اف اكس ارابيا..الموقع الرائد فى تعليم فوركس Forex - نصب علي ابوه (نصب مصري ...ابو الاجنبي)

- الارشيف (https://fx-arabia.com/vb/forumdisplay.php?f=8)

- - نصب علي ابوه (نصب مصري ...ابو الاجنبي) (https://fx-arabia.com/vb/showthread.php?t=24247)

رد: نصب علي ابوه (نصب مصري ...ابو الاجنبي)

اقتباس:

المشاركة الأصلية كتبت بواسطة احمدبير2011 (المشاركة 383097)

يا غالي انت فاهم الموضوع غلط الايفينت اللي بيعمله ده كل شهر وفي ناس بتروح وبتتخيط صح وواحد صاحبي من ضمن الناس دي وبعدين هو اصلا بيشجعهم علي فتح حساب بعد الكورس ال3ساعات و ده طبعا حرام اما بخصوص دكتور اسامه ه وبنفسه قال لازم تتعلمو وتدربو علي الديمو لفتره يعني فرق كبيررررررر

فعلا الدكتور اسامة قال دي الاساسيات اتعلموها كويس وبعدها لازم تتدرب فترة على الديمو مش اقل من 6 شهور وخد بالكوا ان التعليم مش انك شوفت الفديو مرة واحدة وخلاص ده احيانا الامر بيتطلب ترجعه كذا مره وتروح تقرا كتب وبعد ده كله وفي الاخر بتلاقي المحصلة الاجمالية بتاعتك بتكون معقولة ولكن بصورة التي كنت متخليها عندما بدأت الدخول في هذا المجال
بالنسبة للاعلان انا مش شايف انه قال تقدر تفتح حساب حقيقي بعد 3 ساعات بس وقال الخبره عمرها مابتجي في يوم وليلة الراجل لحد هنا كلامه تمام فبلاش نستجعل ونظلمه ويمكن يكون قصده المحاضرة 3 ساعات كل يوم لمدة معينه انا مش قادر احكم علشان انت مبين الاعلان كله على العموم هو مكان الكورس يبعد عني دقيقة واحدة فقط من البيت وان شاء الله اروح و اسألكم بعد العيد وارد عليكم لأن اكيد 3 ساعات فقط محاضرة واحدة يبقى مش هايفدنا بأي جديد واذا قال فعلا تقدر تفتح حساب حقيقي بعد 3 ساعات فاهو من الاخر عاوزك تحط فلوسك علشان تخسرها

كل عام وانتم بخير..وعيد مبارك

رد: نصب علي ابوه (نصب مصري ...ابو الاجنبي)

اقتباس:

المشاركة الأصلية كتبت بواسطة ahmed thrwat (المشاركة 383135)

كل عام وانتم بخير..وعيد مبارك

لالا اطلاقا هوبيقول يوم واحد (محاضرة اليوم الواحد دورة مكثفة فى يوم واحد)
لوكان عارف يبقي نصاب ودي نصيبة لو كان مش عارف حاجه عن العلم وفاكر انه شراء وبيع وخلاص تبقي كارثه
وده رابط الموضوع علي الفيس بوك هنا

رد: نصب علي ابوه (نصب مصري ...ابو الاجنبي)

ماهو صرف 300جنيه بالدولار؟؟؟؟

رد: نصب علي ابوه (نصب مصري ...ابو الاجنبي)

يا جماعة الخير عادى جدا 3 ساعات تتعلم كل الفوركس اية المشكلة في ناس قالت هتصلح مصر كلها فى 100 يوم
وفات منهم 49 يوم المهم نشوف مين هيصدق تعليم الفوركس في 3 ساعات ولا تصليح مصر فى 100 يوم
على العموم لحد الان لايوجد قانون يعاقب على الاعلانات المضلله

رد: نصب علي ابوه (نصب مصري ...ابو الاجنبي)

اقتباس:

المشاركة الأصلية كتبت بواسطة bary_3 (المشاركة 383221)

ماهو صرف 300جنيه بالدولار؟؟؟؟

حوالى 50 دولار يا غالى

رد: نصب علي ابوه (نصب مصري ...ابو الاجنبي)

هههههههههه تعليقاتكم تضحك هههههههههه

رد: نصب علي ابوه (نصب مصري ...ابو الاجنبي)

انا اول ماتابعت فيديوهات الدكتور ، كل درس كنت اراجعو عدة مرات ، ولسه مش مستوعب كل شيء

رد: نصب علي ابوه (نصب مصري ...ابو الاجنبي)

انا لى تجربه معهم .. هحكيلهكم :)

كان فى ندوة مجانا هينشرح فيها شوية مبادئ وكمان استراتيجية بولينجر باند وكمان شوية كلام فارغ مش فاكره.
اليوم ده انا كنت مشغول وكان عندى محاضرة مهمة ضحيت بيها وروحت الندوة قولت نستفيد بحاجة مهمة ,

روحت المفروض نبدا الساعة 5 مساءا وتنتهى 8
ويا حلاااااوة . فضلنا مستنين اكتر من نصف ساعة عقبال ما الحاج اللطيف الظريف يحن علينا وعلى الغلابة اللى جاية من اخر الدنيا ويدخل القاعة اللى هى اساسا مترين فى مترين :D

المهم , دخلنا الحاج وبدا كلامه بنفسية الحاج المضارب وشوية كلام فارغ بردوا ملوش عوزة وسبنا ومشى وخلى واحد من شركة اف اكس سلوشن يتكلم معانا
كلمنا عن شركته , والمميزات اللى هى اساسا موجودة فى اى شركة بير سلم :)

وبعدين اتكلم عن الفوركس من جوه يعنى بدا يقول تعالوا ناخد عملة مش عارف ايه ونشوف سعرها وناخد عملها عكسها ونشوف لما نضرب ونجمع ونقسم ونطرح السعر من بعضه ايه اللى هيحصل
شوية والناس بدات تتخنق بعد ما كانت القاعة مليانة ناس

بدات الناس تمشى واحدة ووراه عشرين :)

شوية ولقينا واحده اتجرات وقالتله احنا مش عارفين يعنى ايه سعر صرف وانت بتتكلم فى العملات واسعارها :)
راح قالها ايه : سعر الصرف زى مانا بروح لشركة صرافة واقول للراجل انا عايز عملة وباخدها بفلوس وسعر وهو ده سعر الصرف :D

الواحد كان هيشد فى حواجبه , واللى زاد وغطى كان بيقولنا انك ممكن تدخل 10 صفقات بدون النظر على الشارت بمخاطرة 10% فى كل صفقة واكيد كله مش هيخسر
وممكن 7 يكسبوا وبكده يبقى حققت ربح

طيب محاضر مين اللى ينصح بحاجة او يقولها عموما زى كده :)

انا لسه متصلين بيا من كام يوم بيقولولى لو عايز تشترك معانا فى الدورة اليوم واحد دى تقريبا ب 300 جنيه قولتلهم افكر
قالولى هنتصل بيك يوم الخميس اللى فات يعنى , وانا عملت عبيط ومردتش :D

عالم مستفزة

رد: نصب علي ابوه (نصب مصري ...ابو الاجنبي)

اقتباس:

المشاركة الأصلية كتبت بواسطة mahmoud0711 (المشاركة 383227)

يا جماعة الخير عادى جدا 3 ساعات تتعلم كل الفوركس اية المشكلة في ناس قالت هتصلح مصر كلها فى 100 يوم
وفات منهم 49 يوم المهم نشوف مين هيصدق تعليم الفوركس في 3 ساعات ولا تصليح مصر فى 100 يوم
على العموم لحد الان لايوجد قانون يعاقب على الاعلانات المضلله

تمام أستاذ محمود دائما مشاركات كبيرة ،من رجل محنك له باع في الحياة السياسية

رد: نصب علي ابوه (نصب مصري ...ابو الاجنبي)

اقتباس:

المشاركة الأصلية كتبت بواسطة husseney (المشاركة 382870)

هو ممكن مش صعب على فكرة
بس مش هيبقى كورس مكتمل هيبقى برازنتشن عن الفوركس بشكل عام
يعنى دة منصة ودى امر بيع وشراء
فى حاجة اسمها ترند بتترسم كدة فى حاجة اسمها دعم وعبيلوا واديلوا
فى نموذج اسموا هاند اند شولدر دة بقى ضد القشرة
يعنى عرض

هههههههههههههههههههه توووحفة يا حسنيني :1 (100)::1 (100)::1 (100):

اقتباس:

المشاركة الأصلية كتبت بواسطة mahmoud0711 (المشاركة 383227)

يا جماعة الخير عادى جدا 3 ساعات تتعلم كل الفوركس اية المشكلة في ناس قالت هتصلح مصر كلها فى 100 يوم
وفات منهم 49 يوم المهم نشوف مين هيصدق تعليم الفوركس في 3 ساعات ولا تصليح مصر فى 100 يوم
على العموم لحد الان لايوجد قانون يعاقب على الاعلانات المضلله

عندك حق فعلاا :1 (97):
بس انا من راي الا2 بتوووع كلااام :1 (46):