|
رد: كل ده ولسه مش واخدين بالكم
اقتباس:
[ ص: 137 ] ( فلعلك باخع نفسك على آثارهم إن لم يؤمنوا بهذا الحديث أسفا ( 6 ) إنا جعلنا ما على الأرض زينة لها لنبلوهم أيهم أحسن عملا ( 7 ) وإنا لجاعلون ما عليها صعيدا جرزا ( 8 ) ) . بمعني انت ليه زعلان ومهموم ان المشركين مش مؤمنين بيك وانا هنا لا اضعها للتشبية بهذا الموقف ولاكن لأيضاح المقصد والمعني للأسف فيه هنا ناس متعرفش يعني ايه دين او حتي يعني ايه ليبرالية او علمانية الي هما بيتكلمو عليها حتي الليبرالية بتاعت الليبراليين مهييش ليبرالية لانهم بيحددو حرية تخترق حرية الأخرين يعني بالنسبة لليبراليين لما واحده تقلع عادي حرية ولما واحدة تلبس نقاب جهل ويجب سن القوانين من اجل منع ذلك بأس المقارنة ملاحظة ( انا انسان غير متدين تماما ) لاكن بالعقل مش بالدين شايف ان تطبيق الاسلام اكتر طريق مختصر للتقدم والحرية |
رد: كل ده ولسه مش واخدين بالكم
اقتباس:
اقتباس:
بسم الله ماشاء الله عليكم بجد حاجه تشرف ان فى شباب لسه مهتمين بالدين وبيفكرو زيكم كده فى ظل مجتمع يبعد عن الدين يوما بعد يوم كفيتم ووفيتم بارك الله فيكم |
رد: كل ده ولسه مش واخدين بالكم
اقتباس:
اؤيد وبشده صارمه وياريت التدخل من اداره المنتدى يكون على وجه السرعه يهان علماء الاسلام فهذا لا يرضى الله عز وجل قال صلى الله عليه وسلم (فضل العالم على العابد كفضلي على أدناكم إن الله وملائكته وأهل السموات والأرض حتى النملة في جحرها وحتى الحوت ليصلون على معلم الناس الخير ) رواه الترمذي. والعلماء هم ورثة الأنبياء قال رسول الله صلى الله عليه وسلم ( العلماء هم ورثة الأنبياء، إن الأنبياء لم يورثوا دينارا ولا درهما، إنما ورثوا العلم، فمن أخذ به، فقد أخذ بحظ وافر " رواه أبوداود والترمذي. العلماء الذين يجب توقيرهم هم حملة الشريعة الذين عرفوا بحسن القصد وصالح العمل وصحة المعتقد واتباع منهج السلف الصالح ،الذين بذلوا أعمارهم في طلب العلم ونشره وأوتوا حظا من الورع ،الذين شهدت لهم الأمة الخيار العدول بلإمامة والتبحر في الشريعة وصدر الناس عن رأيهم ، فهم الأئمة الكبار حقا وهم المعنيون بلإجلال إذا أطلق الكلام ،وكل من لديه علم ممن دونهم وقر بحسب علمه وسيره على جادة العلماء . وإذا نشأ الصغار على توقير العلماء تأثروا بسمتهم واقتدوا بأثرهم وعظمت الشريعة في نفوسهم وصار عندهم ولاء عظيم للإسلام وأهله. فال الثوري: إن من نعمة الله على الفتى أن يوفقه لصاحب سنة . والعلماء هم الذين يحملون الشريعة وينطقون بالكتاب والسنة ويحمون بيضة الإسلام ويذودون عن حياضه ويبصرون الخلق بدينهم يعلمون الجاهل ويذكرون الناسي ويكشفون الفتنة ويرفعون الظلمة ويهتكون ستر أهل الضلالة ، ولولاهم بعد الله لاندرس الإسلام وذهبت شرائعه . روي في الأثر (إنما مثل العلماء في الأرض مثل النجوم في السماء إذا رآها الناس اقتدوا بها وإذا عميت عليهم تحيروا )رواه أحمد. قال الحسن : لولا العلماء لصار الناس كالبهائم . وهذ فضل من بعض فضائل العلماء وكيفيه توقيرهم واحترامهم اسأل الله ان يغفر لنا جميعا ويرشدنا الى الصواب |
رد: كل ده ولسه مش واخدين بالكم
مصر للمسيح
|
رد: كل ده ولسه مش واخدين بالكم
اقتباس:
الرد فى الاقتباس الاختلاف مع اى شخص مش معناه الاختلاف مع الدين |
رد: كل ده ولسه مش واخدين بالكم
اقتباس:
للرفع يمكن الناس مشفتهوش |
رد: كل ده ولسه مش واخدين بالكم
اقتباس:
انته مش مسلم يبقى متدخلش ودى اعتقد انها ديموقراطيه يعنى بالعربى الفصيح لا تتدخل فيما لايعنيك حبيبى |
رد: كل ده ولسه مش واخدين بالكم
اقتباس:
|
رد: كل ده ولسه مش واخدين بالكم
اقتباس:
اقتباس:
ياجماعه الموضوع ده كده هيكبر ان شاء الله لن اقوم بوضع اى رد اخر فى هذا الموضوع لا نريد اثاره اى فتنه اخرى (كفايه فتنه التحرير) استودعكم الله سبحانك اللهم وبحمدك نشهد الا اله الا انت نستغفرك ونتوب اليك السلام عليكم ورحمه الله وبركاته :1 (58)::1 (58)::1 (58): |
رد: كل ده ولسه مش واخدين بالكم
اهلا بكم..
الاخ فاروق طلب فتح الموضوع فى الاجازة ليبين وجهة نظره و سيتم نقل الموضوع للعام.. عفوا لم اجد الاخ امير عيسى يسب او يهاجم الشيخ ابو اسحاق.. لقد اقحم الشيخ نفسه فى السياسة و عليه اذن ان يتحمل النقد شانه شان اى سياسى.. هذه هى المعادلة التى يقولها امير او الليبراليين المسلمين ان الشيوخ الافاضل اذا اقتحموا فى السياسة فعليهم تحمل النقد لشخصهم او لارائهم و ليس لعلمهم.. لا يوجد ما يدعو لحذف مشاركات امير و ليس لاننى اؤيد موقفه صراحة او اخالفه و لكن لان هذه الحقيقة.. انا ليبرالى مسلم ايضا..اريد تطبيق شرع الله و حدوده و عدم تجاوز الاداب العامة و العادات والتقاليد و بعد ذلك كل واحد حر..يكفر ..يلحد..يسلم..يقلع..يلبس هو حر طالما لا يتنافى مع اداب الاسلام العامة و المصريين خاصة. خلينى اسال فاروق؟؟ليه مفيش ولا واحد من حزب النور من المرشحين بدون لحية!!هذا امر عجاب يا اخى !!كيف ادخل هذا الحزب و اجد نفسى الوحيد حليق الذقن ؟ اولم تكن مجالس الشعب مجالس كفرية لانها تشرع..لماذا اللهاث وراء الترشح الان.. من غير الطبيعى ان لا توافق على نقد الشيوخ من البعض و فى نفس الوقت تسمح لهم بادلاء رايهم سياسيا.. تحياتى للجميع و سينقل للاستراحة غدا ان شاء الله.. |
رد: كل ده ولسه مش واخدين بالكم
اقتباس:
يعني احنا طراطير مثلا |
رد: كل ده ولسه مش واخدين بالكم
اقتباس:
اولا يا أخي يعني ايه ليبرالي بما انك ليبرالي ؟؟؟؟؟؟ كل قواعد الليبرالية موجود في الأسلام لاكن الفرق الي انا وضحتو قبل كدا وهو تعريف المعاني دي بمعني الحرية في الليبرالية تخترق حرية الأخرين وكمان حضرتك اعتزر جدا اتناقضت في حاجات كتير في كلامك قولت التزام باداب الأسلام واقامة شرعة الله وبعدين قولت كل واحد حر يكفر لحد يسلم يقلع وبعدها قولت هو حر طالما مش هيتنافي مع اداب الأسلام طيب مهو كل ذكرتو يتنافي مع اداب الأسلام اذا هو مش حر والمفروض ميعملش كدا وايضا الكلام الي حضرتك قولتو يتنافي مع الليبرالي لاني ذي ما وضحت حرية المراءة في التعري( كما يقول الليبرالين والجهابزة فيهم ) تخترق حريتي وحرية ابني في عدم رؤية العراة في الشوارع ومحدش يقولي متبصش طيب ليه تقولي كدا ما تقولها هي متتعريش اشمعنا جيت عليه وقولتلي متبصش مع ان الصح انك تروحلها وهو دا الي انا عايز الليبراليين يفهموه كويس كل اشكال الحرية الي بينادو بيها بتخترق حريتنا احنا وحرية الأغلبية ننتقل للنقطة التانية حضرتك انتقدت المشايخ وحزب النور علي اساس انهم حرمو مجلس الشعب يعني هما لو طالبو بتطبيق الشريعة بشكل سلمي هتقولوهم خليكم في الدعوة ولو فكرو يدخلو مجلس الشعب هتقولو ايه ايه دخلكم مجلس الشعب اقولك ليه هما داخلين مجلس الشعب علشان يطبقو الشريعة علشان يخلو مجلس الشعب يشرع بتشريع الأسلام يعني هما كدا مبيرجعوش في كلامهم هما قد يكونو قالو مجلس الشعب حرام علشان بيشرع بتشريع غير تشريع الله وهما لما بيدخلو فيه هيخلوة يشرع بتشريع الله اذا وقتها مش هيبقا مجلس الشعب حرام في نظرهم ثالثا جيت انتقدت حزب النور وانا هبرهنلك بقا انت بتقول انك ليبرالي ومش بتطبق الليبرالية قولت ليه ولا واحد في حزب النور من غير لحية ؟؟؟ طيب وحضرتك ليه تدخل في امورهم دي حرياتهم الي هي ليبرالية ناس مزاجها تربي دقنها حضرتك ليه تدخل في شئونهم مش بتقول ليبرالي وحرية هي دي حريتهم وبالنسبة لدخولك الحزب وانت حليق اللحية خلاص بسيطة ربي دقنك انت كمان لو قولتلي وانت اذاي تجبرني اربي دقني طيب وانت اذا تجبرهم كلهم يحلقو دقنهم علشان يبقو ذيك ؟؟؟؟؟؟؟؟؟؟؟؟؟؟؟؟ للأسف يا دكتور أسامة الليبرالية تناقضها يشبة تناقض كفار قريش ايام الجاهلية |
رد: كل ده ولسه مش واخدين بالكم
اقتباس:
مكتوب على كل مشاركة بالظبط اسامة عادل نصاب الفوريكس اسامة عادل الجاهل فى الفوريكس اسامة عادل حرامى مدينة نصر واسكندرية فهل معنى هذا اننى لم اشتمك ؟!!!!!! ولو فرضنا ان امير عيسى لم يخطىء فى حق الحوينى فهل اخطأ فى حق unknown اقرأ المشاركة 23 و 24 و 26 وقل لى من تكلم مع الاخر باسلوب وحش ؟ وبعدين لو مشاركات الاستاذ امير مفهاش حاجة ليه نقلت الموضوع ؟ انظر جيدا فى الموضوع وستجده كان هادئا حتى مشاركة الاستاذ امير وبالنسبة لباقى اسألتك اعتقد ان الاخ رنجو اجاب عليها جيدا |
رد: كل ده ولسه مش واخدين بالكم
الحرية في الأسلام http://www5.0zz0.com/2011/11/27/01/712134882.jpg الحرية في الليبرالية ( تناقض كفار قريش) http://www11.0zz0.com/2011/11/27/02/586462493.jpg |
رد: كل ده ولسه مش واخدين بالكم
اقتباس:
اقتباس:
نصيحه عشان تثقف انت نفسك ابحث عن كتب ومؤلفات ابن سينا وثابت بن قرة والخوارزمى والفارابى والرازى وابن الهيثم وشوف كان اتجاهاتهم ايه ووللعلم الدولة الاسلامية انهزمت فى اغلب الحروب الصليبية فكيف تدعى اننا كنا فى طلائع الامم؟بلد زى مصر طول عمرها محتله تقريبا هل العصر العباسى الثانى تعتبره عصر تقدم ورقى؟ ببساطه اغلب حروب الصليبين علينا انتهت بانتصاراتهم فى حين ان فتوحاتنا فى اوروبا اغلبها باء بالفشل..والغريب ان هذه الفتره تسموها فتره تخلف اوروبا واذدهار الاسلام! انا فعلا هثقف نفسى فى الجزئية دى لأنى مش فاكر الاسماء لكن لى عوده ونحاول نشوف مين كان اكثر قوة للاسف باقى الاسماء اللى انت ذكرتها اغلبهم مسمعتش عنهم من قبل ولم ندرسهم فى كتب التاريخ ----------- |
رد: كل ده ولسه مش واخدين بالكم
اقتباس:
صراحة مش لاقى تناقض فى كلامى انا فقط وضعت امثلة..لا يجوز لاتنين رجالة مثلا يتجوزوا عشان ده ضد الشريعة.. لا يجوز السير عاريا على البحر او كاشفا عوراتك فى الشارع لان هذا ضد مبادئ الدين.هذا امر طبيعى مفروغ منه . لم انتقد حزب النور و لحاه و لقد اعربت عن اندهاشى ان الحزب بالكامل ملتحى و السيدات منقبات بالكامل و نريد ان ننتخب هذا الحزب ليشرع لنا حياتنا,ما الوضع فى ان يكون الحزب الحاكم هو حزب النور اللى كله باللحى و غالبا اجباريا . كل واحد حر يربى دقنه ميربيش براحته لكن اتحدث ان السياسة لعبة قذرة اخرى . على اى حال سعدت بالتحدث معكم و اختلاف وجهات النظر صحى للجميع, للعلم احد المشرفين قام بنقل الموضوع فى المساء لا اعرف من هو و ستنقل المواضيع الاخرى للاستراحة ايضا. الله كريم. |
رد: كل ده ولسه مش واخدين بالكم
اقتباس:
انا قلت لك الموضوع حينتهى بتراشق فى النهاية :) المهم الاخ امير نقل فيديوهات من اليوتيوب لو يقوم هو نفسه بالسباب,علينا الصاق التهمة بمن قام بصنع الفيديو.. على اى حال اتمنى ان لا يكون هناك بغضا بيننا سويا او لا يكون الوضع ملتهبا فالاخ احمد خطاب و انت يا فاروق و كمان امير عيسى و رينجو و كل من قام بالرد يود ان يخدم البلد و يراها تتقدم بوجهة نظره. عن نفسى لا امانع اطلاقا فى تطبيق شرع الله و ان يكون الدين منهاج حياتنا شرط ان يتولى الحكم من يخاف الله و يطبق الشرع صحيحا و لا يتشدد. خوف الليبراليين من الاسلاميين المتشددين ان يجبروهم على اطلاق لحى او تقصير البنطلون او اشياء كثيرة اخرى. و الاسلاميين خايفيين الليبراليين يقلعوا النسوان و يجوزوا الرجالة لبعض. خلينى اعرف شخصيتى او توجهى. انا شخص مسلم لا اقول متدينا و انما احافظ على فروض الدين و احاول ان اكون انسانا نافعا,وسطيا لا اميل للتشدد و اؤمن بحرية كل فرد فى عمل ما يقوم به ما دام لن يتخطى حريات الاخرين. انا توجهى السياسى ليبرالى (مسلم) اميل الى تطبيق شرع الله مع المحافظة على حريات الافراد,لا ارضى ان تلبس زوجتى البيكينى او ان تخلع والدتى حجابها هذا امر طبيعى فينا كمصريين. كما اننى لا ارضى ان تلبس زوجتى نقابا رغما عنها . اتمنى ان يكون هذا وضح للجميع كيف يفكر الليبراليين الجدد او الليبراليين المسلمين. اما العلمانين فانا مش شايف ان فى مصر موجود علمانيين بالمعنى الصحيح الكامل للعلمانية نظرا لعدم اهتمامهم بالرب لذا فكفوا عن تلقيبنا علمانيين لاننا مسلمين زينا زيكم هذه توجهات سياسية و ليس لها اى علاقة بالدين. اما من يقحم علمه و دينه فى السياسة فعليه ان يتحمل نقد الاشخاص له و عليه ان يتحمل ايضا المدافعة عن الدين و ان يكون على علم و دراية كاملين. تحياتى و بالتوفيق للجميع ان شاء الله |
رد: كل ده ولسه مش واخدين بالكم
اقتباس:
انا قولتلك ثقف نفسك وجبلتك مصادر واسماء علماء وانت المفروض عايز تناقشني في الحوارات دي تبحث عن اي حاجة تغلطني وتثبت ان العلماء دول مكنوش علماء او علماء نص كم انت بقا عايزني اتثقف وريني كلامك دا علي الواقع انت بتقول كلام غريب جدااااااااااااااااااااااااااااااااااااا اول مرة اعرف الحوارات الي انت بتقولها دي وممكن اكون انا مش مثقف فا ياريت تعطيني مما اعطاك الله فيديو او اتنين كدا من الي في مكتبتك اتثقف بيهم وبعدين يعني ايه نامو بعديها فعلا نامو بس اساس العلم دلوقتي هما علماء المسلمين ومش هنقول علماء العرب من اول بن سينا لحد الخوارزمي وبعدين ايه بقا حوارات تفوقهم في الحروب الصليبية دي الأشياء دي مستحيلة طيب طالما هما متفوقين كدا ليه عملو 16 حملة صليبية علينا ؟؟؟؟؟؟؟؟؟؟ الطبيعي والأساسي ان الحملة ال2 جت بسبب فشل الحملة الأولي لان الحملة الأولي لو كانت حققت اهدافها مكنوش ارسالو حملة تانية ولو الحملة التانية نجحت مكنوش جابو تالتة وهكذا لحد ال 16 ولا هما بيبعتوهم يتفسحو عندنا ؟؟؟؟؟؟؟؟؟؟؟؟؟؟ظ وكمان انتصارتنا بأوروبا بأت بالفشل لا حول ولا قوة الا بالله انت بتقول الكلام معاك تماما الأندلس يا استاذ فضل فيها المسلمين لمدة 300 سنة وتقولي باءت بالفشل اومال لو مكانتش باءت بقا كان حصل كان هيبقا زمانا محتلينهم لحد دلوقتي اسباب فشل المسلمين في التقدم باتجاة فرنسا كان بردو الجو وعدم تكييف المسلمين علي الثلوج علشان كدا الحملة توقفت عند البرتغال بالنسبة لبقية الأسماء الي انت مدرستهمش في كتب التاريخ ؟؟؟؟؟؟؟؟ هو انت درست انهي كتب تاريخ ؟؟؟؟؟؟؟؟ بتاعت المدرسة ؟؟؟؟؟؟؟؟؟؟؟؟؟ هو انت مفكر كتب التاريخ بتاعت المدرسة كتب ؟؟؟؟ لو قراءت حاجة غير كتب المدرسة اذكر اسم الكتاب وقراءت فيه ايه وتعالي هنا علي فكرة كل كلامك بالا مصدر بلا دليل كلام وخلاص اثقف نفسي منين بقا ؟؟؟؟؟؟؟؟؟ اتكلم قول اسماء كتب ودلائل لان الكلام كدا لا بيودي ولا بيجيب عارف انا لو واثق انك هتقتتنع كنت تعبت نفسي ودورت وجبتلك كتب لمستشرقين اوروبيين وكتب في الغرب بتتكلم عن انجازات علماء المسلمين القدامي والي هما اساس الكيمياء والطب والصيدالة والرياضيات بجميع فروعها والي علي اساسها قامت العلوم الحديثة بجميع اشكالها |
رد: كل ده ولسه مش واخدين بالكم
اقتباس:
مصر للجميع اخى الفاضل وستظل هكذا حتى المنتهى . |
رد: كل ده ولسه مش واخدين بالكم
اقتباس:
وعلي فكرة يا دكتور انا اعتزر جدا لو قولتلك ان حضرتك قولت انك ليبرالي وفي نفس الوقت قولت قيم المجتمع والشريعة لان هناك تعارض شديد التشابه بس في العناوين لاكن الأختلاف في الجوهر لان القيم اليبرالية بتقول ان كل واحد حر لو واحدة عايزة تمشي في الشارع ملط عادي لو انت بقا معارض اذا انت مش ليبرالي لو مش مصدقني بقا في الكلام الي انا قولتو ممكن تتعبن نفسك وتشوف كتابين عن الليبرالية ونشأتها ومتطلباتها وتقرائهم او بسيطة اشهر ليبرالي في مصر حاليا دكتور عمرو حمزاوي ليه كليبات كتير يوتيوب بيتكلم فيها عن الليبرالية وانا شوفت كليب منهم والمزيع قالو يعني لو واحدة مشيت في الشارع عريانة عادي قالو حرية والمزيع قالو يعني لو مسلمة اتجوزت مسيحي عادي قالو عادي بقانون مدني هي دي بقا الليبرالية الي مخالفة للشريعة وللدين اذا ميستاويش ابدا الأمر معاها ومع الشريعة فا بالتالي اختيارنا يا ماا الاسلام ياما الليبرالية الي محدش هيختارها اصلا وعلي فكرة يا دكتور انا لا تبع جماعات ولا اخواني وصدقني انت بتصلي اكتر مني واسأل ربنا الهداي ليه بس الفكرة بالنسبة ليه فكرة عقليه بحتة بعيدا عن التعمق في الدين وانا بقا عايز اسئلك حضرتك او اي ليبرالي سؤال بسيط جدا وتافه هو انت ليه ليبرالي ؟؟؟ هل لان الليبراليه بتوفر الحرية طيب ما الأسلام بيوفرها في اطار معين بحيث لا يعتدي علي حقوق الأخرين لو قولت الليبراليه عدالة طيب ما الأسلام عدالة قول اي شئ حلو في الليبرالية مش موجود في الأسلام ؟؟؟؟؟؟ طالما كل الي في الليبرالية موجود في الاسلام اذا ايه لزمتها تبقا ليبرالي ؟؟؟؟؟؟؟؟ هي الشريعة ناقصة ؟؟؟؟ علشان كدا بندور علي قوانين تكملها ؟؟؟؟؟؟ |
رد: كل ده ولسه مش واخدين بالكم
الحقيقه موضوع قوي جدا وكل كلمه فيه قريبه جدا للواقع المرير اللي احنا عايشينه ....للاسف كل شيء من حوالينا بيحارب الاسلام لدرجة ان المسلمين نفسهم بيحاربو شرع الله شيء يحزن ..... اشكرك استاذ فاروق علي موضوعك القوي اللي لمس وضع اليم ونقطه حساسه نسيينها او ممكن نقول بنتناساها وعاملين نفسنا مش واخدين بالنا منها....
استاذ Unknow رغم اختلافي الشديد علي ردودك في موضوع " تحذير هام " بس انا الحقيقه بحييك جدا واتفق معاك جدا في كل ردودك في الموضوع هنا استاذ طارق عادل مش عارف اقولك ايه !!!! استاذ امير عيسي ..... اتفق معاك في ارائك الثورية .... لكن كالعاده هجوم قوي علي الاسلاميين ... عايز الفت نظرك ان زي ما فيه اسلاميين متشدددين وفيه خوف علي البلد منهم .... بردو فيه ليبرالين متشددين ودول خطرهم اكبر واقوي من التشدد الديني .... اتمني متكنش انت واحد منهم في الاخير هقتبس بعض الكلمات من احدي مشاركات الدكتور اسامه اقتباس:
اقتباس:
اكيد اخي مصر للجميع .... وانا شايف انه كان ن الافضل مترضش عليه ولا تحسسه انه موجود اساسا |
رد: كل ده ولسه مش واخدين بالكم
بسم الله الرحمن الرحيم
فَلَوْلَا إِذْ جَاءَهُمْ بَأْسُنَا تَضَرَّعُوا وَلَٰكِنْ قَسَتْ قُلُوبُهُمْ وَزَيَّنَ لَهُمُ الشَّيْطَانُ مَا كَانُوا يَعْمَلُونَ ﴿الأنعام: ٤٣﴾ الناس دلوقت بتدور على اى حاجة غير الاسلام والاخ رنجو قال كلمة جميلة هى الشريعة فيها حاجة ناقصة علشان اشوف حاجة غيرها طيب انا اتحدى اى شخص يجيب اى حاجة كويسة ونافعة وغير موجودة فى الشريعة الاسلامية اتحدى اى شخص انه يحضر قانون او حكم افضل واحسن من احكام الله وقوانينه اتحدى اى شخص انه يحضر نظام سياسى او اقتصادى او اجتماعى احسن من الموجود فى الشريعة الاسلامية او حتى مقارب له الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا ﴿المائدة: ٣﴾ تركنا قضاء واحكام الله وذهبنا الى فرنسا لنأخذ منها القانون الوضعى لحياتنا معقول يعنى فى شخص موجود فى العالم هيستطيع انه ينشأ نظام احسن واقوى من شريعة الله ادخل على موقع www.55a.net هتجد ان جميع الاكتشافات العلمية الحديثة كانت موجوده فى القرأن والسنة منذ 15 قرن للاسف المجادلين اصبحوا كثير جدا ولكن بغير علم وهذا ليس كلامى بل هو كلام الخالق : وَمِنَ النَّاسِ مَنْ يُجَادِلُ فِي اللَّهِ بِغَيْرِ عِلْمٍ وَلَا هُدًى وَلَا كِتَابٍ مُنِيرٍ﴿الحج: ٨﴾ وَيُسَبِّحُ الرَّعْدُ بِحَمْدِهِ وَالْمَلَائِكَةُ مِنْ خِيفَتِهِ وَيُرْسِلُ الصَّوَاعِقَ فَيُصِيبُ بِهَا مَنْ يَشَاءُ وَهُمْ يُجَادِلُونَ فِي اللَّهِ وَهُوَ شَدِيدُ الْمِحَالِ ﴿الرعد: ١٣﴾ الَّذِينَ يُجَادِلُونَ فِي آيَاتِ اللَّهِ بِغَيْرِ سُلْطَانٍ أَتَاهُمْ كَبُرَ مَقْتًا عِنْدَ اللَّهِ وَعِنْدَ الَّذِينَ آمَنُوا كَذَٰلِكَ يَطْبَعُ اللَّهُ عَلَىٰ كُلِّ قَلْبِ مُتَكَبِّرٍ جَبَّارٍ ﴿غافر: ٣٥﴾ وَمِنَ النَّاسِ مَنْ يُجَادِلُ فِي اللَّهِ بِغَيْرِ عِلْمٍ وَيَتَّبِعُ كُلَّ شَيْطَانٍ مَرِيدٍ ﴿الحج: ٣﴾ وطبعا المجادلين هيقولوا ان علماء الاسلام الان لن يطبقوا الدين بالظبط بنسبة 100% زى زمان هفرض ان هذا العالم هيطبق الدين بنسبة 70% فقط اذن اختار العلمانى الذى يطبق الدين بنسبة 1% ام اختار الذى سيطبق الدين بنسبة 70% واساعده لكى يصل الى 100% واخيرا اريد ان اضع اية من القرأن ولكن ارجوا قرائتها جيدا لانها تعبر عن حال معظم المسلمين الان وانا واحد منهم أَلَمْ يَأْنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِنْ قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِنْهُمْ فَاسِقُونَ ﴿الحديد: ١٦﴾ واخيرا احب ان اذكركم بان الحياة فانية وان العمر قصير والموت يأتى فجأة واعتقد انك لاتحب ان تكون بين يدى الله وهو يسألك يوم القيامة ويقول لك لماذا رضيت الربا على نفسك ؟ فترد عليه قائلا علشان انت لم تقنعنى باسباب !!! ماشى ياعم طارق :1 (73): هل تعرف الموت خذ هذه الايات واقسم بالله كل لما اسمعها ابكى ويسلام لو تسمعها من مشارى راشد هتبكى اكثر واكثر وَلَقَدْ خَلَقْنَا الْإِنْسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ إِذْ يَتَلَقَّى الْمُتَلَقِّيَانِ عَنِ الْيَمِينِ وَعَنِ الشِّمَالِ قَعِيدٌ مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ وَجَاءَتْ سَكْرَةُ الْمَوْتِ بِالْحَقِّ ۖ ذَٰلِكَ مَا كُنْتَ مِنْهُ تَحِيدُ وَنُفِخَ فِي الصُّورِ ۚ ذَٰلِكَ يَوْمُ الْوَعِيدِ وَجَاءَتْ كُلُّ نَفْسٍ مَعَهَا سَائِقٌ وَشَهِيدٌ لَقَدْ كُنْتَ فِي غَفْلَةٍ مِنْ هَٰذَا فَكَشَفْنَا عَنْكَ غِطَاءَكَ فَبَصَرُكَ الْيَوْمَ حَدِيدٌ وَقَالَ قَرِينُهُ هَٰذَا مَا لَدَيَّ عَتِيدٌ أَلْقِيَا فِي جَهَنَّمَ كُلَّ كَفَّارٍ عَنِيدٍ مَنَّاعٍ لِلْخَيْرِ مُعْتَدٍ مُرِيبٍ الَّذِي جَعَلَ مَعَ اللَّهِ إِلَٰهًا آخَرَ فَأَلْقِيَاهُ فِي الْعَذَابِ الشَّدِيدِ قَالَ قَرِينُهُ رَبَّنَا مَا أَطْغَيْتُهُ وَلَٰكِنْ كَانَ فِي ضَلَالٍ بَعِيدٍ قَالَ لَا تَخْتَصِمُوا لَدَيَّ وَقَدْ قَدَّمْتُ إِلَيْكُمْ بِالْوَعِيدِ مَا يُبَدَّلُ الْقَوْلُ لَدَيَّ وَمَا أَنَا بِظَلَّامٍ لِلْعَبِيدِ يَوْمَ نَقُولُ لِجَهَنَّمَ هَلِ امْتَلَأْتِ وَتَقُولُ هَلْ مِنْ مَزِيدٍ خش على صفحة جوجل واكتب مشارى راشد ونزل صورة ( ق ) |
رد: كل ده ولسه مش واخدين بالكم
اقتباس:
يا استاذى الفاضل غلط اننا نقارن بين الاسلام والليبراليه والعلمانيه الاسلام دين لكن الحاجات التانيه دى توجهات سياسيه مش معنى انى ليبرالى او علمانى ان انا كافر او مشرك او ملحد احنا ليه شايفين ان الناس التانيه غلط يا استاذى الدكتور اسامه والاخ امير قالولك ان الحريه فى الليبراليه بتكون حريه شخصيه انت حر مالم تضر والحريه بتكون مكفوله بدستور الدوله والقوانين العامه وقبل ده كله بيكون طريقة تدين الشخص نفسه وطريقة معرفته لاصول دينه يعنى مينفعشى الدوله تجرم ان الواحد يمشى عريان فى الشارع وواحد يطلع عريان فى الشارع ويقولك انا ليبرالى حر ده اسمه تخلف انت حر مالم تضر يعنى حريتك تنتهى عند حدود الاخرين اتمنى ان الفكره تكون وصلت ثانيا حضرتك بتتكلم عن شخص ليبرالى زى عمرو حمزاوى ليه فكره ايلى يحترم ومش معنى انك مش مقتنع بيه او متعارض معاه يبأى هو غلط وانت صح اولعكس ياريت تكونوا محايدين مع الجميع ويكون فكركم واحد حضرتكم زعلانين ان الاخ امير جبلكم كليبات من على اليوتيوب مش هو ايلى كاتبها وامة لا اله الا الله بتشوفها وطلعتوها بيسب فى العلماء طب ما هو عمرو حمزاوى دكتور ويعتبر عالم فى مجاله وبرده ربنا ايلى هيحاسبه ليه بأه الاخوه الليبراليين متعصبوش لما غلطتم فيه ثانيه انا قرأت جمله شخص محترم بيقول فى الاخر جيبنلنا واحد مبيعرفشى يقرأ عربى وعايزينه يبقى رئيس طبعا قصده على الدكتور البرادعى بس احب اوضحله حاجه ان اللته ايلى فى لسانه دى مش علشان مش بيعرف عربى وعلى العموم احب اعرفك ان سيدنا موسى كان برده عنده لته فى لسانه وده شىء الهى مينفعشى نتكلم فيه وبالنسبه للشيخ ابو اسحاق الحوينى والاخوه الشيوخ السلفيين فلهم كامل الاحترام فى مجالهم الدينى ولهم تلامذتهم ايلى بيستمعوا لهم ومقتنعين بكلامهم لكن مينفعشى يفرضوا رأيهم علينا لانهم برده مجرد شيوخ لهم مالهم وعليهم ما عليهم وبصراحه انا مشفتش حد زعلان على الشيخ احمد الطيب والشيخ الطنطاوى والشيخ على جمعه لما السلفيين مسكنهم على طول الخط تهزيق وشتيمه واكيد انتم برده بتشتموا فيهم مش برده من باب اولى اننا نحافظ على كلامنا على الشيوخ دول مش برده دول علماء الاسلام وورثه الانبياء ولا ورثه الانبياء عندكم بس اتمنى ان يكون فيه حياديه فى الرد والالمام بجميع الامور وعدم التعصب الاعمى لبعض الافراد وعلى فكره الشيخ يوسف القرضاوى رئيس رابطة هيئة العلماء المسلمين اتهان واتشتم منك والمفروض برده ان الشيوخ يكونوا مثال للاحترام والالتزام والاخلق الحميده وده كان دليل الدكتور حازم شومان على البرادعى لما هانه وهان عائلته واهله وكل ده بأدله غير صحيحه ما هنشى على نفسه انه يتصفح مصداقيتها قبل النطق بها وفى الاخر اختم كلامه بأيه ( اتأمرون الناس بالبر وتنسون انفسكم ) ياجماعه كلنا مسلمين وكلنا بنحب دينا ونتمنى انه يمتد للعالم اكمله فبلاش حد يزايد على حد بأسم الدين لان ربنا ايلى اعلم بالنيات وهو ايلى هيحاسب كل واحد على دينه ونفسه فأرجوكم بلاش تفرقه وفتنه وسيبوا الحساب لله فهو غفور رحيم |
رد: كل ده ولسه مش واخدين بالكم
اقتباس:
اقتباس:
وأسأل الله ان يهدينا الى الطريق الحق |
رد: كل ده ولسه مش واخدين بالكم
اقتباس:
حضرتك بتقول منقارنش بين الأسلام والليبرالية والعلمانية مين قالك اني بقارن ما بينهم ؟؟؟ انا بوضح مخالفات الليبرالية للتشريع الأسلامي فقط لاكن لا يوجد مجال للمقارنة بين الأسلام وبين اشياء من صنع البشر دي نقطة النقطة التانية بقا والمهمة جدا ان العلمانة والليبرالية عبارة عن مجموعة من المبادئ الي المفروض تتطبق علي مجتمع مسلم ووضحت ان مجموعة المبادئ دي عناوينها بس موجودة في الأسلام لاكن الباطن بتاعها يختلف اختلاف جزري مع الشريعة الاسلامية الأستاذ اسامة قال انا ليبرالي وفي نفس الوقت عايز يطبق الشريعة والأتنين مش هيمشو مع بعض ووضحت وعملت رسمة واتكلمت علي التعري في الليبرالية ودا شئ مباح عادي وانت لو قولت لاء مش مباح يبقا اعتزر جدا حضرتك ممكن تشوف كتب عن الليبرالية ومبادئها وتيجي هنا توريني او تكلم دكتور عمرو حمزاوي تسال اذا كان الكلام دا صح ولا غلط وابحث عن لقائاتة هتلاقي كتير علي الليوتيوب وايضا في الليبرالية عادي المسلمة تتجوز مسيحي بقانون مدني فا ياريت يا اخي متجادلنيش في الحتت دي لانها جوهر كلامي ولاني والله مش مخترعها الكلام دا سامعو من بق دكتور عمرو حمزاوي بنفسة وانا راي ان الليبرالية ( جاهلية كجاهلية كفار قريش ) ياريت الي يقول انا الليبرالي بس يبقا عارف يعني ايه ليبرالية وياريت ميقولش انا ليبرالي بس معارض التعري لان اساس الليبرالية الحرية او بمعني اصح ( التحرر ) |
رد: كل ده ولسه مش واخدين بالكم
اقتباس:
الليبرالية مجموعة مبادئ تشملها الحرية او التحرر ومجموعة المبادئ دي قايمة علي مجموعة قواعد معينة شوية المبادئ دي بقا في الاسلام لاكن عناوين فقط لاكن جوهر المبادئ دي مخالف للاسلام بمعني ان الحرية في منظور الليبرالي وهي الحرية الشخصية بترتبط بالشئون الشخصية للشخص ذي الزواج مثلا فيه حاجة اسمها زواج مدني من خلاله يقدر مسيحي يتجوز مسلمة وده مخالف للتشريع الأسلام اذا هنا حصل تعارض بين الليبرالية والشريعة الأسلامية من ضمنها ايضا الحريات الشخصية المأكل والملبس يعني لو واحده مشيت عريانة في الشارع عادي ؟؟؟ الليبرالي بقا بيقول ده عادي مع انا شايف ان دا بيخترق وبيتعدي للحريات الأخري وهي حريتي في اني مشوفش عراة او ابنائي ميشفوش عراة ( نظرة من منطلق الليبرالية ( تعارض الليبرالية وتناقضها مع نفسها ) وايضا تعارض مع الشريعة لو انت قولتلي بقا نطبق الليبرالية ونخليها لا تعارض الأسلام طيب ايه هيبقا زيادة ؟؟؟؟ بمعني ايه الي هتطبقو فيها مش هيعارض الأسلام يا اخي لو سمحت انا منسحب من النقاش لان الي الأن مفيش حد عارف يعني اية الليبرالية صح ولا حتي انا لاكن انا عارف تعريف الحرية في الليبرالية من فم الليبراليين انفسهم دلوقتي اي واحد بيسمع كلمة ليبرالية بيقول حرية وميعرفش اي معني الحرية في الليبرالية اصلا ولا يعرف مبادئ الليبرالية اساسا وليه محدش جاوبني ؟؟؟؟؟ ايه في الليبرالية حلو مش موجود في الاسلام وانا مش بقارن بس شئ غريب جدا الاسلام فيه تشريع لكل مجالات الحياة اذا احنا محتاجين ايه تاني ؟؟؟؟؟؟ عايزين تلغو الشريعة ولا تعادلوها علي الأهواء الشخصية اعتزر وشكرااا |
رد: كل ده ولسه مش واخدين بالكم
اقتباس:
بصراحه كلامك يزعل اوي خصوصا انه من واحد مسلم علي ما اظن ولن اقول سوي ذلك حسبي الله ونعم الوكيل |
رد: كل ده ولسه مش واخدين بالكم
اقتباس:
اظن كدا كفايه اوي برجاء من الاداره اغلاق الموضوع ..... لان كدا تجاوز كل الخطوط الحمرا :1 (45)::1 (45)::1 (45): |
رد: كل ده ولسه مش واخدين بالكم
اقتباس:
في فرق كبير بين نقض الاشخاص .... والتشكيك في المبدأ ... اظاهر ان حضرتك مش واخد بالك انك بتشكك في الاسلام نفسه .... انا لا اخوان ولا سلفي ولا اي حاجه انا مواطن مصري عادي جدا اميل للاسلام المعتدل البعيد عن التعصب ..... لكن مش لدرجة ان اشكك في الاسلام نفسه انت عديت كل حدودك وارجو من ادارة الموقع اغلاق فوري للموضوع لان انت بالذات ردودك كلها تشكيك في الاسلام وكانك لا تؤمن بيه من الاساس .... المسلم المؤمن بالاسلام هو اللي يبقي مقتنع ان الاسلام ملم بكل جوانب الحياه ومش ناقصه شيء ... بس الواضح انك مش مقتنع بالاسلام من الاساس ... ياريت لو انت مش مسلم تقول وعادي ....... لان دي مصيبه ان يبقي واحد مسلم ومش مقتنع بدينه ملحوظه انا مش بكفرك .... ارائك وتعليقاتك هي اللي موضحه مذهبك وفكرك .. انت فعلا عديت كل الحدود واذا كنت انت مش شايف ان الاسلام كفايه .... فانا والحمد لله مسلم ومؤمن بكل كلمه في كتاب الله حتي وان قصرت في عباداتي بعض الشيء لكني في الاخير فخور بديني وربنا يهديك |
رد: كل ده ولسه مش واخدين بالكم
اقتباس:
|
رد: كل ده ولسه مش واخدين بالكم
اخى طارق عادل :
طبعا مبدئيا انت قلت انك مسلم صح ؟ طيب انت اتربيت وعيشت خارج مصر ؟ او كان تعليمك فى مدارس اجنبية ؟ عايزك كده تروق وتجاوبنى على السؤالين دول |
رد: كل ده ولسه مش واخدين بالكم
السلام عليكم ورحمه الله وبركاته انا قولت انى مش هتكلم فى الموضوع ده تانى عشان الامور تهدى ولكن فى شىء يجب ان اقوله حتى لا اسئل امام الله انى رايت منكر ولم احاول تغيره قبل ان اوجه كلامى للاخ طارق لازم اوضح حاجه مهمه جداااااا هناك فرق بين التعميم والتخصيص كمثال انا اقدر اقول الكفار هيدخلو النار وانا على ثقه تامه من ذلك (تعميم) ولكن لا يمكن ان اقول مثلا مايكل سوف يدخل النار لانه كافر(تخصيص) دى كانت مقدمه يجب ان اذكرها قبل ان اتحدث (اخى المحترم طارق عادل) لقد كتبت كلمات والذى لا اله الا هو مخرجه من المله (كفر) (وانا على اتم الاستعداد لاثبات ذلك من الكتاب والسنه) فاذا كنت ترى ان شريعه الله ناقصه وان هناك شرائع بديله افضل منها فيجب عليك مراجعه اهل العلم (من تثق بهم) وسوف يجيبوك بحكم ما انت تعتقده (وارجو قراءه المقدمه التى ذكرتها) فانا لا اقول لاى شخص انه خرج من المله (مافيش اى بنى ادام يقدر يقول حاجه زى دى) ارجو ان تقبل كلامى بصدر رحب اخى طارق وتراجع رايك وارجو من الله الهدايا لى ولكم ولامه محمد جميعا بارك الله فيكم |
رد: كل ده ولسه مش واخدين بالكم
بصراحه للصبر حدود وانا صبرى نفد
مين فيكم ماسك على حاجه تقول انى خرجت من المله؟ هو انا لو قلت ان هناك ميزة فى كتاب شيكسبير مش موجوده فى القران وهى مثلا انه كتاب بالانجليزية يقوى لغتى الانجليزية يبقه انا خرجت من المله؟ ولا مذاهبكم بتقول ان من يتقن القران سيتقن اللغه الانجليزية؟ لما قلت ان الحكم الاسلامى عيبه اننا سنكون معرضين للحروب لان الدول الغربيه تكره المسلمين يبقه انا خرجت من المله؟ انا بجد مش مصدق مستوى الذكاء اللى انا شايفه وفى الاول انا قلت عضو او اتنين محدودى الذكاء ومقدرزش يفهموا المشاركة اصلا ولن اتحمل عناء ان ارد عليهم لأن هذا المستوى لا يعنينى لكن مفيش ولا رد من واحد يقول انه فهم اصلا؟ انا مش عاوز اى واحد ملهوش فى الكفتة يفتى ويقول انى خرجت من المله او جبت كلام يخرج من المله بغير دليل والا هيكون ردى قليل الادب خاصه انى قلت انى مش هشارك فى موضوعكم ده تانى ورجاء اعملوا نفسكوا مش شايفين المشاركات اللى اخطأت انى شاركت بها مع ناس كنت متخيل انهم يعرفوا فن النقاش اصلا |
رد: كل ده ولسه مش واخدين بالكم
اقتباس:
اخى طارف اولا كلنا بنتكلم بهدوء جدا انت الى متعصب مش عارف ليه . (هو ده فن النقاش؟) الذى تنادى به؟ هاتلى واحد قال فى الموضوع انك خرجت من المله يجب القراء بتركيز لو سمحت (وهذه ايضا من فن النقاش) تهديدك برد قليل الادب (ده من فن النقاش)؟ بتستدل باللغه الانجليزيه (ماعلاقه اللغه الانجليزيه بالشرع) هناك فرق بين الامور الدينياويه والشرع (ارجو قراءه الفقه ولا تستدل ابدا بشىء دنيوى لاثبات وجه نظر خاصه بالشرع يجب ان يكون استدلالك خاص بمحور الخلاف(ده من فن النقاش) تقول اننا غير ازكيا وهذا تقليل من شأن المتحاور (وده مش من فن النقاش) ارى انك تفتقد اهم اصول النقاش العلمى (وبتعيب على من يناقشك) على الرغم من اننا كلنا اخوه فى الله وبنتناقش ومافيش اى خلافات بينا هو الليبراليين متعصبين زيك كده :1 (2): بخصوص اعتراضك على ما اوتى فى القران والحديث (بما انك سئلت عن الادله) تفضل وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ ............. إِنِ الْحُكْمُ إِلا لِلَّهِ أَمَرَ أَلا تَعْبُدُوا إِلا إِيَّاهُ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لا يَعْلَمُونَ .............. (انظر الى هذه الايه جيدا) فَلا وَرَبِّكَ لا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا وقول النبى صلى الله عليه وسلم ((لا يؤمن أحدكم حتى يكون هواه تبعا لما جئت به)) ارجو ان تتقبل النقد بصدر رحب ولا تنفذ تهديدك باستخدام الفاظ غير مهذبه (فهذا ليس من اداب الحوار ولا من اصول النقاش):1 (21): |
رد: كل ده ولسه مش واخدين بالكم
اقتباس:
ولو كنت ( بتقول ) انك مسلم فا هو غير موجة ليك ايضا وعلي فكرة الأسلاميين هيكتسحو شاء من شاء وأبي من أبي الموضوع بسيط وسهل فهمه نقابات الصيادلة الأطباء المهندسين المعلمين المحاميين وهي تعتبر نقابات المتعلمين يعني الناس الواعية والفاهمة والناضجة اختارو اسلاميين فا ما بالكم بالطبقات المتوسطة فكريا والطبقات الأدني وده بقا الدليل العملي علي ان التفكيرات المعارضة للاسلام كشريعة عبارة عن اقلية سواء في مجتمع المتعلمين والمثقفين و الطبقات الناضجة فكريا او الطبقات الأدني في التعليم والثقافة انا مكنتش ناوي ارد تاني بس انت مستفذ وبعدين ايه ثقافتك ومعلوماتك وبحثك علي النت دي هههههههههههههههههه صدقني انت بتقول نكت انت بتقول كلام وخلاص يابني دي اوهام ثراب خيال وكلام وخلاص انت بتقول كلام مرسل وغير واقعي ال عسكري ال م وكل حاجة ههههههههههه انا قولتلك فيه 16 حملة صليبية جت بما انهم متقدمين علينا ليه جابو 16 حملة صليبية مش هما المفروض هزمونا من اول حملة بيبعتو حملات تاني لية ؟؟؟؟؟؟؟؟ ولا هما بيبعتو حملات يتفسحو عندنا انا قولتلك والله لو حاسس ان انت هتهتم كنت جبتلك كتب مستشرقين ومثقفين عن تأثير علوم المسلمين القدامي علي التقدم الغربي الحالي بس للأسف بقا ثُمَّ قَسَتْ قُلُوبُكُم مِّن بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً وَإِنَّ مِنَ الْحِجَارَةِ لَمَا يَتَفَجَّرُ مِنْهُ الأَنْهَارُ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاء وَإِنَّ مِنْهَا لَمَا يَهْبِطُ مِنْ خَشْيَةِ اللَّهِ وَمَا اللَّهُ بِغَافِلٍ عَمَّا تَعْمَلُونَ انتظر بقا ردي علي كل كلمة بعد ما اقراء انا عدلت ردي لاني مستحيل اصمت علي الكلام دا |
رد: كل ده ولسه مش واخدين بالكم
اريد ان اوضح شىء بالمناسبه انا انسان عادى جدا ارتكب الكثير من المعاصى ولولا حكم الجهر بالمعصيه لاثبت لكم مدى سؤ شخصى انا غير ملتحى ومسبل الثياب واؤمن بالحريه مادامت لن تخالف شرع الله عز وجل اعرف عقيدتى جيدا والحمد لله واؤمن ان شرع الله هو الحق ومادونه باطل اعرف انه لا اله الا الله وان محمد رسول الله اعرف ان الجنه حق ولكن اتكاسل عن الكثير من الطاعات اعرف ان النار حق ولكن افعل الكثير من المعاصى والسيئات اكره التشدد ولكن احاول التمسك بشرع الله وفرق السماء والارض بين التشدد والتمسك بشرع المولى عز وجل اقسم بالله مؤمن كل الايمان انى اكثركم معصيه لله وان اقل شخص فيكم قد يكون اقرب الى الله منى احبكم فى الله :1 (58): |
رد: كل ده ولسه مش واخدين بالكم
الموضوع ده انا قريته فى احد المنتديات يوضح نقطه واحده فقط وهيه النقطه الاخيره وبس واعتقد بعد كده مفيش حد يقولى اشمعنا دلوقتى دوله اسلاميه؟ والرد فى الاخر برده يعني إيه دولة إسلامية : * يعني تستنجد إمرأة واحدة بالخليفة المعتصم اللي يبعد عنها أكتر من 2000 كيلو فيبعتلها جيش جرار عشان يحفظ كرامتها وميقلش وهوا إيه اللي وداها هناك ... ... * يعني التتار يهددوا العالم كله بالخراب والتدمير وتيجي إنت تنتصر عليهم وتنقذ العالم بجد مش زي ما بيجي في الأفلام الأمريكاني * يعني تكون اقوى وأكبر قوة في العالم وتمشي في كل حتة وإنت مرفوع الراس * يعني الخليفة هارون الرشيد يقول للسحابة أمطري حيث شئتي فسيأتيني خراجك * يعني الناس كلها تبات شبعانة ومرتاحة والخليفة بتاعهم عمر ابن عبد العزيز يبات جعان وتعبان * يعنى الناس كلها ابناءهم يلبسوا جديد وبنت الخليفه عمر تبكى لانى لبسها قديم والخليفه ليس معه مال لياتى لها بلبس جديد * يعني يجيي التتار يقولو لشيخ الإسلام إبن تيمية هنفرج عن المسلمين بس فيقلهم أهل ذمتنا قبل أهل ملتنا * يعني سيدنا علي قاضي المدينة أيام سيدنا عمر يقدم إستقالته لإن الناس مفيش بينها وبين بعض مشاكل ومش محتاجين قاضي * يعني تيجي إمرأة مسيحية لصلاح الدين تقولوا إن زوجها أسير وإن هوا اللي بيصرف عليها فيفرج عنو ويديهم فلوس توصلهم بلدهم * يعني بعد تحرير القدس صلاح الدين وقواد الجيش يتبرعوا بالفلوس اللي يفدو بيها أسرى الجيش اللي كان بيحاربهم لإنهم فقراء * يعني يعدي واحد من بيت المال أيام سيدنا عمر بن عبد العزيز ينادي في الشوارع إذا حد محتاج فلوس ياكل أو يشرب أو يلبس أو حتى يتجوز ومحدش يرد عليه لإن الناس كل إحتياجتها عندها * يعني تكون الدولة الأكثر تقدما في العالم والإختراعات كلها تطلع من عندك * يعني تكون اللغة العربية هيا اللغة الأولى وتكون الأندلس هيا مهد العلم على الأرض * يعني ييجي واحد قبطي يشتكي الوالي بتاعه لعمر إبن الخطاب فيحكم عمر إن القبطي يضرب الوالي ويقتص منه * يعنى يختصم واحد من اهل الذمه مع امير المؤمنين سيدنا علي على درع فيذهبوا للقضاء ويحكم القاضى للذمي بالدرع لان حجته وبينته اقوى من امير المؤمنين * يعني يفتح الرسول صلى الله عليه وسلم مكة ويجي الناس اللي فضلوا يحاربوه ويؤذوه طول عمرهم فيقلهم إذهبوا فأنتم الطلقاء * يعني محمد الفاتح يبقى شاب في ال 17 من عمره يحكم أقوى قوة في العالم ويفتح القسطنطينية وهو عنده 22 سنة * يعني أسامة بن زيد يخرج على رأس جيش فيه كبار الصحابة وهوا عنده 17 سنة بس * يعني تكتشف الدورة الدموية من مئات السنين ويجي بعدها واحد غربي ينسب الإكتشاف لنفسه * يعني تكون معظم أدوات الجراحة المستخدمة حاليا إخترعها طبيب مسلم * يعني الدولة الإسلامية تكون الأقوى والأكبر في تاريخ العالم ويجي حد يقلك دلوقتى مش عاوزين نخلط الدين بالسياسه |
رد: كل ده ولسه مش واخدين بالكم
* يعني الدولة الإسلامية تكون الأقوى والأكبر في تاريخ العالم ويجي حد يقلك دلوقتى مش عاوزين نخلط الدين بالسياسه وعلى فكره انا لا انتمى لحزب او جه سياسيه بعينها انا انتمى للاسلام بعيد عن التطرف والتعصب وعندى غيره على دينى واعتقد لما نقول دوله اسلاميه انه ده الحق بنقول اسلام ونقارنه بدوله ليبراليه او علمانيه هو ايه بعد الحق غير الضلال؟!!! |
رد: كل ده ولسه مش واخدين بالكم
اقتباس:
انا مكنتش ناوي ارد بعد ما قراءت اول سطرين بس انا هرد علشان الناس الي بتتفرج علي الموضوع تعرف الفرق بين كلامك وكلامي النقطة رقم ( 1 ) مين قالك ان الليبراليه تبعدنا عن التعصب الديني ؟؟؟؟؟؟ احنا نرجع بقا لأصل الموضوع مين قال اساس ان الدين بيؤدي للعنف الديني ؟؟؟؟؟؟ الي بيحصل حاليا سواء كان فيه عنف او غير عنف هو نتيجة طبيعية لحكم علماني لأغلبية مسلمة ترفض المساس بدينها اذا اساس كلامك كان السبب فيه تطبيق العلمانية في البلاد وليس العكس وده أدي الي ايه اولا اي عنف ديني حصل في مصر سابقا مكنتش الشريعة بتطبق او بتحكم البلاد كانو علمانيين بقوانين علمانية يعني دا ناتج عن التشريع الخاطئ ( العلماني ) في معالجة القضايا تخيل بقا لو الشريعة اتطبقت وكنسية اتهدت كان ممكن يحصل اية ؟؟؟ روح اسئل اي شيخ روح لشيخ انت بتقول عليه متطرف واسألو شوفو هيقولك اية اذا العنف الديني سببو العلمانية والي تشبه مبادئها بشكل كبير الليبرالية او بمعني اصح الي ماسكين الحكم ليبراليين بيطبقو حكم علماني الدلائل بقا ؟؟؟؟ من امتا وكان فيه عنف ديني في مصر ؟؟؟ هو الزمن معروف زمنا وبمعني اصح بعد جلاء الأحتلال والمستعمرين عن مصر بعد ما رسخو في بلادنا الحكم العلماني او بمعني اصح نجحو في تنحية الدين جانبا هل تقدر تجبلي دليل واحد ان كان فيه ظلم للنصاري في مصر في ظل الدولة الأسلامية تقدر تجبلي دليل ان النصاري اشتكو ؟؟؟؟ بالعكس انت ممكن ترجع للكتب القديمة من مصادر محايدة علشان تعرف قد ايه الأقليات الدينية كانت عايشة في نعيم مكنوش عايشينو دولوقتي فقرائهم كانو بياخدو من ذكاة المسلمين مع انهم اصلا مكنش مفروض عليهم دفع الذكاة ذي المسلمين فيه واحد بقا هيعمل ناصح وذكي هيقولي مهما كانو بيدفعو جزية ؟؟؟؟ أمين مهو احنا بقا لما كنا بنقول المسلمين بيدفعو ذكاة والنصاري مبيدفعوش والمقابل للذكاة الجزية مكنش حد بيفهمنا يعني انا دايما لما كنت بتناقش كنت بقول ان المسلمين بيدفعو قدر من المال والنصاري قدر من المال والاختلاف فقط في المسميات بمعني دي ذكاة ودي جزية كنائسهم كانت تصان واتحدي اي شخص يجبلي اي واقعة حصلت لتعدي علي كنيسة في عهد الدولة الاسلامية اذا المصايب كلها محصلتش غير في عصور ما بعد الدولة الاسلامية وكل كلامك باطل او بمعني اصح كلام وخلاص بسم الله الرحمن الرحيم لا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ صدق الله العظيم جزئية اخري بما انك بتتكلم عن ان الحروب الصليبية كانت بوازع ديني ؟؟؟؟؟؟؟ فا انت ليه مفكرتش ان احنا حاليا معندناش دول عربية بتطبق الأسلام ونفس الوقت لسه الحملات الصليبية او تدخل الدول الغربية مازال مستمر اذا تطبيق الأسلام مكنش المستهدف بدليل ان تطبيق الأسلام في الحكم انتهي ومازال التدخل مستمر والحملات مستمرة وبيحاك ضدنا 20 الف مصيبة علشان نقع فيها طيب اية المستهدف ؟؟؟؟؟ كان الدول الغربية بتحارب الدولة الاسلامية وكان فيه شقين فيها تطبيق الأسلام ( لسه موضحلك انه انتهي ) والمسلمين ذهب تطبيق الأسلام ويتبقي المسلمين ؟؟؟؟؟ اذا المستهدف هو المسلمين وليس تطبيق الاسلام وربنا قال ( (وَلَنْ تَرْضَى عَنْكَ الْيَهُودُ وَلَا النَّصَارَى حَتَّى تَتَّبِعَ مِلَّتَهُمْ ) اذا انا اثبتلك من منطلقين منطلق عقلي ومنطلق ديني والديني دا للناس الي بتتفرج علي كلامنا الجيش الجزائري قام بأنقلاب علي اي حكومة اسلامية طيب انت ليه مش بتدين دا مش انت ليبرالي او علماني ؟؟؟؟؟ دا اختيار الشعوب الي انقض عليها الجيش وايه ذنب بقا الاسلاميين في الأنقلابات دي ذنبهم ان الشعب انتخابهم وبردو لو قامت انتخابات نزيهة تاني الشعب هينتخبهم يعني مهما يعمل العلمانيين والليبرالين فا تاثيرهم ضعيف علي المجتمعات المسلمة النقطة رقم ( 2 ) تمام تمام بالنسبة لان في الدول التانية تمارس فيها الرزيلة اكتر من التحرش في الدول الاسلامية والله نفسي اضحك بس مش قادر اولا يا حبيبي الدول الأسلامية لا يطبق فيها الاسلام اذا التشريع هو الي خطأ لان انت لو عندك قانون راضع مكنش حصل تحرش في الشوارع اذا السبب هو قانون الدولة العلمانية فرنسا والي احنا بنطبقة حاليا ؟؟؟؟؟ يا أخي انت مدرك بتقول اية المفروض ان انت بتقول حاجة في الليبرالية افضل من الأسلام ؟؟؟؟؟؟؟؟؟؟؟؟؟؟؟ انت حاليا بتقول سلبيات الليبرالية مش بتقول سلبيات الاسلام والتشريع بمعني ان التحرش بيحصل في بلاد اسلامية غير مطبق فيها شريعة الأسلام ومطبق فيها الفكر العلماني والقوانين الوضعية الي بينادي بيها العلمانيين والليبراليين اذا التشريع العلماني دا هو الي خلي التحرش ينتشر ايه تاني الأعلام المتحرر هو الي خلي التحرش ينتشر واحد كل يوم بيشوف واحد بيبوس واحدة ونايم معاها علي السرير عايزو يعمل اية لو مش عارف يتجوز ؟؟؟؟؟؟؟؟؟؟ الأكيد انه بيتجه الأتجاهات دي بنائا علي تنامي رغباتة نتيجة لأعلام يطبق الليبرالية والعلمانية انت بتنتقد اية بقا ؟؟؟؟؟؟ سبحان الله انت بقا عايزنا نسمح بالدعارة علشان نمنع التحرش يعني علشان نشيل مصيبة نحط مصيبة اكبر منها صح انت عايز كدا ؟؟؟؟؟؟؟ يعني انت مثلا لو عندك ابناء في سن الشباب وربنا كتب عليهم ان يبقا ليهم اصدقاء مش كويسين وقالولهم تعالو نروح نتمتع في شقة الدعارة دي انت هتبقا مبسوط ؟؟؟ متقوليش بقا كل واحد يربي ولادة والكلام المسخرة ده التربية والتعليم مسئولية الأسرة نعم لاكنها مسئولية الدولة ايضا قوانين الي المفروض تكون محطوطة في صالح الفرد بالنسبة بقا لظاهرة التحرش نفسها فا من منظور اخر غير ان الأعلام الأباحي الي سمح بيه العلمانيين في بلدنا هما السبب بأشياء اخري منها مثلا الأداب العامة بمعني ان العلمانية سمحت بحرية في اللبس فا هتلاقي البنات بقت تلبس لبس مش كويس فا بتثير الشباب ؟؟؟؟؟ حضرتك بقا ممكن تقولي مهو فيه بنات مش بتلبس لبس مش كويس وبيتحروش بيها ؟؟؟؟ ايوة صح بس انا قولت من شوية ان الشباب بيتحرش بالبنات نتيجة تنامي رغباتة مع عدم قدرتة علي الزواج وتنامي رغباتة من العوامل الخارجية ذي اعلام الدولة الأباحي وذي انه سمح بتحرر البنات في اللبس يعني بكرر تاني تطبيق العلمانية هي السبب في تزايد حالات التحرش طيب ليه بقا مبيحصلش كدا في الدول التانية لانها بتسمح بالدعارة ؟؟؟؟ طيب ايه الأفضل نعالج مشكلة بمشكلة اكبر ولا نحل المشكلة احسن بتطبيق قوانين تقدر تسيطر علي الوضع الحالي ( الشريعة ) نقطة رقم ( 3 ) الجهاديين والجماعة الأسلامية اولا السادات مداش حرية ليهم علشان تقول اعطاهم حرية والكلام دا غير صحيح اطلاقا ثانيا الجماعات دي فيها الكويس والي قد يكون مش كويس بمعني مش علشان 5 ولا 10 ولا 20 ارتكبو افعال مش كويسة اذا كل الأسلاميين مش كويسين ودليل كلامي بقا ان الي اغتالو السادات كانو عبارة عن مجموعة من الشباب بعيدا عن اي قيادات للاسلاميين طبعا حضرتك هتقولي ايه عرفك لو قولتلك ارجع للتحقيقات الي اتعلمت معاهم هتقول اية ؟؟؟؟؟ هتقول مزورة او مزيفة او الناس الي كانت بتحقق خاينة ودا المتوقع منك لان انت لازم تطلع نفسك صح ايه بقا حصل تاني خروج الأسلاميين عن الحكام سواء بالعنق او بغير العنف بردو نتيجة لحكم علماني لا يسمح بالحرية وان المواطن يختار الي هيحكمة بنفسة وان كنت اختلف مع اصلا العنف وان كان العنف كان من مجموعة صغيرة جدا قد يكونو علي حق او مش علي حق بالنسبة بقا لحسن البنا فا من حظك كنت بقراء عنو امبارح انت اتناقضت اوي اوي من جة بتقول ان الارهاب مظهرش غير بظهور الجماعات دي ذي جماعة الأخوان المسلمين ومن جة اخري بتقول ان حسن البنا قال ليسوا باخوان ولا بمسلمين ده تناقض اذا كان مؤسس الجماعة نفسها قال الكلام دا اذا ليه بتلوم علي جماعة قائدها قال علي الي ارتكبو العنف مش اخوانين وكمان قال مش مسلمين ؟؟؟؟ بالنسبة بقا للفن والتماثيل والكلام دا كلو مصر كانت جزء من الدولة الأسلامية ؟؟؟؟؟ بما ان التماثيل حرام ليه في عهد الدول الاسلامية مكسروش التماثيل الفرعونية الي موجودة في كل مكان في مصر ؟؟؟؟؟؟؟ بالنسبة للفن فا الفن لو كان محترم ومتبع القواعد الي بتنص عليها الشريعة ايه المانع ؟؟؟؟؟؟ لاكن لو الفن بقا الي انت عايزو والسيكو سيكو والكلام دا فا هو بالتأكيد حرام وانا بعقلي وليس كمسلم شايف ان ده الأصلح ليه وللمجتمع نقطة رقم ( 4 ) الفتن الطائفية مشكلتها في الاساس قوانين الدولة ( العلمانية ) في الاسلام جميعا ندرك ان العدل هو الاساس اذا التعدي علي الأخرين سواء في ارواحهم اموالهم كنائسهم يعتبر خطا وظلم ومن منطلق الشريعة يجب محاسبة المخطأ بسم الله الرحمن الرحيم لا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ صدق الله العظيم مين قالك بقا ان الفتن الطائفية هتحصل لو اتطبقت الشريعة ؟؟؟؟؟؟ ممكن تقول السودان بالنسبة للسودان اولا في الأسلام فيه حديث للرسول عليه افضل الصلاة والسلام ان احنا المفروض نحتكم لاهل الزمة بما يؤمنون به وليس بما نؤمن به احنا فا لو حصل اخطاء في السودان فا دي متعتبرش عيب في الشريعة ولاكن خطا في تطبيقها فقط وليس فيما طبقوة مفيش لحد الأن دولة اسلامية بتطبق الأسلام كما طبق في السابق حتي السعودية النقطة رقم ( 5 ) بقا جزئية السياسة القذرة + السياحة اولا كويس انك عارف ان السياسة لعبة قذرة وكدب وخداع وغش وكويس انك عارف ان ميلاقش فيها غير ليبرالي او بوجة اخر علماني لان دا المؤهل للخداع والكدب والغش واحنا مش عايزين شخص ذي دا يحكم بلدنا او الأغلبية بمعني اصح لاكن حضرتك مثلا مقراءتش حاجة عن السياسة الشرعية ؟؟؟؟ ممكن تبحث عنها في الاسلام فيه حاجة اسمها السياسة وهي بنطبقها بدون خداع او غش الي هي تعبر عن صفات قذرة وانا كانسان مصري لا اقبل ان رئيسي يبقا غشاش ومخادع بدعوي ان السياسة لعبة قذرة الدولة الأسلام في عهد سيدنا عمر بن الخطاب كانت اكبر دولة في العالم واقوي دولة في العالم ومع ذلك سيدنا عمر بن الخطاب ولا كان بيكذب ولا كان بيخدع السياحة ايه المانع لما تبقا بقواعد معينة يبقا فيه حرية للسائح وفي نفس الوقت عدم اختراق عادات وتقاليد المجتمع ؟؟؟؟؟؟ انت لما المحجبة او المنقبة تروح اوروبا كل شوية نسمع سياسي يقولك علي المسلمين احترام ثقافة المجتمع الأوروبي اشمعنا احنا نحترم ثقافتهم وهما ميحترموهاش ؟؟؟؟؟؟؟؟ يعني انا علشان الفلوس اعمل بلدي شقة دعارة للسياحة طظ ربنا قال ( ومن يتقي الله يجعل له مخرجا ويرزقة من حيث لا يحتسب ) اخر حتة كان لازم انسخها بقا اقتباس:
انا قولت ان الأسلام يكفل الحريات الشخصية لاكن بحدود معينة والحدود دي اختراقها تعني اختراق حرية الاخرين وشبهتها تشبيهات بسيطة رقم 1 لو واحد راكب ميكروباص وشرب سيجارة ( حرية يشرب ميشربش ) وكان فيه ناس في الميكروباص المفروض ان الحرية دي اصبحت تؤدي لضرر الأخرين رقم 2 لو انا مش عايز اشوف واحدة عريانة في الشارع ومش عايز ابنائي يشوفو ستات عريانة وجيت لقيت واحدة عريانة قدامي ( في الليبرالية حرية تلبس تقلع براحتها ) بس كدا انت سمحتلها بأختراق حرياتي الشخصية في اني مش عايز اشوف واحدة عريانة ايه الأقوم ايه الطريق المستقيم تقولي انا مبصلهاش ولا تقولها هي تلبس ؟؟؟؟؟؟؟؟؟؟؟؟؟؟؟؟؟ انت عايزها هي تقلع مالط وتخليني انا اغمض عنية علشان تبقا حرية صح ؟؟؟؟؟؟ الحرية بقا في الأسلام والليبرالية بياخد الرسمة دي اقتباس:
اخيرااااااااا بطريقة كلامك دي ان فعلا ( الليبرالية جاهلية كجاهلية كفار قريش ) نقطة رقم 1 نقطة رقم 2 كل السلبيات الي ذكرتها دي مش موجودة في الأسلام او الشريعة لانها موجوده في مسلمين لا يطبق عليهم الأسلام ( يطبق عليهم القانون الوضعي المتمثل في القانون الفرنسي ) اذا الخطأ هو عدم تطبيق الشريعة او تطبيق القانون الوضعي والدواء هو تطبيق الشريعة وليس تطبيق العلمانية الي كانت بتتطبق اصلا وكان فيها المصايب دي كلها نقطة رقم 3 انت اشرت الي ان مفيش تحرش غير هنا وانت للاسف معلوماتك ضعيفة جدااا اكبر نسب الأغتصاب موجودة في امريكا مش عندنا يعني اعتقد التحرش دا يعتبر بالنسبة للأغتصاب شئ بسيط جداااااااا اخر حاجة بقا انا مكنتش عايز اكتبها اولا انا مش تبع جماعات اسلامية وعلي فكرة انا من فترة بسيطة جدا كنت بقابل بنات وعايش حياتي وحاليا غير ملتزم وانا حبيت اقول كدا بس علشان الناس تعرف ان الكلام دا مش بيطلع من الاسلاميين فقط الكلام دا المفروض يخرج من كل مسلم انا مدرك اذا الأسلام عظيم بعقلي بدون حتي ما اكون دارس يعني انا مدرستش اخر جملة بقا انا سبب فشلي ومقابلات البنات والكلام دا كلو كان الأعلام المتمثل في الأفلام القذرة والحياة الي احنا عشناها في ظل حكم غير اسلامي |
رد: كل ده ولسه مش واخدين بالكم
|
| الساعة الآن 05:39 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com