![]() |
رد: موضوع حـــــــــــــــاد للنقاش في الاجازه (عن محاكمه القرن )
اقتباس:
في استفتاء الدستور لتظل البلاد تحكم بدستور مشوهه و اعرج ونظل ندور في حلقة مفرغة و تكالب علي مناصب زائفة سوف تسحب منهم اسرع مما يتوقعون و يعودون مرة اخري من حيث اتوا لانهم لم يفكروا لحظة واحدة في مصلحة البلد او مصلحة الأسلام بل كان همهم الأكبر المناصب والظهور الأعلامي الرخيص ولكي الله يا مصر فهو حافظك من كل سوء الي يوم الدين |
رد: موضوع حـــــــــــــــاد للنقاش في الاجازه (عن محاكمه القرن )
مفيش دليل ؟؟!! أنا الدليل .. أنا الدم اللى سال ع الأرض ما استكفِـت .. ... أنا العين اللى صابها الغدر و اتصفِّـت .. أنا الأم اللى حرقوا فؤادها ع الغالى و لبست شال محنِّى بدمه و اتدفِّـت .. أنا الدليل .. أنا المخنوق ب سم الغاز على الكوبرى .. أنا المضروب ب مِيت خرطوش على ضهرى .. أنا اللى العمر راح محنة ورا محنة .. و قلت شاريكى ولا مرة نفَد صبرى .. أنا المجنى عليه و اليوم بقيت جانى .. واللى قتلنى برئ و عيونه ناكرانى .. خرجوا الديابة من القفص أحرااااار ... و انا اللى لسه سجين محبوس ف أكفانى .. يا نكسة كانت فى التاريخ و اليوم بقِت وكسة .. يا قلوب و متلونة بالغدر و الخِســة .. لو كنتوا فاكرين حلمنا ممكن يموت .. متفرحووووووووووش .. نـــار القصاص و الدم هيتشتعل لســه |
رد: موضوع حـــــــــــــــاد للنقاش في الاجازه (عن محاكمه القرن )
صباح الخير موضوع رائع يا مصرى
وبصراحه سيرتهم تسد النفس بالنسبه لحكم القضاء المصرى فهو حكم نزيه جدا ولكن هناك لغز غير عادى الحكم اللى صدر بالمؤبد لمبارك والعادلى حكم صادر عن قضاء نزيه جدا بس المشكل فين بقى ان الناس دى مخدتش الاحكام على قتل المتظاهرين لانه فى دلائل المحكمه لا يوجد ما يثبت بالدليل القاطع عن تورطهم فى قتل المتظاهرين يعنى الحكم ده صدر بناء على مسؤليتهم فى حمايه المواطنين بمعنى التقصير فى حمايه المواطنين بصفتهم المسؤلين عن امن وسلامه الوطن والبلاد وبخصوص المساعدين الخمسه اللى هما انهم المفروض اداه تنفيذ لاباده المواطنين والللى المفروض ياخدو احكام بصفتهم مقصرين ايضا فانا استغرب استغراب شديد على برائتهم ولا عجب فى ذلك الادله كلها تم اهدارها ولم تقدم ولم تقوم النيابه العامه بدورها على اكمل وجه ومعنى كده ان الفساد والفلول لم ولن ينتهى ولن تخرج مصر من ازماتها المتكرره حتى لو جه جورج بوش حكم البلد وعلاء وجمال هههههههههه والله عيال صايعه وابوهم صايع برده شويه عالم وسخه استخفو بالقانون ولعبو العابهم القذره بالقانون ههههههه ما هما اللى وضعوة يبقى ايه الغريب انهم يطلعو برأءه والدعوى تسقط بمضى وانقضاء المده حسبى الله ونعم الوكيل فى كل ظالم فيك يابلد |
رد: موضوع حـــــــــــــــاد للنقاش في الاجازه (عن محاكمه القرن )
أخوانى الأعزاء أرجو أن نتبادل الأراء فى الموضوع وحده وحده بس من بدرى شويه
لنفرض أن حسنى مبارك لم يتنحى أيه السيناريو اللى كان حيحصل فى وجهة نظرك ؟؟؟؟؟ |
رد: موضوع حـــــــــــــــاد للنقاش في الاجازه (عن محاكمه القرن )
موضوع جميل يا مصري
رؤيتي المتواضعة تتلخص في بعض البنود. الحكم علي مبارك والعادلي ليس عادلا تماما ولكنه احسن من لا شئ الحكم بانقضاء دعاوي قضايا الكسب الغير مشروع قانونا صحيحة للاسف. رؤيتي كواحد من الثوار. كنت موجود في التحرير يوم جمعة الغضب وشوفت الشهداء بيتساقطوا قدام عيني والغاز المسيل للدموع عمانا وخلانا حتي مش قادرين ننقذهم وبعد المحاضرة الطويــــــــــــــلة جدا لاحمد رفعت في بداية الجلسة جعلتني اشعر ان عشماوي واقف بره الاكاديمية مستني ال11 عشان يحرقهم هما والاخير الهربان في اسبانيا. ولكن !!!!!! المطلوب تطهير القضاء المصري وعدم نسيان ودهس دماء الشهداء التي جعلت دولة عربية لاول مرة تخوض انتخابات رئاسية المجد للشهداء.... الثورة مستمرة |
رد: موضوع حـــــــــــــــاد للنقاش في الاجازه (عن محاكمه القرن )
اقتباس:
حسب الدستور اذا تنحي الرئيس تنتقل السلطة الي رئيس مجلس الشعب. طبعا مجلس الشعب وقتها كان منحل. اذا حسب الدستور تنتقل السلطة الي رئيس المحكمة الدستورية وليس للمجلس العسكري. الموضوع كان تمثيل من الاول تحياتي |
رد: موضوع حـــــــــــــــاد للنقاش في الاجازه (عن محاكمه القرن )
اقتباس:
|
رد: موضوع حـــــــــــــــاد للنقاش في الاجازه (عن محاكمه القرن )
انا ضد الاحكام الي صدرت
ولايك عالموضوع |
رد: موضوع حـــــــــــــــاد للنقاش في الاجازه (عن محاكمه القرن )
الحمد الله ان معظم اخواننا ضد الاحكام ولكن هل تري ان ثوره تعيد الاحكام وهل النقض سيكون له كلمه اخري تستحق دم الشهيد ام سيظل القضاء المصري كما هو ثوره مستمره ان شاء الله |
رد: موضوع حـــــــــــــــاد للنقاش في الاجازه (عن محاكمه القرن )
يتم نقل الموضوع للاستراحة بعد انتهاء الاجازة .. |
الساعة الآن 08:45 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com