المشاركة الأصلية كتبت بواسطة د.أسامة عادل (المشاركة 35180) السلام عليكم و رحمة الله و بركاته., الاخ الفاضل و حبيبى قوى درش. بداية اشكرك على الفكرة و الطرح و خلينى اولا اتكلم من الناحية القانونية و كيفية تنفيذ هذا الفكر. 1- لا يمكن للمنتدى ان يقبل اموال كاش من اى عضو لانى هذا يدخلنا فى جهة توظيف الاموال و هذا لا يمكننا الدخول فيه باى شكل او صورة ولكن هناك طريقة قانونية يمكننا تنفيذها و هى ال PAMM اكونت و هو عبارة عن حساب مشترك بمعنى ان يقوم كل عضو بوضع ماله فى حسابه الشخصى ثم يقوم بارسال ورقة الى الشركة طالبا نقل حسابه الى حساب البام الكبير و الذى يعمل بالمارجن مجمعا يعنى كمثال درش حاط 100$ و اسامة حط 200$ و عمنا سامى حط 500$ و ديلبييرو حط 300$ ده كل واحد حاطط المال فى حسابه باسمه و لكن مع ارسال ورقة بام اكونت الينا يكون فى حساب مجمع بقيمة 1100$ هو ما يتم التنفيذ عليه. اذن من الناحية القانونية الموضوع جائز و بلا تدخل من المنتدى فالتنفيذ سيكون على الحسابات كلها كل بقيمة حسابه علما بان البام اكونت يمكن تنفيذ عقود نانو عليها. صراحة نحن نحضر عرضا حصريا للاعضاء فى رمضان لتشغيل الاكسبيرت بمبلغ اقل من الف دولار و هذا العرض مرة واحدة و لن يتكرر ابدا و ذلك لنعطى الفرصة ايضا لم يريد ان يجرب. ان كنت تريد فكرة البام اكونت فيجب ان يكون الحساب بقيمة 50 الف دولار ساعتها سيكون الاكسبيرت من اقوى ما يكون اما حسابات بالف فلازالت تعتبر اقل ما يمكن عمله فى الاكسبيرت و الحسابات الكبرى تعتبر اكثر امانا و ثقة. تحياتى و متابع معاك الفكرة و نشوف راى الناس برضه., الله كريم.,

فكرة الحساب المشترك او البام اكون دي فكرة جامد ... بس ياتري لازم 50000 دولار لفتح حساب بهذه الطريقة ؟؟؟؟؟أظن احنا كدا بتتعقد اكتر :)

انا مش بقول ان المنتدي هوا يتولي عملية جمع الاموال او اخذها ... بالعكس ... انا ببعد المنتدي عن اي تعامل مادي مباشر .. ولكن المنتدي كل اللي عليه .. اننا بعد م نتفق وننقل الاموال لحساب موحد هيشغل الاكسبيرت علي الحساب .. ويغير باس الحساب لكي لا يتلاعب به احد .. ويقوم بالعرض بشفافية تامة لكل تحركات الحساب كل فترة دورية... وكذلك عملية السحب تتم ويعرضها المنتدي .. وتقسيمة كل من له نصيب من الحساب ...( يعني عملية ادارية لا أكثر ولا أقل ) .

المشاركة الأصلية كتبت بواسطة fares111 (المشاركة 35190) والله ما اروع هذه الافكار ومش هقولك فكرة رائعة واخلع لا يا باشا اعتبرنى معاك وال100 دولار جاهزة فى الحساب وبالعفل موجودة بس قولى انت عايز تعملها فى شركة اف اكس دى دى ولا فسكول وفى الناحيتين اعتبرنى معاك سواء فى دى او فى دى الفكرة تستاهل وطبعا لو فى موضوع حصرى للدكتور اسامة بفكرة الاكسبريت برضو نشوف يفوز بالذات كل مغامراً ويندم بالحسرات كل جبان

أخي الرائع فارس .... طبعا يشرفني جدا انك اول من نطق بقبول الدخول في الموضوع .. وبجد انا شاكر ليك جداا.. بس هل انت مصري :) لان الموضوع مش هينفع الا لمن هو من مصر .. ( أولا .. علشان نأمن لبعض علي اموال بعض .. لان البعيد هيبقي قلقان علي امواله .. وكذلك لسهولة تقابلنا .. ووضع الاموال الصغيرة في حساب بنكي واحد بسهولة ويسر لعملية التحويل ..)
عامة انت معايا لو بدأت في كل الاحوال باذن الله ... ولو ان الناس بدأت تحبطني زي م اانت شايف .

المشاركة الأصلية كتبت بواسطة unknown (المشاركة 35196) فكره رائعه وتحتاج تنظيم

شكرا لك أخي ... ولكني محتاج أعرف انت هتدخل معانا بكام :) ( زنقتك ) :D

المشاركة الأصلية كتبت بواسطة Samy (المشاركة 35197) درش حبيبى للموت و الحياه عندما يكون مال كل منا فى حسابه فهذا افضل له و لمن بعده قد يرتضى ذلك اشخاص قريبون من بعضهم البعض جدا ....................

أبو محمود ... أولا الف سلامة عليك من مرضك .. وربي يشفيك ويشفينا يارب .
كلام صح جداا .. وانا كنت ناوي اكلم الناس في الانتركونتنتال علي الموضوع دا لان الحوار لما بيكون في الوش كدا بيكو افضل بكثير بس مشيت بدري .. وصدقني أبو محمود لو كلهم من القاهرة ..هنتقابل وهنلاقي الموضوع يسير جداا.. بس للأسف الناس مش متقبلة الموضوع :)
في حالة تم التخفيض .. يبقي هتقل نسبة كل واحد أكيد لصغر رأس المال .. يبقي ما عملناش حاجة .. وكل واحد يفتح حسابه الخاص افضل طبعا :)
الناس سابت الموضوع الاصلي .. وبدأت تتكلم في موضوع عرض تخفيض رأس المال الذي يعمل به الاكسبيرت :)
رغم اننا بنتكلم في موضوع تخفيض رأس المال دا من شهر او اكتر اننا ننزل رأس مال الاكسبيرت ل 500 دولار كحد أدني ... وتقدر تدخل علي الموضوع الاصلي لعيون النسر .. هتلاقينا اتكلمنا كتير في الموضوع دا .
شاكر مرورك

المشاركة الأصلية كتبت بواسطة د.أسامة عادل (المشاركة 35254) لا الحد الادنى 300$ لفتح بام اكونت لكن انا بتكلم على استمرارية العمل بشكل جيد لفترة طويلة يلزمه رأس مال كبير و هو امر مفروغ منه., لو قدرنا اننا نوصل لرقم كبير اعتقد حيبقى كويس لناس كتير كل اللى عايز يحط حيحط فى حسابه و يدخل على البام اوتوماتيك., لو حنفذ فكرة مثلا زى دى انا ممكن احط الفين او تلاتة عشان برضه الناس تبقى مطمنة ان صاحب الاكسبيرت داخل بفلوسه فى الاكسبيرت مع الناس. لكن النقطة ان ابو 100$ حيطلع لك فى الشهر 10-20$ و ده مبلغ كتير عليك نسبيا ::) تحياتى يا درش.

وبخصوص الربح القليل انا قلت علشان كدا هخلي توزيع الربح ربع سنوي علشان اللي داخل ب100 دولار يلاقي حاجة كويسة ..

المشاركة الأصلية كتبت بواسطة د.أسامة عادل (المشاركة 35275) انا افضله شهرى لان هذا هو سوق الفوركس سحب مستمر من الحساب كما افعل دائما., طيب فى فكرة اننا ننزل بداية فتح حساب عيون النسر و يبقى الحد الادنى 500$ مثلا و كل واحد يفتح ب 500$ و نحطه على البام. انا خوفى من تقليل فتح الحساب ان تشغيل اكسبيرت على حساب ب 500$ صعب جدا جدا تلاقيه فى الفوركس و لم اجده مطلقا و ما يميز عيون النسر الهدف و الستوب و لكن الحسابات الصغيرة المضاعفة عليها اخطر من الحسابات الكبيرة التى تكون المضاعفة فيها امنة الى حد كبير جدا جدا نظرا لوجود مارجن كافى و نظرا لان الاكسبيرت هدفه قليل يحققه بسهولة و الحمد لله., المفاجأة اللى انت للاسف حرقتها لى اننى كنت حعمل عرض شهر رمضان هو حسابات للاكسبيرت ب 500$ و ده عرض سيكون لشهر رمضان فقط و لن يوجد مرة اخرى مطلقا الا اذا قمنا بتنفيذ فكرة البام فقد يستمر لكل من يريد ان يشارك و مع الاستفادة من بونص اف اكس دى دى الرمضانى فسيكون الناتج 600$ و هو مبلغ جيد و مع تجميع 50 فرد مثلا ممكن يفتح ب 500$ ممكن نبقى عملنا حساب قوى على مواجهة السوق لفترة طويلة و بمخاطرة معقولة للجميع انا بقولك لو الفكرة حتتنفذ ممكن نفذها على حساب بام ب 20 الف دولار كبداية واكيد لما الناس برضه حتشوف العمل بشكل واضح كما فى الاكسبيرت فان الكثير سيضع الكثير من المال فيه طالما انه شيئا اقل مخاطرة و لا اقول امنا. و مش كلنا حنحط 500$ فى اللى حيحط اكتر او حينقل حسابه او جزء منه الى البام معنا., ايه رأيك يا حارقلى افكارى دايما :) تحياتى يا برنس و سلملى على قصة شعرك :1 (54): الله كريم.,

وانا أول واحد ممكن انضم للفكرة دي بعد العيد الصغير

والحمد لله الناس بردودها تشجع جدااا .. مافيش الا اتنين قالوا هنشترك اخ fares والاخ gernius والباقي كله داخل من بتوع صقف واجري ... فكرة كويسة وتمام .. ويخلع علي كدا ...

لو هتتولي انت موضوع البام دا .. ان امعاك بس من نص شهر تسعة كدا .. اكون خلصت جيش وفضيت وقعدت باذن لله .. ومنتظر تجميع الناس علي حساب بام بمبلغ محترم يخدم الجميع .