المشاركة الأصلية كتبت بواسطة farok (المشاركة 229638)

كل هذا كذب وافتراء على الاخوان والسلفيين
من هدى المصرى ؟؟ّ!!!
وماهى روز اليوسف !!؟
لى صديق استاذ ومعيد بكلية التجارة جامعة المنصورة
واكد لى ان ماكتبته هدى المصرى ليس فيه شىء من الصحة
وكل الموضوع ان منذ بداية الثورة والاعلام ليس لدية شىء الا ان يظهر الاخوان والسلفيين بابشع الصور كأن مصر ليس فيها مشاكل الا هم
اليس الشيخ محمد حسان هو الشخص الذى طلبه الاعلام والحكومة قبل انتهاء الثورة ليظهر فى التلفزيون لكى ينصح الشعب والثوار
المشكلة ليست فى المقالات والصحف ولكن فينا نحن اذ نأخذ هذه المقالات وننشرها اكثر واكثر
فرجاء الى الاخوة الاعضاء
استراحة اف اكس ارابيا لجميع المواضيع ولكن بلاش المواضيع اللى زى ده
ورجاء الى الاخ الفاضل صاحب الموضوع
يوجد ملايين المواضيع الجميلة والمسلية فلماذا هذا الموضوع بالذات !؟

المشاركة الأصلية كتبت بواسطة د/محمد حسام (المشاركة 229644)

المشاركة الأصلية كتبت بواسطة د/محمد حسام (المشاركة 230276)

الاخ الكريم الاستاذ امير

هو صحيح الليبراليه مذهب سياسي وهو فعلا لا علاقة له باي دين ولذلك في وجهة نظري المصيبه ان اللي يحكم يكون من الليبراليين عارف ليه لان انا وانت واي مسلم يتشرف بانه يكون سلفي اي سلفي لمنهج رسول الله صلي الله عليه وسلم اللي الليبراليين مش عايزين يكون ليه وجود علي الخريطه لان منهجهم علماني بحت
أنا أسف يا حسام الكلام غير صحيح ومعكوس كمان ...ممكن قصدك على الشيوعية مثلا مش الليبرالية.
الليبراليين وغيرهم من المضاديين للمنهج السلفي ليهم هما كمان اخطاء كتيره واخطاء بشعه ممكن اعرف ليه ما بنحطش المنظار عليها زي ما احنا بنستني اي غلطه للسلفيين زي ما يكونوا هما ملايكه من السما مش المفروض يكون ليهم اي غلطات
علشان الليبرالى لما بيتكلم مبيقولش أن دى تعاليم ربنا وبالتالى خطأه مرجعه لنفسه يعنى مثلا ساويرس ليبرالى لكن أستاذ أمير الليبرالى بردو يقدر ينتقده من غير أى مشاكل ويقول فيه قصائد تخوين وعمالة ومحدش يقدر يتكلم .... لكن لو نادر قال شومان وللا فلان ...تقوم القيامة لأن نادر كدا بيتهجم على الله وعلى الأسلام وعلى كل شئ جميل فى حياتنا لأن شومان وهو بيقول رأيه وبينفذه كمان بإيده بيقول لك ربنا بيقول كذا كذا ( طبقا طبعا لفهمه وتأويله ) وأعترض بقى على كلام ربنا .

اللي عايز يغلط حد ويستنكر عليه افعاله يقولنا هو مين وتبع ايه وقبل كده ما يكونش ليه غلطات

واذا كنا بنتكلم عن الديمقراطيه فاول مبادئها احترام الراي الاخر وعدم التنكيل والتجريح بصاحبه

اذا كنا عايزين نبني بلد قائم علي الديمقراطيه والشوري يبقي المفروض لو سمعت راي حد من اي حزب تاني لا انتمي اليه وما عجبنيش رايه اناقشه بموضوعيه دون التعرض للشخص نفسه بانه بيفهم ولا ما بيفهمش والكلام اللي انت اكيد فاهمني من غير ما اقوله وشكرا لمداخلتك اخي الكريم امير وكل سنه وانت طيب

المشاركة الأصلية كتبت بواسطة farok (المشاركة 230351)

مين قالك ان الدكتور عبد المنعم قال كده ؟!!
قرأتها فى اليوم السابع ام قرأتها فى روز اليوسف
ام سمعتها على لسان المذيعين الحلوين على القنوات الفضائية مثل عمرو اديب او هالة سرحان
عندك مقاطع فيديو على لسانه وصورته ؟ عايز اشوفهم
بدون تهكم يا فاروق من حقك تطلب دليل أو تصدقنى او متصدقنيش لو قلت لك شوفت بعينى لكن الأدلة مالية النت بس للى عاوز يشوف مش المعترض وخلاص .... صح ؟؟!!! وأقتنعت او مقتنعتش دا رأيك مش من حقى أقنعك بالعافية او بالألحاح أحنا بنتناقش مش بنتخانق :1 (109):.
هل تعلم ان فى ذروة وقت الثورة نشرت القوات المسلحة شكر فى جميع وسائل الاعلام لسلفية العريش لصدهم هجوم مسلح على احدى الكنائس !!
حد سمع عن الموضوع ده ؟ طبعا لاء
أنا سمعت ... وأنت تانى حكمت مسبقا بأن محدش سمع ..... شكر خاص للأخوة بالعريش ... وإدانة للأخوة فى سيناء لحرقهم كنيسة هناك وسط صيحات وهتافات دينية برغم أن هذا ضد التعاليم الأسلامية التى تحض على الحفاظ على القسوس والرهبان لأنهم يتلون أيات الله أثناء الليل وأناء النهار وهم قوم لايستكبرون .
انا لو عايز اعرف شيوخنا الافاضل بيقولوا ايه
اتفرج على الحياة او روتانا او ام بى سى
ولا اشوف الرحمة والناس
لأ أنا بتفرج على قناة الناس ...عندك اعتراض :1 (109):
ادخل على اليوتيوب واعرف مين الدكتور عبد المنعم الشحات اللى حضرتك قلت عليه انه جاهل
من الاخر اعرف همه مين فعلا وبيقولوا ايه لكن على لسانهم همه مش لسان الناس التانيين
وبعديها اتناقش لكن وانت على علم ودراية

المشاركة الأصلية كتبت بواسطة farok (المشاركة 231432)

اخى امير عيسى
بما ان الموضوع ستطول فيه المناقشة فأحب ان اوضح اننا اخوة فى الله وجمعنا منتدى اف اكس ارابيا وسنظل نتناقش حتى يقتنع احدنا برأى الاخر
ومهما كانت النتيجة من نقاشنا فهذا لن يؤثر فى علاقتنا كأخوة فى شىء لان فى ناس كتير بيقولوا ان اسلوبى حاد واذا شعرت ان هذا هو اسلوبى معك فأعذرنى وسامحنى فلا اقصد ان يكون اسلوبى حاد ونخش بقه فى الموضوع ياباشا
أنت راجل محترم ... ممكن تكون مندفع ولكنك محترم وكل ما تتناقش مع الناس أكتر هتلاقى الحدة اللى فى طريقة كلامك هتقل وهتلاقى نفسك وصلت للأفضل.
اولا : انت اتهمت عبد المنعم الشحات بالجهل وكنت هتشتم اكتر من كده علشان موضوع التماثيل

بالنسبة لاتهامك او انك تشتم احد من علماء الاسلام هذه حرام حتى لو فعلا اخطأ فالطعن فى العلماء حرام
ومتزعلش منى هذا عالم من علماء الاسلام فهل لديك من العلم مثله ؟
لا أدعى ....لكن كيف حكمت عليه بأنه عالم ؟؟؟ هل درس فى الأزهر مثلا ؟؟؟ ... أنا حكمت عليه بمقارنة أفكاره بأفكار علماء الأسلام وسلف الأسلام الصالح .
بالنسبة لموضوع التماثيل فلى ثلاث نقاط

النقطة الاولى : حكم الاسلام فى التماثيل ان التماثيل حرااام ويجب هدمها والرسول صلى الله عليه وسلم عندما دخل مكه قال لاتتركوا تمثال قائم ويجب ان يسوى بالارض واذا دخلت على جميع انواع الافتاءات الاسلامية فى جميع المواقع فى العالم ستقول لك هذا ماعدا دار الافتاء المصرية !!!
يعنى من الاخر عندك رأى الاف العلماء فأرجوا ان لاتكون ممن يأخذوا رأى عالم واحد لانه يتوافق معه رأيك
أنا مش قادر أصدق أزاى وصلوا لدرجة أن أدخلوا فى عقول الناس فى مصر أن دار الأفتاء المصرية وأزهرها الشريف مارقين عن الأسلام العالمى ... دا احنا العالم كله بيتعلم مننا الأسلام ..مصر لها أكثرمن 1400 سنة مسلمة وتعاقب عليها مذاهب وشيع وممالك ولم يحاول أحد كسر التماثيل ونعتها بالأصنام ولم يحدث فى العالم أن كسر أحد تماثيل مصر أو تغطيتها اللهم ألا فى أفغانستان التى لايمكن ان تكون قدوة لمصر وحجة على مفتيها وأزهرها .
وتخيل بقه ان رأى عبد المنعم الشحات يعتبر متساهل لانه لم يقل نهدم بل قال ان نغطيها بالشمع لان التمثال اذا غطيت وجهه او كسرت جسمة ذهبت منه الحرمانية

النقطة الثانية : لقد قلت ان عمرو بن العاص عندما دخل مصر لم يهدم اى تماثيل
ياباشا معظم التماثيل الفرعونية وغيرها كان مطمور تحت الرمال وكله مكتشف حديثا يعنى من اول 1800 ميلادى وانت طالع او كان فى وسط الصحراء اى مناطق لم يصلوها الا اذا كان عند اثبات على غير ذلك
النقطة الثالثة وهى الاهم :
تماثيل من هؤلاء الذين تريدون الحفاظ عليها وانها رمز الحضارة !!
الفراعنة .... الفراعنة اللذين استعبدوا الناس وحاول قتل الانبياء مثل سيدنا ابراهيم وسيدنا موسى عليهم السلام
الله سبحانه وتعالى لم يذكر الفراعنة فى القرءان الا بالذم والضلال
لكن الاعلام والتعليم على مدار الزمان دخل فى دماغنا اننا اولاد الفراعنة وهم اجدادنا العظام

ده حتى يا اخى الواحد لما بيفترى قوى فى الظلم بنقول عليه ده بقه فرعون
دة تاريخ يا بيه تاريخ .... هو فيه حد فى مصر بعد القرن ال20 هيعبد تماثيل ... أرحمنى ههههه ... فاكر كانوا بيقولوا أية على الأفغان فى العالم ؟؟؟ بدل ما تكون سفير للأسلام تخللى الناس تتكلم على الأسلام غلط شمال ويمين وتقلب مصر لأفغانستان .... لكن هقول أية كله من مبارك ضيق على الأزهر والكنيسة وضيع الناس .
حاجة اخيرة بيقولها الناس الغلابة زى ان التماثيل ده هى رمز الحضارة والسياح بيجوا علشانها ودخل قومى للبلد

يا اخى هرد عليك واقول لو الفلوس هتيجى من حاجة حرام اذن الله الغنى عنها وبعدين رموز الحضارات كثيرة جدا فمش هتيجى على كام تمثال للفراعنة
كلمة اخيرة مش معنى ان احد الشيوخ فى خطبة جمعة قال ان الديمقراطية حرام اذن هذا هو رأى الاسلام ورأى جميع الشيوخ فلا تأخذ السلفيين والاخوان بذنبه
لكن نقول دة بيتكلم غلط مش نقعد ندافع عنه ومفيش حد مبيغلطش لكن لو سكتنا يبقى بكرة هيقول على كل حاجة حرام والشيفورلية حرام ....
يعنى لو احد الممثلين شتم الثورة
هل معنى ذلك ان جميع الممثلين وحشين او اغلبهم كما قلت !!
طبعا لاء هتقول ان فى كتير محترمين
انما لو احد شيوخ الاسلام قال حاجة غلط
اذن هذا هو رأى الاسلام وهمه دول ياعم شيوخ الاسلام

المشاركة الأصلية كتبت بواسطة spedoboy (المشاركة 232213)

المشاركة الأصلية كتبت بواسطة farok (المشاركة 232414)