رد: ورشه المتاجره بالاخبار
 

بأذن الله وعلى فكره كفايه 15 نقطه فى صفقه اليورو المفتوحه لان اليوم خلاص انتهى ومبروك عليك الربح

رد: ورشه المتاجره بالاخبار
 

لية طلب ياريت نتشاور فية :
انا بدل على الاخبار عن طريق الامر المعلق شراء وبيع وبتكون الاهداف صغيرة بحوالى من 15:10 نقطة بس انا بدخل بعقد النقطة ب3 او 4 دولار و لحد دلوقتى كويسة معايا .
بس زى ما اتفقنا ان الدخول يكون على الاخبار القوية قوى اللى بتحرك السوق لحوالى 100:50 نقطة لحظة صدورها.
ممكن راى حضرتك

رد: ورشه المتاجره بالاخبار
 

الله يبارك فيك

سؤال اخي ميدو ؟

أنا فتحت بيع يورو دولار الان فبماذا تنصحني هل سيستمر السعر في النزول اما ماذا ؟

وشكرا جزيلا واسمح لي مسبب لك ازعاج

لكنني اريد ان اتعلم

رد: ورشه المتاجره بالاخبار
 

بص انا هقول لحضرتك على حاجه انا اتعلمتها من الاخبار بس انا بشر والبشر دماغه قاسيه شويه يعنى مهما يحصل لازم يكرر نفس الغلط اكتر من مره علشان يتوب انا اكتشفت انك لو عاوز تكسب من الاخبار مكسب يكفيك الاسبوع كله عليك ب 3 عملات (دولار - يورو - استرلينى ) وممكن الين بس برضه لسه بدخل على اخبار عملات تانيه مع انى ببقى حاسس انها ممكن تجيب وممكن لا .

اولا: حضرتك بتقول انك بتحط امر معلق بيع وواحد شراء طيب انا عاوزك تبص على الشارت ده فريم 4 ساعات على الشمعه رقم 3 فى الاسبوع الماضى بص على ديل الشمعه تحت وفوق اللى حصل ان الشمعه مع الخبر نزلت اكتر من 30 نقطه وبعدين صححت فى اتجاه الخبر حوالى 100 نقطه طيب لو حضرتك حاطط ستوب يبقى اتضرب وهتخاف تدخل تانى فى اتجاه الخبر لانك اتلسعت وممكن تضيع الخبر وكمان تخسر مش تكسب منه.

ثانيا: حضرتك مش بتراعى اداره رأس المال ودى اخطر حاجه لانك لو تعرضت للشمعه دى لاقدر الله كده حسابك ضاع فى ثانيه لان 30 نقطه فى 4 دولار 120 دولار الا بقى لو حسابك 2000 دولار .

ثالثا :الحاجه الوحيده اللى عاجبانى انك ماشى فيها يعنى اكيد عارف كل خبر رايح فين وجاى منين بس حاول ما تجازفش قوى يعنى النقطه بدولار حلوه .

وربنا يوفقك

رد: ورشه المتاجره بالاخبار
 

كل الاحوال الاقتصاديه والفنيه بتقول انه هينزل ( وانا من رايي الذى لا قيمه له مش هيطلع عن 1.4050 لحد بكره مع بدايه السوق الامريكيه) بس لو عرفت تطلع من الصفقه بدون خسائر او بربح قليل جدا او خساره صغيره يبقى تمام لان الوقت ده مش وقت متاجره خالص.

وربنا معاك

رد: ورشه المتاجره بالاخبار
 

مع كل الاحترام لراى حضرتك بس انا لية توضيح:
اولا: انا بدخل على كل العملات اللى عليها خبر قوى جدا زى ماقولت لحضرتك (الفائدة_البطالة_الناتج الاجمالى المحلى_موشر اسعار المستهلك)سواء كانت العملة استرالى او باوند او دولار.....
ثانيا: انا قولت لحضرتك ان الهدف بيكون من 15:10 نقاط فقط و دى سهل جدا مع مثل هذة الاخبار انها تتحقق.
ثالثا: انا بدخل فقط على فريم الربع ساعة
اية راى حضرتك

رد: ورشه المتاجره بالاخبار
 

ممكن اسأل حضرتك سؤال: انت بتدخل بكام من راس المال لو بأكتر من 10% غلط جدا__لو ب 10 % او اقل صح جدا واستمر --لو مش بتحط ستوب لوس غلط جدا وحاول تحط ستوب لوس مناسب لكل خبر .

فى وقت الاخبار ممكن تفضل تقفل فى الصفقه اكتر من مره ومتتقفلش يعنى رصيدك ممكن يروح لكن لو حاطط ستوب لوس لو ده حصل معاك ممكن يعوضوك لانهم هيلاقوا فعلا انك عامل كده.

رد: ورشه المتاجره بالاخبار
 

اولا : هل الطريقة مجدية
ثانيا :ازاى احسب راس المال
ثالثا: انا بحط استوب لوس و بروفايت و اول ماالسعر بيحصل اى منهم بيقفل فورا و الحمد للة

رد: ورشه المتاجره بالاخبار
 

اولا: مفيش طريقه مش مجديه ده طبعا لو ماشى عليها صح(صدقنى المهم انك تبدع وتطور ) يعنى اللى بيكسب 100 نقطه والنقطه ب 50 سنت زى اللى بيكسب 50 نقطه والنقطه بدولار بس الفرق انك من السهل انك تخسر بس من الصعب انك تكسب .

ثانيا : الحد المسموح ليك انك تجازف بيه هو 10% كحد اعلى فى اليوم من راس المال ... كمثال لو حسابك 1000 دولار يبقى 10% =1000×10 ÷ 100 =10000 ÷100 =100 دولار وطبعا ده لو انت هتجازف قوى قوى يعنى...طب ليه 10 % علشان تقدر تعوض لو لا قدر الله وخسرت وعلشان تحافظ على حسابك.

ثالثا : انا بحييك جدا وربنا يوفقك

رد: ورشه المتاجره بالاخبار
 

ربنا يخليك انا استفدت من حضرتك كتيييييييييير و شكرا ليك