اف اكس ارابيا..الموقع الرائد فى تعليم فوركس Forex

- - تحليلات وتوصيات Hussam Elshayeb (https://fx-arabia.com/vb/showthread.php?t=31460)

رد: تحليلات وتوصيات Hussam Elshayeb

اقتباس:

المشاركة الأصلية كتبت بواسطة Hussam Elshayeb (المشاركة 503234)

حبيبي يا محمد أولا شكراً لك ولكل الزملاء اللي موجودين على كلامكم الجميل ، الله يكرمكم ويسعدكم كما اسعدتموني

بالنسبة للدولار فهو مش ايجابي ، كل اللي بيحصل حالياً هي عمليات تصحيحية انا ذكرتها الصبح ، الين سبب ضعفة بعض الشئ هو عمليات التيسير الكمي كما ذكرت

خلي بالك لأن هيقابلك خط مقاومه عند مستويات 98.40 او حوله ، يعني اكتفي بربحك لو حسيت ان السعر جاب اخره ، الين عليه طلب ولو لاحظت هتلاقي ازواج الين بتعمل نفس التصحيح

يعني التأثير مش من الدولار ، وربنا يوفقك يا غالي

طب هو مش المفروض يا أستاذ حسام أن دة خبر مهم للدولار و جه أيجابى جدااا أكبر من السابق و اكبر من المتوقع ,, يعنى المفروض الدولار يصعد أمر طبيعى زى ما الأسترلينى صعد لما الخبر بتاعه جه أيجابى ,, ولا فيه حاجه انا مش واخد بالى منها ؟؟ و شكراااااا جدا لحضرتك ع الردود :1 (91):

رد: تحليلات وتوصيات Hussam Elshayeb

هرد عليك بالتفصيل حاضر يا محمد ، بس هتسأذنك في بعض الوقت لأن الموضوع يطول شرحه

شباب النيوزلاندي يتألق النهارده بامتياز ، ولو خرج من هذه المنطقه انا اتوقع ان لا يوقفه شئ على المدى القصير

اهم خطوط المقاومه اللي هتواجه زوج النيوزلاندي مقابل الدولار الأمريكي

0.8595
0.8624
0.8635

طبعا مع مراعاة العمليات التصحيحية وموضوع الفائدة اللي ذكرته في موضوع النيوزلاندي على الموقع

بالتوفيق للجميع ان شاء الله

رد: تحليلات وتوصيات Hussam Elshayeb

غداً ان شاء الله عندنا 25 تقرير اقتصادي لأكبر اقتصاديات العالم ، انا بقوم بتحضير الاجنده من الآن ان شاء الله

ويوم الأربعاء هيبقى في فيديو سنناقش فيه الوضع الاقتصادي لأوروبا وسيناريوهات البنك المركزي الأوروبي ان شاء الله حول معدلات الفائدة ومدى تأثيرها على أزواج اليورو كلها

انا بقول لحضراتكم من دلوقتي لأن الموضوع دا مهم ولازم نخلي بالنا منه ان شاء الله

رد: تحليلات وتوصيات Hussam Elshayeb

بالنسبة للباوند دولار ، انا اتوقع ان العملية التصحيحية لم تنتهي بعد ، وبداية مبشرات انتهائها هتبقى لو ارتد السعر من عند مستويات 1.5470 بالتحديد

رد: تحليلات وتوصيات Hussam Elshayeb

اقتباس:

المشاركة الأصلية كتبت بواسطة MoHaMeD EgY (المشاركة 502666)

طيب هل يوجد أى قناه تبث المؤتمرات الهامه لايف ؟ .. اصلى بشوف فى فوركس فاكتورى مواعيد المؤتمرات مثل دراجى و جوردن .. الخ لكن مش بعرف بعد كدا آيه اللى حصل أو آيه نتيجه الأجتماع ؟ :(

سلام عليكم ، ازيك يا محمد ، زي ما قولتلك يا كبير القنوات هي بلوم بيرج الاقتصاديه وسي ان بي سي الانجليزيه

دول بيبثوا المؤتمرات بشكل منتظم ومستمر بس المؤتمرات دي بيبقى فيها الانجليش غير العادي شويه ، بمعنى ان اغلب المصطالحات بتبقى اقتصادية

:1 (77):

اقتباس:

المشاركة الأصلية كتبت بواسطة mrgoba5 (المشاركة 502673)

ياسلام عليك ياكبير
شد حيلك واحنا معاك :1 (62)::1 (62)::1 (62):

الله يباركلك ويصلحلك الأمور دايما يا مستر جوبا ، شكرا على دعمك

اقتباس:

المشاركة الأصلية كتبت بواسطة COWBOY (المشاركة 502680)

بالتوفيق ان شاء الله اخى حسام .. اتمنى لك اجازة سعيدة ان شاء الله :)

ابادلك اطيب التمنيات أخي العزيز ، شكرا ليك

اقتباس:

المشاركة الأصلية كتبت بواسطة maryocairo (المشاركة 502697)

ايوا بقا احب انا اى حد بيعمل تحليلات يكون بيدعم دا بالفديو مجهود جبار يااستاذ حسام وراشق معاك

ههههههههههههههه شكرا يا ماريو ، موفقين دائما ان شاء الله يا شباب :)

اقتباس:

المشاركة الأصلية كتبت بواسطة مصطفى حمدان (المشاركة 502936)

السلام عليكم ورحمة الله وبركاته ياجماعه انا مبتدىء ومش عارف استفاد ازاى من التوصيات دى ياريت لو حد ممكن يساعدنى انا بحب اشتغل سكالبينج بس زى ما قولت اخوكم لسه مبتدىء وبالتوفيق ان شاء الله للجميع

اهلا بيك يا مصطفى ، نورت الموضوع والمنتدى ، بالنسبة لمؤشر الاسكالبينج فانا اعتذر منك ، انا معنديش خبره كافيه في بعض المؤشرات لاني لا اعتمد عليها و لم اتوسع بدراستها رغم ان عندي اكثر من 100 مؤشر ميتا تريدر ، بحس انهم رد فعل متأخر ولا يجوز الاعتماد عليهم في المستقبل ، انا لو استخدمت بستخدم مؤشرين فقط لا غير وبيبقوا بهدف التأكيد على معلوماتي قبل اتخاذ القرار بثواني ، المؤشرين دول هما الاستوكاستيك والموفينج افاريج 50، ولا اعلم ان كانو هيفيدوك في طلبك

ممكن اي حد من الزملاء يفيدك لو عنده معلومات عن المؤشر دا

اما بخصوص الاستفاده من التحليلات وخلافه ، هل حضرتك تابعت الفيديو اللي انا قدمته يوم السبت ؟؟؟ ولو تابعته وعندك اي استفسار انا في الخدمه

بداية موفقة ان شاء الله يا مصطفى :)

رد: تحليلات وتوصيات Hussam Elshayeb

الباوند دولار ارتد من المستويات اللي تم ذكرها يا شباب ولكن خالف التوقعات في 3 نقاط ، ليعيد اختبار مستويات 1.5505 بالتحديد

كسر 1.5505 مطلوب لعودة الزوج الى مستوى المقاومه التالي ان شاء الله

رد: تحليلات وتوصيات Hussam Elshayeb

اقتباس:

المشاركة الأصلية كتبت بواسطة Mohamed Rabie (المشاركة 503238)

طب هو مش المفروض يا أستاذ حسام أن دة خبر مهم للدولار و جه أيجابى جدااا أكبر من السابق و اكبر من المتوقع ,, يعنى المفروض الدولار يصعد أمر طبيعى زى ما الأسترلينى صعد لما الخبر بتاعه جه أيجابى ,, ولا فيه حاجه انا مش واخد بالى منها ؟؟ و شكراااااا جدا لحضرتك ع الردود :1 (91):

صباح الخير يا محمد

أخبار الولايات المتحده اتت متناقضة ولم تأتي كلها بايجابية ، اما بخصوص الأخبار فكل خبر له تأثير مختلف عن الثاني ومش بس كدا ، كل خبر بيبقى ليه محل من الاعراب ، بمعنى ان ممكن يكون في خبر ضعيف ويؤثر تأثير قوي والعكس صحيح ، وكمان الأخبار لها معادلة مع السيولة والتدفقات النقدية مع أي عملة ، وخبر واحد غير كافي في بعض الحالات لتحديد الاتجاه العام

رد: تحليلات وتوصيات Hussam Elshayeb

ما زالت نظرتنا للنيوزلاندي بالقوه ، فلو خرج كما ذكرت ان شاء الله من هذه المناطق اللي ما زال يتداول عندها من شأنه ان يدفع زوج النيوزلاندي دولار الى مستويات اعلى لن تتوقف على المدى القصير ان شاء الله

رد: تحليلات وتوصيات Hussam Elshayeb

الفرنك ما زال قوي كما ذكرنا ولكن نتخذ الحذر يا شباب لأن أي ضعف لليورو دولار سيؤدي الى ضعف الفرنك ايضاً بمعنى آخر ان الدولار فرنك هيرتفع في حال انخفاض اليورو دولار

رد: تحليلات وتوصيات Hussam Elshayeb

ننتظر اخبار هامه ان شاء الله بعد ساعة ونصف يا شباب من الآن ألا وهي معدلات البطالة الايطالية ، ومعدلات التغيير في البطالة الالمانيه ومعدلات البطالة الرئيسية الألمانيه

يعني في تمام الساعة العاشره صباحا بتوقيت القاهره الحادية عشر بتوقيت المملكه العربيه السعودية ان شاء الله :)