناك من وجهة نظرك و كيف ستتوافق معها فى منصة واحدة لهم.. كيف للكبير ان يتعاون مع سيئ السمعة :) اما باقى النقاط فانا اتمنى ان يجمعنا اللقاء فى الاسكندرية فى اقرب وقت لنتناقش فيه براحتنا و نرد على كل النقاط فليس كل ما يلمع ذهبا :) تقبل تحياتى و تقديرى و شكرى على المشاركة الرائعة و مجهودك الطيب الرائع فى اف اكس ارابيا.. |
رد: أبحث عن حقي مع شركة FXDD وأرجو تفاعل الجميع
ربنا معاك بجد شركه بدات تستهبل
|
| الساعة الآن 08:57 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com