|
رد: اقوى نظام كامل فى تاريخ الفوركس
اقتباس:
اسعد الله صباح الجميع تسجيل حضور ومتابعه اخ صحفي ,,, السلام عليكم ! راجع الموضوع بصفحاته السابقه وشوف كيف الاخ احمد شرح رسم القناه بابسط طريقه وباسلوب سلس ,, مع توابل من البسمات ...شيء ملفت للنظر ويستحق التقدير والاحترام |
رد: اقوى نظام كامل فى تاريخ الفوركس
لازم تعرف الأدوات اللى فى ايدك كويس اوى وامكانياتها قبل ما تستعملها
عشان تقدر تستعملها صح، وبكامل طاقتها، وعشان تتلافى عيوبها، وتبعد عن أضرارها.. مش كده ولا ايه الأداة اللى معانا دى عبارة عن ايه؟ عبارة عن ترند داخلى (بداخل الشموع) وبعدين معمول خط بنفس زاويته علوى وخط تانى بنفس زاويته سفلى، يبعدا عنه بمقدار أكبر بعد لذيول الشموع عن الخط الترند الأصلى نفهم ايه من الرغى الكتير ده؟ ان الأساسى فى الموضوع هو الخط الوسطانى لأنه هو ده الترند بتاعنا وعشان كده اذا فضل السعر يلمس ويتراجع ومش قادر يكسر خط المنتصف بيعكس خلى بالك ان الموضوع عبارة عن توليفة من الحاجات مش مجرد خرج تقوم تشترى او تبيع فيه حاجة مهمة عاوز اقولها النهاردة ازاى نوصل بالثقة فى الصفقة قبل الدخول حتى نصل الى 100% عشان نقدر ندخلها مافيش حاجة اسمها 100% أمال ايه؟ مش هاندخل ولا صفقة؟؟ لا انما فيه حاجة اسمها الثقة المتراكمة بمعنى لما السعر كسر الأحمر مثلا لفوق ده بيدينا ثقة انه (احتمال) يكمل طلوع، وكمان (احتمال) يصل للحد العلوى الأزرق بس هل تكفى كمية الاحتمالات دى عشان ادخل الصفقة؟؟ طبعا لا امال نعمل ايه؟ مثلا الاحتمالات دى خليتنا واثقين بنسبة 30% ان الاتجاه صعود طيب ده لسه كتير اوى فاضل 70% ندخل على الفريم الأكبر عشان نعرف احنا فين من الخريطة (ده هايتشرح بالتفصيل فى مشاركة تانية النهاردة برضة باذن الله) فلو كان الفريم الأكبر يؤكد الصعود زادت النسبة مثلا ل60% لسه فاضل 40 (اخلص بقى امال هاندخل امتى؟) لما نلاقى سلوك السعر (وده أهم حاجة فى الفوركس وهو ده القائم عليه اى استراتيجيات او ملاحظات، انت اساسا بتلاحظ سلوك السعر، وكل اللى بنعمله ده ناتج عن ملاحظات لسلوك السعر، فماتخليش الملاحظات تحجب رؤيتك لسلوك السعر الأصلى) بمعنى، لما مثلا يكون الكسر بقوة فده دليل على انه مكمل بقوة باذن الله حتى لو عمل اعادة اختبار انما لما يكون السعر ما بيتدلع زى الكسر اللى عمله الكيبل النهاردة مش هادخل الا لما تكون فيه اشارة تأكيدية يعنى مثلا رجع عمل اختبار ورد بقوة شوية نزل شوية لحد ما خبط فى دعم سابق او مقاومه سابقه عمل شكل شمعة من بتوع الصعوداو الهبوط (هامر محترمة ولا بيرسينج ولا بولش انلجلفينج او شوتنج ستار او دارك كلود كافر او بيرش انجلفينج ) المهم يكون فيه تأكيد من سلوك السعر نفسهمثلا وصلنا كده لل 90% فاضل حاجة بسيطة ويمكن الاستغناء عنها (احنا وصلنا ل 90 بلاش طمع) ودى هايكون شرحها قداااام شوية بعد ما نتمكن من الأداة دى عشان مانتوهش، كمان ممكن نقدر نشتغل من غيرها (بس هاتتقال برضة ماهو كل شيج انكشفن وبان) المهم عاوزين الرزانة عاوزين يبقوا الاخوان هاديين وراسيين فى الدخول نقطة الدخول لما بتكون صح بتريح المتاجر ويقدر يقسّم على السوق براحته انما لما بتكون غلط والعياذ بالله بيبقى مش عارف يعمل ايه هل يعزز؟ هل يقفل على خسارة بسيطة؟ ولا يعمل هيدج ويستنى؟ وطول ماهو قاعد يلوم نفسه ايه اللى دخلنى، ويلوم اللى عامل الموضوع (اللى هو انا) وفى الآخر يلوم الفوركس انه نصب ادخل صح حتى لو تستنى كذا يوم من غير متاجرة (انا عارف ان ده صعب للمدمنين) فحاول تسيطر على شعورك وادخل من نقطة صح واحد زمان كان بيقولى حكمه "انا باستنى السوق لما يتحايل عليا عشان ادخل" |
رد: اقوى نظام كامل فى تاريخ الفوركس
طيب عاوزين بقى نعمل شغلانة تانية هانجيب شارت ال 4 ساعات (كيبل طبعا احنا مثبتين عليه) وبعدين نعمل نفس اللى عملناه فى شارت الساعة بنفس الأداة ونفس الألوان بس مع تغيير حاجتين أولا انك تختار فى خانة Visualization انها تظهر على ال 4 ساعات يعنى تعمل صح على خانة 4H وثانيا هانرسم برضة بنفس المنطق على الفواصل ولكن الاختلاف هو قيمة الفواصل اللى هاتشير المرة دى الى اسبوع واسبوعين بدلا من يوم ويومين وفى الحالة دى هانرسم الكلام ده مرة فى الاسبوع عشان نحدد ايه اللى هايحصل خلال الاسبوع ده باذن الله وبناء عليه نقدر نحدد هانعمل ايه على مستوى الساعة يعنى رسمنا على ال 4 ساعات مع بداية يوم الاثنين الرسمة بتاعتنا وبعدين لقينا السعر عند حد القناة السفلى مثلا على ال 4 ساعات وروحنا على الساعة لقيناه بعد شوية عمل كسر للأحمر لفوق بقوة يبقى انت عاوز ايه تانى عشان تدخل؟ على الحد السفلى لل 4 ساعات (يعنى اسبوع بحاله شرا) و كسر على الساعة الأحمر يعنى شرا برضة، والكسر كان بقوة او اعادة اختبار ارتدت بسرعة، يعنى سلوك سعرى موجب يبقى تدخل انت كمان بقوة وانت مستريح الضمير ههههه تاخد ربحك وتحمد ربنا وبعدين تقفل الشارت وبعدين تيجى تفرحنا هنا، وبعدين تقفل الكمبيوتر، وبعدين تقوم تشوف حياتك بقى انا مش هاقولك تعمل ايه فى كل حاجة يبقى دة كده يورينا الشكل الاسبوعى ممكن يبقى عامل ازاى والتفاصيل الدقيقة مع شارت الساعة |
رد: اقوى نظام كامل فى تاريخ الفوركس
http://fx-arabia.com/vb/uploaded/2329_11310701195.gif
صوره توضيحيه للشكل الذى اتكلم عنه على فريم الاربع ساعات |
رد: اقوى نظام كامل فى تاريخ الفوركس
مثال عملى12-7 (بس اعملوا شارت ال 4 ساعات الأول عشان تتابعوا معايا) ده شكل الكيبل على ال 4 ساعات عشان يوضح شكل الاسبوع اللى جاى هايحصل ايه هانلاقى انه اول الاسبوع مابتدى نزل شوية صغيرة لحد لما لمس الحد السفلى للاصفر تمام؟ وبعدين راح طالع بقوة وعمل شمعة بيرسينج باترن (مش مهم تكون عارف فى الشموع اوى) المهم انه ارتد لما لمس الحد السفلى للاصفر كل ده احنا مالناش دعوة كل ده فى انتظار الصفقة الصح بلاش ايدك تاكلك نقوم داخلين على شارت الساعة بقى بتاعنا |
رد: اقوى نظام كامل فى تاريخ الفوركس
حصل ايه؟
هتلاقى الاصفر والازرق كانوا فوق بعض تقريبا والسعر كسرهم لتحت وهو راح يختبرهم دخلت بيييييع لحد ملاقيت عند دعم قناه الانديجو وقفته وبان على السعر انه انهك وده هشرحها بعدين المهم خدنا مكسبنا فى البيع ولو كنت بصيت على الاربع ساعات هتعرف انه ده الحد السفلى للاصفر يعنى انت قافل صفقتك بالظبط هناك ماتنسوش موضوع التروس الى اتقال فى الاول المهم فى شمعه الساعه 16 اول لما كسرت الانديجو لفوق ودخلت جوه القناتين الازرق والاصفر وكانت على الاربع ساعات عامله سلوك سعرى ممتاز اسمه بيرسينج باترن عند دعم القناه الاصفر لثلاث اسابيع مستنى ايه تانى علشان تشترى وصلت ولا لسه انظر الصوره الى فوق وانت هتفتح فمك من الاندهاش جاى تانى :1 (35):هههههههه |
رد: اقوى نظام كامل فى تاريخ الفوركس
ومن هنا تبقى قادر تتابع موضوع التروس المتداخلة قدر الامكان من خلال معرفتك الاسبوع هايحصل فيه ايه، وللدقة من خلال الساعة على اليوم هايحصل فيه ايه والأداة دى ولا هاتغلط وانت بترسمها، ولا بتعيد رسم نفسها مع السعر )عشان هى بتترسم على سعر قديم مش متغيرة مع الجديد) ، وبترسملك طريقك لقدام وممكن كمان تعيد نفس اللى عملناه على الشارت اليومى بنفس الشكل وده عشان تقدر تحدد الشهر ده هايكون نظامه ايه عامة، قبل ماتدخل فى التروس الأصغر طبعا اكبر من كده يبقى افترا بقى، مش معقول عاوز تعمله على شارت الاسبوعى عشان تعرف السنة اللى جاية هايحصل ايه ههههههه ده كان اقصى آمال الناس انها تعرف الشمعة بتاعت الساعة اللى جاية طالعة ولا نازلة وعملوا 100 مؤشر و 100 موضوع لده فلما يكون اقل حاجة عندك انك تعرف يوم بحاله هايحصل ايه (قدر الامكان طبعا عشان ده غيب، انما محاولات) فحلو اوى اوى اوى وتحمد ربنا على نعمته |
رد: اقوى نظام كامل فى تاريخ الفوركس
ملحوظه هامه
: انا مش بابص على موضوع النماذج والراس ولا الكتاف ولا حتى الرجلين انما باعمل ادارة راس مال صاااااارمة ودى لسه ماتكلمناش فيها خالص وماتنساش خط المنتصف بتاع الاربع ساعات والديلى مهمين جداااااا عاوزين نتقل شوية ومش اى ارتداد يهزنا طالما عارفين الاتجاه الصحيح قدر الامكان انا بالنسبالى موضوع ادارة راس المال لا يقل اهمية عن اختيار نقطة الدخول ابدا ولسه ماتكلمناش فيه خالص وهتكلم فيها فى المشاركه الى جايه ان شاء الله |
رد: اقوى نظام كامل فى تاريخ الفوركس
ادارة راس المال
الموضوع ده لا يقل اهمية عن الاستراتيجية بل هو جزء لا يتجزّأ منها أنا عن نفسى وكل واحد يشتغل بلإسلوب اللى يريحه، انا مجرد باشرح اسلوبى ومابالزمش بيه حد فلنفترض ان راس مالك 25000 دولار (خمسة وعشرين الف عشان اللخبطة فى الاصفار) فانا بادخل بلوت واحد بس استاندرد يعنى 10 لوت مينى يعنى لوت 1 مينى لكل 2500 دولار يعنى لوت 1 مايكرو لكل 250 دولار انا حاسس انى فى فرح هههه وكمان مش بادخل باللوت كله الا اذا كانت الصفقة جايبة نسبة 100% انما انا بادخل كل صفقة حسب نسبة نجاحها (ومانصحش حد يعمل كده الا لو كان متمكن او حسابه كبير، يفضّل الانتظار حتى تكتمل كل الشروط) فانا ال 100% بتاعتى بادخل زى ماتفقنا ب 10 عقود مينى لكل 25 الف او 10 عقود مايكرو لكل 2500 دولار |
رد: اقوى نظام كامل فى تاريخ الفوركس
اهلا اخ بانياس حبيبى والله ماخدت بالى من مشاركتك بس اختصرت كل الى عايز اقوله
|
رد: اقوى نظام كامل فى تاريخ الفوركس
متابعين مع حضرتك وبالتوفيق
|
رد: اقوى نظام كامل فى تاريخ الفوركس
صباح الخير اخ احمد
شكرا مره اخرى عالموضوع القبم بس حبيت اتاكد كمان مره انه الرسم على منصه اف كس دي دي |
رد: اقوى نظام كامل فى تاريخ الفوركس
مش فاهمك بانياس
يعنى انت عايز احطلك صوره تانيه ؟؟؟ ولا ايه قصد كلامك ؟؟ |
رد: اقوى نظام كامل فى تاريخ الفوركس
مثال عملى على اداره رأس المال يوم 24 يونيو :
نرسم قناه اليوم على 23 يونيو واليومين من حد 22 يونيو الى 23 يونيو والثلاث ايام من حد 21 يونيو الى حد 23 يونيو يبقى كده عندنا ثلاث قنوات هنلاقى ايه الى حصل يوم 24 يونيو تم كسر القناه اليوم واليومين الساعه 5 فجراااا بتوقيت اف اكس دى دى دخلت شراء بس بقد ايه هى ده القصه دخلت ب 10 % من المفروض ادخل بيه مش من الحساب يعنى لو على 25000 دولار دخلت ب دولار المهم السعر عكس عليا 60 بيب استنيت عند حد القناه الزرقاء ودخلت ب 4 دولار يبقى الى انا داخل بيه كله 5% من راس المال المهم كنت شارى العقد الاول 1.6019 وعززت ب 4 عقود عند 1.5955 وقفلت الصفقات عند 1.6032 يبقى فى ال4 عقود =73 بيب *4دولار =292 دولار +10دولار للعقد الاول = حوالى 302 دولار فى اليوم وايه جايين على نفسنا قوى ومادخلناش بكل عقودنا وعلى رأى دكتوره نظيفه الصوره مابتكدبش http://fx-arabia.com/vb/uploaded/2329_11310708572.gif |
رد: اقوى نظام كامل فى تاريخ الفوركس
الحاجة التانية لو انت خوفت من التريدة
أو بانت اشارات هبوط او اى حاجة تانية يكفيك ان السعر يطلع 8 نقاط فقط عشان تقفل الكل على صفر ده لو انت مش عاوز الصفقة دى 8 نقاط اما لو نزل تانى مثلا فهاشترى ال 5 لوت اللى فاضلين عشان ابقى مجموع كللللللل اللى عملته 1 لوت استاندرد لكل 25 الف دولار منتهى ادارة راس المال طيب واحد هايقولى ان كده الموضوع مش هايبقى جايب همّه كنسبة وتناسب لا نحسبها خلينا انك ما بتاخدش غير الصفقات ال 100% بس يعنى مش بتلقّط رزقك من هنا ومن هنا هل مش هاتلاقى صفقتين بس 100% فى الاسبوع؟ ده بدون اى تلقيط هاتلاقى اكتر من كده بكتييييير ممكن واحدة واتنين فى اليوم مش فى الاسبوع انما خلينا هم 2 فى الاسبوع كل واحدة تاخدلك 100 نقطة انما هانقول 100 نقطة فى صفقتين يعنى 200 نقطة فى الاسبووووووووع (خليها علينا) يعنى حوالى 800 نقطة فى الشهر (ده لو كان كل الشهور 4 اسابيع بس انما برضة خليها علينا) لما تكون داخل ب عقد مينى لكل 2500 دولار يعنى النقطة بدولار يبقى فى الشهر مكسب 800 دولار من أصل 2500 يعنى اكتر من التلت كل شهر (ده واحنا جايين على نفسنا كتير) ومع ذلك قمة الأمان عشان انت داخل من نقطة المفروض 100% عشان تدخل بالعقد كله فهل بعد ال 100% هايرجع عليك 2500 نقطة؟؟؟؟ فانا مش هاحسبهالك فى السنة كام عشان ماتتخضش ولا هادخل الأرباح فى دورة راس المال عشان مايغماش عليك انما هاقولك على حاجة صغيرة البنك لو انت حاطط فيه بالمصرى بيديلك نسبة 7% فى السنة (ياخى عيب اوى اللى يقول المكسب كده قليل احنا بنقول حوالى 40% فى الشهرررر) اما لو حاطط بالدولار بتاخد ما شاء الله نسبة 1.75% فى السنننننة يعنى لو حطيتهم فى الدولاب هاتفتح اخر السنة هاتلاقيهم زادوا عن كده وممكن التعزيز (اللى هو التبريد عشان ماحدش يزعل منى) بلوت تانى ده اذا ارتد عليك تانى اكتر وده مابيحصلش الا اذا انت داخل غلط خالص من الأول ومع دخولك غلط ادارة راس المال ممكن تطلعك من الورطة دى عموما اى استفسار انا فى الخدمة بس بلاش هجوم عشان انا باقول كل اللى عندى ولو انت مش عاجبك اللى انا باعمله مافيش اى مشكلة ممكن تشوف موضوع تانى او حتى تفتح موضوع تفيدنا باللى انت بتعمله انما هجوم ليه؟؟ انا ما خسرتكش حاجة |
رد: اقوى نظام كامل فى تاريخ الفوركس
صباح الخير يارايق بجد موضوع جميل جدا الله يباركلك متابع معاك ان شاء الله واحلى لايك +like |
رد: اقوى نظام كامل فى تاريخ الفوركس
ربنا يخليك ياوليد ياحبيب قلبى
|
رد: اقوى نظام كامل فى تاريخ الفوركس
انا اللى يهمنى فى القصة دى يا اخوانى انكم تتعلموا الفكرة بالتطبيق العملى
انما مش مجرد توصية او حد يسألنى ابيع امتى ولا اشترى امتى انت اللى تاخد قرارك وانا كل اللى عليا اقولك الكيفية، انما عاوزك انت اللى تعرف تحدد ادرس بقى شوية اللى اتقال ده فرصة بقى الاجازة بكرة وبعده اقروا بقى بتمعّن مع عمل باك تيست بنفسك ماتستناش حد يعمله ويديلك النتيجة ومن الاسبوع اللى جاى باذن الله انتم اللى هاتقولولى ادخل هنا وماتدخلش هنا وهابقى انا التلميذ المطيع ربنا يوفق الجميع لما يحب ويرضى |
رد: اقوى نظام كامل فى تاريخ الفوركس
ملحوظات الدكتور جمال :
وبالنسبة للاستوب للأسف بتعارض مع كل الناس وماباشتغلش باستوب ابدا وماتتعبوش نفسكم وتقنعونى ان الاستوب بيعمل وبيعمل وبيحمى الحساب و و مع ادارة راس المال الصارمة ونقط الدخول القوية اللى فى الغالب مع اتجاه الترند انت مش محتاج استوب ابدا ومهما هاقوك مش هاقنعك ومهما هاتقول مش هاتقنعنى ولكن... بيننا الاستراتيجية انا عدّى عليا ايام فى منتهى الصعوبة فلّست فيها بنوك وشركات ومحلات فول كمان زى الفترة من أول شهر 8 سنة 2008 شوف الاستراتيجية اللى انا شرحتهالكم عاملة فى الفترة دى ايه الفترة السودا على العالم كله، تقريبا كانت افضل الفترات بتكسب حتى لو انت مش عاوز عشان بتدخل مع الترند غصب عنك والسعر ايامها كان بيمشى بال 500 نقطة فى الساعة (فاكرها انا الساعة دى) واحد صاحبى كان شغال معايا وكان معايا ساعتها على التليفون والله بقى مش عاااااارف يقفل الصفقة مش عارف وكل ما يدوس يقولوا السعر اتحرك كان نفسه يقفل الصفقة على 60 نقطة ومش عارف وبيقى يقول على التليفون طب كده كفاية عاوز اقفل والبرنامج مش راضى لحد لما قفلها على 300 بالعافية لما السعر هدى شوية ههههههههههههههه والله بيكسب وهو مش قاصده المهم انها فى اصعب الفترات كانت تمام بس حضراتكم جررررربوا ماتحكموش وخلاص اما الهدف فانا قلت امبارح اول ما بالاقى ان السعر كده اكتفى هاتقولى طيب مانا مش هاعرف دى هاقولك حاجتين اول حاجة دى هاتيجى بالخبرة وكتر الممارسة على موضوع التروس وانتم بقى عندكم شكل التروس من الاكبر للاصغر اهو والحاجة التانية هى انك بتكون كسبان كده كده فأصبحت مشكلتك الوقتى انك عاوز تقفل على اكبر مكسب، مش انك تكسب او حتى تحافظ على راس مالك يعنى واحدة واحدة بلاش طمع هو يا اما السوق يخرب بيتنا يا اما احنا نخرب بيته؟ ههههه قريت فى موضوع مش هاقول اسمه عشان لسه مفتوح كذا واحد بيرد بيقوا انك لو عرفت تحافظ على راس مالك بس فى السوق الصعب ده يبقى انت كده كويس اوى اوى طيب ياخى انت داخل ليه؟ مانت تقدر تحافظ عليه فى جيبك داخل الفوركس الخطير ده عشان ربنا يكرمك وتقدر تحافظ على راس مالك او ممكن يضيع منك؟ حاجة غرييييييييييييبة جددددددددددا معلش انا مش باحب اتكلم عن حد بس رد استفزنى جدا وخصوصا انه من كذا واحد |
رد: اقوى نظام كامل فى تاريخ الفوركس
اتمنى اكون اول عضو يعرض فرصة حية بناء على هذه الاستراتيجية العبقرية و لكن الوضع محير قليلا و يحتاج الى مشورتك استاذ احمد . الكيبل الان على 4 ساعات اغلق بداخل الترند الاصفر مرتدا من الضلع العلوي للترند الازرق و بالتالي فان الفرصة بيع و لكن على فريم الساعة نجده كسر كل الاصفر و الازرق لاسفل ولا يتبقى له الا الضلع السفلي للانديجو فهل يرده لاعلى حتى يغلق مرة اخرى اعلى الاصفر على 4 ساعات ام يكسر الضلع السفلي للانديجو على الساعة و بذلك لا يتبقى له اي ترند على الساعة ..................................
في انتظار رأيك استاذ احمد و شكرا على الموضوع الرائع ................................. http://fx-arabia.com/vb/uploaded/2358_01310721285.gif http://fx-arabia.com/vb/uploaded/2358_11310721285.gif |
رد: اقوى نظام كامل فى تاريخ الفوركس
بص استاذ جوجو
للازم تعرف ان كان فى صفقه سيل على الساعه بعد كسر قناتين اليومين الازرق والاصفر المتطابقيتين وهذا النموذج من النماذج التى نعمل عليها بعد الاحيان بالهيدج ولكن يجب ان تعلم انى فى نهايه الشرح ساضع ان شاء الله انماط للقنوات وسأضع جميع السيناريوهات التى تفعلها مع كل نمط حسب تفاعل سلوك السعر ان كنت بايع من 1.6124 وكان هدفى 1.6085 واخدنا حوالى 35 بيب ولكن لو نظرت الى فريم الاربع ساعات ستجد انه يختبر الخط الاصفر ويرتد منه اذن بعمليه التروس ده اخر يوم فى الاسبوع فى حالتين اذا دخل جوه القناتين على الساعه الى هما الاصفر والازرق ندخل شراء واذا راح يختبرهم وعمل شمعه انعكاسيه مثل الشوتنج ستار مثلا ندخل بيع لذلك مش قلنا عايزين نتابع سلوك السعر ونربطه بالتروس وصلت جوجو ولا لا ياخى لو موصلتش اعيد تانى |
رد: اقوى نظام كامل فى تاريخ الفوركس
ملحوظه هامه كله يخلى شغله على الديمو على الاقل لمده شهر ده اقل شىء وان كنت احبذ اكثر من ذلك لا احد يدخل على الحقيقى قبل احتراف الاستراتيجيه لان لسه فى حاجات كتير قوى هتتشرح فى السيستم بتاعنا اوكيه
|
رد: اقوى نظام كامل فى تاريخ الفوركس
تمام استاذ احمد وصلت الفكرة و شكرا على الاهتمام
|
رد: اقوى نظام كامل فى تاريخ الفوركس
فين جوجو قنوات الديلى هتبينلك حاجات كتير انا بالنسبالى متوقع بنسبه 80% ان شاء الله السعر هيختبر وهينزل على الساعه ولكننا هنا ميزتنا بانى لست اتاجر بالتوقع ولكننا نمشى بجوار او على درب المقوله الشهيره (تاجر كما ترى وليس كما تظن) ولذلك رغم وجود شوتنج ستار على خط المنتصف على قناه الثلاث اشهر على الديلى واهتم بها جدااااااا وهذا يؤيد قرارى ولكن ايضا انتظر حتى الكسر لكى ادخل بجميع اللوت ولكن ده فى حاله نموذج اخر غير نموذج الحيران هذا بسميه نموذج الحيران او نمط الحيران لانه على الساعه كسر الانديجو لفوق المفروض انه يوصل على الاقل لخط المنتصف الاصفر ولكن فى نفس الوقت كسر قناتين اليومين الازرق والاصفر للاسفل اذا اصبحت فى حيره
|
رد: اقوى نظام كامل فى تاريخ الفوركس
ممكن حضرتك تشوف الشارتات اللي انا رافعها في مشاركتي السابقة و تتأكد انها مرسومة صح زي اللي عند حضرتك و ترد عليا علشان حضرتك بتوصف حاجات مش موجودة عندي ........................
في انتظار الرد ....................... |
رد: اقوى نظام كامل فى تاريخ الفوركس
جوجو انت راسم صح بس انا بقولك ارسم القنوات الثلاث على الديلى علشان تفهم اكثر وهستاذنكم علشان صلاه الجمعه
|
رد: اقوى نظام كامل فى تاريخ الفوركس
بعد الصلاة ليا عندك سؤال ياأبو السيد ان شاء الله
|
رد: اقوى نظام كامل فى تاريخ الفوركس
اتفضل ياوليد امرنى مستنى سؤالك ايوه كده عايزين شغل
|
رد: اقوى نظام كامل فى تاريخ الفوركس
اقتباس:
هلأ رجعت من مشوار وسؤالي من الصبح كان اذا المنصه بتاعتك هي ل اف اكس دي دي لاني لاحظت انه الشكل عندي اختلف شوي. يعني ما تعيد الرسم بس خبرنا على اي منصه بتشتغل مع انه الذاكره عندي خفيفه لاني قرات الكميه الهائله من موضوعك القيم...وان ما كنت غلطان منصتك اف اكس دي دي على كل انا متابع المشوار معاك ومتشكرك أوي |
رد: اقوى نظام كامل فى تاريخ الفوركس
اقتباس:
يعني اخ احمد بس وليد اللي يسأل واحنا بلاش ده احنا اصدقائكم من الكويت ولدينا بعض الاسئلة وشكرا على الورشة الحلوه التي اتمنى ان اتعلمها |
رد: اقوى نظام كامل فى تاريخ الفوركس
امرنى ياخى اهلا بأهل الكويت كلهم حبايبنا وكلنا اخوه وانتظر سؤالك انت كمان يأخى
|
رد: اقوى نظام كامل فى تاريخ الفوركس
نوحد العمل على اف اكس دى دى علشان التوقيت مهم علشان شكل القنوات متتغيرش من منصه الى منصه تمام
|
رد: اقوى نظام كامل فى تاريخ الفوركس
اقتباس:
وباذن الله تكون هذه الورشه في ميزان حسناتك يوم القيامه يوم لاينفع مال ولا بنون لدي سؤالين وهما : 1- لو سمحت وتكرمت توضح لي بالشارت كيف ارسم القنوات لانني حاولت طوال الامس ان اجد اداة الرسم ولم استطيع 2- يختلف توقيت الميتاتريدر لدي عنكم لان توقيت مصر والكويت مختلفان ، فهل اعمل في القنوات بتوقيت الكويت ام مصر وهل ستختلف علي التوصيات والقنوات اذا اختلف التوقيت ؟ وشكرا جزيلا لك |
رد: اقوى نظام كامل فى تاريخ الفوركس
ياخى لازم تجيب منصه اف اكس دى دى وتفتح تشارت باوند دولار وتعمل كليك يمين وتضغط porperites ثم common ثم تعلم على show period sperator
|
رد: اقوى نظام كامل فى تاريخ الفوركس
سيبك من موضوع الوقت سطب برنامج اف اكس دىدى وهو هيوحد توقيتنا مش هيختلف شكل القناه عندى زى الى هتبقى عندك بس سطب اف اكس دى دى
|
رد: اقوى نظام كامل فى تاريخ الفوركس
هتختلف شكا القناه عندما تكون على منصه اخرى بسبب فارق التوقيت نأتى الى الخطوه الثانيه نذهب الى tools ثم نعمل كليك يمين ثم customize ثم نضغط على اداه linear regression channel ثم close
|
رد: اقوى نظام كامل فى تاريخ الفوركس
هتلاقى الاداه بقت موجوده فى ال tools بس كل الى المطلوب بقه انك هتسحب القناه من الفاصل للفاصل لقناه اليوم على تشارت الساعه الى لونها انديجو لو شكلها بالشكل الى هتشوفه فى الصوره الى جايه تبقى ماشى مظبوط
http://fx-arabia.com/vb/uploaded/2329_11310731533.gif |
رد: اقوى نظام كامل فى تاريخ الفوركس
اقتباس:
فماذا بعدها وكيف اتم الرسم وشكرا جزيلا |
رد: اقوى نظام كامل فى تاريخ الفوركس
اقتباس:
رسمت القناه بس اصبحت خطوطها زرقاء ولونها شفاف ولم يصبح لونها انديجو وشكرا لك |
رد: اقوى نظام كامل فى تاريخ الفوركس
السلام عليكم اولا انا عايز اعرف ياأحمد الرسم كدة تمام ولا ايه؟ http://fx-arabia.com/vb/uploaded/4442_01310732228.gif http://fx-arabia.com/vb/uploaded/4442_11310732228.gif http://fx-arabia.com/vb/uploaded/4442_21310732228.gif |
| الساعة الآن 05:39 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com