المشاركة الأصلية كتبت بواسطة midoabdo (المشاركة 165250)

طبعا انا مش هضيف جاحه لان اللى اتقال هو سبب كل الخسائر بس هقول اهم 3 حاجات فى كل اللى اتقال:

1- التسرع انك تحس ان فى فرصه قدامك انت محللتش خالص بس انت بصيت على الشارت ولقيت العمله بتنزل يبقى هابط ندخل بقى .... واستوب لوس ده لو كنت بتستخدمه.
صحيح كنت اغلط الغلطة دى كتير وادخل وانا مش حاسب اصلا المفروض ادخل بحجم عقد اد ايه..لكن من ساعة مالتزمت انى مدخلش غير مه تكون شمعة 4 ساعات انتهت المشكلة دى والحمد لله,لا استجيب لأى اغرائات طالما الشمعة لم تنته بعد..الا فى حاله الاخبار القوية بصراحه الاغراء بيكون اقوى منى
2- الخوف والطمع اللى يتخلص منهم يملك الفوركس انك تخاف لا تكمل للهدف لاحسن السعر يرد عليك ودى مصيبه وتخرج ب نص المكسب والسعر يروح للهدف بعد خروجك على طول.....طيب والطمع انت حطيت هدف والسعر نزله بسرعه بفضل الله لا فاضل نقطه لا نكبر الهدف شويه بدل من 30 خليه 40 لا لا 50 يا عم خلى الصفقه لبكره يمكن نكسب لابتوب ..ويا اما تخرج بنص الهدف الاساسى او ستوب لوس.
من يوم مالفرنك لم يحقق الهدف بنصف نقطه او اقل وطلع يضرب ستوب وانا بقفل الصفقة اصلا لو اقتربت من الهدف وفاضل 4-5 نقط كده..بصراحه كنت هتشل من اللى عمله فى الفرنك ده
3- الجهل انك تدخل توصيه وانت مش عارف دخلت ليه دى مصيبه لانك بتبقى قاعد ركبك بتخبط فى بعض لو السعر رد عليك نقطه واحده طيب اللى مدينى التوصيه قالى 30 نقطه ستوب لوس خلاص فاضل 15 والصفقه تقفل فاضل 10 فاضل 5 لا انا هقفل واخلص 25 خساره احسن من 30 وفجأه السعر يرد تانى والتوصيه تحققت طيب ده كله ليه واللى حط الهدف ليه والاستوب فى المكان ده ليه..؟؟؟؟؟؟؟؟؟؟:1 (27):
موضوع التوصيات ده قتلناه بحثا..التوصيات بالنسبة لى تأكيد فقط لكن الدخول العميانى ده مش تمام

المشاركة الأصلية كتبت بواسطة mohtaia (المشاركة 165277)

بمناسبة الأخطاء الغريبه والغير مقصوده ....
مرة غيرت الويندوز لأنه كان جاب آخره فسطبت ويندوز جديد وسطبت الميتاتريدر وظبطت شارتاتى وكله تمام و أول ما جت صفقة كويسه دخلت بسرعه معاها .....
طبعا الميتا علشان لسه متسطب كانت النقطه بدولار ( الوضع الأفتراضى ) وانا عمرى ما بدخل بالمبلغ ده :1 (3):
الحمد لله عدت على خير وطلعت بمكسب نقطه ونص يعنى 1.5 دولار :1:
لكن غلطه بالرغم من سذاجتها الا انها كان ممكن تكلفنى كتير

غلطة مهمه جدا ان نتجنبها مستقبلا,وكذلك لو دخلت صفقة استثنائيه بعقد اكبر من المعتاد يظل هذا الحجم هو الحجم الافتراضى مستقبلا ولازم تنتبه قبل فتح صفقات جديده انك تعدله للوت بتاعك الطبيعى..نقطة جميلة مشكور عليها

موضوع الخوف ده ما زال مشكله عندى بالفعل عندى خوف مرضى من ان صفقة كسبانه تتحول لخسرانه وده بيخلينى اخرج قبل اهدافى الى عامل حسابى عليها بمجرد حدوث تصحيح بايخ أو تباطوء فى التجاه والطبيعى ان بعد خروجى طبعا السعر بينطلق نحو الهدف ( أكنه كان مستنينى انا بالذات أخرج علشان يكمل هو على الهدف هههه )
اظنها مشكلة عامة وحلها الوحيد اللى اعرفه انك تسيب الشارت وتعيش حياتك ويا قاتل يا مقتول

المشاركة الأصلية كتبت بواسطة د.أسامة عادل (المشاركة 171026)

فعلا هذه هى النصائح المثلى..

نصيحتى ايضا صفقة عندما افقت وجدت ان نفسك البغيضة اقنعتك بالدخول كتير شوية..
و ساعتها حتعرف ان الدخول فعلا كان كتييييييييييييييير شوية..بس بعد فوات الاوان..

احسب خسارتك قبل ما تدخل..

الالتزام كنز لمن يريد ان يتاجر.
الله كريم

المشاركة الأصلية كتبت بواسطة seragsamy (المشاركة 171193)

موضوع متميز :

بالنسبة لى :

الدخول بلوت عالى جدا وعلى الرغم من أن الصفقة تكون صحيحة إلا أن الارتداد نقاط بسيطة يجعلها تفشل وتقترب من المارجن الأمر الذى يجعلنى أدخل فى دوامة الهيدج وماشابه .

تلك هى أكبر الأخطاء عندى تقريبا