|
رد: اين اهل الخبره في الفوركس والتحليل الفني
اقتباس:
عن نفسى لا اعتقد و اؤمن انه لا نظام عمل كامل و لكل نظام مزاياه و عيوبه و انت عليك كمتاجر ان تكتشف كل الانظمة و تستخرج منها ما يفيد و ما يغطى نقص النظام الاخر كى تكون متاجرتك صحيحة الى ابعد الحدود.. و لو كان الحل فى جان او اليوت مكانش حد غلب :) تحياتى يا باشا و جمعة موفقة عليك ان شاء الله. |
رد: اين اهل الخبره في الفوركس والتحليل الفني
جميا جداً أن يكون لديك هذه الروح و تلك الهمه و هذه الرغبة التى لا تلين فى مواصله تعلم كل ما لاتعلمه رائع كل ما تفضل به اخواننا بالرد يكفيك فعلا للمتاجرة و التربح من الفوركس و شريحه كبيره يكتفون بالتحليل الكلاسيكى و المؤشرات و انا منهم التحليلات الزمنيه و الرقميه لها عشاقها و محترفيها موجات اليوت و اساليب جان و غيرها قد يقل مستخدميها على اهميتها نظراً للأكتفاء بما هو دونها و يحقق الهدف و بسلاسه و بساطه و لكن لتصبح هذه الصفحه فرصه للاستزادة من التعلم لما هو غير متاح مع التربح بما هو متاح بالتوفيق اخى |
رد: اين اهل الخبره في الفوركس والتحليل الفني
اقتباس:
دون مقاطعة لكينج ...يابنى أنت مستقصدنى ... طيب قول لى مؤشر كدا زعلك وقول لى أنت كنت بتستخدمه أزاى وأنا أ .... أقول لك انت كنت بتغلط فى اية ... بص لا سحر ولا شعوذة ...روح أقرأ موضوع أسرار الفوركس وشوف البولينجر بيعمل اية ...لا سحر ولا شعوزة وهو سايب أيده أهه ... صرخ بقى وضيف البولنجر كمان لليستة . :1 (87): اقتباس:
طيب نكمل فى د.عبد المنعم ...لأ نبدأ جان واليوت .. مشكلة جان أنك بتدخل الصفقة ومثل أى نوع تحليل أما تكسب او تخسر لكن المشكلة لو كسبت مش بتعرف كسبت لية والمشكلة اللأكبر أنك عندما تخسر بردو ما بتعرفش خسرت لية يعنى مش هتتعلم من اخطائك ... دى واحدة ...تانى مشكلة أن جان اصلا له طرق كتييييرة جدا ... وألف أنت بقى وحط وشيل وأقسم واضرب وطلع 100 طريقة وقول لى دى طريقة جان ... طيب هات لى ما يثبت على النقل من جان مفيش طيب قول لى قاله فين ؟ متعرفش كلها كلام ناس ومحاولات ... وربنا يكرم الجميع . اما عمنا اليوت الراجل بحبح وفضفض وقال اللى عنده ... مشكلته الجملة المشهورة " ضع 100 محلل أليوتى فى غرف منفصلة وأعطى لهم نفس الشارت واطلب منهم تحليله وستحصل على 215 تحليل لنفس الشارت " ... 215 مش 216 لأن 215 دا رقم جان انا بعد دراسة وفحص وتمحيص لقيتة تمام :) ... وطبعا لو سيبت الأساتذة مع بعض هترجع تلاقى 50 مقتولين و13 جان والباقى بيكلموا نفسهم .لأنهم ببساطة لا يقتنعون بأى رأى مخالف بسهولة لأن كل منهم له اسبابه ....... وضحاياه .:) التحليل الرقمى عشقى ... الثانى ... ( الأول هو المؤشرات ... واخد بالك يا محمد m10000 :)) مشكلتى مع الرقمى هى المضاعفات حساب قوى ومتين ادخل واخرج مثلما تريد حساب ضعيف معناها مارجن طيب لية مضاعفات ؟ لأن المشكلة أنك بتحدد أقوى مناطق فى الشارت بالبيب ( وكسور البيب أيضا ) لكن تظل لا تعرف أن كانت ستكسر أم ترتد وبالتالى تتعدد الطرق أما دخول مع الأتجاه العام فقط والتعزيز بالمضاعفة او فى كلا الأتجاهين حتى الكسر او الأختراق . وعلى فكرة أحلى رقمى هو المدمج مع الكلاسيكى او المؤشرات . طولت عليك ...معلش ...أكمل لك لما نتقابل فى اجتماع أرابيا الأول . بالتوفيق فى الأختيار يا برنس . |
رد: اين اهل الخبره في الفوركس والتحليل الفني
اقتباس:
:1 (105)::1 (105)::1 (105)::1 (105)::1 (105)::1 (105): |
رد: اين اهل الخبره في الفوركس والتحليل الفني
اقتباس:
انا بشكر الجميع علي المشاركات الهامه ده بالنسبه للاستاذ فيليب الكلام عن جان فيه مشكله اكبر من كده وهي انك استحاله تدمجه مع نظام تحليل تاني يعني ما ينفعش تستعمل معاه الكلاسيكي او حتي اليوت بس فيه ناس في احد المواقع كانت بتدي توصيات وكانت اغلبها ناجحه وكانت بتسخدم مربع التسعه لجان بس فيه اكتر من راي بيقول ان جان فعلا لم يفصح عن كل خباياه وناس قالت لا الكلام مش مظبوط جان طلع كل خباياه وقال ان الاسواق الماليه اتغيرت واصبحت فيها تحكمات وغيره زي ما بيعلم بنك اليابان في الفوركس بالنسبه لايوت فده مختلف شويه ليه لان اليوت مات وكان واضع كل قواعد النظريه كامله وقعد كذه سنه يطبق الموجات علي السوق الداو جونس ثانيا حاليه توجد مدرستين بريختر واليوتشتان وبعد السؤال من المحليل قالوا ان برختر افضل خاصه بعد تطويره للنظريه واستطاع ان يربط بين اليوت ونظريه اخري قويه وهي فيبوناتشي يعني هو بيديك كذه هدف للموجه علي حسب معرفتي ثانيا اليوت ممكن ندمجه مع الكلاسيكي والموشرات وغيره ومش هيقول لا زي جان لانك زي ما قولت في الفوركس بالذات ما ينفعش تعتمد علي حاجه واحده وهندك روبرت مينر بتاع الداينمك تريد شوفك قدر يستغل اليوت وفيبوناتشي ازاي بالنسبه لايوت وان كل واحد له تحليل انا ممكن اجيبيلك كذا محلل واحط قدامه شارت شموع وكل واحد هيحلل بشكل مختلف حتي هذه اللحظه فيه نماذج للشموع الخبراء بيختلفو فيها يعني ده في كل نظم التحليل انا الصراحه كنت عايز اسالك عن كورس عن التحليل الرقمي او كتاب علشان الم بيه مش عايز استراجيه انا عايز اتعلمه مش احفظه هل انت درست جان فعلا او اليوت ولا ده رايك وايه رايك في كتاب جان العربي بتاع محلل اسمه تامر |
| الساعة الآن 01:25 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com