|
رد: Basket Trading System ALY YOUSEEF
كلنا عارفين ال باوند دولار GBP / USD
ناس تقول عليه الكيبل ..ناس تقول عليه الأسترلينى دولار ...سميه كما تشاء طيب ايه حكايته ... الحكاية ببساطة شديدة ان هذا الزوج هو حاصل تلك المعادلات .. كل معادلة من تلك المعادلات تحصل فيها على الباوند دولار إذا قمت بقسمة الباوند ين / الدولار ين = الباوند دولار يعنى مثلا لو كان الباوند ين 177.00 / الدولار ين 109.00 = 1.6238 أى ان قيمة الباوند دولار هى 1.6238 عندما تكون المعطيات باوند ين ب 177.00 والدولار ين ب 109.00 |
رد: Basket Trading System ALY YOUSEEF
طبعا المعادلة السابقة كان هناك ثلاثة أطراف
طرف الناتج ....اللى هو هنا الباوند دولار طرف قاسم ...اللى هو الباوند ين ...بيكون هنا فى البسط طرف مقسوم عليه ...اللى هو هنا الدولار ين ...بيكون فى المقام تمام كدة ... اتفضل القاعدة الاولى المقسوم عليه * الناتج = القاسم بمعنى ايه سعادتك إن ضربت الدولار ين * الباوند دولار ..هايطلع لسعادتك سعر الباوند ين تطبيق عملى 109.00 * 1.6238 = 177.00 هتقولى هى مطلعتش 177.00 بالضبط ليه ..اقول لسعادتك علشان لم نأخذ كل الكسور التى كانت فى الباوند دولار لذا فرقت نصف نقطة تقريبا ... |
رد: Basket Trading System ALY YOUSEEF
القاعدة الثانية ..القاسم / الناتج = المقسوم عليه
فى المثال الأول مين اللى كان القاسم ...الباوند ين والناتج كان الباوند دولار يبقى الباوند ين / الباوند دولار = الدولار ين يعنى لما تقسم ال 177.00 / 1.6238 = 109.00 وهو سعر الدولار ين |
رد: Basket Trading System ALY YOUSEEF
نعود للمعادلة الأولى ..
إذا قمت بقسمة الباوند ين / الدولار ين = الباوند دولار يعنى مثلا لو كان الباوند ين 177.00 / الدولار ين 109.00 = 1.6238 أى ان قيمة الباوند دولار هى 1.6238 عندما تكون المعطيات باوند ين ب 177.00 والدولار ين ب 109.00 ============================ ديه كانت المعادلة الرئيسية ياصديقى اللورد ومن خلال تلك المعادلة لديك ثلاثة أزوج الباوند ين الدولار ين الباوند دولار من خلال نظرة سعادتك على زوجين هاتعرف الزوج الثالث بمعنى ايه الكلام ده .. سعادتك لديك 9 احتمالات للزوجين الباوند ين والدولار ين الأحتمال الأول - ثبات الباوند ين وثبات الدولار ين الأحتمال الثانى - ثبات الباوند ين وصعود الدولار ين الأحتمال الثالث - ثبات الباوند ين وهبوط الدولار ين ============================ الأحتمال الرابع - هبوط الباوند ين وثبات الدولار ين الأحتمال الخامس - هبوط الباوند ين وهبوط الدولار ين الاحتمال السادس - هبوط الباوند ين و صعود الدولار ين =============================== الأحتمال السابع - صعود الباوند ين وثبات الدولار ين الأحتمال الثامن - صعود الباوند ين وهبوط الدولار ين الاحتمال التاسع - صعود الباوند ين وصعود الدولار ين |
رد: Basket Trading System ALY YOUSEEF
طبعا ستكون مهمتك فى التحليل منقسمة الى جزأين
الجزء الأول - معرفة الإحتمال الأرجح الجزء الثانى - معرفة مدى قوة زوج العملة يعنى ايه الكلام ده سعادتك قمت بالتحليل فوجدت أن زوجى الباوند ين والدولار ين صاعدين الباوند ين صاعد .....................والدولار ين صاعد ماينفعش تعرف انهم صاعدين فقط وتتاجر على الباوند دولار ...ليه هذا الكلام لأن قوة الصعود هتفرق مع سعادتك فى معادلة الباوند دولار نشوف أمثلة لذلك ...سعادتك قمت بالتحليل ووجدت ان الباوند ين سيذهب الى ال 182.00 بينما الدولار ين سيكون حينئذ ب 110.00 يبقى كدة سعادتك وكأنك بتتوقع ان يصل الباوند دولار لمستوى ال 1.6545 لأن حاصل قسمة 182.00 / 110.00 = 1.6545 نستنتج من هذا ايه ....انه فى حالة الصعود القوى للباوند دولار مع الصعود البسيط او الثبات للدولار ين يكون هذا لصالح الباوند دولار وصعوده |
رد: Basket Trading System ALY YOUSEEF
طيب سعادتك تتوقع تصحيح قوى للباوند ين ..انه مثلا سيذهب ل 173.00
مع تصحيح بسيط للدولار ين عند ال 108.00 ده معناه ان الباوند دولار هايهبط ل 1.6018 لأن 173.00 / 108.00 = 1.6018 وهذا يعرفنا ان فى حالة توقع التصحيح القوى للباوند ين وثبات او ضعف الهبوط فى الدولار ين هذا يؤدى الى هبوط للباوند دولار طبعا هناك ناس فى شركات لا يوجد فيها خاصية الهيدج ..انك تعمل صفقة معاكسة لصفقتك فى الحالة ديه هايدخل صاحبنا ده يبيع وفقا لتلك المعادلات للباوند دولار |
رد: Basket Trading System ALY YOUSEEF
علي أنا دخت المهم انا لسه متابع معاك لأشوف حنستفيد من الموضوع ده أزاي متابع للاخر متابع للأخر :confused:
|
رد: Basket Trading System ALY YOUSEEF
وهانبقى نشرح ال 9 حالات بالتفصيل الممل ...ان شاء الله
طيب قمت سعادتك بوضع احتمالاتك عن سعر الباوند دولار ووجدت انه من المفترض ان يذهب ال 1.6238 حيث سيكون الباوند ين ب 177.00 و الدولار ين ب 109.00 هنا هاقول لك ياصديقى اللورد أن هناك معادلات أخرى للحصول على الباوند دولار وتلك المعادلات هى .. الباوند فرنك / الدولار فرنك = الباوند دولار الباوند كندى / الدولار كندى = الباوند دولار فماهى توقعاتك لأسعار تلك الأزواج وهل تأتى نتيجة التوقعات ب 1.6238 |
رد: Basket Trading System ALY YOUSEEF
وهكذا ياصديقى ستجد نفسك فى شبكة عملات تحلل العديد منها لتحصل
على نتيجة تكون على قدر من اليقين ... فاصل ونكمل ان شاء الله ... |
رد: Basket Trading System ALY YOUSEEF
اقتباس:
ولكن لأنه من أهم موضوعات الفوركس على الإطلاق وأعتذر لك ان كان هناك صعوبة فى العرض تقبل تحياتى العطرة صديقى اللورد |
| الساعة الآن 03:52 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com