اف اكس ارابيا..الموقع الرائد فى تعليم فوركس Forex

- - ورشة الملوخيه (https://fx-arabia.com/vb/showthread.php?t=31465)

رد: ورشة الملوخيه

اقتباس:

المشاركة الأصلية كتبت بواسطة mrgoba5 (المشاركة 499062)

اهلا بكم
طبعا دي ولا ورشه ولا بتاع ده الفوركس ده ولا حتي مصنع ينفع معاه
طبعا أنا جالي الضغط والسكر و لما بحب اولع البوتجاز بقرب ودني منه ( لأنها خلاص بقت بطلع نااااااااااااااار )
وأخيرا ولكن ليس أخرا اقتنعت تمامااااااااا أنه لا يوجد شئ اسمه تحليل لا تقولي بقه فايبوناتشي ولا فراشه ولا خفاش لاتقولي ترندات ولا بتنجانات لا تقولي أخبار و لا ده خبر مهم وده مش مهم العمليه بصراحه بقت ملوخيه
اللي يفتح شارت اليورو حيلاقي قدام منه طبق كنافه ومن النوع الفاخر كمان
اللي يفتح شارت الكندي حيلاقي قدام منه طبق سلطه بلدي
من الاخر كده الفوركس ده ولا هو تحليل ولا هو بتاع أخبار الفوركس ده من الاخررررررررررر زي الخياره يوم في ايدك وايااااااااااااام ف......... ايدك التانيه :1 (83):
اللي عايز يكسب في الفوركس قدامه حل من اتنين
ياتبقي قدام الشارت 48 ساعه في اليوم وتطبق مبدأ اخطف واجريييييييييييي ويا خوفي لو مالحقتش تجري ( هتلاقي الخياره علي طول ) الحل التاني ان انك تدخل ب 100000 مثلا واهدافك تبقي سنويه او نص سنه علي الاقل وبرده خلي بالك من الخياره
ياجدعان انا ساعات بحس ان في الكام بتاعت اللاب بتراقبني أدخل بيع الاقيه بقه شرا وأدخل شرا الاقيه بقه بيع
من الاخر كده لن استسلم انا قررت امشي بطرقه من نوع جديييييييييد تماما
وانا عارف انها حتبقي انجح استراتيجيه ( حسميها استراتيجية خلف خلاف )
حعمل كل اللي اتعلمته ولو التحليل بيقول شرا حدخل بيع والعكس صحيح انا حسبت نسبة الصفقات والنقط اللي بكسبها وبخسرها لقتني كان زماني دلوقي مضاعف الحساب مرتين تلاته والنبي مش مسخره

بصراحه كان في كلام كتير جوايا وكنت محتاج اطلعه مفيش احلي من الفضفضه فكوكو من التحليلات و اللي عايز يفش غله اهلا بيه

هههههههههههههههههههه
ع فكرة الموضوع دة انا شوفت زيه قبل كدا ان فى ناس بكون عاوزه تدخل عكس تحليلهم من كتر ما بيعكس السوق عليهم جرب يمكن يحصل شئ جديد فى الفوركس وتبقى الاستراتييجة السحريه هههههههههههه طبعا بهزر انت نفسك مش هتدل صفقه مش مقتنع بيها حاول تانى وتالت .

رد: ورشة الملوخيه

عجبتني سولافة الملوخيه

شوف كده والنبي ترند الملوخيه .. صاعد ولا واقع

تصدق اني ناوي اعمل شعاري .. واعمله على شكل علم يرفرف في توقيعي

ابعد عن الترند وغني له

شوف .. في فرق بين التاجر وبين المحلل ... المحلل ليس تاجر .. والتاجر ليس محلل

التاجر بكسب من التجاره

المحلل بيكسب من التحليل ( ما له علاقة بالتجاره)

التاجر ..يشوف الفرصه وين .. ( بيع ولا شراء )
المحلل يقول كان في هنا فرصه بيع

التاجر .. يربح ويخسر من التجاره
المحلل يربح على طول .. اخر الشهر ياخذ راتبه ..

التاجر .. صاحب قرار وينفذ
المحلل .. صاحب راي ولا ينفذ..

جاوبني البنوك الي خسرت والشركات العملاقه .. يعني ما كان عندهم محللين يعني ؟.

رد: ورشة الملوخيه

هههههه ملوخية وكنافة .....ده طبق فوركس ولا فى الاحلام:1 (53)::1 (53)::1 (53):

رد: ورشة الملوخيه

والله موت من الضحك من اسم الموضوع بس
دخلت قرأت مت اكتر ربنا يسعدك
طيب تحدى
ادخل عكس تحليلك والسوق برده هيمشى عكسك
مافيش حل ياكابتن :)

رد: ورشة الملوخيه

اقتباس:

المشاركة الأصلية كتبت بواسطة unknown (المشاركة 499514)

لا ماتقلقش انا حفتح حساب ديمو وحخليه الاساسي ف تحليلي وحدخل فيه الصفقات حسب التحليل و الحقيقي حدخل فيه عكس :1 (83)::1 (83)::1 (83):
و يا أنا ياهو:1::1::1:

رد: ورشة الملوخيه

صدقنى يوم ما هاتقرر تدخل عكس تحليلك هاتكتشف انك كنت احسن محلل

انا بعد سنة و نص ماعنديش اى وصف للفوركس غير انه آداة يهودية لإستنزاف أموال الناس

لأن ببساطة بيقولوا ان 95% من المتاجرين بيخسروا
و المتاجر لما بيخسر فى الفوركس الفلوس دى بتكون راحت لحد تانى
و بالتالى ال95% دول بيصبوا فلوسهم فى محافظ الـ 5%

انا ساعات يا اخى اقول انا هصاحب الترند و هاروح معاه ابص الاقيه سابنى و عكس
اجى اقول ده ابن ستين فى سبعين و مش ماشى معاه الاقيه كمل

----------------
بس هاقولك على حاجة انا مرة حسبتها و لاقيت انى لو اعتمدت على مؤشر و لاقيت خسايره اكبر من مكاسبه فا عكست اشاراته
و فعلا عملت مكسب بس كان محتاج تطوير
و فتحت موضوع للمناقشة فى قسم المؤشرات بس للأسف مش هاتلاقى حد يساعدك و يخليك تتطور بجد
-----------------------
انا عايز اجمع فريق من الشباب اللى من سنى كده و نعمل مليون دولار من الشغلانة دى
اقسم بالله انا لو معايا فريق مكون من 6 اشخاص على الاقل كلهم عارفين يعنى ايه فوركس هاعمل مليون دولار
و انا واثق بنسبة 100% من كلامى

رد: ورشة الملوخيه

ع فكرة كلامك كله صح بالنسبه لى انا كمان ,بردو زيك بعمل تحليل و كل حاجه و ادخل شراء السعر يقع بيع, و ادخل بيع يطلع شراء و بفكر ادخل عكس التحليل و متوقع نتائج أرباح هائلة هههه :1:, و فيه ملاحظه كده لاحظتها ان مجال الفوركس أه العلم مطلوب بنسبه 90 % , لكن التوفيق من ربنا مطلوب بنسبه مليون % . كده التوفيق من ربنا و حسن الحظ يغلب العلم و التحليل بنسبه بليون % , و بردو مفيش داعى للتشاؤم حاول مرة و 3 و 100 الحد ما تبيع عفش البيت و احتمال تصيب و تبقى مليونير الأول قبل ما تبيع هدومك :1 (83):

رد: ورشة الملوخيه

اول ما مواضيع من النوع ده بتتفتح بلاحظ من الاقبال و الردود فيها ان تقريبا 90 % من اعضاء المنتدى خسرانين من زمان كمان :1 (83): ... طيب السؤال هنا يطرح نفسه : اذا كنتوا عمالين بتخسروا و المصيبة الاكبر كمان ان في كتير اوى من الخسرانين متأكدين ان العيب في السوق مش فيهم او في تحليلهم , بس بالرغم من كده لسه مستمرين ليييييييه ؟؟؟؟!!!!!! ....... السؤال الاهم بقه و اللي نفسي الاقيله اجابة : هو فيه فعلا ناس ( على الاقل هنا في المنتدى ) بتكسب من التحليل الفني ؟؟؟ ولو في ناس بتكسب فعلا منه , ازاي هما بيكسبوا و النسبه الاكبر بتخسر مع انهم بيستخدموا نفس التحليل ؟؟!!!!!! و محدش يجي يقولي بقه ادارة رأس المال و الكلام ده لان فعلا فيه ناس ملتزمة في ادارتها للحساب زي ما الكتاب بيقول و ملتزمة بقواعد التحليل زي ما الكتاب بيقول و برضه بيخسروا .... في النهاية اعتقد ان اللذين يربحوا كل منهم له طريقته الخاصة به التي لن يقولها لاحد ( وبالمناسبة : غالبا ملهاش علاقة بالتحليل الفني ) :1:

رد: ورشة الملوخيه

سبحان الله لما كل واحد يبقي حاسس انه اول ما بيحط أمر السوق بيمشي عكسه أمال السوق بيمشي مع مين بالضبط دي حاجه تجنن الواحد بس الطمع بيبقي سبب رئيسي في خسارة أي حد يعني لو السعر عكس عليك وانت داخل بلوت صغير مش هتفرق معاك وممكن تبرد من مكان أفضل لحد ما السعر يمشي معاك وتكسب من عقودك كلها بس الموضوع ده عايز راس مال معقوله وإدارة راس مال كويسه والبعد عن الطمع دي اهم حاجه انا بسبب الطمع خسران فوق ال 5000 دولار الاسبوع اللي فات يلا ربنا يعوض علي الجميع

رد: ورشة الملوخيه

المواضيع دي بتخلي الشركات النص كوم قاعدة تضحك علينا

http://2.bp.blogspot.com/_88XkFseGQl...ated-devil.jpg