اف اكس ارابيا..الموقع الرائد فى تعليم فوركس Forex - ^^--*//////// يوميات فوركسى عربى ((( مواقف و طرائف وغرائب الفوركس))))////////*--^^

اقتباس:

المشاركة الأصلية كتبت بواسطة archiwork (المشاركة 390933)

http://www.fx-arabia.com/vb/uploaded...1331392764.jpg
1- إيه هو أغرب موقف حصلك ؟

أغرب موقف بيحصلى لما بعمل أرباح كبيرة جدا فوق العادة مع شركة نص كم وبدل ما أكون فرحان ومبسوط أبقى مرعوب ومحتاس ومش عارف هاسحب ايزاى وياترى الشركة هتوافق على السحب ولا لأ وخصوصا لو الحساب بونص بدون ايداع وأبدأ أعمل أستراتيجية لسحب أرباحى من الشركة .
الشركات دى بتديك احساس أنك بتسرق منهم فلوس مش فلوسك
الشركات دى فعلا بتفاجئ وبتكون محتاسين هما كمان لأنهم مش بيكونوا متوقعين
أفتكر مرة شركة كانت بتكلمنى فى اليوم 3 مرات متواصل ويغيب كام يوم ولا أسبوع ويرجع يكلمنى ومش بيزهقوا تماما لمدة 9 شهور
فى خلال ال 9 شهور بقي واحد من العيلة يعتبر عرف عنى كل حاجة واتفقت معاه أنى هاخد منهم وكالة شرط يدينى بونص 100% لجميع عملائى ووافق وقالى افتح حساب علشان تجرب خدمات الشركة بنفسك قولتله موافق وهضحى بنفسى وهنشوف خدمات السحب والايداع عندكوا ايزاى قبل أى حاجة
كان يوم جمعة وعاوز أدخل على الجاب الأسبوعى وبدور على شركة أودع معاهم قبل السوق مايقفل ولاقيته بيتصل قولتله أنت بن حلال انا كنت لسة هاكلمك حالا لأنى عاوز اودع دلوقتى شرط أخد البونص 100% قالى اودع وحالا هانزلهولك قولك اتفقنا
أودعت 149 دولار ونزلى 149 دولار بونص
المهم بعدها ب ساعة الحساب وصل 500 دولار لاقيته بيتصل ومذعور جدا قالى انت رهيب ماشاء الله عليك ايه ده
على يوم الأثنين الجاب فتح عكسى والحساب نزل الى 200 دولار لا قيته بيتصل وفرحان أوى وقالى خلى بالك وكلام من ده
بعدها بيوم رجعت الحساب ووصل 700 دولار لاقيته بيتصل ههههه قولتله بقولك ايه هو أنا كل ماهفتح عقد هتقعد تكلمنى ولا ايه ماتفكنى شوية ههههههه
لحد ماجه يوم الجمعة الى بعده والحساب وصل 900 دولار لاقيته بيتصل وزى مايكون عنده حد مات ويقولى خف شوية أنت داخل بعقود كبيرة وكدة غلط وكلام من ده المهم كان فى خبر والخبر جه عكسى والحساب نزل من 900 الى 380 دولار لاقيته اتصل وفرحان زى مايكون كان قاعد ورا الشاشة مستنى أمرجن وبيرغى فى الهايف قولتله أقفل علشان مش فاضى
المهم قفلت العقود الخسرانة ودخلت عكس الاتجاه الحساب رفع من 390 دولار الى 1350 دولار فى نفس اليوم
لاقيته الموبايل بيرن هههههه كلمنى ايه ده أنت خطير ده أنت لازم تدير حسابات عندنا مش معقولة كدة كل ده فى أسبوع
وكمان خلصت العقود المطلوبة للبونص صح قولتله بقولك ايه انت بتتصل علشان تحسدنى ولا ايه
قالى بوص لازم تجيب عملاء وأديك شوفت الشركة والكلام ده قولتله لسة لما أشوف السحب عامل ايزاى قالى خلاص أسحب
المهم غيبت كام يوم عامل نفسى عبيط والحساب مش فارق معايا وهو كل يوم يكلمنى يقولى جرب السحب وهات عملاء قولتله خلاص مادام مصمم هو كان فاكرنى هاجرب سحب 100 دولار ولا حاجة اتفاجئ انى طالب سحب 1350 دولار يعنى مصفر الحساب
كلمنى قالى ايه ده انت طالب تسحب المبلغ كله قولتله طبعا فى مشكلة عندكوا لو عميل حب يقفل حسابه مش لازم أتأكد بنفسى انى وقت لما أطلب فلوسى هالاقيها ثم انى هابقى وكيل ليكوا ولازم أضغط عليكوا وأشوف رد الفعل والمفروض ما أقولكش الكلام ده وفضلت أغنى عليه
لاقيته فضل يسألنى أنت هاتجيب لنا كام عميل وايداعات كام وبتسوق ايزاى وفهمت منه زى مايكون السحب ده هاينفذوا على مسئوليته الشخصية امام الشركة
المهم فعلا 10 دقايق وأرسل الفلوس وكلمنى وعامل فرح كأنهم اول مرة فى حياتهم ينفذوا سحب وقعد يوصينى أنى أجيب لهم عملاء ومن ساعتها نفضت لهم طبعا وهو مش عاتق موبايلات زى مايكون عاوز يشتمنى مثلا أو كأنى أتسببت له فى ورطة.
http://www.fx-arabia.com/vb/uploaded...1346757257.jpg

http://www.fx-arabia.com/vb/uploaded...1331392926.gif

خطــيــــر ما شاء الله برافوا :1 (97)::1 (105):