اف اكس ارابيا..الموقع الرائد فى تعليم فوركس Forex - هناك شعور كبير بالظلم ... نرجوا من الأعضاء المساعدة

- استراحة اف اكس ارابيا (https://fx-arabia.com/vb/forumdisplay.php?f=10)

رد: هناك شعور كبير بالظلم ... نرجوا من الأعضاء المساعدة

اقتباس:

المشاركة الأصلية كتبت بواسطة Sherif2009 (المشاركة 168444)

ياريت من كل الاعضاء الدخول الى الورشة وعمل لايك على كل المشاركات اللي في آخر صفحات من الورشة واليكم رابط ورشتي

http://fx-arabia.com/vb/showthread.php?t=5666

طبعا كل الناس حتقولي ميصحش الاسلوب اللي انت بتعمله

حقولهم انا بقالي اكتر من اسبوعين لا اجد تقييما من الادارة للمشاركات الفعالة بتاعتي ولا حد تقييم للتوصيات واللي هي اساسا عبارة عن ( نتائج افضل توصيات في المنتدى ) وكمان الوحيد اللي بيطبق توصياته

على الحساب الحقيقي في المنتدى كله

النتائج والارقام بتقول كده

للأسف بعد النظام الجديد لقينا كل المشاركات الغير فعالة بيتعملها لايك والفعالة احيانا لا

العملية داخلة فيها مصالح واهواء

وانا بقدم التوصيات ومفيش حد عايز يخش غير نادر قوي

لوسمحتم الكل يعمل لايك على نتائج الورشة

أسمحلي يا أستاذ شريف أسألك عن حاجة بسيطة !!!

حضرتك بتقول أن أنت الوحيد في المنتدي الي بتطبق توصياتة علي الحساب الحقيقي معلش أسمحلي أقولك عرفت منين أنك الوحيد الي بتطبق هذه التوصيات علي حسابك الحقيقي و لية بتظن السوء بأخوانك في المنتدي يا سيدي ربنا يكرمك و تفضل دائما بتحقق أفضل نتائج و لا تنسي ان هذا من فضل ربك عليك و قل الحمد لله و لا تطلب الأجر منا بل أجرك عند الله .

و أسمحلي كمان أقولك عرفت بردة منين أن المشاركات الغير فعالة بتعملها لايك و أن العملية داخل فيها أهواء و مصالح و ماهي نوعية المصالح هذه يعني أية الي بيخدة العضو من صاحب الموضوع الي بيتعملة لايك .

و لية حضرتك كل شوية تدخل في موضوع و تفرض علينا أسلوبك يعني مثلا في موضوع العضو المثالي دخلت تفرض علينا أسماء عايز الأعضاء يدخلوا و يصوتلهم حتي لو هما أحسن ناس في المنتدي و هما كدة فعلا بس بردة مش من حق أحد أنة يفرض سيطرتة أو رأية علي أحد و إلا ميبقاش منتدي بقي و ملهاش لزمة ندخل و نقول أقترحاتنا .

و بردة في موضوع الأفطار الجماعي برغم من أن الدكتور عمل أستطلاع و لم يفرض علينا المكان بالرغم من كدة بردة كنت معترض و شايف ان الموضوع فية نوع من الظلم .

شكرا أخي شريف و أتمني لك التوفيق دائما و لا تؤاخذني في طريقتي فأنت من الشخصيات المحترمة و أخ فاضل و أتمني رؤيتك عن قريب و التعرف عليك عن قرب و لا تظن السوء بأخوانك فأنا في تقدري أن هذا المنتدي هو الأفضل عن غيره بلا منافس لما يحتوية من موضوعات مفيدة و أعضاء محترمين لا يبخلون بمعلومة و دائما متعاونين مع بعض .

رد: هناك شعور كبير بالظلم ... نرجوا من الأعضاء المساعدة

اقتباس:

المشاركة الأصلية كتبت بواسطة midoabdo (المشاركة 168493)

والله يا اخى لا توجد مشكله بالاعضاء ولكن المشكله فى بعض الاعضاء
مثل الاستاذ شريف يطلع فى مسابقه العضو المثالى للاسبوع (22)
ويقول انا اريد ان انبه الاعضاء الجدد ان فلان وفلان وفلان كل واحد منهم يمثل كذا
ثم يقول اما الباقى يخضع للمجاملات هل الاستاذ شريف قرأ اسم المسابقه
العضو المثالى للاسبوع وانا لحد علمى ان الاستاذ شريف فى اجازه
طيب ازاى يا استاذى عاوز الناس تقيمك على حاجه انت مش موجود فيها اصلا
كمان حضرتك بتقول ان الطريقه الجديده وادخلوا واعملوا ليك ليه كل ده
انا جميع المشاركات الفعاله اللى عندى من +like
انا فى مسابقتين كنت فاكر نفسى رابح فيهم على الاقل 5بوينت
لانى كنت بنزل فيديوهات وتوصيات وشرح وكتب
وبالرغم من كده مزعلتش لان عارف ان المنتدى مش من مصلحته
انه يطلع حد على حساب حد
انا اعلم انى ما زلت اقل خبرة من حضرتك ولكن
هناك اشياء تحتاج الى عقل الانسان فقط
وطالما انى استطعت ان استخدم الكى بورد لاكتب هذا الكلام
فانا املك العقل للتفكير
وانا اسف لو كان كلامى جارح
لكن الحق احق ان يتبع

اقتباس:

المشاركة الأصلية كتبت بواسطة medo_1982 (المشاركة 168594)

أسمحلي يا أستاذ شريف أسألك عن حاجة بسيطة !!!

الحمد لله لم يكن رأىى لوحدى ..... الحمد لله الذى اعطانا البصر والبصيره

رد: هناك شعور كبير بالظلم ... نرجوا من الأعضاء المساعدة

اقتباس:

المشاركة الأصلية كتبت بواسطة medo_1982 (المشاركة 168594)

أسمحلي يا أستاذ شريف أسألك عن حاجة بسيطة !!!

لايك +1

رد: هناك شعور كبير بالظلم ... نرجوا من الأعضاء المساعدة

اقتباس:

المشاركة الأصلية كتبت بواسطة midoabdo (المشاركة 168597)

الحمد لله لم يكن رأىى لوحدى ..... الحمد لله الذى اعطانا البصر والبصيره

و انا كمان لدى نفس الراى :)
بقينا 3
شريف متفنن فى النقد رغم انه لو راح منتدى تانى مش حيقعد اكتر من 3 ايام و يتوقف عشان مفيش ادارة فاضية تسمح لك بالتحدث بهذا الشكل عليها :)
شريف بيتلمس لينا اى خطأ عشان يصب عليه غضبنا..و النهاية اننا كمنتدى لن نزيد او نتاخر بعضو لدينا فلو المنتدى قائم على عضو واحد يبقى يقفل احسن و بلاش وجع دماغ..
على فكرة يا شريف انا مكنتش ناوى اقول الكلمة دى لكن من هجومك المستفز و المستمر علينا لكن انا مش مسامحك لما نعتنى بالدكتور (زفت) فى رمضان اللى فات لما برضه كنت عايز الافطار فى القاهرة مش فى اسكندرية..
لم اكلمك فيها فى السابق و لو اوقفك لان اتهاماتك لن تزيدنى و لن تنقصنى و لكن هذا فعلا اخر تحذير لاننى سئمت هذه الطريقة التى لا يقبلها احد.
ممكن اعمل استطلاع لايقافك و صدقنى الاغلبية حتوافق على كده لان ده مش رائى لوحدى :)
اتمنى ان تركز فى ورشتك و ان تكون نيتك صافية للعمل و الافادة مش من اجل التقييمات و اللايكات و هذا الكلام الذى فقط تشجيع للتواصل و الكتابة و ليس للرسم على خلق الله و الحذلقة و التباهى..
تحياتى..
يغلق لعدم جدواه..