اف اكس ارابيا..الموقع الرائد فى تعليم فوركس Forex - اخى واختى .. لما الخوف من الشريعة ؟!!!

- استراحة اف اكس ارابيا (https://fx-arabia.com/vb/forumdisplay.php?f=10)

- - اخى واختى .. لما الخوف من الشريعة ؟!!! (https://fx-arabia.com/vb/showthread.php?t=16830)

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة farok (المشاركة 243453)

اخى العزيز

ممكن حضرتك تشرحلى ماهى الاسباب التى ادت الى موقعة الجميل ؟

والاسباب التى ادت الى تنازع على مع معاوية ؟

وياريت توضح كل كلمة جبتها منين وماهى الكتب وماهى مرجعتك التاريخية ؟

ثم توضح لى الاحاديث التى قالها الرسول صلى الله عليه وسلم عن احداث هذه الفتنة

وبعد كل ده ممكن تشرحلى ازاى لا علاقة للدين بالسياسة ؟

وياريت اى كلام فى الموضوع ده بالذات يكون بالادلة والحجج واظن ان هذا طلب بسيط

ولكن لا اجد احد ينفذه !!

عزيزى بكل الود لا احتاج ان ارجع واثبت لك ما اقول دليلا
ذلك هو التاريخ وما هو تعلمناه فى المدرسة وهو ما ذكرته جميع كتب التاريخ
كيف يتقاتل جيش سيدنا على من جانب وجيش سيدنا الزبير بن العوام والسيدة عائشة من الجانب الاخر ؟؟؟
تستطيع هنا ان ندخل فى جدال طويل حول ان ذلك لم يحدث وتكذب بها جميع كتب التاريخ
وان خرجنا من تلك النقطة ستجد العديد من سياسيات الدولة الاسلامية الخاطئة الاخرى
والاخطاء هنا اخطاء بشرية واجتهادات وجميع الدول تقع بها
ما نقوله هنا ان حكام الدولة الاسلامية ليسوا ملائكة - وان للسياسية حسابات اخرى

ليس لدى خطوط حمراء لا اتحدث فيها
اكان هناك صراعات بالدولة الاسلامية على مدار تاريخها ؟؟؟
نعم كان هناك العديد من الصراعات بالدولة الاسلامية
بدايتا من حروب الردة مع سيدنا ابوبكر الصديق حتى انتهاء الدولة العثمانية فى القرن
نعم حتى حروب الردة عليها الكثير من الملاجظات والكثير من الاراء ويوسفنى قول ذلك
اكانت هناك اخطاء وقعت بها الدول الاسلامية المختلفة ؟؟؟
نعم كان هناك كوارث وقعت بها الدول الاسلامية المختلفة

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة farok (المشاركة 243460)

انا لن اعلق على ماذكره العالم الامريكى اليهودى

لكن كلامه يعتبر احسن رد على من يدعوا الى فصل الدين عن السياسة

ومش هقول حاجة تانى

</B></I>

عزيزى نفس القائمة عليها بوزا وجنكيز خان ونابليون وهلتر
وهم فعلا غيروا فى تاريخ البشرية سوءا بالعلم او بالدم - نتفق معهم ونختلف فى النهاية فجميعهم بشر
وهنا لا علاقة بين الموسوعه وما ذكر فيها
وبين علاقة الدين بالسياسية
تقبل تحياتى

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة eng.elewa (المشاركة 243547)

ليس لدى خطوط حمراء لا اتحدث فيها
اكان هناك صراعات بالدولة الاسلامية على مدار تاريخها ؟؟؟
نعم كان هناك العديد من الصراعات بالدولة الاسلامية
بدايتا من حروب الردة مع سيدنا ابوبكر الصديق حتى انتهاء الدولة العثمانية فى القرن
نعم حتى حروب الردة عليها الكثير من الملاجظات والكثير من الاراء ويوسفنى قول ذلك
اكانت هناك اخطاء وقعت بها الدول الاسلامية المختلفة ؟؟؟
نعم كان هناك كوارث وقعت بها الدول الاسلامية المختلفة

طبعا حضرتك عندك حق

كيف يقف القرأن والسنة واقوال علماء الاسلام الكبار
امام كتب المدرسة !!!!!

انا اسف لانى لم أتأكد اولا من معلوماتى من كتب المدرسة !!!!

واسف على مناقشاتى معك لان اكيد حضرتك متخصص اكثر منى فى الكتب الدراسية والتاريخ الذى تعلمناه فى المدرسة

وانا ثقافتى اخرها القرأن والسنة والتاريخ الاسلامى من افواه فقهائه وعلمائه

تقبل تحياتى واحترامى

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة shousha (المشاركة 243297)

يا اخى الغالى فى فرق بين الشريعه اللى هى المنهج الشامل الكامل اللى ربنا انزلوه رحمه بينا و بالبشر و فى فرق شاسع بين فهمنا للشريعه و فى فرق شاسع ما بين عمرو بن الخطاب و ابو بكر و بين باقى الخلفه اللى جم بعدهم و العصر غير العصر و الزمن غير الزمن كل حاجه مختلفه الشريعه فى خدمت البشر و حمايتهم مش فى خدمة اللى شغاليين فى السياسه بأسم الدين احنا عايزين اللى يجى يحكمنا نعرف نتكلم معاه لما نيجى نتكلم و نقلوه ده غلط ميحللش و يحرم على حسب مصلحتوه السياسيه و يكفرنا شوف عندك الناس اللى كانت بتقول احنا بنحكم بشرع ربنا افغنستان مثلا حللوه تجارة الحشيش الصومال بيقتلوه فى بعض و عندهم مجاعه و شغالين قرصنه الله ينور السعوديه شوف كمية الشذوذ الجنسى اللى فى المدارس و فى المجتمع ادينى نموذج دوله اللى كانوه بيشتغلوه فيها سياسه بأسم الدين مسودوش على الناس حيتهم و مشهوهوش دينهم ( شرع ربنا فوق راسى بس انا مش هنتخب الاسلامين هنتخب اى حد يكون صادق و فاهم و متعلم و عارف يدير البلد صح حتى ان كان مسيحى او يهودى)

شوف استاذى الفاضل تنتخب اسلامين تنتخب علمانين تنتخب كفره مش تفرق معايا فى حاجه الى يفرق معايا انك بتتهمنا كأسلامين اننا غير صادقين وجهله ومتخلفين واحتكرت العلم والمعرفه والصدق لغير الاسلامين !!!!!! وبتقول انك عايز واحد لما تيجى تكلمه وتقلوه ده غلط ميحللش وميحرمش طب انا هرد عليك وأقولك انا ايه الى يضمنلى ان هدفك فعلا تصحيح خطأ انا وقعت فيه ومش هدفك مصالحك السياسيه والشخصيه ما انت مش بتعرف غير الالعاب السياسيه القذره والمصالح وعشان كده بترضى ضميرك وتديله حقنه بنج وبتفصل الدين عن السياسه

اقتباس:

المشاركة الأصلية كتبت بواسطة shousha (المشاركة 243306)

يا استاذى الغالى و انت و الله كلامك اجمل و نابع عن محبه و اخلاص و انا عارف كد و متأكد

بس هقولك على حاجه مهمه جدا الشريعه تنفع زى ما انت قلت بس فى الحياه مش فى السياسه و الدليل على كلامى هوه التاريخ الاسلامى نفسوه (مع العلم انا انا دراستى فى التاريخ)
تعالى نرجع بالتاريخ ورا شويه و نشوف نظام الحكم فى الاسلام كان عامل ازاى هتلاقى ان مكنش عندك دوله بتطبق الشريعه الا فى عصر الخلفاء الراشديين ابو بكر الصديق , عمرو ابن الخطاب , عثمان ابن عفان اللى هوه عصر الديمقراطيه الاسلاميه او الشوره الاسلامى من بعدها حصل او انقلاب على الشرعيه الاسلاميه فى عصر معاويه ابن سفيان لما خلى الخلافه ملك عضوض و ورثها لابنوه من بعدوه و اصبحت خلافه ملكيه متوراثه و ده يتنافى مع كلام الرسول امركم شوره بينكم و عندك كمان الصراع بين على ابن ابى طالب و معاويه اللى كان صراع على السلطه و بسببوه انقسم المسلمين لسنه و شيعه و من وقتها بدأت الناس تنقسم لمذاهب فى ظاهرها الدين بس هى كان قايمه فى الاصل على اختلافات سياسيه و حاجه كمان بسبب الصراع على السلطه بين على ابن ابى طالب و معاويه الصحابه انقسموه لفريقين ومش بس كد دول حاربوه بعض و رفعوه السلاح على بعض فى موقعة الجمل و من بعدها بقوا الخلفاء المللكيين اللى جايين بالوراثه بينفذوا مشارعيهم السياسيه باسم الدين و باسم مصالح المسلممين حتى لو كانت متعارضه مع شرع ربنا ( يا استاذى نطبق الشريعه فى الحياه ممكن انما مندخلش ديننا فى السياسه و و منخدش الدين كوبرى للوصل للسلطه ) صدقنى انا عايز كد علشان نحافظ على الدين بتاعنا هتقولى و انت ايش دراك اللى بيتكلم بأسم الدين ده انوه وحش هقولك يا اخى الغالى حتى لو كان ملاك السياسه كلها متغيرات و الدين كلوه ثوابت هديك مثال الشيخ عبد لمنعم الشحات قال ان الديمقراطيه دى حرام و كفر و مع ذالك نزل الانتخابات فى ظل نظام انتخابى ديمقراطى على الطريقه الامريكيه و الالمانيه مش على الطريقه الاسلاميه يعنى خالف مفهيموه هوه عن الدين حاجه تانيه معظم شيوخ السلفيين قالوه ان لا ولايه للمرأه فى مجلس الشعب و مع ذالك قالوه احنا هنرشح المرأه المره دى علشان خاطر لازم يبقا فيه مرأه فى القوايم مش دى بردوه اسمها انتهزيه سياسيه و مخالفه لمفاهيهم هما للدين ايه اللى يضمنلى بعد كد انهم مش هيحللوه و يحرموه على حسب مصلحتهم السياسيه و كل كلامهم عن الشريعه و الدوله الاسلاميه و الحكم بما انزل الله فى الوقت اللى معندهم حلول عمليه فعليه او كوادر صاحبة رؤيه سياسيه تقدر تنهض بمصر ( يا اخويا الغالى ربنا بيكبر اليابانين و الكوريين اللى مبيعبدهوش لانهم بيعملوه ربنا يا اخى الكريم مش بتاعنا احنا المسلممين بس بتاع كل الناس و الواجب علينا احنا المسلممين اننا ننشر نور ربنا فى الارض و رحمتوه و نحافظ على ديننا من كل الصراعات السياسيه و نبعدوه عنها لأسف احنا اللى بنشوه رساله ربنا اللى وهبهلنا علشان ننشر بيها الرحمه فى الارض ) انا خايف على الدين من الصراعات السياسيه اللى موجوده دى و خايف على البلد من اللى بيخونوه الناس و يكفروهم

مع احترامى ليك الامام على كرم الله وجهه وسيدنا معاويه لم يتقاتلوا على السلطان بل كان خلاف على الحق بنص حديث الرسول ان فئتين كبيرتين من المسلمين هيتقاتلوا على الحق .. الامام على كان هيقتص من قتله سيدنا عثمان لما يستتب الأمر وتهدأ الأمور وسيدنا معاويه أراد القصاص من قتله عثمان اولا حتى تهدأ النفوس الثائره لدم الخليفه المقتول ولذلك رفض البيعه للأمام على حتى يقتص من قتله عثمان اولا .. دى مكنتش حرب على السلطان والسلطه يا صديقى ... بالنسبه لجزئيه ان سيدنا معاويه ورث الحكم لأبنه يزيد وانك بتقول انه كده خالف اهم مبدأ من المبادىء الأسلاميه طب انا هستخدم منطق من فمك أدينك انت مش قولت ان الشريعه طبقت فى عهد ابو بكر وعمر وعثمان والى جى بعدهم ابتعد عن الشريعه بدليل توريث الحكم ليزيد بدون شورى . احب أقولك ان سيدنا ابو بكر استخلف سيدنا عمر من بعده على كلامك يبقى كده سيدنا ابو بكر خالف مبدأ من مبادىء الحكم الاسلامى بعكس الى انت اقريته من قبل ان الشريعه طبقت بصوره صحيحه فى عهد الخلفاء الأوائل ومن ضمنهم ابو بكر .. ليه متقولش ان اختيار سيدنا معاويه لأبنه يزيد عشان يدرء الفتنه والمسلمين من بعده ميختلفوش على الخليفه وخصوصا ان من قبله سيدنا ابو بكر استخلف سيدنا عمر ومن قبله الرسول صلى الله عليه وسلم استخلف سيدنا ابو بكر صحيح ان مكنش فيه وثيقه او عهد للاستخلاف بس سيدنا محمد صلى الله عليه وسلم طلب من سيدنا ابو بكر انه يبقى الامام فى الصلاه انا معاك ان من بعد كده بقى توريث للحكم بس مش معاك انهم كانت لهم مصالح شخصيه ومطامع سياسيه طب يا اخى يا ريت يجى حد زى عبد الملك بن مروان وتكون له مطامع سياسيه يا سلام واحد مطامعه السياسه انه يعرب الدواوين فى الدوله الاسلاميه وانه يعمل عمله خاصه بالمسلمين وانه يوطد دعائم الاسلام فى شمال افريقيه طب يا ريت يجى حد له مطامع سياسيه زى الوليد بن عبد الملك الى مطامعه السياسيه كانت فتح بلاد الهند وبلاد السند وبلاد ما وراء النهر واسبانيا والبرتغال .. على فكره انت عندك لبس خطير فى فهم التاريخ ولاحظ انى بقول فهم التاريخ مش الاحداث التاريخيه

اقتباس:

المشاركة الأصلية كتبت بواسطة shousha (المشاركة 243309)

لا طبعا اخى الغالى اكيد فى
و بعدين اخويا الغالى انت بتقول اليهود و النصارى و العلمانيين العلمانيه مش ديانه اخى ممكن تلاقى واحد مسلم و يقول على نفسوه علمانى او ليبرالى عادى جدا العلمانيه هى فصل الدين عن السياسه و بتختلف من مكان لمكان و من مجتمع لمجتمع بيختلف تفسيرها و اليبراليه ايضا دى مفهيم سياسيه مش ديانات
بص يا اخى الغالى انا كل اللى رشحتهم فى الانتخابات مسلممين و كوادر و ناس محترمه بس مش نزلين تبع احزاب دينيه الحسب الوحيد اللى موجود فى مصر حاليا و تقدر تقول فى كوادر و بيحترم القانون و بيحترم الاسلام و مش واخدوه كوبرى للوصول للحكم هوه حزب الوسط

اخى الغالى الليبراليه والعلمانيه مش مفاهيم سياسيه فقط ولكن هى مناهج علميه فى التفكير بيوطد لأسلوب حياه والاسلوب ده بيعتمد فى الاساس على النظره الدونيه للدين واحتقار المتدينين ونسف القوانين الاسلاميه
الليبراليه اعمل الى انت عايزه فانت حر خالف الدين براحتك مهو من شاء فليؤمن ومن شاء فليكفر
العلمانيه هى فصل الدين تماما عن الحياه وجعله فى المسجد يعنى عقيده بلا شريعه مهو الرسول قال انتم اعلم بشؤون دنياكم
الغريبه ان فى ناس بتصدق وبتقول ان الليبراليه والعلمانيه مش بيخالفوا الدين استنادا على الحديث والايه الى ذكرتهم سالفا

اقتباس:

المشاركة الأصلية كتبت بواسطة shousha (المشاركة 243314)

لا يا اخى الغالى انا متاكد من الروايه التاريخيه كويس اوى الكلام اللى بقولهولك ده الصح و رواية ان اليهود هما اللى قتلوا و عملوه فتنه ده غلط و غير منطقى ( اليهود ازاى هيكونوه بالجبروت ده و هيدخلوه على المسلمين فى عقر دارهم و يقتلوا فيهم كلام غير منطقى و روايه تاريخيه مزيفه هدفها الابقا على صورة السلف الصالح نظيفه و كتمان الموضوع و الحقيقه غير كد خالص ارجوك يا اخى ادرس تاريخ كويس و شوف الروايات التاريخيه من كل المصادر الفتنه اللى صنعها المسلميين اللى كانوا بيتصرعوا على السلطه فى العصر ده مش اليهود بلاش اى حاجه نلاقيها فى التاريخ الاسلامى نرميها على اصحاب الدينات الاخره) من فضلك اوى يا اخى لا تزيد فى تقديس الصحابه زياده عن اللزوم لانهم بشر مش ملايكه ولا انبياء و معاويه ابن ابو سفيان ارتكب جريمه فى حقنا كلنا كمسلمين لما بداء يورث الخلافه و الخلفاء اللى جم من بعدوه كتير منهم كانوه بيحكم بأسم الدين و اى حاجه غلط كانوا بيعملوها كانوه بيصدروها للدين دى الحقيقه انا بأخد عبره من التاريخ ان مش عايز حد يشتغلنى بأسم الدين ( و حضرتك لو عايز تشوف ان كل الناس اللى حكمت بأسم المسلميين و باسم الاسلام كانوا ملايكه و مبيغلطوش و معصومينن و بيملكوا الحقيقه المطلقه اللى ميعرفهاش حد غيرهم يبقا عمرى ما هعرف اقنعك )

انت بتحاول تستغل احداث تاريخيه فى انك تشبه العصر الذهبى للاسلام بالعصر الظلامى فى اوروبا ايام حكم الكنيسه وعايزنا نعمل زيهم عشان الحكم الأكليريكى الى كان عندهم فى القرون الوسطى الى خلى عصرهم كله جهل وتخلف وعشان كده فصلوا الدين عن السياسه عندهم بل عن الحياه كلها عايزنا احنا كمان نفصل الدين عن السياسه عشان ميحصلش زى زمان وانا وضحت الحته دى فى اول رد على تعليقك فوق ووضحت كمان الاطماع السياسيه الى كانت عند الخفاء الى حكموا بالتويث

اقتباس:

المشاركة الأصلية كتبت بواسطة Tarek adel (المشاركة 243321)

بصراحه شديده جدا انا شايف اغلب الاسلاميين يجعلوا من الصحابه ملائكة بل وسمعت فى خطب الجمعه كذا مره الشيخ يقول ان سيدنا على اثناء الحروب والفتن كان بيقول "احتسب القتلى من الفريقين شهداء فى الجنة" وهو مالا يجوز حيث ان الحديث الشريف يقول فيما معناه "(ما التقى مسلمين بسيفيهما إلا ودخلا النار القاتل والمقتول)" والشيوخ بيقولوا لأ القاتل والمقتول فى الجنة!وهناك فئة دخيلة واصابع خارجية "نفس اللى بنسمعه طول عمرنا تقريبا " يعنى كل الناس حلوة والناس الوحشة محدش عارفهم وعاده بنلزقها فى الاسرائيليين او اليهود "قبل قيام دولة اسرائيل".
والتاريخ لا يكذب ولا يتجمل يا استاذ فاروق...الصحابى معاوية بن ابى سفيان تولى الخلافة وورثها لابنه واجبر الصابة على بيعته,
يبقه كان صراع على الحكم ولا لا؟
ارجوكوا اتكلموا عن التاريخ بحياديه شوية او بلاش منه خالص!

استاذى كيف نغتاب من بشرهم الرسول بالجنه !!! ازاى ناس الرسول مات وهو راضى عنهم وكل واحد منهم قلعه من قلاع الاسلام وعايزنها مندهمش احترامهم وتقديرهم استاذى الاحترام والتقدير مش تقديس

اقتباس:

المشاركة الأصلية كتبت بواسطة eng.elewa (المشاركة 243360)

اتفق مع زميلى تماما ان السياسية بطبيعتها لعبة قذرة وهى لعبة مصالح فى النهاية ووجهات نظر اذن من مصلحتنا جميعنا ان يظل الدين بعيدا فوق مستوى الشبهات - اريد ايضا ان اضيف ان الدين ثابت والسياسية متغيرة فموقف رسول الله من اليهود فى المدينة اختلف باختلاف طبيبعة المواقف والمصالح - لذلك هنا لابد ان نفصل بين دور رسول الله التشريعى ودوره كقائد للدولة الاسلامية واختلافه واتفقه مع القبائل وفى ادارة شئون المدينة - وها هو رسول الله يعقد صلح الحديبية مع قريش عام 6 هجريا ثم ياتى بجيش ويفتح مكة عام 8 هجريا - هذه هى السياسية متغيرة

ده دليل ضدك على فكره الرسول عقد صلح الحديبيه وده صلح سياسى وعلى فكره الاسلام مش دين ثابت ولا دين جامد الاسلام دين مرن واذكر ان المستشار القدير عبد الحميد السنهورى الله يرحمه قال ان الشريعه الاسلاميه طربه خصبه تقدر تطلع منها بتشريعات وقوانين وفيها مرونه تخليك تتحرك زى ما انت عاوز .. الى انت قولته ده يؤكد ان الاسلام والسياسه لا ينفصلان طالما ان مصلحه الناس موجوده موجوده "اينما وجدت المصلحه تحققت الشريعه"

وانا هنا لا اخشى الشريعة ولكن احزن على جهل الناس ويعتقدون ان فلان هو الموكل من الله لاصلاح البلاد وهذا خطا كبير
وليس معنى انه مسلم انه سوف يكون عادلا

ليس معنى كونه مسلم انه هيكون عادلا طبعا ما مبارك كان مسلم والعادلى كان مسلم واحمد عز وزكريا عزمى
احنا هنا مش بنتكلم عن الايمان بعقيده احنا هنا بنتكلم عن فكر واحد بيعتمد على تحقير الدين والتقليل من شأنه لانه فى نظره دين ناقص يجب فصله عن السياسه على الاقل ان مكنش عن الحياه كلها وبين فكر تانى لا يحتقر الدين ولا يفصله عن الحياه واصحاب هذا الفكر وارد انهم يصيبوا او يخطئوا هم الى اخطأوا مش الدين والخطأ الاكبر على الى هيفتكر ان لما هم اخطأوا يبقى الدين تلوث ولازم نفصله عن الحياه
ملحوظه فرق بين كلمه عقيده وبين دين وفرق بين دين الاسلام وباقى الديانات

كل الاديان تامرنا بالعدل ولكن تطبيقه يختلف من شخص لاخر
ولك فى حكام كرة القدم خير مثال

وحقيقة لابد ان نتدركها جميعا
الكثير من الدول الغير اسلامية اذدهرت متى طبقت العدالة - والكثير من الدول الاسلامية انحدرت وخسرت بسبب تركها للعدالة
الموضوع لا له له بالدين - الموضوع له علاقة بمتى تطبيقك وفهممك للواقع على الارض

اخى العداله هى من صلب الدين وربنا اسمه العدل يبقى ازاى الموضوع ملوش علاقه بالدين
يا استاذى الاسلام مش دين عقائدى بحت عشان تقول كده

واخيرا
ان الله لا ينصر امة لمجرد انها مسلمة ولا تهزم امه لمجرد انها كافرة

الفيصل هنا هو باتقان العمل والاخلاص والعدالة بين افراد الامة

تحياتى ومودتى

اتقان العمل والاخلاص والعداله من مبادىء الشريعه الاسلاميه يا استاذى
الاسلام مش دين عقائدى بحت

كتبت تعليقات على تعليقك فى الاقتابس ذات نفسه

اقتباس:

المشاركة الأصلية كتبت بواسطة eng.elewa (المشاركة 243444)

عزيزى الصحابة هم بشر فى النهاية وكلامك عن النزاع بين سيدنا على وسيدنا معاوية هو امر واقعى ولا يمكنك تجاهله او انكاره
والنزاع بموقعة الجمل لا يمكن انكاره او تجاهله
وصراع الخلافة بين الامراء
والتوريث الخلافة هو امر غير اسلامى بالمرة رغم تسمية الدولة بالاسلامية
اذن عليك ان تفصل بين صحابه رسول الله رضى الله عنهم كدورهم التشريعى وكحملة القران وبين مواقفهم السياسية التى قد نختلف عليها وسيظل الخلاف عليها ولن ينتهى
تلك هى السياسية
وذلك هو الدين
لا يوجد تقديس لاشخاص فى السياسية
السياسية سياسية
والدين دين
واى خلط بين الاثنين - الدين هو الخاسر فيه

انت مين عشان تختلف على ناس زى سيدنا ابو بكر وسيدان عمر وسيدنا عثمان وسيدنا على وسيدنا معاويه ؟؟؟؟؟؟؟؟؟؟؟؟؟؟؟؟؟؟؟؟؟؟؟ مع احترامى ليك ولكن انت لا تساوى شىء جنبهم
مفيش حاجه اسمها السياسه سياسه والدين دين والا سلام لن يخسر شىء بالعكس اى شىء سوى الاسلام هو الى خسران وبعدين انت بتقول نفصل بين دور الصحبه التشريعى وبين مواقفهم السياسيه
طب انت هاتلى واحد بيفصل الدين عن السياسه وفى نفس الوقت لما يجى يشرع ويعمل قوانين مش هيخالف الدين ولا هو كلام وخلاص هنفصل الدين عشان منلوثهوش بالسياسه وبعدين نلاقى نفسنا بنبتعد عن تشريعاته وقوانين .. الكل خسران امام الاسلام

اقتباس:

المشاركة الأصلية كتبت بواسطة shousha (المشاركة 243491)

لا يا استاذ حسام انا متمسك بكل كلمه قلتها الاسلام دين حياه مش دين صراع سياسى , الاسلام لما نزل فى عهد الرسول قدم مشروع اجتماعى و مشروع روحانى مقدمش مشروع سياسى , لما سالوه الرسول لمين الحكم بعدك مجوبش تركلهم حرية نتظيم المجتمع بالقواعد اللى تناسبهم هما مفرضش على المجتمع اسلوب و لا نمط واحد دى اول حاجه , و بعدين انت بتقول العلمانيين انا بقولك لاء بقا مسلميين كتير هما اللى مش عايزين كد و خاييفين و ده واقع و ميضحكش , و انا بردوه متمسك بالكلام اللى قلتلوه انا من بعد عثمان بداء الصراع على السلطه و بين سيدنا على و معاويه و لما يتنازل منهم احد عن السلطه من اجل استقرار الدوله بل استمروه فى صراعهم و فى عصر معاويه حصل انتهاك شديد لاهم المبادىء الاسلاميه اللى وضعها الرسول و هى الشوره بتوريثوه الحكم لأبنوه من بعدها بقت الخلافه مللك اللى بيحكم بيقول انا حامى حمى الاسلام بس فى الواقع كانوا بيحكموه باللى شيفينوه صح و يحمى مصلحتهم السياسيه

الاسلام دين شامل وعلى فكره الى عايزين يفصلوا الدين عن السياسه مش بيعتبروا الاسلام دين حياه زى ما انت بتقول بالعكس دول هيمحوا الاسلام تماما من الحياه ويخلوه فى المسجد قال ايه بنترفع بالدين !!!!

اقتباس:

المشاركة الأصلية كتبت بواسطة eng.elewa (المشاركة 243547)

انت كمان بردوا بتحاول تشبه التاريخ الاسلام بالتاريخ الأوروبى عشان نفصل الدين عن الحياه زيهم

كلمه اخيره بقى
لن نفصل الدين عن اى شىء والى عايز يفصله هو حر الى بينظر للدين نظره دونيه هو حر بردوا والى بينظر للمتدينين نظره احتقار هو حر الى بيحب الالعاب القذره والخداع وعشان كده بيرضى ضميره وبيبنجه بأنه بفصل الدين عن السياسه هو كمان حر بس مش من حقه انه يعتبر غيره هم كمان بيحبه الاعاب القذره الى هو بيحبها دى

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة farok (المشاركة 243577)

عسل يا فاروق والله مع ان انا ياما قلتلك ذاكر:1 (76):

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة farok (المشاركة 243577)

عزيزى التاريخ هو التاريخ لا يختلف عليه كتاب المدرسة او كتب الفقه
والنزعات بالدول الاسلامية وحمل السيوف امام بعضعهم البعض هو امر واقعى وحدث ولا يمكنك انكاره
والكثير من الاخطاء السياسية وقع بها حكام المسلمين وما زالوا يقعون بها
وعلينا ان نتامل مصير دول اسلامية فاشلة كافغناستان والصومال والعراق وبين نمازج ناحجة كماليزيا
كلها اخطاء واجتهادات بشرية لا علاقة لها بالدين
وفشل تلك الدول الاسلامية على مر العصور ليس فشل للدين
ونجاح الدول الاسلامية ايضا لا علاقة له بالدين
تقبل تحياتى

رد: اخى واختى .. لما الخوف من الشريعة ؟!!!

بعد ما ذكرنا كلام الله بردوا لسا بيجادلوا سبحان الله

رد: اخى واختى .. لما الخوف من الشريعة ؟!!!

روقاااااااا ياغالى ,,

أولا , أحب أشكرك على الموضع الممتاز ودايما مواضيعك بتكون لها قيمه ومعودنا عليها دايما ايام الاجازه

ثانيا , أعتقد انا سيبت الموضوع براحته خالص أهو خلال الاجازه عشان ماتزعلش ياكبير :D

بس ياريت انته ماتحرمناش من مواضيع القيمه دى ,,

بالتوفيق ياروقا
وهنستأذنك فى نقلل الموضوع بقه :D

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة shobra (المشاركة 243583)

بعد ما ذكرنا كلام الله بردوا لسا بيجادلوا سبحان الله

والله ياباشا احنا عملنا اللى علينا والحمد لله

اقتباس:

المشاركة الأصلية كتبت بواسطة احمد صلاح (المشاركة 243585)

روقاااااااا ياغالى ,,

أولا , أحب أشكرك على الموضع الممتاز ودايما مواضيعك بتكون لها قيمه ومعودنا عليها دايما ايام الاجازه
تسلم ياباشا على الكلمتين الحلوين دول

ثانيا , أعتقد انا سيبت الموضوع براحته خالص أهو خلال الاجازه عشان ماتزعلش ياكبير :D

كده انت عداك العيب وازح

بس ياريت انته ماتحرمناش من مواضيع القيمه دى ,,

ان شاء الله ياجميل

بالتوفيق ياروقا
وهنستأذنك فى نقلل الموضوع بقه :D

انقل يامعلم ولا يهمك انا كده تمام

وشكر خاص للدكتور اسامة اللى مدينا حرية الكلام بطريقة مشفتهاش فى اى موقع تانى حتى الان

رد: اخى واختى .. لما الخوف من الشريعة ؟!!!

بصراحه احلي اداره واحلي مشرفين ربنا يجازيكم كل خير يارب

رد: اخى واختى .. لما الخوف من الشريعة ؟!!!

اقتباس:

انت مين عشان تختلف على ناس زى سيدنا ابو بكر وسيدان عمر وسيدنا عثمان وسيدنا على وسيدنا معاويه ؟؟؟؟؟؟؟؟؟؟؟؟؟؟؟؟؟؟؟؟؟؟؟ مع احترامى ليك ولكن انت لا تساوى شىء جنبهم

اريت الان كيف حولت نقاش سياسى هنا وعلاقة الدين بالسياسية لصراع دينى ذكرنا فيه الصحابة ودللنا على موافق سياسية سيظل الخلاف عليها وفى النهاية اخطئت فى حق الاخر واعتبارت ان رايك هو الصح وهو الدين وهو كلمة الله - وهو ما سيحدث فى اى نقاش سياسى مستقبلى
وسينتهى ذلك التعصب و التطرف للقتال وانهيار البلاد
!!!!!!!!!!!!!!!!!!!!!!!!!!!!!!!!!!!

اقتباس:

مفيش حاجه اسمها السياسه سياسه والدين دين والا سلام لن يخسر شىء بالعكس اى شىء سوى الاسلام هو الى خسران وبعدين انت بتقول نفصل بين دور الصحبه التشريعى وبين مواقفهم السياسيه
طب انت هاتلى واحد بيفصل الدين عن السياسه وفى نفس الوقت لما يجى يشرع ويعمل قوانين مش هيخالف الدين ولا هو كلام وخلاص هنفصل الدين عشان منلوثهوش بالسياسه وبعدين نلاقى نفسنا بنبتعد عن تشريعاته وقوانين .. الكل خسران امام الاسلام

اقتباس:

ما اتحدث عنه فصل الدين عن العامة فى الامور العامة
كالاستفتاء على الدستور
الله لم ينزل فيها تشريع قولوا يا شعب مصر نعم سنة 2011
ولا يوجد مرشح مننا منزل من الله ننتخبه باسم الله
هذا ما نقصده

اقتباس:

انت كمان بردوا بتحاول تشبه التاريخ الاسلام بالتاريخ الأوروبى عشان نفصل الدين عن الحياه زيهم

الاسلام دين كما ذكرت
هنا لا حب كلمة فصل
انا اسميها وضع خط فاصل بين رجل الدين ورجل السياسية
فرجل الدين يتكلم عن ثوابت من فوق منبر
ورجل السياسية يتحدث عن اشياء متغيرة قابلة للنقاش
هذا فهمى للفصل

رد: اخى واختى .. لما الخوف من الشريعة ؟!!!

وعموما كل المحبة والاحترام لكل الاخوة المشاركين فى الموضوع
واهلا بكل الاراء
تلك هى السياسية شد وجذب دايما

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة د/محمد حسام (المشاركة 243591)

بصراحه احلي اداره واحلي مشرفين ربنا يجازيكم كل خير يارب

شكرا على الكلام الرقيق يادكتور محمد ,
احنا أحلى منتدى بأحلى اعضاء معانا فقط ,,

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة eng.elewa (المشاركة 243594)

اريت الان كيف حولت نقاش سياسى هنا وعلاقة الدين بالسياسية لصراع دينى ذكرنا فيه الصحابة ودللنا على موافق سياسية سيظل الخلاف عليها

النقاش تحول الى دينى بحت عندما قلتوا ان على بن ابى طالب تصارع على السلطة مع معاوية وانتم من حولتوه وليس نحن

وفى النهاية اخطئت فى حق الاخر

هو لم يخطأ فى حقك فهو لم يشتمك او يصفك بوصف وحش وهو كل ما قاله انت مين جنب الرسول والصحابة الا اذا كنت تعتبر نفسك مساوى لهم ولك ثقل بجانبهم !!!

واعتبارت ان رايك هو الصح وهو الدين وهو كلمة الله

انا بقه مشارك مخصوص علشان الجملة ده

انا بسمعها كل يوم اكثر من 50 مرة فى البرامج على التلفزيون

وبسمعها دائما من الليبراليين والعلمانيين وفقط

ولسه سامعها النهاردة على روتانا مصرية من هالة سرحان !!!

انا لما يكون موقفى وكلامى من القرأن والسنة اذن اكيد انا صح
ولما استدل بأية من القرأن فأكيد هذا كلام الله

طبيعى ان ربنا مش هينزل بنفسه لعباده ويقولهم ده صح وده غلط
والا بقه الصحابة والتابعين والأئمة الاربعة وعلماء الاسلام ملهومش لازمة

منتوا بقد واخدين مبدأ بلال فضل فى اننا لا نحتاج الا واسطة لفهم كلام الله !!!!

- وهو ما سيحدث فى اى نقاش سياسى مستقبلى

انا مشفتش برنامج على التلفزيون بيحاور سياسى اسلامى الا وبيسأله اولا على الدين والسياحة والخمر والحجاب
مفيش حد سألهم هتعملوا ايه فى الفقر والبطالة
يعنى انتوا اللى بتحولوا دايما النقاش السياسى الى دينى

وسينتهى ذلك التعصب و التطرف للقتال وانهيار البلاد
!!!!!!!!!!!!!!!!!!!!!!!!!!!!!!!!!!!

قصدك طبعا التعصب ضد الدين النابع منكم انتم

ما اتحدث عنه فصل الدين عن العامة فى الامور العامة
كالاستفتاء على الدستور

لم يقل احد ان الاستفتاء على الدستور يخالف الشرع !!

الله لم ينزل فيها تشريع قولوا يا شعب مصر نعم سنة 2011
ولا يوجد مرشح مننا منزل من الله ننتخبه باسم الله
هذا ما نقصده

ولم يقل اى احد اننا منزلين من عند الله فانتخبونا

الاسلام دين كما ذكرت
هنا لا حب كلمة فصل
انا اسميها وضع خط فاصل بين رجل الدين ورجل السياسية
فرجل الدين يتكلم عن ثوابت من فوق منبر
ورجل السياسية يتحدث عن اشياء متغيرة قابلة للنقاش
هذا فهمى للفصل

من قال لك هذا
عمر بن الخطاب اوقف العمل بحد من حدود الله فى عام المجاعة ولو كان الدين ثوابت ما كان فعل هذا
حاجات كثيره جدا فى العصر الحديث تلائم معها الاسلام ولم تكن حدثت زمان

امثلتك الموضحة بالنسبة لفصل الدين عن العامة فى الامور العامة اصلا مش مظبوطة

ممكن علشان نفهم وجهة نظرك اكثر توضح امثلة تانية

يعنى تقول مثلا المفروض اننا دلوقت نعمل كذا وكذا

لكن الدين بيقول مينفعش
وياريت يكونوا اكثر من مثال للتوضيح اكثر وعلشان نفهم وجهة النظر اكثر

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة farok (المشاركة 243482)

حبيبى طارق

لو راجعت مشاركاتى فلن تجد فيها مايقول
ان معاوية لم يورث الخلافة لابنه ولم اتكلم فى هذا الموضوع بتاتا

وستجد ان كلامى كان عن

ان على بن ابى طالب كان فى صراع على السلطة مع معاوية

وان موقعة الجمل كانت صراع على السلطة

وبرد على من يقول ان الصحابة من بعد عثمان خطائين

ولذا طلبت ان من يقول غير ذلك يأتى بالادلة والبراهين والا لن اتجادل معه على رأيه الشخصى

واظننى قدمت بالاحاديث والقرأن الدليل على طهارة الصحابة وعلى انه يجب ان لانخوض فى سيرتهم بالسوء

واعتقد ان كلامى واضح

فمن لديه كلمة عن الصحابة بالسوء فياريت يأتى بدليل قوى من القرأن والسنة او من السلف الصالح يعنى التابعين

اما هذا او يحتفظ برأيه لنفسه

واتحدى ان يأتى احد من القرأن او السنة بشىء يدل على كلامكم هذا عن الصحابة

وعلى هذا لو مجادلتى لكم سينتج عنها هذه الاراء السيئة عن الصحابة فانا ارفض ان اكون السبب فى هذا

واستغفر الله العظيم

انا مقلتش انك انكرت تولى معاوية بن ابى سفيان الخلافة ولكن فى هذا معنى مابين السطور..ان لم يكن يصارع سيدنا على بن ابى طالب على الخلافة فلم تول الخلافة بعد مقتله؟!؟!؟؟!؟!
وكيف اتى بأدلة من القران والسنه على احدا حدثت بعد الرسول؟!؟!؟!
انا ممكن اجيبلك احاديث عن منزلة سيدنا على والحسين وعمار بن ياسر
وهناك دليل بسيط اقدر اقولهولك وهو ان الرسول قال عن عمار بن ياسر "ويح عمار بن ياسر تقتله الفئه الباغية"!!!
معاوية هو أول من سن سنه توريث الحكم فى الاسلام وهو ما عانت منه الدولة الاسلامية سنين طويلة ولم اجد احاديث كثيرة تمدحه كما مدح سيدنا الحسين وعلى وعمار بن ياسر
ثم هل اقتص معاوية من قتله سيدنا عثمان ابن عفان؟(على فكرة هو سؤال لا اعرف اجابته حقا وتهمنى اجابته لان اللى اعرفه ان حتى هذه اللحظه محدش يعرف مين اللى قتله تحديدا ليقام عليه الحد)
وهل اقتص يزيد بن معاوية من قتله الحسين؟ولم قتل الحسين اصلا؟
وسؤال اوجهه لك بصفة شخصية يا فاروق...هل لو لم يكن معاوية من الصحابا كنت ستقول هذا الكلام؟
انا ارى الحق بينا والباطل بينا ولكنك ترى التقديس لبشر لم ينزهوا عن الخطأ
وأرى ان كلامك وكلام اغلب الشيوخ يشجع على استخدام العنف بحجه الفتنه رغم انها تتعارض مع كلام الرسول نفسه عندما نهى المسلمين عن قتال بعضهم قائلا ان كلاهما فى النار

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة eng.elewa (المشاركة 243600)

وعموما كل المحبة والاحترام لكل الاخوة المشاركين فى الموضوع
واهلا بكل الاراء
تلك هى السياسية شد وجذب دايما

السلام عليكم ورحمة الله وبركاته
اخى الكريم ليك رساله على الخاص
ده للتنبيه فقط

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة farok (المشاركة 243612)

ارى ان النقاش بدا ياخد منحنى الجدال لمجرد الجدال

وبالنسبة لموقعة الجمل هى واقع ومثبت بكتب التاريخ وهو خلاف سياسى بحت وفتنة وقع فيها الجميع ودى حقيقة وان كنت لا تريد ان تصدقه فتلك حريتك الشخصية

وانا وعلى الاقل حدث امامى اكثر من حادثة تدعو الناس للاستفتاء على الدستور بنعم باسم الله وعلى الجانب الاخر الاستفتاء بلا باسم الرب

وكيف تحولت الانتخابات فى مصر الى حتى استفتاء على دين الكل يذهب الى الصندوق وعينه على الجانب الاخر

واما عن سيدنا عمر وايقاف حد السرقة وعن حروب الردة وعن توريث الخلافة بالدول الاسلامية فهى مواقف سياسية يمكن ان نختلف عليها او نتفق فالجميع يصيب ويخطا

واما عن الامثلة التى اقول ان اذكرها

رجل الدين من فوق المنبر يضى عقول الناس بالدين فهو رجل دين هنا وجميعا نستمع له ونقدره

ورجل السياسية من المنصة السياسية يقترح وجهات نظره واراه التى قد تصيب وتخطا وتستطيع بحرية الاختلاف معه او تاييده

تلك هى الخط الفاصل الذى استحدث عنه فى الفصل بين رجل الدين ورجل السياسية

اهلا بك اذا احتجت المزيد من التوضيحات وارجو ان اكون قد اوصلت وجهه نظرى ( التى قد تصيب وقد تخطا ) بالطريقة الصحيحة

تحياتى

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة eng.elewa (المشاركة 243697)

ارى ان النقاش بدا ياخد منحنى الجدال لمجرد الجدال

هيه ده الكلمة اللى بيقولها الطرف لما ميكنش قادر يثبت وجة نظره
فانا والحمد لله اثبتها بالقرأن والسنة وكلام العلماء والدور عليك دلوقت

وبالنسبة لموقعة الجمل هى واقع ومثبت بكتب التاريخ وهو خلاف سياسى بحت وفتنة وقع فيها الجميع ودى حقيقة وان كنت لا تريد ان تصدقه فتلك حريتك الشخصية

انا عارف ان موقعة الجمل والقتنة حقيقية والا مكنتش جبت اقوال العلماء عليها !!!

وواقع ومثبت انها لم تكن صراع على سلطة واحضرت لك اسماء علماء التاريخ واسماء الكتب وارقام الصفحات التى تقول هذا

ممكن بقه حضرتك تجيب اين هو مثبت تاريخيا انه كان صراع على السلطة ؟

وانا وعلى الاقل حدث امامى اكثر من حادثة تدعو الناس للاستفتاء على الدستور بنعم باسم الله وعلى الجانب الاخر الاستفتاء بلا باسم الرب

هذه مش مشكلة الدين بل هذه مشكلة الناس

وكيف تحولت الانتخابات فى مصر الى حتى استفتاء على دين الكل يذهب الى الصندوق وعينه على الجانب الاخر

واما عن سيدنا عمر وايقاف حد السرقة وعن حروب الردة وعن توريث الخلافة بالدول الاسلامية فهى مواقف سياسية يمكن ان نختلف عليها او نتفق فالجميع يصيب ويخطا

انا ذكرت هذا المواقف ليس للنقاش او للاختلاف انا ذكرتها لاثبات ان الدين مرن ويتعامل مع جميع المواقف والازمنة

واما عن الامثلة التى اقول ان اذكرها

رجل الدين من فوق المنبر يضى عقول الناس بالدين فهو رجل دين هنا وجميعا نستمع له ونقدره

لانك طول عمرك بتشوفه على المنابر فقط ومشفتهوش قبل كده على المنصة السياسية لكى تحكم عليه

ورجل السياسية من المنصة السياسية يقترح وجهات نظره واراه التى قد تصيب وتخطا وتستطيع بحرية الاختلاف معه او تاييده

ورجل الدين برضه لما هيقف على المنصة السياسية اكيد هنتناقش معاه وهنختلف معاه
بس مش هنختلف معاه ونقةله مثلا ان الربا حلال !!!

تلك هى الخط الفاصل الذى استحدث عنه فى الفصل بين رجل الدين ورجل السياسية
اهلا بك اذا احتجت المزيد من التوضيحات وارجو ان اكون قد اوصلت وجهه نظرى ( التى قد تصيب وقد تخطا ) بالطريقة الصحيحة

تحياتى

الكلام ده انا شفته فين قبل كده ؟؟؟!!
شفته فين .... شفته فين ياواد يافاروق ,,!!:1::1:

ياباشا انت قلت كلمة قوية وجامدة

وهى يجب فصل الدين عن العامة فى الامور العامة

وكل ماطلبته منك ان تذكر امثلة لكى افهم وجهة نظرك ؟؟؟

يعنى تقول الدين فى هذا الامر يجب ان نفصله عن هذا الامر

واعتقد ان هذا مبدئك

فاذا كنت ليس لديك امثلة على كلامك
فكيف انا هفهم كلامك او اقتنع به ؟!!

اما اذا كنت سمعت الكلمة ده من التلفزيون او من عمرو حمزاوى
فكنت من المفروض انك تتصل وتسأل علشان تلاقى حاجة تقولها لما حد يسألك عن توضيح مبدئك

مسموحلك تستخدم وسائل مساعدة :1 (104):

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة Tarek adel (المشاركة 243618)

انا مقلتش انك انكرت تولى معاوية بن ابى سفيان الخلافة ولكن فى هذا معنى مابين السطور..ان لم يكن يصارع سيدنا على بن ابى طالب على الخلافة فلم تول الخلافة بعد مقتله؟!؟!؟؟!؟!
وكيف اتى بأدلة من القران والسنه على احدا حدثت بعد الرسول؟!؟!؟!
انا ممكن اجيبلك احاديث عن منزلة سيدنا على والحسين وعمار بن ياسر
وهناك دليل بسيط اقدر اقولهولك وهو ان الرسول قال عن عمار بن ياسر "ويح عمار بن ياسر تقتله الفئه الباغية"!!!
معاوية هو أول من سن سنه توريث الحكم فى الاسلام وهو ما عانت منه الدولة الاسلامية سنين طويلة ولم اجد احاديث كثيرة تمدحه كما مدح سيدنا الحسين وعلى وعمار بن ياسر
ثم هل اقتص معاوية من قتله سيدنا عثمان ابن عفان؟(على فكرة هو سؤال لا اعرف اجابته حقا وتهمنى اجابته لان اللى اعرفه ان حتى هذه اللحظه محدش يعرف مين اللى قتله تحديدا ليقام عليه الحد)
وهل اقتص يزيد بن معاوية من قتله الحسين؟ولم قتل الحسين اصلا؟
وسؤال اوجهه لك بصفة شخصية يا فاروق...هل لو لم يكن معاوية من الصحابا كنت ستقول هذا الكلام؟
انا ارى الحق بينا والباطل بينا ولكنك ترى التقديس لبشر لم ينزهوا عن الخطأ
وأرى ان كلامك وكلام اغلب الشيوخ يشجع على استخدام العنف بحجه الفتنه رغم انها تتعارض مع كلام الرسول نفسه عندما نهى المسلمين عن قتال بعضهم قائلا ان كلاهما فى النار

انا ممكن اجاوب على جميع هذه الاسئلة من عنيا الاتنين
لكن على شرط واحد وهو انك تجاوب على هذا السؤال:

انت عايز اجابات على هذه الاسئلة لكى تفهم احداث الفتنة وتعرف الحقيقة فين ؟
ولا الحقيقة بالفعل فى دماغك وانت عايز تجادل وخلاص ؟

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة farok (المشاركة 243809)

هيه ده الكلمة اللى بيقولها الطرف لما ميكنش قادر يثبت وجة نظره
فانا والحمد لله اثبتها بالقرأن والسنة وكلام العلماء والدور عليك دلوقت

انا عن نفسى فاهم وانت لازم تتعود على كده دى سياسية شد وجذب عادى جدا ومش عيب - هنا مش كلام على دين او عن ثوابت دى سياسية متغيرة ويا رب تفهم كده

----------------------------------

بصرف النظر عن تحليلك لما حدث بالموقعة الجمل وهذا مجرد مثال بسيط وسط امثلة متنوعه عن صراعات بداخل الدولة الاسلامية التى لم تكن نموزجية على الطلاق مثلها مثل باقى الحضارات - النتائج عزيزى وانظر كيف قتل الحسين
وكيف انتقلت الخلافة الى دمشق
وكيف ورثت الخلافة
وكيف حجم الفساد داخل الدولة الاموية
ثم حروبها مع العباسيين
التاريخ طويل
ومع هذا فالتاريخ يذكر لنا مميزات الكثيرة للدولة الاسلامية فى مقابل مجموعه من السليبات الخطيرة
عادى جدا

انا ذكرت هذا المواقف ليس للنقاش او للاختلاف انا ذكرتها لاثبات ان الدين مرن ويتعامل مع جميع المواقف والازمنة

جميل جدا اتفق معك ان الدين مرن جدا ولكن بعض اصحاب العقول العفنة يختضرون الدين بحجاب ونقاب ولحية ومظاهر لا اساس لها

لانك طول عمرك بتشوفه على المنابر فقط ومشفتهوش قبل كده على المنصة السياسية لكى تحكم عليه

رجل الدين له احترامه الكامل وله تقديره وليس مطلوب منه ان يتكلم سياسية

وتلك هى مشكلة رجل الدين الكبيرة
انه متعود يتكلم من فوق منبر والناس تسمع
وده مش صح لو نزل السياسية يستحمل بقة
وطبعا فى مثالك هخنقولك الربا حلال الفوركس حلال ونتناقش فى ده كله
و

الكلام ده انا شفته فين قبل كده ؟؟؟!!
شفته فين .... شفته فين ياواد يافاروق ,,!

اكيد اى حد عاقل مثقف بيقوله
حبيبى والله
تحياتى

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة farok (المشاركة 243821)

لا لا يا اخى الكريم شوف

طالما بنتكلم سياسية وتاريخ احكى واسرد حقائق واعرضها وعادى ممكن اكون غلطان واغير وجهه نظرى ومن الناحية التانية جايز تكون انت غلطان عادى جدا
ده تاريخ والحكم عليه يظل وجهات نظر لا حقيقة فيه ابدا
وطالما ارتضيت تتكلم فى السياسية والاحداث التاريخية
نستحمل بقة النقاش والاختلاف
كامل احترامى ومودتى

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة farok (المشاركة 243809)

اكبر مثال على ما اقول وتفهم ما اعنى
حتى رسول الله فرق بين مرجعيته للامة بصفته النبى وبين مفهموم تعامله مع الامة بصفته قائد
فى معركة بدر جاء رسول الله وقال لاصحابه نعسكر هنا فاته الصحابه وسالوه " اهوه منزل انزلك الله اياه ام انه الحرب والخديعة " فقال بل الحرب
فقال هذا المكان لا يصلح ونخيم فى هذا المكان
حتى النبى المعصوم فرق بين صفقته التشريعية المتعلقة بالتشريع وبين صفته كحاكم
اهلا بك ويا رب اكون قد قدمات لك معلومة مفيدة

وبعدين حمزاوى ده استاذى كل التحية ليه وللمثقفين امثاله

تحياتى

رد: اخى واختى .. لما الخوف من الشريعة ؟!!!

اقتباس:

المشاركة الأصلية كتبت بواسطة eng.elewa (المشاركة 243841)

وبعدين حمزاوى ده استاذى كل التحية ليه وللمثقفين امثاله

تحياتى

طيب يا عم مش تقول من الاول ان عمرو حمزاوى استاذك :1 (89):

وان المثقفين فى رأيك همه عمرو حمزاوى

:1 (105)::1 (105)::1 (105)::1 (105)::1 (105):
وطبعا أراء عمرو حمزاوى قوية ومنطقية وتهزم اى أراء تانية للقرأن والسنة والعلماء المسلمين

لاء انا كده مش هقدر اكمل معاك مناقشة
ده عمرو حمزاى استاذك يا عم :1 (81):

تحياتى يا جميل

رد: اخى واختى .. لما الخوف من الشريعة ؟!!!

تم الرفع

للاستفادة والثواب

رد: اخى واختى .. لما الخوف من الشريعة ؟!!!

من رأي....إن الخوف من المعوقين إلي بيطبقوا الشريعه وإلي بيحسوا انهم داخلين حرب ومواجهه بكل عنف وإلي مش حيلتزم حيتم عقابه

انا أسف للإسلوب الهجومي إلي قلته...بس ناس كتير خايفه من العينه دي من الناس