اف اكس ارابيا..الموقع الرائد فى تعليم فوركس Forex

- الارشيف (https://fx-arabia.com/vb/forumdisplay.php?f=8)

- - الحقووووووووووووووني (https://fx-arabia.com/vb/showthread.php?t=18291)

رد: الحقووووووووووووووني

اقتباس:

المشاركة الأصلية كتبت بواسطة Hema (المشاركة 268767)

والله يا اخى كلامك احزننى و أثر فيا بدرجه لا تتخيلها

الفوركس ليس بهذه الوحشيه او القسوه اللى حستها فى كلامك:1 (114):

ماهى الاستراتيجيه التى تجعلك تغلق الصفقه عندما يعكس عليك السعر 5 نقاط ؟؟
اعتقد انك لم تلتزم بالاستراتيجيه دا اولا
وثانيا لم تلتزم بادراة رأس المال

ايضا مناطق دخولك كانت خاطئه لانك اخدت السعر من نص الطريق

السعر يا اخى يسير بين مستويات قويه واذا استطعت تحديد هذه المستويات بنجاح فلن تعرف طعم الخساره باذن الله

انت دخلت على اليورو دولار شراء وعكس ثم بيع وعكس ثم شراء وعكس ....

لو لاحظت من بداية الاسبوع لوجدت ان اليورو يسير بين مستويين فى منتهى القوه ويحترمهم وهم 1.3200 و 1.3080

الصعود المفاجئ الذى حدث وقت الخبر لم يستطيع اختراق مستوى 1.3200 ووصل الخبر بالسعر الى مشارف هذا المستوى وهبط بقوه وكانت هذه صفقة بيع جيده لمن حدد هذه المستويات جيدا وعرف قيمتها "وليس شراء كما فعلت انت" وايضا عندما هبط اليورو وصل الى مشارف 1.3080 وصعد وهذه كانت صفقة شراء جيده ايضا لمن اقتنصها "وليس بيع كما فعلت انت"

لو انت حددت هذه المستويات من البدايه كنت هتعرف تحط الاستوب لوز فى المكان المناسب ومكنش هينضرب باذن الله

اخيرا نصائحى لك هى كالتالى

1/ لا تأخذ السعر من منتصف الطريق بل انتظره يصل لمستويات قويه وهناك بيع او اشترى حسب المستوى

2/اكتفى بزوج واحد فقط فى المتاجره لكى لا تشتت انتباهك فى تحليل عدة ازواج

3/لا تخاطر بنسبه كبيره من حسابك فى صفقه واحده لان السوق مليان بالفرص ومش هيخلص وكلما كبر الحساب زود اللوت

4/اجعل دائما لكل 100 دولار عقد واحد ميكرو فقط اى 200 دولار لهم عقدين ميكرو فقط و 300 دولار 3 عقود ميكرو والف دولار 1 عقد مينى وهكذا وبشرط ان يكون هناك استوب لوز واجمالى المخاطره لا يزيد عن 5% باى حال من الاحوال

5/لا تنسى الاستوب لوز

6/ لا تبيع لمجرد هبوط السعر فقد يكون الهبوط هو فرصه لوصول السعر لمستوى قوى والشراء من عنده ولا تشترى لمجرد الصعود فقد يكون الصعود هو فرصه لوصول السعر لمستوى قوى والبيع من عنده

7/ النصيحه السابعه اطبقها انا شخصيا وستشعر بالفرق ان شاء الله ... عند فتحك لصفقه على حسابك الحقيقى قم باغلاق المنصه فورا وتابع حركة السعر على حساب ديمو وبذلك تكون تخلصت من اى مشاعر

8/اجعل لك هدف يومى وعند تحقيقه اخرج من السوق فوووورا

فى النهايه اتمنى لك التوفيق من خالص قلبى والحقيقه انا اكتب لك هذه الكلمات وكلى حزن واسف على خسارتك اليوم لكن قدر الله وما شاء فعل

ربنا يوفقك وتعوض خسائرك اللهم امين

اشكرك حبيبي على تعاطفك انا الحمد لله قفلت المنصة واكتفيت بالخسرته وقمت اتفرجت على فيلم كوميدي اهو هون عليا شوية ونساني ههههههههههههه
ثانيا انا اللي خسرته 57 دولار بس يعني حسابي لسه فيه 200 دولار وحمد ربنا لما سمعت ناس اتمرجن حسابهم
ثالثا انا للاسف اتعلمت التحليل الفني واستراتيجيات كتير لكن للاسف اهملت التحليل الاساسي ومعرفتش عنه حاجة
والحمد لله بعد كدا اي صفقة هدخل بعقد قيمته 10 سنت فقط وبعد كدا مش هتاجر يوم الجمعة
بس انا عاوز اسأل حضرتك سؤال ينفع اتاجر باستراتيجية الكلب الاسود ؟

رد: الحقووووووووووووووني

مساء السعاده
اشكرك يااستاذ هيما علي الكلام الجميل ده ومقدر مجهودك العظيم في التوضيح وان شاء الله هاتتعوض

رد: الحقووووووووووووووني

بالنسبة لاستراتيجية الكلب الاسود فبلاش منها خالص زيها زي اسمها :D

عارف اسهل استراتيجية ليك ايه

كسر الترندات

رد: الحقووووووووووووووني

اقتباس:

المشاركة الأصلية كتبت بواسطة طرزان البرنس (المشاركة 268597)

يا جماعة انا بكتب الرسالة دي ودموعي مالية عيني
النهاردة نزلت الفلوس في حسابي الحقيقي الجديد واول يوم متاجرة النهاردة
تاجرت على اليورو دولار ورصيدي كان 257 ونص دولار وكنت داخل ب50 سنت للنقطة وستوب لوز لحد 7.5 دولار لكن خسرت اول صفقة الاستراتيجية ضربت ستوب لوز ورصيدي بقا 250 فحزنت وقلت لازم اعوض دخلت صفقة بيع وفجأة السعر عكس وبقيت خسران 3 دولار رحت قفلت الصفقة بسرعة وفتحت العكس وفجأة السعر طلع طلعة وقفلت بسرعة لقيت رصيدي 264 دولار لكن للاسف طمعت ودخلت باي وفجأة نزل السعر نزلة سودة
لحد ما رصيدي دلوقتي بقا 199 دولار يا للمصيبة
انا نفسيتي تعبانة اوي
انا اتفرجت على فيديوهات كتير وقريت كتب واشتغلت على الديمو شهرين لكن مش عارف ايه اللي حصل
يا ريت حد يقولي العمل ايه انسى الموضوع ده ومتاجرش فوركس تاني ولا ايه
ربنا اللي يعلم انا تعبان في الفلوس دي قد ايه

على فكره انته من اول مشاركه ليك وعلى ما اعتقد كانت مشاركه عن الفيبوناتشي وجاوبتك عليها وكنت اجاوبك بكل مصداقيه وانا متابع مواضيعك واسئلتك

الغريبه بصراحه انا لما اقرء حاجه بحب احلل شخصية الانسان وما تخفيه نفسيته من ما بين السطور بصراحه انا مش قادر افهمك انته من ورا شخصيتك واسئلتك ومواضيعك سر كبير الصراحه انا بقولك واحد بدخل السوق وبيخرج ومش عارف يسيطر على اعصابه اكيد مبتدء ولسه عاوز انه يطور من نفسه كمان

حبيتين تقبل مروري ولك الشكر الجزيل

لو عجبتك مشاركتي اضغط لايك ولو زعلتك في حاجه المسامح كريم اضغط لايك

رد: الحقووووووووووووووني

ربنا يعوض عليك يا طرزان ....وخيرها فى غيرهااااااااااا

رد: الحقووووووووووووووني

باختصار ابتعد عن المتاجرة وقت الاخبار

رد: الحقووووووووووووووني

اقتباس:

المشاركة الأصلية كتبت بواسطة Kimo (المشاركة 268793)

بالنسبة لاستراتيجية الكلب الاسود فبلاش منها خالص زيها زي اسمها :D

عارف اسهل استراتيجية ليك ايه

كسر الترندات

ممكن تسرحلي كشر الترندات

رد: الحقووووووووووووووني

اقتباس:

المشاركة الأصلية كتبت بواسطة المحروم (المشاركة 268820)

لو عجبتك مشاركتي اضغط لايك ولو زعلتك في حاجه المسامح كريم اضغط لايك

انا مستني الرد ايه رايك بل فوف

وانته معانا بنفس الصفحه

الذين يشاهدون محتوى الموضوع الآن : 3 ( الأعضاء 3 والزوار 0) ‏المحروم, ‏طرزان البرنس, ‏

رد: الحقووووووووووووووني

اقتباس:

المشاركة الأصلية كتبت بواسطة المحروم (المشاركة 268820)

لو عجبتك مشاركتي اضغط لايك ولو زعلتك في حاجه المسامح كريم اضغط لايك

انا شكلي حزعل منك ممكن تقلي ايه رايك في الاقتباس يل فوق :1 (90)::1 (90)::1 (90)::1 (90)::1 (90):

رد: الحقووووووووووووووني

يعني كل المشاركات يل فوق رديت عليها الا انا مع انه مفيش بيني وبينك الا كل خير وعمري ما زعلتك في حاجه