|
رد: مشكلة مع شركة أكسنس
حدثت لي نفس مشكله مع شركه كبيره أيضاً قبل فترة وهي تحرك الشمعه الى تحت بحدود كبيره حتى صفر الحساب
وخلال ثالثه ايام تم إرجاع المبلغ بالكامل وكان خطا تقني بحت وليس للشركه دخل فيه او تلاعب وما يزعجنا كمتداولين كثرة تعطل المنصه بكثره واسمع عن هذه للشركه أكسنس بكثره وعلى طول |
رد: مشكلة مع شركة أكسنس
شركه مرخصه من امريكا وبريطانيا هي اللي حصل لي بها ضرب للتشارت وصفر الحساب
|
رد: مشكلة مع شركة أكسنس
اقتباس:
شركتنا قامت بتغطية خسارة العميل فى اقل من 7 ساعات من ظهور المشكلة . اما بخصوص السيرفرات فقد انتهت المشكلة تماما الان و فسوف اقوم بفتح موضوع اليوم به خبر سار حول ذلك الامر . |
رد: مشكلة مع شركة أكسنس
اقتباس:
انا اول مرة تقابلنى شركة ترجع لى راس المال فقط |
رد: مشكلة مع شركة أكسنس
نصيحة للأخ صاحب الموضوع لا تفكر مطلقاً بالتداول على الأخبار مع اكسنس
ذيول اكسنس لن تجدها فى اى مكان آخر و فى لحظة شهر يوليو اللى فات خسرت 2000 دولار بسبب ذيل شمعة فى اكسنس لم اجده فى اى منصة اخرى بالعالم و اتكلمت معاهم و رفعتلهم سكرين شوتس لكل المنصات الاخرى و لكن لا فائدة و قالولى خليك فى كوزك لما نعوزك |
رد: مشكلة مع شركة أكسنس
اقتباس:
يانهار ابيض هى وصلت للكوز شركات اخر زمن !!!!!! |
رد: مشكلة مع شركة أكسنس
الحمد لله ان مشكلتك اتحلت يابو حميد .. و مفتكرش هيعوضوك عن الارباح .. الحمد لله علي كل حاجة
بالمناسبة انا عملت dislike لاخر بوست كتبته بالغلط |
رد: مشكلة مع شركة أكسنس
اقتباس:
و على فكرة برضه هما عملو كده مع اخويا اتقفله صفقات فى يوم كان اجازة و اتغيرت الرافعة المالية بدون علم المتداولين و لكن قاموا بإرجاع 800 دولار لحسابه مرة اخرى الشركة انا بحبها بس نظام السبريد بتاعها لازم يتطور عشان اوقات الاخبار بيكون مدمر و ضيعلى آلافات الدولارات و خلانى تركتها لو استطاعت اكسنس عمل انظمة حسابات باسبريد ثابت و رافعة ثابتة مابتتغيرش فى الاجازات انا مستحيل هاشتغل فى شركة غيرها |
رد: مشكلة مع شركة أكسنس
اقتباس:
أنا كل اللى غايظنى أنى الخبر كان جاى حلو أوى المرة دى أفتكر اخر مرة فى شهر ديسمبر 2012 كان الخبر ضعيف جدا وبالأسلوب ده عمال أسأل نفسى بنتداول مع الشركة دى ليه لو الشركات كلها هتعمل مواقف شبيهة بنتداول أصلا فوركس ليه ماهو سهل جدا كل واحد يفتح شركة فوركس ولما الناس تخسر نقولهم انتوا ماشيين عكس السوق ولما الناس تكسب تمرجنها و نقولهم بنعتذر لكوا على الخطأ الفنى وهنرجع لكوا الايداع وألف مبروك وعقبال عندكوا لولولولولوللولى قمة الابتذال |
رد: مشكلة مع شركة أكسنس
هيا دوكاسكوبي مفيش غيرها والله
الباقي تضييع وقت للاسف |
رد: مشكلة مع شركة أكسنس
اقتباس:
|
رد: مشكلة مع شركة أكسنس
اقتباس:
أنا فعلا بصدد اعتزال شركات الماركت ميكر كلها كبيرها وصغيرها حملة "معا ضد الرافعة , البونص , الريبيت وجميع أدوات النصب الأخرى ..... " |
رد: مشكلة مع شركة أكسنس
اقتباس:
اكتر شئ بحبه فى الشركة دى هيا انظمة الايداع و السحب و برامج البونص بتاعتها اقتباس:
و لن اعود لإكسنس الا لما يتم تطوير بعض خواصها |
رد: مشكلة مع شركة أكسنس
السلام عليكم جميعا و مرحبا مجدي باشا ومرحبا استاذ عمر
أولا، الشركة لما تعوض العميل عن خطأ هيه السبب فيه ميبقاش اسمه جميل وميبقاش اسمه عمل بطولي ومينفعش تطلب اعتذار من العميل ، بالعكس الشركة مطالبة بتعوض العميل وتقيدم اعتذار لأن ده حقه ولأن هي السبب في الخطأ ! والعميل مطالب ان يعتذر لو اتبلى على الشركة انما لما يكون كل الاعضاء دول فتحوا مواضيع واشتكوا من الشركة وجابوا برنت سكرين يدعم كلامهم يبقه اكيد مش بيتبلو على الشركة. ثانيا، بحكم وظيفتي كمهندس اتصالات مفيش حاجه اسمها خطا فني خارج عن ارادتي، لو رحت قلت للمدير خطأ فني خارج عن ارادتي هترفد من الصبح، لكن فيه حاجه اسمها خطأ فني وانا السبب فيه سواء كان اهمال او عدم توفير حماية للسرفرات او عدم توفير خطوط انترنت بديلة او عدم توفير كلاستر سرفرات او تحديث السرفرات بدون اختبار التحديثات اولا على virtual environment ! والكلام ده هو الي بيخلي الشركات التانية زي الباري وجين وسوليوشن ودي دي وغيرهم و متطلعش تتبجح علينا وتقول انه خطأ فني خارج عن ارادتها ، لأنها عارفها ان ده عذر اقبح من ذنب! ثالثا، بلاش نقول ان الشركة بتتلاعب بالاسعار عشان تضرب استوبات العملاء، لو فعلا الكلام ده مش صحيح يبقه الشركة لازم تثبت حسن نيتها وتعوض العميل بالارباح الي كان هيحققها ! مهو احنا مش لما نخسر الشركات تاخد فلوسنا ولما نكسب تدينا راس المال بس!!!!!!!!!! ده تهريج بصراحة لما اكون كسبان والشركة هي السبب في تحويل المكسب لخسارة يبقه هي مطالبة تعوضني عن المكسب الي راح عموما انا بحمد ربنا اني سحبت فلوسي من اكسنس الاسبوع الي فات والمنظر كده ميشجعش ان الواحد يحط فيها دولار واحد، لزمته ايه السبريد الصغير لما الشركة تعمل ريكوت وسليبج وسبايكات بالشكل المبالغ فيه ده ولزمته ايه السحب السريع اذا مكانش فيه حاجه هتتسحب اساسا غير راس المال لو انته محظوظ! |
رد: مشكلة مع شركة أكسنس
اقتباس:
نعم بالفعل هناك اكثر من موضوع بعنوان مشكلة مع اكسنس .... ولكن مش حضرتك ما هى مشكلاتهم اولا ؟ المشكلة الاولى فى هذا الموضوع للاخ archiwork كانت عبارة عن انه خسر امواله بسبب خطأ تقنى وعندما اقول لك انه خارج عن ارادة الشركة اقصد به ( غير مقصود او متعمد ) نتيجة اعمال الصيانة التى قامت بها الشركة مؤخرا . الموضوع الثانى للاخت عايدة و ياريت حضرتك تقرأ الموضوع كله لان حتى الاخ archiwork قال كلمة حق هناك و قال رأيه و اكتشف الحقيقة مؤخرا و الحقيقة هى التى احاول انا ان اقنع به الاخت عايدة منذ الصباح ان ما حدث فى حسابها بفعل سارق او هاكر قام بسرقة حسابها و عندما حاول السحب وصلت للاخت عايدة رسالة على هاتفها فلم يستطع السحب فقام بتدمير الحساب . المشكلة الثالثة للاخ محمد zogota احاول ايضا اقناعه ان صفقته اغلقت بسبب نداء المارجن او المارجن كول و الفرق الذى حدث بين نقطة تعليق الاوردر و تفعيله كان بسبب الاسلبيدج عند افتتاح السوق و كان الاسلبيدج ( 28 نقطة ) على العموم ان احتجت مساعدة فى شئ او لديك اى سؤال او استفسار فلتتفضل فى اى وقت . السلام عليكم . |
رد: مشكلة مع شركة أكسنس
اقتباس:
ولذلك سأطالب بحقى حتى النهاية باذن الله |
رد: مشكلة مع شركة أكسنس
اقتباس:
بناء على تجاهل الشركة لى ولمطالبى المشروعة والحقيقية وعدم الرد بطريقة منطقية مقنعة بشأن الحدث وجاء ردهم على اخر ايميل لى بطريقة الزامية واجبارية وتحمل معانى التجاهل والتعتيم كما وارد بالصورة المرفقة وبناء عليه اذا لم يتم تسوية الموقف بنهاية اليوم سأكون مضطرا وبكل أسف لتصعيد الموضوع الى هيئة تسوية المنازعات المالية FDR ) Financial dispute resolution ) للتحكيم فى الموقف الحالى بينى وما بين الشركة . كنت أتمنى أن يحل الموقف بيننا كمسلمين وعرب بل ومصريين أيضا ولكن للأسف سنضطر للجوء الى جهات لا تمت للاسلام بصلة ولكن قد يكونوا أكثر عدلا وانصافا وتظهر الحقائق على ايديهم. http://www.fx-arabia.com/vb/uploaded...1364209821.jpg |
رد: مشكلة مع شركة أكسنس
اقتباس:
السلام عليكم استاذ archiwork او احمد مجدى . لقد تشرفت بالحديث معك هاتفيا و ذكرت لك اننى عند ظهور مشكلة حضرتك قمت على الفور بأبلاغ المختصين بالمشكلة و ما نتج عنها و طلبت الرد فى اسرع وقت و كانت الاستجابة السريعة من القسم المختص فى اقل من 4 ساعات و اخبرونى بأنتهاء المشكلة و تغطية خسارة العميل .. احيط سيادتك علما بأن المختصين فى هذا الشأن بالشركة هم فقط من يقرروا كيفية حل المشكلة و ليس انا اخى العزيز . انا قمت بدورى بمساعدتك و استطاع القسم المختص ان يحل لك المشكلة و يغطى خسارتك فى اقل من 4 ساعات وهو زمن قياسى . اما مطلبك فيما بعد بالارباح فهذه كما ذكرت لك فى يد القسم المختص , و ما يقوله القسم المختص هو الذى ينفذ و ليس ما اقوله انا . لذلك قلت لك ان عليك التواصل معهم و احيط سيادتك علما ايضا ان ما يصلك من القسم المختص هو الذى ينفذ . اشكرك على سعة صدرك و تفهمك . و نأسف لما حدث معك . بالنسبة لاسباب المشكلة من الاساس فأحيط سيادتكم علما و كل من يرى ردى هذا ان جميع المشاكل المتعلقة بالاخطاء التقنية التى ظهرت مؤخرا نتيجة اعمال الصيانة للنظام قد تم التغلب عليها و تم حل جميع تلك المشاكل . شكرا و السلام عليكم . |
رد: مشكلة مع شركة أكسنس
شوفوا بقا رد الشركة الموقرة اليوم بعد ماعرفوا انى هلجأ للتحكيم:
باختصار ده معناه احنا رجعنا لك ايداعك بالغلط والصفقة اتفتحت واتقفلت على اسعار السوق الفعلية وبيطالبونى بالايداع باعتباره من حقهم مش بس كدة دخلوا الحساب ورجعوا خساير الصفقة تانى واضح انه بروكر فاشل مش عاوز يتحمل مسئوليته عمال يطلع من غلطة يقع فى مصيبة http://www.fx-arabia.com/vb/uploaded...1364229387.jpg ده كان حسابى لما رجعوا الايداع http://www.fx-arabia.com/vb/uploaded...1364229208.jpg وده شكل حسابى انهاردة http://www.fx-arabia.com/vb/uploaded...1364229615.jpg |
رد: مشكلة مع شركة أكسنس
السلام عليكم ورحمه الله وبركاته :)
انا كنت فاتح حساب فى شركه اكسنس .. وقمت بسحب جميع الرصيد المتاح فيه بسبب هذه المهزله:1 (26): يعنى انا مش عارف ازاى يقولوا ان الخطأ فنى و كان من عندهم وبعد كدا يقولك ان الصفقه كانت صحيحه ويخصموا الرصيد (هما شاربين آيه بالظبط) :D ارجو من جميع عملاء هذه الشركه ان يقوموا بسحب جميع اموالهم .. ويجب ان تعرف تلك الشركه انها هى التى تحتاج لنا وليس نحن :1 (86): وارجو نسخ هذا الموضوع فى جميع المنتديات المتعلقه بالفوركس لكى يعرفوا حقيقة تلك الشركه .. وانا عن نفسى سوف اقوم بالواجب:1 (10): وارجو من المشرفين تغير اسم هذا الموضوع وتثبيته والتحذير من تلك الشركه ويجب ان اذكرك بردك يا ابو بشار اقتباس:
وعالرغم انك قولت انه موقف بطولى من الشركه عندما اعطت الخسائر فقط للعميل وفى الآخر لاطلع بطولى ولابعرضى ولا اى حاجه خاااالص .. فماذا تنتظر بعد ؟ ويجب أن الومك انت يا استاذ احمد مجدى لأنك اخترت شركه اكسنس للتعامل معها:1 (90): لأنك انت راجل قديم فى السوق وعارف أن شركه FXDD برقبتها .. واذا كنت تتعامل مع اكسنس عشان الاسبريد المنخفض فـ FXDD لديها منصه ميتا تريدر اكستريم والأسبريدات فيها منخفضه عن اكسنس يااااراجل كفايه انك وانت فاتح الصفقه فى FXDD يبقى بالك مستريح :1 (73): وهذه صوره من الأسبريدات على منصه ميتا تريدر اكستريم http://www.fx-arabia.com/vb/uploaded...1364274156.png استعوض ربنا فى مالك المفقود .. ومحدش بيتعلم بالساهل :) :1 (77): |
رد: مشكلة مع شركة أكسنس
اقتباس:
مساء الخير سيد محمد ارجو ان لا تقحمنا كأدارة في الموضوع فنحن ليس لنا مصلحة مع الاخ الفاضل صاحب الموضوع او حتى شركة اكسنس .. اي اننا لسنا طرف ضمن المشكلة :) ووقفنا بجانب العميل كبادرة خير رغم ضغط ومراسلة من مندوب الشركة باغلاقه ومع ذلك لم اقوم باغلاق الموضوع ثم تأتي وتقول لي اين العدل .. !! الاخ مجدي خبير بالشركات اكثر مني منك ويعرف اكسنس اي نوع من الشركات وحينما يذهب ويفتح معها حساب وتعيد له امواله بنظري عمل بطولي من شركة ماركت ميكر مقارنة مع الشركات المرخصة والمعروفة بمصداقيتها .. فلا تسيئ فهمي .. اذا تحول الموضوع لمناكفات دون جدوى قد نضطر اسفين لاغلافه , وحينها من لديه مشكلة مع الشركة يذهب لموضوع اكسنس للاخ عمر في المنتدى .. متابعين ونأمل بانتهاء المشكلة دون ظلم لأحد .. تحيتي |
رد: مشكلة مع شركة أكسنس
لا حول ولا قوه الا بالله
دا اسمه تهريج واستخفاف بالعقول . انزلاق واسبريد بالمهزله دى . ورافعه 1000 . وخطا تقنى بالشكل دا . حلوه خطا تقنى دى لا والاجمل يقلك ان الاسبريد المتغير بيرتفع فى وقت الاخبار . اكبر مصيبه ان الاعضاء مصدقين الكزبه دى وان الاسبريد بيرتفع وقت الاخبار . لان الاسبريد بيرتفع لما مش يكون فى سيوله مش العكس .عايز تتاكد من كلامى شوف اسبريد البنوك وقت السيوله اللى هو وقت الاخبار وشوفه وقت الاجازات او وقت متاخر من الليل |
رد: مشكلة مع شركة أكسنس
اقتباس:
انا عندما قلت اين العدل ؟ .. فأنا كنت اقصد على عدل الشركه مع استاذ احمد و ليس معكم كأداره وانا اعلم جيداً انك حيادى بين الطرفين .. وتحياتى لك :) |
رد: مشكلة مع شركة أكسنس
شركات الوساطة اصحابها ليسوا اخواننا او زوجات آبائنا
الشركة تعمل من اجل الربح و تمتلك الموظفين و المكاتب و المنشئات و سوق الفوركس يتداول به ملايين الملايين من المتاجرين فما بالكم بحركة السعر البطيئة التى توفرها لنا الشركات؟ ازاى الشركة تسمحلى انى انفذ اوردر فى لحظة و السعر اتحرك لسعر تانى!! هل بقى المفروض ان الشركة تفتح الاوردر و تغطى فرق الانزلاق السعرى عشان العميل ابن اختهم يكسب مثلا؟؟ اللى مش اد سوق الفوركس مايشتغلش فيه و يدور على مكان آمن عشان مايجيش يطلع كبت خسارته على الشركات |
رد: مشكلة مع شركة أكسنس
اقتباس:
الكلام ده معناه ان اسعار السوق الحقيقية عند شركة اكسنس تختلف عن اسعار السوق الحقيقية في العالم كله ، ويقولك مزودين سيولة عالمين!! صحيح الي اختشوا ماتوا انا بصراحة مشفتش بجاحة اكتر من كده |
رد: مشكلة مع شركة أكسنس
اخر الاخبار معكم ياخوان ناوي احول لاكسنس
ماجديدكم مع مشاكل الشركه طمنونا |
| الساعة الآن 01:43 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com