|
رد: الى من يحب ... مصر
اقتباس:
نسال الله الخير لمصر واهل مصر |
رد: الى من يحب ... مصر
موضوع دسم جدا وهحاول اقرأ كل المشاركات لكن لى بعض النقاط مبدئيا:
1-إن كان الاخوان طامعين فى السلطة فماذا عن الحزب الوطنى وفلوله الذين يحاربون من اجل الكارت الاخير "احمد شفيق" لعلهم يستعيدو مكاسبهم التى قلصت منها الثورة؟ 2-هل بالفعل هناك فرصة 1% ان تستمر الثورة واهدافها بالرئيس احمد شفيق خاصة مع احتمال كبير باعاده انتخابات مجلس الشعب وحل مجلس الشورى؟ 3-الم ينتاب احدكم اى شعور من حكم المحكمة على مبارك والتأخير فى الفصل فى دستورية قانون العزل وقوائم مجلس الشعب انه مخطط يسير بدقة كبيرة لاجهاض الثورة؟ 4-نسائم الحرية والديموقراطيه التى نتنفسها هل هى نتاج اى شىء اخر غير الثورة ومن دفعوا ثمنها من ارواحهم وعيونهم واطرافهم او من حريتهم واحتمال التعذيب والاعتقال؟هل دفعوا هذا الثمن لنأتى برئيس من نفس النظام السابق؟هل هذا هو رد الجميل لهم ولاهلهم؟ 5-إن كان قاده الجيس ورئيس الوزراء يؤمنوا تماما ان الاخوان وراء احداث يوم الجمل..فكيف يحاسب مرتضى منصور وعائشة عبد الهادى وفتحى سرور وصفوت الشريف؟ولماذا لم تظهر تلك الفيديوهات القديمة الا فى هذا الوقت الحرج؟ 6-للاخ اللى بيقول ماذا قدم الاخوان للشعب المصرى...هل تعلم انه فى الاماكن الشعبيه كان الاخوان يقوموا بعلاج الفقراء يوم كل شهر او شهرين مجانا؟ويتطوعوا لمساعدة الطلبة فى التحصيل؟هل تعلم ان الاخوان كانوا القوة الاكبر فى حرب 1948؟هل تعلم ان عمرو خالد كان اخوانيا وهو يناضل للنهوض بالاجيال الجديدة؟ 7- عندنا نماذج للحكم الاخوانى بتونس والمغرب وفلسطين...هل سمعنا عن قهر وتعذيب وقتل زى ما بنسمع دلوقت فى مصر؟مش ملاحظين تحامل الاعلام الواضح على هذا التنظيم؟ 8- كون الاخوان هو التنظيم المعارض الحيد للحاكم 80 سنة ولازال على قوته رغم القمع وحصار النظام السابق ...اليس هذا دليل على صدق نواياهم ونجاحهم؟ماذا بقى من الاحزاب بعد الثورة؟اين احزاب الغد والتجمع والوفد وغيرها من الاحزاب الكرتونية الان؟ --------------- رغم انى لست باخوانى بل واعطيت صوتى فى المرحلة الاولى لحمدين صباحى الا انه لو تمت اعاده الانتخابات سأنتخب مرشح الاخوان بعدما انكشف المرشحون الخاسرين وتطلعهم فقط لمصالحهم الشخصية و موافق تماما على كلامك يا فاروق خاصة فيما يخص تاريخ الاخوان الذى يحاولون تشويهه بكل السبل بل وتحميلهم مسئولية اغتيال السادات فى جهل تام بالتاريخ!! كنت اشعر بالاحباط والغضب بعد نتيجة المرحله الاولى ولكن الان صوتى لمرشح الاخوان بقلب مطمئن |
رد: الى من يحب ... مصر
السلام عليكم..
قرات مشاركات الموضوع كلها و تعجبت قليلا لما رأيت.. لن اطيل الحديث فلقد قام فاروق و الشباب بتفنيد الامر بشكل رائع سويا.. صوتى سيكون لمرسى بكل تاكيد رغم عدم ارتباطى بالاخوان من قريب او بعيد.. صوتى سيكون لمرسى ليس لانه الاصلح و لكن لان شفيق هو الاسوء.. صوتى لمرسى لاننى لا اريد ان ارتكب جريمة اخلاقية او خيانة للوطن بان اولى فاسدا مفسدا للحكم.. كنت اتحدث مع احد الفقراء للغاية ممن ليس لهم اى باع فى السياسة,سالته هل ذهبت للانتخابات السابقة فاخبرنى بكل تاكيد.. قلت له و اديت صوتك لمين قالى لابو الفتوح..قلت له طيب و حتدى صوتك لمين المرة دى قالى حدى شفيق طبعا انت عايزها باكستان. بصيت له شزرا فمن الواضح ان كل من يتفرج على الاعلام المصرى تنبت له اذنين طويلتين !! اخبرته من جعلك تذهب الى الانتخابات و تدلى بصوتك..اخبرنى الثورة و الثوار.. اخبرته من جعل يكون لصوتك معنى و ان تتحدث فى السياسة بطلاقة..اخبرنى الثورة و الثوار. اخبرته طيب مش عيب الناس اللى حاولت تعمل منك بنى ادم له معنى و كيان تروح فى الاخر تسلمها كده عينى عينك للى حيوديهم ورا الشمس..ده حتى تبقى قلة اصل. قالى و الله صدقت ..الناس دى فعلا حتروح ورا الشمس.. قلت له..ايوة فعلا قلة اصل..اخص عليك.. بس اذن فى النهاية على الرغم من مساوئ الاخوان و طريقتهم الغير ديموقراطية فى ادارة امورهم الا اننى لا يمكننى ان اخذل الثورة باى ثمن..لا يمكننى ان اصوت لشفيق او تقطع اصابعى قبل ان اقوم بها.. ليس هذا تحيزا لطرف عن الاخر قدر ما هو تحيزا للحق عن الباطل.. لن اخون بلادى بتولية الفاسد لها.. لن اخون زملائى الذين لقوا حتفهم دفاعا عن حريتنا و حريتهم.. لن اخون الثورة التى كنا هنا فى المنتدى اول من نادى بالنزول يوم 25 يناير.. و ليعلم الجميع انه ان ربح شفيق فانا من اول من يكون فى الميدان.. اذا كان لديك مشكلة نفسية مع الاخوان فالاولى لك ان تبطل صوتك بدلا من تولى المفسد الحكم. فمن يولى فاسدا الحكم اعتقد انه بئس ما عمل. استقيموا يرحمكم الله.. |
رد: الى من يحب ... مصر
عليك ان ترضخ للواقع سواء مرسي او شفيق ( طالما الانتخابات نزيهة ) اذا ماحصل الذي تريده العذر النزول الي الميدان , كلام لايقوله انسان عاقل ومتعلّم........اذا بلاش من الانتخابات |
رد: الى من يحب ... مصر
عفوا اخى..
الثورة عندما بدات فقد بدات لمبدا واحد.. الشعب يريد اسقاط النظام.. و لا يمكنك ان تشخصن النظام و انما هو كيان عليك اقتلاعه لانه فاسد. ان كنت ترى ان النظام فعليا قد سقط فهذا شيئا اخر.. لازلنا فى دولة تحكم عسكريا و شفيق ما هو الا دمية يحركها المجلس العسكرى من الخلف فى وجهة نظرى.. حتى الان لم تؤتى الثورة ثمارها و تم انقلاب ناعم للسلطة عليها.. و لهذا فان النزول الى الميدان حتى و ان لم يغير الواقع لفترة او لم يطبق قوانين مجلس الشعب التى يجب ان تنفذ فانه يجب ان يتم الضغط بعنف .. صدقنى نحن فى وضع لا نحسد عليه فالاختياران ليسا الافضل اطلاقا لمصر. اما كون الانتخابات نزيهة فنحن سنراقب لنرى و الله وحده هم من يمكنه اظهار الحقوق. تحياتى :) |
رد: الى من يحب ... مصر
اقتباس:
دكتور اسامة رغم اني كنت بختلف مع اخي بشان الاخوان لا دخول لشفيق في الموضوع ام بخوصو كلامك دكتور ان لو شفيق نجح ها تنزل الميدان سمحني اقول لحضرتك دا منهج الاقصاء اللي كانت يتابع الحزب الوطني دكتور حضرتك ممكن تراجع تاريخ الثوارة الخارجية كان يحصل ثورة وتلقي دايما اللي بيحكم بعد الثورة يكون من النظام الماضي وكانت البلدتتقدم بس حضرتك تعرف لية لانهم تفكيرهم غيرنا احنا دايما بنحب نقف في نفس المكان طول الزمن احب افكر حضرتك باخر انتخابات ميركل نفس الشعب مكنش عايزها وكسبت بفارق نقطة بسيطة جدا تاني يوم ليقت كل واحد نزل الشغل لان البلد اهم الكرسي حضرتك عايز تنزل الميدان عشان تنهي راي الناس اللي انتخابات شفيق اقولك لحضرتك نفكر لحظة تخيل لو شفيق كسب حضرتك وباقي الناس اللي مش عايزة راي الاغلبية تسود الشارع ها تنزل الميدان ومتخيلتش ان ممكن اللي انتخابه شفيق ممكن ينزله عن صمتهم وينزلو هما كمان سعتها ها تكون حرب بين انصار وانصار يادكتور اسامة يجب احترام الصندوق احترام راي الناس اللي ها تقول رايها حضرتك انا نتخبت حمدين بس مش ها ابطل صوتي زاي ما حضرتك بتقول تعرف لي لان صوتي ها يكون بصوتين لان ها اسمح للاخوان اللي انضدد سياستهم يكونو في الحكم عايز اقولك حاجة تفتكر يا دكتور لو الاخوان معاهم السطلة التشريعية والسطلة التنفيذية والحكومة ورئيس الجمهورية ولان عايزين يعمله قانون القضاء علي هواهم تفتكر واحد ماسك كل دا مين ها يحسبه ها تقولي الشعب احب افكرك لم قولنا نزلنا امام مجلس الشعب عشان نعترض علي التاسيسة اية اللي حصل شباب الاخوان نزلو امام مجلس العشب يحمو مجلس الاخوان وحصل اشتباكات احب افكرك لم سال محمود سعد الدكتور مرسي علي الموضوع دا قال محدش نزل من الاخوان لم محمود سعد قالو دا مجلس الشعب تحت بيتي قال الدكتور مرسي اه نزلو عشان يحمو مجلش الشعب من البلطجية اللي هم احنا قالو هم بلطجية قالو اه قالو فكر الشيخ اللي مات في التحرير من علي قرب متر مين قالو بلطجية يعني اللي في التحرير بلطجية اقولك مين اللي اتفق مع الجلس العسكري الاخوان ايام وثيقة السلمي وفي الاخر لو الدكتور مرسي نجح ها اقوف خلفه عشان مصر عشان راي الاغلبية مش عشان اكون ذو صاحب فكرة الاقصاء اقولك حاجة اخيرة محدش ها يتفق علي واحد لو حضرتك بكره نزلت عشان شفيق لم يجيي غير شفيق ها ينزل انصار شفيق ولو جاي اي حد مش مرغب في من مجموعة ينزلو ميدان التحرير عشان يشلو دكتور اسامة احنا نزلنا الميدان عشان نعمل الشريعية مش نعمل الميدان الشريعية اللي احنا نزلنا انتخابنا الاخوان وسعتها قولنا قبل الانتيجة المجلس العسكري ها يغير نتيجة لصالح باقي الحزب الوطني وفي الاخر وليس الاخر يارب ينصرك يا مصر الاختلاف مش معني الحرب لكن الاختلاف معني النجاة لا اله الا انت سبحانك اني كنت من الظالمين |
رد: الى من يحب ... مصر
الناس اللى بتقول نحترم رأى الصندوق لو جاء بشفيق !!!!
مينفعش تعيشنى سنة ونص فى قرف وازمات علشان احترم الصندوق !!! مينفعش تشوه صورة ال20 مليون اللى عملوا الثورة فى الاعلام كل يوم علشان احترم الصندوق !! مينفعش متحترمش قوانينى وتشريعاتى وفى الاخر عايزينى احترم الصندوق!! مبنفعش تكون بالجليطة والبجاحة اللى تخليك تجيبلى شفيق وعايزنى فى الاخر احترم الصندوق !!! عملنا الثورة ليه ؟ علشان نجيب شفيق !!!!! للدرجة ده المجلس العسكرى والنظام القديم فاكر ان شعب مصر متخلف وجاهل !!! الشرطة تستعد وامن الدولة يفتح مقاراته مرة تانية استعدادا للقمع والارهاب بحجة الشرعية !!! الشرعية المزورة المتعاصة بدماء الشهداء ودماء الناس العادية اللى ماتت فى السنة ونص اللى فاتوا بسبب انعدام الامن عايزينى احترم الصندوق !!!!! كنت احترم قانون العزل !!!! كنت احترم البرلمان لما قال نشيل حكومة الجنزورى !!!! كنت احترم دماء الشهداء وميطلعش الناس براءة !!!! كنت احترم المواطن المصرى ومتذلهوش علشان انبوبة غاز او شوية بنزين !!! قلتلنا قولوا نعم للاستقرار والانتاج والامن .... قلتلنا نعم لبقاء المجلس للامن والامان .... حد شاف امن وامان من سنة ونص حتى الان !!!! ده حتى مستشار مبارك الزند ... لم يحترم الشعب ومجلسه وتعامل معه بكل حقارة وقلة ادب .... الزند الذى عينه مبارك لتدمير تيار القضاء المستقل الذى لم يوافق على التزوير فى انتخابات البرلمان السابقة !!!!! حد راح القسم او يعرف حد راح القسم علشان يعمل بلاغ لأى حاجة وشاف ان القسم اتحرك او عمله اى حاجة !!!!!! خلاص بقه احنا تعبنا من الناس اللى بتعامل شعب مصر انهم عبيد وجهلة وملهومش رأى او ثمن ولا تقلق ياعزيزيى من ان ترى حرب بين اعوان مناصرين شفيق ومناصرين الثورة ... لان اعوان شفيق اما الداخلية والبطجية وهؤلاء جبناء لو الشعب اتحد عليهم ... او هم غلابة وسلبيين وكانوا فى بيوتهم وقت الثورة ولم يشاركوا فيها ولن ينزلوا الشارع لمناصرة شفيق !!!! الثورة لم تنتهى ولم تحقق فى الاصل اى شىء حتى الان وهى كالبركان الذى قارب على الانفجار ولكن صدقنى انفجارة هذه المرة سيكون غير المرة الماضية لانه هذه المرة لن يخمد حتى يزيل كل النظام القديم الفاسد http://www.fx-arabia.com/vb/uploaded...1339331334.jpg |
رد: الى من يحب ... مصر
حضرتكمش عايزتسمع الا صوتك انت لو صوت هو اللي كسب يكون صح صوت غيرك اللي يكسب يكون غلط
يا اخي الثورة جات عشان الشريعية مش الميدان اعكس يااخي الميدان جاب الشرعية مش الشرعية هي اللي جابت الميدان خالي حضرتك اسمع نفسك وخليك في فكرة الاقصاء حضرتك اسال اية حد ها ينتخب الاخوان مش عشان بيحب الاخوان زاي ما انت بتدافع عنه بينتخب الاخوان عشان مش عايز شفيق يا اخي احب اقولك الدكتور ابو الفتوح خرج من الاخوان لية في الاخوان في حاجة اسمها يساري محافظ وفي حاجة اسمها يساري معارض اية هو اليساري المعارض انه مش مع قانون الاخوان في حكم المرشد اليساري المحافظ اللي لو بكره قالو مش عايزين مرسي عايزن فلان ها يرفعه صورة فلان ويحلفه بحياته هي دي التابعية الغير عقلية ممكن سوال مين عمل برنامج الدكتور مرسي هل هو ام الحزب وهل تتصور لو الحزب ها يحكم مرسي مش الحزب ويارت مش كله مااكلم تكلمني علي شفيق انا مش مع شفيق ولكن ها انتخابه عشان انا ضدد الاخوان انا بتكلم علي الاخوان انا عايز عدل في البلد تعرف نفسي قانون العزل ينفع عشان يفتح باب الانتخابات تاني وسعتها راحت علي الاخوان |
رد: الى من يحب ... مصر
يا أخى العزيز :
مابنى على باطل فهو باطل انت لو ماشى فى طريق طويل واكتشفت وانت فى نص الطريق انك ماشى غلط هتعمل ايه ؟ هتكمل فى نفس الطريق وتقول منا اللى وافقت عليه من الاول ؟ ولاهترجع تانى وتمشى الطريق من الاول بس صح ؟ من اعطى الشرعية للمجلس العسكرى ان يحكم مصر ؟ مبارك ... طب كيف يكون مبارك مخلوع وهو من يجعل المجلس يحكم ؟!!!! من اعطى الشرعية لشفيق ان يدخل انتخابات الرئاسة بالرغم من قانون العزل وجرائمه والبلاغات المقدمة ضده والجزم التى تحدف فى وجهة ؟ المجلس العسكرى المباركى ولجنة انتخابات مبارك وقضاء مبارك !!!! من الذى يحافظ على نزاهة سير العملية الانتخابية ويحميها ؟ نظام مبارك !!!!!! فكيف تقول لى الان ان الشرعية لصناديق مبارك وليس للشعب الذى اسقط مبارك !!!!! ومتقليش ان احنا اللى ارتضينا من الاول كده ؟ لكن بعديها عرفنا الخطأ ومش هنستمر فيه وده حقنا والشعب هو صاحب الميدان وهو صاحب الشرعية وهو صاحب القانون وليس المجلس العسكرى او قوانين مبارك او شرعية النظام القديم |
رد: الى من يحب ... مصر
ابو الفتوح يعلن دعمه رسميا هو و حملته ل د/ محمد مرسي
اليوم السابع | حملة أبو الفتوح تعلن رسميًّا التصويت لـ"مرسى" فى جولة الإعادة |
رد: الى من يحب ... مصر
اقتباس:
اقتباس:
يسلم فمكم يا رجالة http://www.fx-arabia.com/vb/uploaded...1339342247.jpg |
رد: الى من يحب ... مصر
عفوا ايها الاخوة عفوا يا مصر كم من الجرائم ترتكب تحت عنوان بحبك يا مصر فعنوان الموضوع تحول من حب مصر الي من يحب الأخوان و من يحب شفيق علي الرغم من ان هناك موضوع
اخر لنفس صاحب هذا الموضوع بعنوان هتصوت لمين فحب مصر يقاس بميزان مختلف عن هذا تماما حب مصر يقاس بالأعمال وليس الأقول حب مصر يقاس بالوطنية و ليس الحزبية او العنصرية فحب مصر اهم من اي جماعة او اي حزب او اي مكاسب او اي سلطة حب مصر يعني ان تضحي بكل شئ من اجل انجاح ثورة 25 يناير و هي اهم مكسب شعبي علي مدار ال 100 السنة الأخيرة ولكن للأسف تم ذبح الثورة في اوج نجاحها وفي مهدها وهي وليدة لاتقوي علي مقاومة الخيانة و للأسف تاتي الخيانة من فصيل كان يعتقد الجميع انه اهم عنصر حامي للثورة و الثوار وبالطبع نعرف من هم و بدون تورية هم الفصيل الأسلامي متمثل في الأخوان و السلفين و الجهادين و التكفريين واسماء اخري ما انزل الله بها من سلطان فنجاح اي ثورة و قمة نجاحها هو الظفر بدستور حر يعبر عن مطالب الثوار و صخرتهم بالميدان دستور يحقق اخر وصية للشهداء عيش حرية عدالة والضمان الوحيد للشعب والثوار هو دستور يحقق هذة المطالب بغض النظر من سيحكم لان وضع دستور يحقق مطالب جموع الشعب و الثوار يجعل اي رئيس قادم مجرد خادم او مستخدم يعمل في اطار هذا الدستور ولكن هذا الفصيل فضل مصلحتة و استكتر علي الشعب ان يحقق طموحاتة قبل ان يحقق هو احلامة في السلطة التي يسعي اليها منذ زمن بعيد كيف لة ان يضيع فرصة اتت الية علي طبق من ذهب و توهم انه الفصيل الوحيد الذي يعرف مصلحة العباد و اغمض عينية توجه الي الطريق الذي توهم انة في مصلحته واحدة دون باقية الشعب وان مصلحتة هي مصلحت الشعب ولا ادري من اين ات بهذة الأفكار البعيدة كل البعد عن الثورة واهداف الثورة وحدث مالم يكن في حسبانهم او وقع المحظور بمعنى ادق و بعد مرور فترة علي استفتاء الدستور عفوا عزوة الصناديق و الأن اسميها غزوة الذناديق لان كل من روج لها زنديق اذا نحن هنا امام اختلاف في المبادئ فمن باع مرة من السهل ان يبيع الأف المرات ومن استقوى بالخارج مرة من السهل ان يلجأ لذلك كلما دعت مصلحته لذلك اذا ماهو الجديد و ماهو الفرق بين نظام خرجنا لآسقاطه و نظام يبدأ اول خطواتة بنفس الأسلوب و نفس الألعيب اذا نحن في حاجة لاحياء ثورة الدستور وليس ثورة الرئيس ثورة الحرية و الكرامة وليس ثورة سمعا وطاعة |
رد: الى من يحب ... مصر
ام الشهيد التى لم تأخذ حق ابنها
http://www.fx-arabia.com/vb/uploaded...1339343860.jpghttp://www.fx-arabia.com/vb/uploaded...1339343373.jpg http://www.fx-arabia.com/vb/uploaded...1339343420.jpg http://www.fx-arabia.com/vb/uploaded...1339343463.jpg http://www.fx-arabia.com/vb/uploaded...1339343519.jpg الى من مقتنع ان فيه عدل وان فيه شرعية جديدة وان النظام وقع !!!!!! ده وهو مسجون لسه !! http://www.fx-arabia.com/vb/uploaded...1339343549.jpg http://www.fx-arabia.com/vb/uploaded...1339343663.jpg http://www.fx-arabia.com/vb/uploaded...1339343938.jpg http://www.fx-arabia.com/vb/uploaded...1339343967.jpg http://www.fx-arabia.com/vb/uploaded...1339343996.jpg http://www.fx-arabia.com/vb/uploaded...1339344019.jpg http://www.fx-arabia.com/vb/uploaded...1339344041.jpg |
رد: الى من يحب ... مصر
اقتباس:
اهلا بك اخى.. الفكر ليس اقصائى و مش حقولك فكر ثورى و كده.. الامثلة التى تقولها للاسف ليست صحيحة فاغلب من كانت لديهم ثورة و مسك اجزاء منها الحكم مرة اخرى لم تنجح اطلاقا و اتحدى ان تؤتينى بمثل واحد و خلينى انا اضربلك اكثر من مثال. رومانيا حيث تم اعدام شاسيسكو و زوجته و تم تولية احد فلوله الحكم و تم تسليمها للعسكر تباعا..رومانيا الان هى افقر عواصم اوروبا .. شيلى..بعد ثورة اواخر السبعينات انقلب العسكرى اوجستو بينوشيه على السلطة ليحكم شيلى بالحديد و النار طيلة 18 عاما.. فى اوائل القرن الماضى و بعد احداث الثورة البلشفية فى روسيا امتلك العسكر زمام الحكم لتقبع روسيا حتى الان فى حكم شيوعى دامس و الان لعبة الكراس ى الموسيقية بين الرئيس و رئيس الوزراء هنا شوية وهنا شوية.. يوجد الكثير من الامثلة عن انقلابات على ثورات و كلها جائت بالفشل و لا يوجد ما تقوله اطلاقا :) اما بالنسبة للاقصاء فهو ليس رغبة فى اهمال رغبات الاخرين..انا متاكد تماما انك ترفض شفيق كما ترفض الاخوان و لو كانت الفرصة ان يكون شفيق فى الاعادة مع اى شخص اخر غير الاخوان فاعتقد ان صوتك سيكون للاخر و ليس شفيق.. اذن نحن متفقين لا الاخوان افضل الحلول و لا شفيق ايضا يمكن ان يكون حلا.. نزولى للميدان ليس انقلابا على الشرعية المفقودة اصلا من البداية و ليس اقصاء للراى الاخر و لو كان للراى الاخر قوة فعلية على الارض فعلينا ان نراها. من المؤسف حقا انك كى تعاقب الاخوان ان تذهب بالبلاد الى طريق مظلم مسدود ملئ بالفساد و ملئ بالتغطية على عمالقة السرقة و حيتان التدليس و التزوير و الاحتكار.. هناك الكثير من الاشياء التى لا يتسع ذكرها فى الوقت الحالى و لكن الشيئ الواضح الصريح.. انه و مع سوء ادارة الاخوان يبقى امكانية خلعهم او الاحتجاج ضدهم لاحقا اسهل.. فى حين لو ان شفيق اعتلى الكرسى فاتحداك ان يمكنك ان تخلعه لاحقا .. انها ليست معركة شفيق و مرسى انها معركة ثورة او لا ثورة معركة حق و باطل معركة مدنية ام عسكرية.. ليست مشخصنة فى افراد.. اؤكد ان من يعطى شفيق صوته فانما يوافق ضمنيا على تولية فاسد و مفسد للحكم و الافضل و الاكرم بدلا من خيانة دماء الشهداء او خيانة الثورة ان تمتنع عن التصويت بدلا من ان تعطى صوتك لمن لا يستحق فعلا. من لم يقرا تاريخ الثورات عليه ان يعيدها.. و انصاف الثورات مقابر للشعوب.. على فكرة لما شفيق يبطش بالشعب حيبطش بيا و بيك و مش حيعرف انك اديته و مش حيعرف انى اديت مرسى :) اتمنى تكون الفكرة وصلت..و اتمنى تكون فعلا من اللى نزلوا الميدان فى اثناء الثورة لانه من غير المنطقى ان ترى من بجوارك يقتل و فى النهاية تنتخب قاتله او من ساعد فى قتله او من اخفى دلائل قتله.. تحياتى و تقديرى لك :) الله كريم |
رد: الى من يحب ... مصر
اقتباس:
بس حطيت تحتها الدكتور : فاروق :1 (46): |
رد: الى من يحب ... مصر
اقتباس:
ثانيا : طبيعى ان من يحب مصر يجب ان لا يختار شفيق !!!! لان من يختار شفيق : اما هو لايعرف ما معنى حب مصر او فاسد يحب الفساد وتعود على العيش فيه او سلبى ولايهمه الا نفسه وعمله وبيته ومادام عايش مستور يبقى طز فى الى بيحصل فى مصر وأنافى هذا الموضوع لا أريد من الناس ان يحبوا الاخوان بل اريدهم ان يكونوا منصفين ولو كان هدفى هو حب الاخوان وفقط لكنت كتبت هذا الموضوع قبل الانتخابات !!! ثالثا : من الواضح جدا كرهك للاسلاميين بجميع انواعهم كما قلت وانك تحملهم فشل الثورة وذبحها !!!!! رابعا : انت ترى ان فشل الثورة جاء ممن قالوا نعم للدستور مع ان الوقت اثبت انها لن تفرق وليس لها علاقة بفشل الثورة خامسا : لقد وصفت الذين قالوا نعم بالزناديق وهذا وصف عقابه عظيم عند الله سادسا : بالنسبة للشيخ محمد حسين الذى قال غزوة الصناديق ومع اعتراضى لما قاله فهو رجل فلاح وتفكيره بسيط فى الحياة السياسية وان كان قال غزوة الصناديق وتحمس لها فهو كان متحمس جدا بسبب الاخ نجيب سويرس الذى قال للاقباط فى ماسبيرو ووسط تجمع كبير انهم يجب ان يقولون لاء ويجب تغيير المادة الثانية ... فطبيعى جدا ان يكون رد الشيخ بما رد واجد هذا الموضوع غريبا لان كل الناس تحدثت عن الشيخ الذى قال غزوة الصناديق ولم يتحدث احد عن نجيب سويرس وما قاله !!!!!ّ! واضح ان كرهك للاسلاميين هو مشكلتك وليس الدستور او الديمقراطية او اى شىء |
رد: الى من يحب ... مصر
اقتباس:
ياريت لو تقرأه كله !!! علشان تعرف الفبركة فى ايه بالظبط ؟ |
رد: الى من يحب ... مصر
اقتباس:
اظن كده انتهي الكلام ............. احلي لايك يا دكتور |
رد: الى من يحب ... مصر
اقتباس:
هل حلت مشكله طابور العيش؟ هل حلت مشكله البنزين الا من وقت قريب جدا؟ هل حلت مشكله البطاله ؟ هل حلت مشكله الانابيب؟ هل حلت مشكله المواصلات؟ هل عاد الامن؟ هل حلت مشكله الاعتصامات ومشاكل القطاع العام؟ اى انجازات التى تتحدث عنها بالمقارنه بهذه المصائب تركيا وضعت اكثر من 76 ماده فى الدستور بتاعها فى 100 يوم احنا سنه ونص فى مادتين او تلاته اما بخصوص ماتتحدانى فيه ان اخبرك بان احد من الاخوان اراد منع الخمور او جعل السياحه بما يطلقون عليه السياحه الشرعيه فساخبرك بالاتى سعد الكتاتني الأمين العام لحزب «الحرية والعدالة» الإخواني محرما ارتداء المايوهات البكيني الساخنة بالشواطئ خوفا علي شبابنا من الفتنة لم يكن مدهشا أن يفتي في أمر منع الخمر حتي لو كان ذلك متعلقا بالسياحة لقد حدث هذا في مؤتمر ائتلاف دعم السياحة الذي أقيم بفندق كونراد وحضره حسن مالك احد قيادات الإخوان المسلمين وأحمد بلبع عضو مجلس إدارة الاتحاد العام للغرف السياحية أقول لم يكن مدهشا، فالكتاتني كشف عن تفكير الجماعة التي ينتمي اليها في شأن السياحة إذا ما وصلوا للحكم كشف عن نواياها السيئة تجاه هذا القطاع الذي يدر دخلا يصل الي مليار دولار ويعمل به أكثر من مليون مصري لا يعني الكتاتني أن يضرب السياحة في مقتل لا يعنيه أن يشرد هؤلاء العاملين وأن يحرم مصر من هذا الدخل الكبير كان يعنيه أن يدشن للدستور الذي سيحكمنا به الإخوان لو وصلوا الي كرسي الحكم أو سيطروا علي البرلمان سيحكموننا به ويفرضونه علينا ولو بالقوة سيفرضون علينا ولو بالدم الشريعة التي يؤمنون بها ويقدسونها لم يلتفت الكتاتني الي اعتراضات الذين حضروا هذا المؤتمر لم يقم لها وزنا فهو إن تكلم فعلي الحاضرين أن يؤمّنوا وراءه عليهم السمع والطاعة لقد قال الكتاتني إن «مصر للطيران» عندما قررت منع الخمور لم تتأثر، وهنا قال له أحدهم إن «مصر للطيران» أثبتت فشلها ولا يمكن أن تضرب بها مثلا حتي تؤكد علي كلامك ثم عاد وقال إن هناك لجنة متخصصة في شئون السياحة بحزب الحرية والعدالة فإذا كان هناك لجنة بالفعل فما الذي جاء به الي هذا المؤتمر ليبث سمومه القاتلة أفتي ثم عاد ليقول ايضا إن حزبه لم يأت لكي يمنع الخمور لأنها أمور تافهة لا تأخذ مساحة من تفكير ناس جهلة لأناس عندهم فكر ولا ترقي للمناقشة ومادام الكلام من الأمور التافهة يا كتاتني فلماذا أفرطت في الحديث عنها ليست مشكلتى الشخصيه الخمور او تحريم كذا او كذا فانا مسلم ولله الحمد ولااامانع ولكن اختلافى هو طريقه تناول القضايا بالنسبه للاخوانت فما يقولونه عكس مايبطن بداخلهم فياخى الفاضل انا استمع اليهم ولهذا جئتك بوجهه نظرى وطبعا الاختلاف فى الراى لايفسد للود قضيه |
رد: الى من يحب ... مصر
مش عايزين حدة فى الردود يا شباب :)
عامة كلنا متفقين ان الاخوان او شفيق ليسوا افضل الاختيارات و هو سبب حالة الاحتقان التى نحن بها الان.. على اى حال لا اعتقد ان المجلس العسكرى بكل ما قام به طوال عام و نصف سيسلمها لمرسى فى النهاية فاما تكون نزيهة لشفيق او مزورة لشفيق..هذه وجهة نظرى. و فى النهاية علينا ان نفكر فى حال مصر بعد شفيق هل سيكون الوضع افضل ام اسوء.. :) تحياتى |
رد: الى من يحب ... مصر
اقتباس:
مساء الفل يا اتش.. الحاجات دى مش بتاعت مجلس الشعب الحاجات دى شغل الحكومة.. مجلس الشعب جهة تشريع مش تنفيذ الكلام فى الخمر و البيكينى و ما شابه هو كمن يترك الجذور و يمسك فى الفروع.. الموضوع اكبر من هكذا اعتقد لانك بتتكلم فى بديهيات انا و انت و كل الناس اللى هنا مسلمين او مسيحين مسلم بيها.. على فكرة انا ضد فكرة الحزب الواحد تانى و مليش اى ميول اخوانية و مش عايز يكون ليا.. لو اى حد قصاد مرسى حدى اى حد قصاده.. لو اى حد قصاد شفيق اكيد حدى اى حد تانى.. لو الاتنين مع بعض لازم مديش شفيق و خلاص اما ادى مرسى او ابطله.. و بما ان البطلان مش حيفيدنى ولا حيفيد الوضع فلازم اسقط شفيق. على فكرة اللى بيقول شفيق انه يستحق و ..و.. بقوله.. على فكرة.. ده مش عدل ربنا :) تحياتى |
رد: الى من يحب ... مصر
اقتباس:
انا لم اتكلمت في الموضوع اتكلمت علي الاخوان اللي الاخ كان بيشكر فيها اللي الناس كلهم مش ردين بالسياسية الخاصة بيهم مش بدافع عن شفيق |
رد: الى من يحب ... مصر
اقتباس:
شكرا جدا اخي الكريم علي حبك لمصر بطريقتك و لك مطلق الحرية ان تحبها بالطريقة التي تحلو لك ولكن ليس من حقك ان تحكم علي الأخرين ان يحبوا و طنهم علي نفس طريقتك و بخلاف ذلك فهو سلبي وفاسد و تعود علي العيش في فساد هذا هو حال من كان اخوانيا من اتباعهم النظرة المحدودة لما يراه هو ودون ذلك خطاء ثم من قال ان نتيجة الأستفتاء ما كنتش هتفرق دة كلام يقال لتقليل حجم المصيبة و صرف النظر عن جرم لايقل عن جرم النظام السابق في 30 سنة ثم كيف دخلت في ضميري لتعرف اني اتحجج بالدستور بسبب كرهي للمتأسلمين ياخي الفاضل حينا نغمض اعينا عن الشمس و نقول ان الدنيا ظلام فاعرف اننا نسير في الطريق المعاكس ثم ازعجتك كلمة ذناديق و هي اهون بكثير بمن تم تكفيرهم لمجرد رأي في صندوق من قال نعم فهو في الجنة و من قال لا فهو كافر في النار اتقوا الله فيما تقولون و فيما تفعلون ثم ياصديقي الجماعات التي تدافع عنها هي سبب البئس الذي عشنا فية لمدة 30 سنة ما لا تعلمة و ما لم تعاصرة ان سنة 1981 مصر كانت مرشحة لتكون من النمور الأقتصادية علي مستوى العالم مثل اندونسيا و ماليزا و سنغافورة و ها هم يوجهوننا نحو الصومال و افغنستان و باكستان و دمتم و دام حبكم للوطن |
رد: الى من يحب ... مصر
أنا علشان بتعامل كتير مع الناس شايف ناس كتير محترمة ستنتخب شفيق وناس كتير محترمة ستنتخب مرسى وناس أكتر وأكتر أحترام مش هتنتخب لا دة ولا دة وهم دوول اللى ممكن أتفق معاهم على حقهم النزول للميدان بعد النتيجة ليس للأعتراض على نتيجة الصناديق لأنى كما أطالب الأخرين بأحترامى يجب أن احترم رأيهم فى الصندوق .. ولكن لأنى أشعر بنفس شعورهم من المرشحين ولكن الفرق بينى وبينهم هو فكرة أنى أبحث عن التوازن المنطقى فى سلطات الدولة أما هم فعندهم حلم التخلص أصلا من الداهيتين الذان ينطبقان على بعضهما تمام الإنطباق ... أما من يصوت لمرسى فأحترم رأيه ولكنى لا أستطيع فهمه إلا أنه لاهو ميدان ولاهو توازن . هو ببساطة بالنسبة لى >>>> إخوان .
|
رد: الى من يحب ... مصر
اقتباس:
اري انك لا تستطيع فهمه يا استاذ نادر لانك ببساطه ادرت ظهرك للاخوان ولا تريد ان تري لهم شيئا ... بالمناسبه انا لست اخوانيا ... قلنا اكثر من مره .. ان توازن السلطه لن يكون الا بوجود مرسي ... فما لا ينكره احد ان المجلس العسكري هو من اهم مساندي شفيق .. وجود شفيق مع المجلس العسكري مع رؤس اجهزه الدوله القديمه .. هذا هو عدم التوازن .........لان السلطه ستكون في ايد واحده .. ولا تقول لي مجلس الشعب .. فهو بدون شرعيه ويستطيع شفيق فضه ............وندخل في متاهات وحكايات اخري لا ندري اين ستصل بنا ....... بالمناسبه هذا ليس تزكيه لمرسي . او للاخوان .. فالاخوان لهم مساؤي لا ينكرها الا ضلالي .. ولهم ايضا ايجابيات لا ينكرها الا جاحد ........ من يري فقط المساؤي هو من يريد ان يري ذلك .. ولا نستطيع ان نهب له بصرا كي يري ايجابياتهم ... ومن يري فقط الايجابيات فهو مغيب .. ومن الصعب ان تهبه عقلا ليزن الامور .... ..... المعادله السياسيه المصريه تحتاج الي مرونه وليس تمسك بافكار صلبه .... لننظر ماذا يحتاج الموقف ونتعامل علي اساسه .. بعيدا عن المواقف الخياليه التي قد مللنا منها ..... .... هذا ما لدي الان وان اتاني خيرا منه قبلته ......فليس هناك ثوابت في السياسه ....هذا ونسائل الله ان يولي علينا خيارنا وان يكتب لمصر الخير |
رد: الى من يحب ... مصر
|
رد: الى من يحب ... مصر
|
رد: الى من يحب ... مصر
اقتباس:
احب اقولك ان فيه 6 مليون واثقين فى الاخوان وبيدعموهم من الاول واحب اقولك ان 5 مليون بتوع ابو الفتوح والعوا كانوا هيختاروا الاخوان ولكنهم اعطوا لابو الفتوح اما للتغيير فى الاسلاميين او السلفيين الذين اختاروا على اساس ان حزب النور اختاره وهؤلاء ايضا الان كلهم مع الاخوان لانهم يريدونهم ومقتنعين بهم يعنى ممكن تقول ان فى تقريبا 11 مليون مقتنعين بالاخوان وواثقين فيهم و5 مليون بتوع صباحى دول اللى هيتفرقوا مابين مقاطع او هيعطى صوته لمرسى وهوه قرفان اذن لا تستطيع ان تتعجب ان تجد واحد بيثق فى الاخوان !!! ولا تستطيع ان تقول ان الشعب كله هيعطى لمرسى وهو قرفان !!!! وبعدين انت لو شايف ان الاخوان معملوش اى حاجة كويسة !!! يبقى انت غير منصف ولا تريد ان ترى الا الوحش |
رد: الى من يحب ... مصر
|
رد: الى من يحب ... مصر
هناك الكثيرون لا يفهمون معنى الديموقراطيه ويتخيلوا انها فقط حكم الاغلبية
وهذا صحيح لكن له ضوابط! ليس من حق الاغلبيه المنتفعه الانتقاص من حق الاقلية المتضررة ابدا...اغلبية فيما يصلح فقط يعنى هل يصح اخد رأى الاغلبية فى اننا نأجر مصر لاسرائيل مثلا؟ماذا لو الاغلبية قالت نعم؟ هل لو الاغلبية صوتت لطرد الاقباط من مصر ومصادرة اموالهم..تبقه ديموقراطية؟ طيب ماهو ممكن تكون الاغلبية رافضة الديموقراطيه نفسها ورافضين ان تنحسر الاختيارات ما بين مرسى وشفيق ينفع اجيب واحد جاهل وامسكه رئيس جمهورية لان الاغلبيه اختارته؟ما ذنب الاقلية اللى بتفهم؟ وبعدين...من امتى نظام مبارك بيطبق علينا الديموقراطية؟ليه دلوقتى عاوز اننا نطبق عليه الديموقراطية؟ هل كان شفيق ليتجرأ للتقدم لهذا المنصب لو كان مبارك رئيسا؟ وبعد كل ده نقول الاخوان هم اللى قفزوا على الثورة؟ الديموقراطية الان ليست فى حرية التصويت لاحمد شفيق فهو من المفترض ان يحرم من الحقوق السياسية وباقى نظامه "وانا اتكلم عن احمد شفيق كرمز للنظام ليس لانه شخص سىء" وقدامك 82 مليون اختار اى واحد فيهم وهقولك ديموقراطيه لكن ميجيش واحد يدى صوته لشارون مثلا وعاوز صوته يتحسب لا هناك حدود للديموقراطيه والا اصبحت فوضى. -------------- لايك لكل ردودك يا فاروق ويبدو ان القدر اراد ان نتفق يوما فى شىء..بصراحه انت قوى الحجة فعلا |
رد: الى من يحب ... مصر
اقتباس:
|
رد: الى من يحب ... مصر
اقتباس:
لكن هذا يدل على ان نظرتى فيك كانت فى محلها وهى انك منصف ولا تهاجم لمجرد الهجوم والجدال وانك من النوع الذى يقرأ ويبحث جيدا بانصاف قبل ابداء الرأى ولا تعتمد على الاعلام الفاسد وبس !!! وربنا يعلم ان انا اول واحد لو الاخوان اثبتوا انهم فاسدين ولا يريدون اصلاح ولم يفعلوا اى شىء عمرى مهديهم صوتى تانى |
رد: الى من يحب ... مصر
اقتباس:
الجنزورى قال للمجلس طظ فيكم ومحدش يقدر يشيلنى الا المجلس العسكرى ... والمجلس رفض ان يشيل الحكومة ولوح بورقة انه يمكنه ان يحل مجلس الشعب ... فهمت بقه يا استاذ هيثم قصة مجلس الشعب <FONT size=6><FONT color=#800080>المجلس العسكرى اعطا له سلطة التشريع والرقابة ولم يمكنهم من استخدامها فى اللى مش جاى على مزاجه مثل سحب الثقة وقانون العزل |
رد: الى من يحب ... مصر
اقتباس:
احنا اختلفنا سابقا لانى ارى ان الافضل هو منح الناس الحرية طالما لا يعتدى على حقوق الاخرين,وكان رأيك هو ان تطبيق الشريعة على الكل طالما البلد مسلم والله ادرى مننا بشئوننا.. لكن ده مش معناه انى اخد اى هرتلة تتقال على ناس لمجرد انهم بايدولوجية مختلفة على انها مسلمات كما ان النظام السابق بعيد كل البعد عن المدنية او الليبرالية بل هو نظام قمعى واقرب للدولة العسكرية مشكلة الناس عموما والعربى بصفة خاصة انه متعصب لرأيه ويفتش فقط عن المعلومات التى ترضى قناعاته بغض النظر عن مدى صحتها او واقعيتها عشان كده بحاول قدر الامكان اكون محايد فى الحكم على الناس وعلى الامور فليس معنى انى ضد الاخوان انى افتش عن عيوبهم واظهرها واسفه من شغلهم ومميزاتهم. الاخوان مختلف عنهم فكريا لكن هم كأشخاص فكل اللى رأيتهم محترمين جدا ومتفتحين وعارف انهم يقدروا يعملوا شغل كويس لو قدر الاخوان الاربع سنين الجايين يطهروا البلد من فلول النظام القديم بالكامل ونظام العمل بوزارة الداخلية فانا مش عاوز منهم حاجه تانى وده طبعا حلم مستحيل لو كسب شفيق اللى يدعمه الفلول نفسهم |
رد: الى من يحب ... مصر
|
رد: الى من يحب ... مصر
|
رد: الى من يحب ... مصر
|
رد: الى من يحب ... مصر
|
رد: الى من يحب ... مصر
ياترى الناس اللى كانت بتقول هننتخب شفيق علشان نحقق التوازن فى السلطات !!!!
ايه رأيها دلوقت بعد حل مجلس الشعب ؟!!!! يبقى عبيط اللى فاكر ان المجلس العسكرى هيسيب الشعب هوه الى يختار !!!!!!!!! وحتى لو مرسى كسب ... ايه المانع ان المحكمة الدستورية مطلعش حكم ببطلان انتخابات الرئاسة !!!! يمكن انضحك علينا لمدة سنة ونص لكن المهم هو من يضحك اخيرا انا شخصيا بستعد من دلوقت لشرارة الثورة الثانية والاخيرة ان شاءالله |
رد: الى من يحب ... مصر
اقتباس:
[SIZE="6"]والأن وبعد ان وضح المقصود بالتعليق اعلاه هل ندم كل مخطئ علي فعلتة هل انقلب السحر على الساحر فقد كان المقصود بعدم وضع الدستور اولا ان يهيمن الآخوان علي كل شئ ولكن انقلب السحر علي الساحر و اصبح عدم وضع الدستور اولا يفقد الأخون كل شئ فالدستور الصحيح كان سيكون حامي الثورة من السرقة و الضياع كما ان وضع الدستور في عز قوة الثورة كان سيمكنا من وضع فقرة تحرم رموز النظام السابق من ممارسة اي نشاط سياسي بموجب دستوري مما لا ييتح اية فرصه للتلاعب سواء بالقانون او غير القانون ولكن وا اسفا علي ثوره ضاعت بيد من خانوها و بيد من طمع في مكاسبها و بيد من كان يريد ان ياخذ كل شئ فالطمع عادة وهو نهاية كل شئ . فحين كنت ادافع عن الدستور لم اكن ضد الأخوان بل كنت ادافع عن الدستور لكي احمي الثورة من جبروت النظام السابق ومن جبروت التلاعب بالقوانين من شلة من المحامين الجبارين يعلمون كل ثغرة بالقانون و لديهم قدرة جبارة علي استغلال تلك الثغرات حينما كنت ادافع عن الدستور كنت علي وعي و دراية بالسياسة و العيب السياسة فكل شئ مباح سياسيا فرموز النظام السابق من حقهم سياسيا الدفاع عن مكتسباتهم هذا علي الأقل من وجهة نظرهم ومن وجهة نظر القانون العقيم الذي نستخدمة في ظل غياب دستور واضح ينظم الحياه السياسية في مصر و لذا كنت ارى ان عدم وضع الدستور قبل اي انتخابات سواء كانت برلمانية او رئاسية هو في مصلحة الفلول وكان دهاء الفلول اكبر بكثير من غباء الأخوان فتركوا لهم انتخابات مجلس الشعب و الشوري ليذداد غرورهم لان الأنسان حينما يذداد غرورا لا يرى سواء نفسه ولا يرى قوة خصمه وخلاصة القول ما بني على باطل فهو باطل فأنتخابات مجلسى الشعب و الشورى باطلة في ظل عدم وجود دستور و بالتالي فأنتخابات الرئاسه ايضا باطلة في ظل عدم وجود دستور مهما كانت نتيجة الأنتخابات و من سيفوز بها فنحن الي الأن لانعرف نظام للحكم هل هو جمهورى او برلماني او نظام مختلط ولا نعرف مهام رئيس الجمهورية ولا حدود اختصاصتة اذا سنختارة بناء علي اي معيار ولا علشان سواد عيونه حسبي الله علي من اضاع فرصة لا تتكرر كثيرا لكي نبدأ مرة واحدة طربقا صحيحا نحو تغيير حقيقي [/SIZE] |
| الساعة الآن 03:45 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com