اف اكس ارابيا..الموقع الرائد فى تعليم فوركس Forex - ايداع الاموال الي شركة الفوركس بلتحويل البنكي ؟

رد: ايداع الاموال الي شركة الفوركس بلتحويل البنكي ؟

اقتباس:

المشاركة الأصلية كتبت بواسطة mohtaia (المشاركة 243387)

بالفعل هو بيكون فيه حد أدنى لفتح الحساب وده بيختلف من بنك لبنك
لما فتحت حسابى ( فى NSGB ) كان الحد الأدنى أقل بكتير من 1000 دولار

طبعا بعد فتح الحساب اسحب منه الى انت عاوزه مفيش مشاكل

وفتحته فعلا بالمصرى وبعت منه فلوس بالدولار عادى ولما سحبت فلوس من الشركة الى كنت شغال فيها اتعمل اوتوماتيك حساب تحته بالدولار واتحطت فيه الدولارات القادمة كما هى

بالنسبة للفيزا دى انت بتطلب تعملها وانت بتفتح الحساب
(فيزا نت مدفوعة مقدما )
دى بتاخد شوية وقت على ما توصلك تقريبا اسبوعين من بعد طلبها
وبيكون ليها مصاريف سنويه تقريبا 10 جنيه

والميزة فيها ان حضرتك بتحولها أو بتشحنها من حسابك الأصلى يعنى لو حسابك فيه ما يعادل 1000 دولار مثلا ممكن تحول منهم 100 دولار فقط للفيزا و تتعامل بيهم ولما يخلصوا بتحول ليها تانى من حسابك وهكذا
فمفيش خوف ان يتسحب منها أكتر من الى انت كاتبه

بالنسبة للأيداع والسحب
الفيزا ممكن تودع بيها ( تدفع بيها فقط ) لكن السحب بيكون على حسابك البنكى
وبالنسبة لأرسال الأموال انا بفضل الفيزا عن الحوالات البنكية لأنها أسرع بكتير ومصاريف دفع الفلوس بيها ايضا أقل بكتير من التحويل البنكى

باقى نقطة واحدة تتأكد منها من الشركة الى هتشتغل معاها ان شاء الله
وهى ان لو انت دفعت بالفيزا ممكن تسحب بتحويل بنكى ولا لأ
لأن فيه شركات بتشترط الدفع بالتحويل البنكى اذا أردت السحب بالتحويل البنكى

تحياتى أخى

اقتباس:

المشاركة الأصلية كتبت بواسطة mohtaia (المشاركة 243457)

لم اتعامل مع الأهلى المصرى لكن عموما الآليه واحده وممكن تتاكد من البنك نفسه ده هيكون أفضل

رقم الحساب الى هتاخده من البنك ( وفيه فلوس بالمصرى ) ده الى هتتعامل بيه لما تبعت فلوس أو لما تيجى تسحب فلوس من شركتك

الحساب الفرعى الى بالدولار مش هيتعمل الا لما يجيلك تحويل بالدولار من بره
( هيتعمل اوتوماتيك تحت رقم حسابك الأصلى وهيكون امتداد ليه )
وده لفصل الجنيه عن الدولار وطبعا ممكن تحول ما بينهم بسهوله

بالنسبة لأفضل البنوك
انا بتعامل مع الأهلى سوسيتيه وممتاز

اشكرك جداً على اهتمامك وكرمك

رد: ايداع الاموال الي شركة الفوركس بلتحويل البنكي ؟

شكرا للجميع علي مشاركتهم وردودهم المفيدة لي ولبقية الاعضاء وان شاء الله اقوم بالتحويل المبلغ من البنك الاهلي الي شركة الوساطة واخبركم باخر التطورات وربنا يكرمنا فى مجال الفوركس

رد: ايداع الاموال الي شركة الفوركس بلتحويل البنكي ؟

تجربتى فى الايداع
تم فتح حساب بالمصرى فى بيريوس واستلام دايبت كارد فى اقل من نص ساعه
وعملت ايداع فى اف اكس دى دى 100$ تم خصم 630 ج من الحساب فى بيريوس
وتم ظهور الرصيد فى الحساب بعد ربع ساعه تقريبا او اقل
همسة (تاكد ان الاسم اللى على كارت مطابق تمام لاسمك فى الحساب فى الشركه)

رد: ايداع الاموال الي شركة الفوركس بلتحويل البنكي ؟

اقتباس:

المشاركة الأصلية كتبت بواسطة mazen107 (المشاركة 243381)

الموضوع ده فى غاية الاهمية على الاقل بالنسبة لى
فتح حساب فى البنك الاهلى لتحويل (ايداع) الى شركة فكسول تحديداً
عاوز من الخبراء فى الموضوع ده شرح وتبسيط الطرق الى ابسط ما يكون .. لانى فى الاول عرفت ان الحد الادنى لفتح حساب بالدولار 1000$ مع انى عاوز افتح حساب بـ 250$ بس ، وبعدين عرفت انى ممكن افتح بـ 1000$ حسب قوانين البنك ثم اسحب اللى انا عاوز اسحبة .. برضة مشكلة .. وبعدين سمعت ان الحد الادنى 500$ ... كل ده الكلام عن البنك الاهلى لانه كل بيشكر فيه ولانة اقرب ليه بصراحة
بس اخر ما اثلج صدرى هو انى ممكن افتح حساب بالمصرى عادى جداً واحول منة الى فكسول عادى جداً وفى حالة السحب من الشركة ان شاء الله يتم فتح حساب لى بالدولار تلقائى بدون التدخل منى (المعلومة من مصدر محترم)
وبعد اذنكم شرح لموضوع الفيزا للتعامل فى هذا المجال .. لانى لا اعلم اى شئ عن الفيزا من اول استخراجها الى الايداع والسحب مع ذكر من فضلكم سلبيات وايجابيات (عيوب ومزايا) التعامل بالفيزا

طبعاً اعتذر لصاحب الموضوع على التطفل ولكن اعتقد ان الاستفادة ستكون للجميع
اشكركم

بــ 250 دولار
تقدر تفتح الان حساب مع البنك الاهلى المصرى ,,

انا فاتح حساب منذ شهر ولم يكن هناك اى حد ادنى للفتح الحساب ,

بالتوفيق

رد: ايداع الاموال الي شركة الفوركس بلتحويل البنكي ؟

انا سمعت انه الايداع بالفيزا طيارة لكن السحب بياخد اكتر من شهر ياريت اللي عارف ومجرب يدلنا علي الصح لانه الموضوع دا مهم للغاية للمبتدئين