|
رد: انا نازل يوم 25 يناير.
خمسة أسئلة عن الأزمة...!! http://www.almasryalyoum.com//sites/...ium/aswany.jpg علاء الأسواني السؤال الأول: ما هى الشرعية التى يستند إليها المجلس العسكرى فى حكم مصر خلال الفترة الانتقالية..؟ ـــ فى يوم 11 فبراير خرج عمر سليمان ليعلن للمصريين أن حسنى مبارك تنحى عن الحكم وقام بنقل صلاحيات رئيس الجمهورية إلى المجلس العسكرى. هنا نجد تناقضا غريبا، فالرئيس المخلوع لا يملك بعد خلعه أن يعطى سلطاته لأحد. الأمر هنا يشبه مديرا لإحدى الشركات تمت إقالته من منصبه وذهب إلى بيته ثم وقّع بعد ذلك قرارا بتعيين موظفين جدد فى الشركة.. التعيين هنا غير شرعى لأن المدير الذى أقيل لا يملك أن يعين أحدا، وبالمثل فإن مبارك المخلوع لا يملك أن يعين المجلس العسكرى لأنه نفسه فقد الشرعية، وبالتالى لا يمكن أن يعطيها لسواه. أما من الناحية الدستورية فإن دستور 1971 لا يسمح أبدا للمجلس العسكرى بأن يحكم مصر، إذ ينص فى حالة عجز رئيس الدولة عن القيام بمهام منصبه على أن يتولى السلطة رئيس المحكمة الدستورية العليا. لا الدستور ولا المخلوع مبارك يصلحان لكى يشكلا مصدرا لشرعية للمجلس العسكرى.. من أين اكتسب شرعيته إذن..؟ الشرعية الوحيدة للمجلس العسكرى هى الثورة المصرية. فى يوم 11 فبراير كان هناك عشرون مليون ثائر مصرى فى الشوارع نجحوا فى خلع مبارك، ولو أنهم يومئذ رفضوا حكم المجلس العسكرى لكان لهم حتماً ما أرادوا. الثوار هم الذين وثقوا فى المجلس العسكرى ومنحوه الشرعية وأوكلوا إليه تنفيذ أهداف الثورة. المجلس العسكرى اكتسب شرعيته من الثورة، وهو عندما يفقد ثقة الثوار فإنه يفقد معها السند الوحيد لشرعيته. من هنا نفهم لماذا يطالب المجلس العسكرى باستفتاء لكى يبقى فى السلطة. إنه يبحث عن شرعية جديدة بعيداً عن شرعية الثورة، وهو يستغل ثقة المصريين فى الجيش من أجل الحصول على موافقتهم على استمراره كسلطة سياسية عرقلت مسار الثورة وعطلتها وأوصلتنا إلى هذه الأزمة. هذه مغالطة لابد من تصحيحها.. إن الثوار الذين يريدون إبعاد المجلس العسكرى عن دوره السياسى لا يقصدون إطلاقا استبعاد القوات المسلحة، بل هم يحترمونها ويعتزون بها ويريدون لها أن تتفرغ لأداء مهامها الوطنية. السؤال الثانى: هل قام المجلس العسكرى بحماية الثورة المصرية..؟! ــ لقد رفض المجلس العسكرى إطلاق النار على المتظاهرين، وهذا موقف يُحسب له، ولكن ماذا حدث بعد ذلك؟! خلال تسعة أشهر لم يقم المجلس العسكرى بحماية الثورة إطلاقا، بل إن العكس صحيح.. لقد اعتبر المجلس العسكرى خلع مبارك ومحاكمته أقصى ما يمكن للثورة أن تحصل عليه، ثم احتفظ بنظام مبارك كما هو فى السلطة، وهكذا بدلاً من التغيير الشامل الذى قامت الثورة من أجله لم يتغير فى مصر إلا شخص الرئيس.. إن نظام مبارك مازال يحكم مصر... بدءا من مباحث أمن الدولة التى استأنفت نشاطها الإجرامى بكامل طاقتها، إلى قيادات الشرطة من أتباع السفاح حبيب العادلى الذين يحكمون وزارة الداخلية ويستمرون فى قتل المتظاهرين وانتهاك آدميتهم، إلى النائب العام الذى اضطر إلى مواءمات سياسية بلا حصر فى عهد مبارك، إلى القضاة الذين أشرفوا على تزوير الانتخابات إلى رؤساء البنوك الذين عيّنهم جمال مبارك، إلى الإعلاميين المنافقين عملاء أمن الدولة، إلى كبار المسؤولين فى كل هيئات الدولة. لقد صار المشهد فى مصر فريدا من نوعه.. ثورة قامت من أجل إسقاط نظام مبارك لكن المجلس العسكرى أنقذه واحتفظ به فى السلطة. النتيحة مؤسفة ومتوقعة: قام نظام مبارك باحتواء الثورة وإجهاضها عن طريق خطوات محسوبة بعناية: بدءا من الانفلات الأمنى المقصود وإطلاق البلطجية والسجناء الجنائيين لترويع المواطنين وتقاعس الشرطة عن أداء واجبها برضا المجلس العسكرى، ثم ارتفاع الأسعار المتعمد والإضرابات الفئوية التى تتعمد السلطات تجاهلها حتى يندفع المتظاهرون إلى الشغب وقطع الطرق ثم الحملات الإعلامية المضللة لإقناع الناس بأن الثورة هى السبب فى كل هذه الأزمات، ثم إحداث الفتن الطائفية التى تخصص فى صنعها ضباط أمن الدولة، وإحراق الكنائس على مرأى من أفراد الأمن والشرطة العسكرية الذين يكتفون بالفرجة ولا يتدخلون. مع كل هذه الأزمات المفتعلة قامت حملة إعلامية ضخمة لتشويه صورة شباب الثورة (الذين يمثلون أنبل ما فى مصر).. كان المقصود ترويع الشعب الذى ساند الثورة وإنهاكه بالأزمات حتى يتخلى عن الثوار ويتركهم وحدهم، عندئذ ينقض عليهم النظام القديم ويسحقهم فيكون قد قضى على الثورة نهائيا.. الضربة النهائية ضد الثوريين كان موعدها يوم السبت 19 نوفمبر - قبل الانتخابات بأسبوع - حتى تستبعدهم نهائيا من المشهد الانتخابى. إن الانقضاض الوحشى من أجهزة الأمن على مصابى الثورة المعتصمين فى التحرير كان مقصودا من أجل استدراج شباب الثورة إلى معركة غير متكافئة يتم سحقهم فيها، اعتدى أفراد الأمن والشرطة العسكرية على مصابى الثورة ثم اعتدوا بشراسة على المتظاهرين الذين جاءوا للدفاع عنهم، وبعد أن تم إجلاء المتظاهرين عن الميدان قامت الشرطة العسكرية بفتحه من جديد حتى يندفع إليه الثوار مرة أخرى فيتم سحقهم مرة أخرى.. كل ذلك كان مخططا بعناية مع افتعال أزمة فى شارع محمد محمود (الذى لا يفضى إلى وزارة الداخلية) من أجل إقناع الرأى العام بأن قتل المتظاهرين إنما يتم دفاعاً عن وزارة الداخلية من أجل منع اقتحامها بواسطة الثوار، على أن الشعب أفسد الخطة عندما نزل إلى ميادين مصر كلها ليساند الثورة. أربكت هذه المفاجأة نظام مبارك فتورط فى المزيد من الجرائم الوحشية ضد متظاهرين سلميين عزل. قام أفراد الأمن برعاية الشرطة العسكرية (بشهادة الطب الشرعى) بقتل المتظاهرين بالرصاص الحى ووجهوا طلقات الخرطوش إلى عيونهم ثم أطلقوا عليهم الغازات السامة، وعندما أدرك النظام أن الثوار مصرون على الاعتصام مهما قدموا من تضحيات كان لابد من تنازلات قليلة فأقيلت حكومة شرف وتم تشكيل حكومة الجنزورى ليؤكد المجلس العسكرى تجاهله لإرادة الثورة وإصراره على احتكاره للسلطة ودفاعه عن نظام مبارك إلى النهاية. السؤال الثالث: لماذا لا نترك المجلس العسكرى فى السلطة حتى تسليم البلاد إلى رئيس منتخب..؟! ــ لأن المجلس العسكرى هو نظام مبارك بلا زيادة ولا نقصان. هل نتوقع من نظام مبارك أن يساعدنا على إسقاط نفسه..؟ هل نتوقع من قيادات الداخلية الموالية لمبارك أن يساعدونا على استعادة الأمن حتى نتمكن من إقالتهم وتحويلهم إلى المحاكمة..؟ هل نتوقع من رؤساء البنوك الذين عينهم جمال مبارك أن يساهموا فى إنعاش الاقتصاد حتى تأتى حكومة منتخبة تقيلهم من مناصبهم وقد تحاكمهم بتهم الفساد؟!.. هناك فيديو يصور ضابط شرطة وهو يوجه طلقات الخرطوش إلى عينى المتظاهر ثم يتلقى تهنئة زملائه على فقء عين إنسان برىء.. هذه الواقعة المسجلة بالصوت والصورة لها دلالة: هكذا يفعل نظام مبارك بالمصريين بعد الثورة كما كان يفعل بهم قبلها. لقد طلب النائب العام التحقيق مع الضابط فرفضت وزارة الداخلية تسليمه وثار زملاؤه تضامنا معه.. طبعاً..لا يمكن أن ينفذ الضابط أوامر قائده بفقء عيون المتظاهرين ثم يحاكم لأنه نفذ الأوامر. إن استمرار المجلس العسكرى كسلطة سياسية معناه القضاء على الثورة. الحل الوحيد لإنقاذ الثورة أن يتم تشكيل حكومة ثورية توافقية تتمتع بصلاحيات رئيس الجمهورية ولا تخضع للمجلس العسكرى، حكومة تستطيع تطهير الشرطة والقضاء واستعادة الأمن وإجراء محاكمات عادلة لكل من أجرم فى حق المصريين. المجلس العسكرى يعلم أن تشكيل حكومة مستقلة سيقضى على نظام مبارك الذى يدافع عنه باستماتة، ولذلك فهو يناور ويفاوض ويدعو لمناقشات لا تنتهى مع قوى سياسية ويدعوهم إلى تشكيل مجالس استشارية شكلية لن يستشيرها أحد. المجلس العسكرى يريد أن يكسب الوقت حتى تبدأ الانتخابات وينشغل الناس بها فيتم فرض الجنزورى على الشعب المصرى لتقضى حكومته على البقية الباقية من الثورة. السؤال الرابع: لماذا يصر المجلس العسكرى على إجراء الانتخابات بالرغم من تدهور الحالة الأمنية وتخبط الأجهزة المسؤولة عنها وعشوائية المشهد..؟! ــ السبب أن المجلس العسكرى ضاق بالثورة ومطالبها، وهو يريد أن يعتبرها كأن لم تكن، ولأن الثورة تشكل الشرعية الوحيدة للمجلس العسكرى فهو يبحث عن شرعية جديدة سيقدمها له برلمان متعاون معه. لقد فعل المجلس العسكرى كل ما يمكنه ليستبعد الثوريين من مجلس الشعب، ورفض تطبيق العزل السياسى على أعضاء الحزب الوطنى، وسمح لهم بتشكيل عشرة أحزاب جديدة حتى يستعملوا أموالهم المنهوبة من الشعب فى شراء الأصوات والدخول إلى البرلمان. لقد تم التخطيط للانتخابات بهدف وحيد واضح تماما: تشكيل البرلمان القادم من الفلول والإخوان الذين وجد فيهم المجلس العسكرى شريكا مضمونا مطيعا على استعداد لأن يفعل كل ما يطلب منه مقابل مقاعد الحكم. السؤال الخامس: ما العمل..؟! - لقد فرضت الظروف على الثورة المصرية أن تقاتل على جبهتين: لابد من استمرار التظاهر السلمى والاعتصام حتى يستجيب المجلس لإرادة الثورة ويقيل الجنزورى ويشكل حكومة مستقلة برئاسة شخصية تنتمى للثورة. لا يهمنا هنا الانتماء السياسى لرئيس الوزراء المقترح، وإنما الأهم مدى إخلاصه لمبادئ الثورة، سواء كان الدكتور محمد البرادعى الليبرالى أو الدكتور عبدالمنعم أبوالفتوح الإسلامى أو أى شخصية تماثلهما فى المصداقية، فرئيس الوزراء الثورى وحده القادر على حماية الثورة وتصحيح مسارها. هذا هو المطلب الذى يجب أن نجتمع عليه ونضغط بكل قوتنا من أجل تحقيقه لكن مشاركتنا فى الانتخابات أيضاً ضرورية. إن واجب الثوريين - فى رأيى - أن يشتركوا فى الانتخابات بكل قوتهم. إذا أجريت الانتخابات بدون تزوير فسوف يدخل عدد من الثوريين إلى البرلمان، وإذا تم تزوير الانتخابات سيكون الثوريون شهودا على خيانة الأمانة وسوف يتم إلغاء الانتخابات المزورة بإرادة الشعب.. إن الشعب الذى استطاع بشجاعته وتضحياته أن يجبر مبارك على التنحى لن يستطيع أحد أن يزوّر إرادته. إن الثورة المصرية تمر بلحظة حرجة، لأن المجلس العسكرى احتفظ بنظام مبارك الذى استعاد قوته وهو يكيل الضربات للثورة من أجل إجهاضها، لكن الشعب الذى صنع الثورة هو الذى سيحميها حتى تنتصر بإذن الله. الديمقراطية هى الحل. |
رد: انا نازل يوم 25 يناير.
إبراهيم عيسى http://www.dostor.org/sites/default/...image/essa.jpgإبراهيم عيسى عندما تجلس أمام أى طبيب تشكو إليه ما تعانيه من مرض، يسألك فورا أسئلة فى التاريخ، يطلق عليها الدكاترة «الهيستورى Hestroy» (على اعتبار أن الإنجليزى يضفى أهمية أكثر على شخص الطبيب)، هذا إذن أول طريق تشخيص المرض وأول بدايات العلاج الصحيح، أن تعرف تاريخ مرضك، هل شعرت بهذه الأعراض من قبل؟ هل تعرضت لهذه الأمراض فى طفولتك؟ هل عندك حساسية من الإسبرين؟ هل والدك كان عنده سكر؟ هل شهدت عائلتك مرضى نفسيين؟ هل والداك قريبان؟ ليس هناك واحد منا لم يتعرض لهذه الأسئلة فى زيارته لطبيب، والدرس الذى نفهمه أن التاريخ هو الذى يصنع الحاضر، كذلك هو الذى يعالج المستقبل، هل يصلح الوعاظ حكاما؟ هل يمكن أن يصبح الحاكم واعظا والواعظ حاكما؟ هل السياسة تلتقى مع الدين؟ وهل المتدين يمكن أن يصنع سياسة؟ هل الاختيار للأكفأ فى السياسة أم للأخلص فى الصلاة؟ الإجابة فى الـ«Hestroy»، فى التاريخ، تاريخ مصر والعرب يمتلئ بوعاظ السلاطين، هؤلاء الذين باعوا علمهم للخليفة والسلطان والمملوك والملك والرئيس. وعاظ السلاطين الذين يزينون للحاكم الفساد والاستبداد وينافقونه ليل نهار، طلبا للدنيا وللجاه والمال، هؤلاء حفدة هامان كاهن فرعون، وهؤلاء أجداد وعاظ وشيوخ وفقهاء كانوا فى زماننا الحالى البالى، تعالوا أولا نرَ وعاظ السلاطين ثم نسأل عن سلاطين الوعاظ؟ وعاظ السلاطين هم هؤلاء الوعاظ والعلماء الذين حذرنا منهم النبى صلى الله عليه وآله وسلم، لقد أخرج الإمام أحمد فى مسنده، والبيهقى بسند صحيح، عن أبى هريرة رضى الله عنه قال: قال رسول الله صلى الله عليه وآله وسلم: «من بدا جفا، ومن اتبع الصيد غفل، ومن أتى أبواب السلطان افتُتن، وما ازداد أحد من السلطان قربا إلا ازداد من الله بعدا». وأخرج ابن عدى عن أبى هريرة رضى الله عنه قال: قال رسول الله صلى الله عليه وآله وسلم: «إن فى جهنم واديا تستعيذ منه كل يوم سبعين مرة، أعدّه الله للقراء المرائين فى أعمالهم، وإن أبغض الخلق إلى الله عالم السلطان»، وأخرج الحاكم فى تاريخه، والديلمى عن معاذ بن جبل رضى الله عنه قال: قال رسول الله صلى الله عليه وآله وسلم: «ما من عالم أتى صاحب سلطان طوعا إلا كان شريكه فى كل لون يُعذَّب به فى نار جهنم». وأخرج أبو الشيخ فى «الثواب» عن معاذ بن جبل رضى الله عنه قال: قال رسول الله صلى الله عليه وآله وسلم: «إذا قرأ الرجل القرآن وتفقه فى الدين، ثم أتى باب السطان، تَمَلُّقا إليه، وطمعا لما فى يده، خاض بقدر خطاه فى نار جهنم». وأخرج الديلمى، عن ابن عباس رضى الله عنهما قال: قال رسول الله صلى الله عليه وآله وسلم: «يكون فى آخر الزمان علماء يرغِّبون الناس فى الآخرة ولا يرغَبُون، ويزهِّدون الناس فى الدنيا ولا يزهَدُون، وينهَوْن عن غشيان الأمراء ولا ينتهُون». وأخرج الديلمى عن عمر بن الخطاب رضى الله عنه قال: قال رسول الله صلى الله عليه وآله وسلم: «إن الله يحب الأمراء إذا خالطوا العلماء، ويمقت العلماء إذا خالطوا الأمراء، لأن العلماء إذا خالطوا الأمراء رغبوا فى الدنيا، والأمراء إذا خالطوا العلماء رغبوا فى الآخرة». وأخرج أبو عمرو الدانى فى «كتاب الفتن» عن الحسن قال: قال رسول الله صلى الله عليه وآله وسلم: «لا تزال هذه الأمة تحت يد الله وكنفه، ما لم يمارِ قراؤها أمراءها». السؤال هنا: وماذا حين يدير الدولة الوعاظ فيصبحون هم سلاطين ووعاظا؟ إن أخطر ما يمكن أن نعيشه مع هذه الحالة أن يحكمنا من يتصور أنه ظل الله على الأرض، وأن ما يعارضه يعارض الإسلام، ومن يخالفه يخالف الإسلام، لكن لا سبيل لتعرفوا خطورة ذلك إلا حين تجربونه.. وكلها كام أسبوع ونشوف! |
رد: انا نازل يوم 25 يناير.
اقتباس:
مع احترامي لحضرتك ابراهيم عيسي دا انا مش بكلف نفسي عناء القراءه ليه اساسا لانه معروف سلفا هو هيكتب عن ايه ..... مورهوش غير حاجه واحده الاسلامين انا بقول كدا اوا اقسملك انى مقرتش المقال بكن عارف طبيعته والموضوع اللي مكتوب عنه من غير ما اقراه |
رد: انا نازل يوم 25 يناير.
مع احترامى لشخص الاستاذ أمير عيسى وكل ما تقوم بنقله من مقالات وكتابها
وعلى الرغم من أنى لست اخوانجى كان لى فى الجامعة الكثير من الصدامات معهم وعلى الرغم من انى لم انتخبهم أيضا وفى خط موازى اخر أنا لا يعجبنى الدكتور محمد البرادعى ولا اسلوبه ولا طريقته ولا حتى شكله وهو يتحدث ولا يعجبنى صعوده المدوى فجأة وتمسك الكثير من اصحابى والذين نزلوا معى الى الميدان ايام الثورة واحسه نوع من انواع الهوس أو الاندساس والزرع غير الشرعى فى رؤوس الكثيرين إلا اننى وصلت لشىء يجمع بين هذين الخطين المتوازيين ألا وهو:- كلا من الأخوان المسلمين والدكتور محمد البرادعى وفعليا تعرض الى حملات تشهير وتشويه سمعة صريحة وشرسة وافترائية دون فهم او معرفة جلية بهم او بأفكارهم كلا من الفريقين أيضا لم تتح له الفرصة ابدا فى عمل شىء لهذا البلد من موقف قوة أو بمعنى أدق لم يرتقى لأى من كراسى الحكم او صنع القرار فى الدولة من قبل كلا الفريقين لديهم الكثير والكثير من التابعين والمعجبين وهذا شىء تحقق لأحدهم بالفعل اثباته للناس (الإخوان) بالانتخابات وربما يتحقق للبرادعى أيضا بالانتخاب لذا أرى وعلى الأقل بالنسبة لى : الانصياع وراء رأى الأغلبية حتى ولو أتى رأيهم بشخص أكرهه ولنقل حتى ولو أتوا بشارون ليكون عضو مجلس أو حتى نتنياهو للرئاسة فهذا هو معنى الديموقراطية التى أفهمها وايضا ارى المتابعة والمشاركة دائما حتى يتسنى لنا محاسبة أى مخطىء أو مراجعة اى مسىء ايضا اقامة الحجة على كلا الفريقين فكلاهما يقول بأنه سوف يفعل الكثير لصالح هذا البلد لذلك دعونا نرى ماذا سيفعل كلاهما لنا والأمر كله 4 سنوات وجعل اللهم هذا البلد دائما بلد الأمن والأمان وحفظه من الفتن والانقسامات والمخططات التى تتربص به تحياتى |
رد: انا نازل يوم 25 يناير.
اقتباس:
ابراهيم عيسى يمتلك الشجاعه الكافية ليكتب اراءه عن ظلم وفساد مبارك فى عز جبروته فى حين اكتفى البعض بتحريم الخروج عن الحاكم وعاملين دلوقتى اسود وبعدين علشان تحكم على حد تابعه ممكن تكلف خاطر حضرتك وتقراء المقال كلة احاديث عن الرسول (ص)على فكرة وفى الاخر انت حر تحبه او لا دى مشكلة حضرتك تحياتى |
رد: انا نازل يوم 25 يناير.
اقتباس:
متفق تماما معك وانا فى الاعادة هرشح الاخوان وباقى الردود فى الاقتباس |
رد: انا نازل يوم 25 يناير.
وانت اية اللى خلاك تتفرج على الافلام دى يا مولانا
عمر طاهر يكتب: من السذاجة أن يحكم الواحد على التيار السلفى من خلال المهندس عبد المنعم الشحات، حتى لو شاءت الظروف أن يكون هو المتحدث الرسمى باسمهم، فلا أحد يعلم بالضبط كيف وصل إلى هذا المنصب؟ هل بالإجماع العام أم بسياسة الأمر الواقع أم بتفويض من أصدقائه؟ فى كل الأحوال سيكون أمرا فى منتهى الظلم أو القسوة أن تعتبر حالة الباشمهندس الشحات هى ملخص لحالة سلفيى مصر. على الرغم من أن محاولة النظر بموضوعية لما قاله الباشمهندس عن العالمى نجيب محفوظ أشبه بمحاولات الانتحار، فإن الواحد حاول وكانت المفاجأة أنه اكتشف أننا مقبلون على «مرار طافح»، فالباشمهندس إما أنه لم يقرأ نجيب محفوظ (وهذا فى أغلب الظن) وأصدر حكمه عليه بالشبه وبالسمع ودون أن يتحقق مما يقوله وهذه كارثة، وإما أنه استنتج رأيه عن محفوظ من الأفلام التى أضاف إليها المنتجون الخلطة التجارية، وهو أمر لا يخص محفوظ كما أنه يدفعنى إلى السؤال: وانت إيه اللى يخليك تتفرج على الأفلام دى يا مولانا؟ كان أولى بك أن تهاجم مشاهد سينمائية فاضحة ليس لها أهمية، وكنا وقتها سنتفق معك، خصوصا أن فلسفة العرى فى السينما عندنا شىء ساذج، سواء فى أفلام عن قصص نجيب محفوظ أو حتى فى أفلام دينية مثل فجر الإسلام الذى يحفل بمشاهد للجوارى والسبايا والراقصات. الاحتمال الثالث أن الباشمهندس قرأ محفوظ ولم يلفت نظره سوى بيوت الدعارة وأبطال القصص الذين يشربون الخمور، وهنا تقع المسؤولية على القارئ لا الكاتب، فالحديث عن البشر فى مختلف تجارب الحياة أمر يحسن خبرة البشر عموما وتجنب الحديث عن تجارب بشر ضائعة هو جهل إنسانى محض وإلا -مع الفارق الكبير فى التشبيه طبعا- كنا سنقاطع القصص الدينية عن قوم لوط أو عن الغواية التى تعرض لها سيدنا يوسف على يد امرأة العزيز، أو كنا سنقاطع كتب التاريخ التى تحكى عن قصص حقيقية حول كل ما وقع البشر فيه من أخطاء من هذا النوع. القصص فى حد ذاتها لا تؤذى، ولكن السؤال يا باشمهندس: الواحد بيقرا إزاى؟ لا دفاع عن الإسفاف أو البذاءة أو الانتصار للرذيلة، وأتحداك أن تجد فى روايات محفوظ ما يشبه ذلك، ولكن عندما أحكى لك عن نماذج للحيرة والضعف البشرى، فأنا لا أدعوك إليه وإذا اعتبرتها دعوة فأنت شخص متربص أو سطحى ومالكش قراية أصلا. ما أؤمن به الآن أن مكافحة مثل هذه الفتاوى والآراء التى سنستمع لما يشبهها كثيرا خلال الأيام القادمة محملة بابتسامة مثل ابتسامة الباشمهندس الشحات.. أؤمن أن مكافحتها ليست بالكامل من اختصاص الصفوة والنخبة والمثقفين، ولكن الجزء الأساسى منها مسؤولية شباب السلفيين والشيوخ المستنيرين. مكافحة الباشمهندس ومن يشبهه من قبل النخبة والمثقفين ستحول الأمر إلى صراع ضد الدين.. ولكن مكافحة شباب السلفيين والشيوخ لمثل هذه الطرق فى التفكير هى صراع لمصلحة الدين. وتصدى النخبة والمثقفين لها سيضيع جوهر المسألة وسيحوله إلى مجرد حرب توك شو وكليبات ساخنة وتصريحات عنترية من الطرفين. وحدهم شباب السلفيين وشيوخنا الكبار قادرون باسم الدين على أن يقاوموا من يسىء للدين حتى لو كان من داخله، الرهان عليهم حتى لا يصبح الأمر فتنة وحتى لا يخرج من بين صفوفهم اللى يضحك الناس عليهم. لذلك قلت إن الحكم على السلفيين من خلال تصريح شارد لواحد منهم فيه ظلم لهم جميعا وأنا أحسن الظن بشبابهم الذين ألتقيهم فى الميدان والندوات وبعض البرامج ويراسلوننى ويصنعون أفلاما ويكتبون مقالات مستنيرة مثل «سلفيو كوستا» وكثيرين غيرهم وأرجوهم أن يعلو صوتهم فى مثل هذه المعارك، أما إذا كنت على نياتى فى حسن الظن المبالغ فيه هذا، فيجب أن نحمد الله أن نجيب محفوظ رحل عن عالمنا قبل أن يصبح برنامجه اليومى يحتوى على فقرة ثابتة يتعرض خلالها فى كل صباح للغز فى رقبته. |
رد: انا نازل يوم 25 يناير.
متفق معاك تماما يا استاذ امير خاصة فى خوفك من السلفيين
انا كنت اقرأ تفاصيل الثورة الايرانية واشعر انى ارى هذا السيناريو مجددا |
رد: انا نازل يوم 25 يناير.
اقتباس:
|
رد: انا نازل يوم 25 يناير.
اقتباس:
انت مقتنع ان الشعب سيختار الاصلح ولكن هذا ليس بالضرورة رأى الاخرين انا لن أقدس نتيجة انتخابات ناتجة عن ناس حافظة انها عاوزه ترشح رمز القلة او رمز الخيار المخلل! هل انت متصور ان فى واحد بس فاهم ان نتيجة الانتخابات كانت هتبقه اغلبيه لليبراليين مثلا؟ انت تثبت وجهة نظرك فقط عندما تنجح دولة فى التفوق على الدول الغربيه بحكم السلفيين او ما يطلق عليهم "الاسلاميين"...وقتها تقولنا الفكر الليبرالى فاشل وهنرفعلك القبعه:1 (77): |
رد: انا نازل يوم 25 يناير.
اقتباس:
اخيرا انا قررت عدم الرد علي اي حوارات سياسيه والاكتفاء بالفوركس عشان لا ازعل من حد ولا حد يزعل مني |
رد: انا نازل يوم 25 يناير.
اقتباس:
احسن الكتاب السياسيين فى مصر والعالم العربى انا كنت بشترى الدستور فقط علشان ابراهيم عيسى انا من حبى لكتاباته اشتريت سجل كبير من سجلات الحكومة ولزقت فيه مئات المواضيع لابراهيم عيسى ويكفى فعلا انه كان يحارب نظام مبارك ولم يخاف منه وهذه شجاعة كبيرة منه لكن بمجرد ان أرى له موضوع او مقالة عن الدين كنت اتجنب قرائتها حتى لا اكرهه واعتقد ان الناس عارفه كويس جدا ميول ابراهيم عيسى الدينية وبالنسبة للاحاديث و الموضوع الذى نقله لنا الاستاذ امير عيسى المعنى العام له ان اخطر شىء هو نفاق العالم للسلطان وان عقاب العالم المنافق شديد وعقاب قارىء القرأن الذى لايعمل به ايضا عقابه شديد هذه هو معنى ابغض الخلق هو عالم السلطان يعنى الذى ينافق السلطان ويقول ويفتى بما يريده الحاكم والعلماء الذين يتملقون السلطان للمنفعة هذه هو معنى الاحاديث التى جاء بها ابراهيم عيسى ولكن لان ثقافته الدينية محدودة فهو اعتقد ان هذه الاحاديث تعطى معنى انه لايجب ان يقترب علماء الاسلام من الحكم وان من يقرأ هذه الاحاديث وموضوع ابراهيم عيسى وثقافته الدينية ليست كبيرة سيعتقد نفس الاعتقاد والدليل على ذلك لماذا لم يأتى بحديث واحد فقط صريح بانه لايجب ان يمسك الحكم عالم فى الاسلام او انه لايجب على العلماء الغير منافقين التدخل فى الحكم لن يستطيع ولن يقدر لان الحاكم العادل يكون احسن وافضل لو بجانبه علماء غير منافقين يساعدونه ويرشدونه الى الطريق الصحيح وابراهيم عيسى بموضوعه عايز يقول بما انى مش ضامن ان العلماء اللى هيكونوا بجوار الحاكم غير منافقين اذن ملهومش لازمة من الاول منطق غريب وعجيب !!!! |
رد: انا نازل يوم 25 يناير.
اقتباس:
أسمع منهم وأقرأ تاريخهم اللى كتبوه عن نفسهم واللى كتبه غيرهم عنهم وستجد الجميع متفق لأنه ببساطة ... تاريخ. اقتباس:
حقك بردو وحق مصر عليك أيضا الأنصياع يا باشا لرغبة الشعب وطبعا أمام هذا الحق أمامك واجب تقوم به وهو ما ذكرته حضرتك "المتابعة والمشاركة دائما" اقتباس:
اقتباس:
اقتباس:
أما من جهة كل السلفيين شياطين تبقى مقرأتش لأمير أى حاجة قبل كدا ... طيب أنا مسيحى مثلا لكن أمير بعت لى مرة فيديو لشيخ سلفى أسكندرانى معروف جدا عندنا للسلفيين والوهابيين لكن انا مكنتش عارفه وصدقنى بعد كدا بقيت بدور على فيديوهاته لأنه عجبنى جدا ( الشيخ أحمد السيسى ) ... لو أمير مش ليبرالى كان هيخاف يبعت لواحد مسيحى يقول لى شوف الراجل الجميل دة بيقول أية ولو انا مش ليبرالى كنت قلت له "مغمض ومفتح وشياطين " لكن حصل العكس لأن الفكر الصحيح سواء يقول عن نفسه سلفى وللا ليبرالى بيجذب الناس اللى بتفكر حوليه لكن أعتراضنا بيكون على فكر وليس لمجرد كون الشخص سلفى او ليبرالى يكون صح أو غلط ولما اتكلم أقول الشحات الوهابى بيقول كذا أو ياسر برهامى الوهابى بيقول كذا أو بيعملوا كذا دا اعتراض على الفكرة أو مصدرها لمناقشتها علشان الناس تفتح عقولها وعنيها وتأخد بالها وليس تكفيرا او تجريما لأحد كما يفعل البعض .... وصلت ؟؟؟ على فكرة حكاية المعتقلات و السجون أبراهيم عيسى نفسه أتحبس بتهمة العيب فى الرئيس المخلوع كتب ... أعتقلوه ... لا غز نجيب محفوظ بمطوة ولا أذدرى أديان ولا حرض المجتمع ضد بعضه ولا سرق محلات دهب ولاحرق نوادى الفيديو ولا ....ولا .... وصلت ؟؟ أما كون الفكر لا يمثل ألا أصحابه فأى فكر لايمثل ألا أصحابه يعنى حضرتك تعتقد الفكر السلفى الوهابى يمثلنى مثلا وللا الفكر المدنى؟!!! يعنى اليبرالى يمثل الفكر الليبرالى والليبرالية تمثل الليبراليين والهندوس يمثلوا الفكر الهندوسى والفكر الهندوسى يمثل الهندوك وهكذا ... دمت بود ,,,, اقتباس:
لكن طبعا لم أقابل أى ليبرالى بيقول الليبراليين هيخدوا اغلبية ... هم بس عاوزين تمثيل فى البرلمان لتمثيل وجهة النظرالهادفة لمدنية الدولة والتعامل على أساس المواطنة لكل فرد مهما كانت هويته مادام مصريا تفاديا لأنقسام وتشتت وأستقطاب أركان الدولة وقتل ذرائع التدخل الأجنبى .ودة سبب فرح الليبراليين بنتيجة الكتلة المصرية رغم أنها أقل من 25% من مقاعد البرلمان . اقتباس:
اقتباس:
لكن لو انت بقى اللى زعلت يبقى الحق عليك أنت ولازم تقف مع نفسك دلوقت وتتغلب على زعلك دة وتسحب كلامك دة فورا وإلا كدا البلد دى اخرتها سودة بسببك .... شوفت بقى زعلك وعدم مشاركتك فى الحوار ممكن يودى مصر فى ستين داهية ... شارك لأن الحوار يعلمنا جميعا أفضل من قراءة 60000 كتاب وسماع 60000 حوار ... تحياتى .... منتظر مشاركاتك .. [/SIZE][/COLOR] |
رد: انا نازل يوم 25 يناير.
م نادر انا بجد بستمتع بكل كلمة تكتبها فى اى موضوع
حضرتك بجد انت ترفع الراس!وخير دعايه عن اتجاهاتك سواء المسيحية او الليبرالية او اى اتجاه تتجه اليه. بالنسبه لموضوع ان فى ناس كانت بتقول ان الليبراليين هتكون لهم اغلبيه فانا لم اصادف هذا الرأى نهائيا بالعكس ده وقت صدامات التحرير الناس اتهمت الليبراليين بمحاولة عرقله الانتخابات حتى لا يفوز الاخوان المسلمين والاتجاه اليمينى. |
رد: انا نازل يوم 25 يناير.
اقتباس:
والله يا مستر نادر الواحد مش عايز يتكلم عن نفسه:1 (82)::1 (82)::1 (82)::1 (82): المهم ابقى خلينا نشوفك:1 (101)::1 (101): |
رد: انا نازل يوم 25 يناير.
اقتباس:
لا واللهي يا باشا مش بتلكك ولا حاجه وانا مزعلتش بس انا حاسس ان فيه تجني شديد علي الاسلاميين من الليبراليين ... ايه المشكله لما يطلع واحد ولا اتنين يقولو كلمتين متشددين شويه المهم مبدأ التيار كله ايه والاهم من دا الشعب نفسه هيقبل بايه يمعني يعني لو التيار دا متشدد جدا وحاجه مفيش بعد كدا يعني من الاخر عايزينها تبقي افغانستان التانيه مش هقولك ايران هل الشعب المصري هيقبل بكدا انا اقدر اقولك بقلب جامد ان المسلم قبل المسيحي هيرفض مصر تبقي كدا ... لكن هل بردو لما ييجي واحد يقولك انا همنع الخمره وهمنع شواطيء العراه وهمنع كازينوهات القمار وفي نفس الوقت انا هديك بدائل تانيه وهنشط السياحه بطرق تانيه بحيث انى ابقي شلت الحجات اللي مفيش دين بيقبلها لا مسلم ولا مسيحي وفي نفس الوقت اقتصاد البلد متأثرش لانى اوجدتلك بدائل اخري هل الكلام دا يزعل .... اعتقد انه ميزعلش حد واللهي كل اللي نفسي فيه اننا نديهم فرصه يشتغلوا ونستناهم اقليه واغلبيه نلبدلهم في الدره ... ونشوف هيعملوا ايه لكن منهاجمش لمجرد انهم حركه اسلاميه زي ما ذكرت في السباق ادوهم فرصه يشتغلو وبعد كدا حاسبوهم ... يمكن كلامي السابق يديك ايحاء انى عضو في الاخوان او انى من عيله تنتمي للوهابيين لكن انا واحد عادي خالص زي زي ملايين الشباب في مصر مقبلش ان مراتي تمشي بلبس محزق وملزق وتلبس مايوه عشان الليبراليه .... ولا ارضي انها تلبس نقاب واسود في اسود عشان اسلاميه ... وانا بشكر حضرتك علي ردودك وانا لما قلت مش عايز ارد يعني عشان محدش يزعل لانى بحب كل الاعضاء اللي هنا وبحب المنتدي ومش عايز ازعل من حد فيه لان ببساطه دي اول مره في حياتي اعمل اشتراك في منتدي واواظب علي الدخول عليه يوميا ومنساش اليوزر بتاعي عليه ودا لانى لقيت هنا ناس محترمه ابتداءا من المدير العام الي اصغر عضو هنا واتعلمت هنا حاجه محترمه وعلم زي الفوركس .... وربنا يهدي الحال ويوحد صفوفنا ويولينا الاصلح اللي يحط مصلحة مصر وشعبها فوق كل اعتبار |
رد: انا نازل يوم 25 يناير.
وبما اننا عدنا للنقاش انا عايز اضيف الفيديو دا وهو رد لعلماء مسلمين لهم ثقلهم ... علي الاستاذ عبد الله الشحات .... علماء من امثال شيخنا الجليل محمد متولي الشعراوي والشيخ المحترم وجدي غنيم والشيخ الاستاذ راغب السرجاني وغيرهم ..... كما ان الفيديو يختتم بمقوله رائعه للاستاذ الفذ العلامه ...... عمرو باشا اديب .......... ارجو المشاهدة
|
رد: انا نازل يوم 25 يناير.
طيب ماتقولنا مين اللى كان فاهم ان الليبراليين هيكسبوا ده؟ده عمرو اديب فى حلقة حازم ابو اسماعيل لما اعترض على نقطة ..الشيخ حازم قاله خلاص بينى وبينك الانتخابات فرد عمرو وقاله "لا انت تكسبنى طبعا".
معروف ان اى مصرى بيؤيد اى واحد واخد مظهر اسلامى. طب والله انا فاكر زمان مره كنت الامام فى زاوية جنب البيت وكنت الامام بالصدفة يعنى كنت فى الصف الاول فقالولى صلى انت بينا ودى كانت حاجه مش معتادة..المهم بعد الصلاة لقيت واحد اكبر منى سنا ومقاما وكل حاجه قاعد قدامى بمنتهى الادب وبيسألنى سؤال فى الذكاة!!!!!!!!باين كان سايب مبلغ لأبنه فى بنك ملهوش فوايد وعاوز يسأل كده لو دفع عنه الذكاة الفلوس هتخلص!! وانا وقتها كانت شهادتى ثانوية عامة فقلتله حضرتك انا مش فقيه ولا حتى عندى العلم الكافى اللى ارد عليك فيه والمفروض تسأل علماء متخصصين فى الازهر مش واحد بيصلى بالناس وسايب دقنه وخلاص! وحضرت كذا واقعة كان الامام فى منتهى قلة الادب واهان احد المصليين ومع ذلك الناس اللى بتصلى ولا كلمته عشان ده راجل كبارة وبدقن طويلة! ---------- مش عارف ازاى بتقول ان المصريين مش هيسمحوا يكونوا افغانستان...طيب قولى كده لو كان حلمهم اننا نبقه افغانستان كانوا انتخبوا مين زياده منتخبهوش السنه دى؟!؟!؟! هاتلى واحد بس متشدد سقط فى الانتخابات دى. وطبعا نتيجة الانتخابات بالنسبه لى مش مقدسه لأنى عارف الشعب ده بيفكر ازاى..ده انا فاكر مره قرأت احصائيتين فى منتهى العجب... الاحصائيه الاولى: 85% من استخدام الانترنت فى مصر يكون للمواقع الاباحية والكلمه الاكثر بحثا على جووجل هى كلمة Sex الاحصائية الثانية: 90% من المصريين يؤيدوا حجب المواقع الاباحية!!!!!!!!!!!!!!!!!!!! وانا شخصيا لى صديق مقرب لكن للأسف بيعمل الحرام كله مفيش حاجه حرام معملهاش ومع ذلك قالى انا هدى صوتى للاسلاميين! يعنى صوت الانتخابات دى ولا يعبر عن اخلاق الشعب ولا ثقافته ولا حتى رغبته ! |
رد: انا نازل يوم 25 يناير.
اقتباس:
انا بس نفسي اسالك سؤال يا باشا انت مش عاجبك الاسلام ومش عاجبك شعب مصر انت ايه اللي يعجبك بالظبط :1 (47):؟ |
رد: انا نازل يوم 25 يناير.
اقتباس:
اما شعب مصر فطبعا مش عاجبنى وبيعجبنى حاجات كتير..اى واحد بيشتغل كويس وبدون ما يتدخل فى شئون الاخرين او يؤذى اى حد بيعجبنى مهما كانت ملته او جنسيته |
رد: انا نازل يوم 25 يناير.
اقتباس:
معلش انا عندي سؤال شخصي شوبه .... هو انت مولود ومتربي وعايش مصر ولا قضيت فتره طويله بره ... وعموما يا باشا ليك حق في اعتقادك دا ان الاسلام ملوش دعوه بالسياسه لان مفيش نموذج ناجح لدوله مسلمه في العصر الحديث .... والنموذج الافغاني والايراني يطغي علي الساحه ... لكن سواء اتفقنا ام اختلفنا الاغلبيه الآن مسلمه وخلينا نأمل ان تكون مصر اول نموذج ناجح للدوله ذات المرجعيه الشرعيه الاسلاميه في العصر الحديث ولكن اذا لا قدر الله لم يتم فتأكد ان دا مش كسور وعيب في الاسلام ولكنه كسور وعيب في البشر القائمين عليه |
رد: انا نازل يوم 25 يناير.
اقتباس:
عايز اعرف رأى الاستاذ امير عيسى فيه خصوصا انه من عالم العلماء الشيخ الشعراوى زى ماهوه قال قبل كده وياريت اعرف رأيه فى فيديو للشيخ احمد السيسى لانى عرفت انه بيحبه http://www.youtube.com/watch?v=v6mlD-vntkw |
رد: انا نازل يوم 25 يناير.
اقتباس:
يبقى قبل ما اشوف الفيديو اتفقنا ان الشيخ الشعراوى من علماء المسلمين( لسه مقابل واحد منهم النهاردة قالى عليه ده صوفى -شوفت المسخرة-) ويبقى عايز اعرف رد حضرتك على فتوى الشيخ الشعراوى فى الغناء ولهو الحديث اللى حضرتك مردتش عليه بالنسبة للديمقراطية الشيخ الشعراوى حدد ان فى حاجات محرمه مطلقا ودى بأمر اللهى ومانقدرش نختلف عليه وقال الباقى ممكن نتختلف فية ونبدع ونعمل كل اللى احنا عايزينه طبعا فى حدود طيب ضربتلك مثال قبل كده بحزب الوفد الليبرالى فى زمن الديمقراطية (قصة بيوت البغاء) مثال واضح جداااااااااااااااااااا السؤال هل الناس دى خلفت الشريعة فى حاجة ؟؟؟؟؟؟؟ بالعكس دول طبقوا الشريعة بحذفيرها الغلط بقى ان احنا نعمم ونقول الديمقراطية حرام مع ان ممكن يكون المقصود بالديمقراطية تداول السلطة او حرية التعبير او اجراء الانتخابات بشفافية ونزاهه وعدالة بين المرشحين او قبول الاخر مش واحد يطلع يقولى الامام يفضل قاعد ومفيش احزاب ومفيش معارضة طيب بعد ما يقول الديمقراطية حرام عايزها تتفهم ازاى؟؟؟؟؟؟؟؟؟؟؟؟؟؟ |
رد: انا نازل يوم 25 يناير.
وده فيديو لواحد ليبرالى وعلمانى و........... انا متفق معاه http://www.youtube.com/watch?feature...&v=eB7x-BmfNCA |
رد: انا نازل يوم 25 يناير.
اقتباس:
امير باشا انت اتفرجت علي الفيديو بتاعي ولا لاء .... ارجوك تتفرج عليه ..... وعلي فكره بدء يبقي فيه نقطة اتفاق وضحتها في تعليقك :1 (87): |
رد: انا نازل يوم 25 يناير.
اقتباس:
انا بقي متصادم جدا مع فيديو الشيخ احمد السيسي لانه بيتكلم وكان الحجاب هيفرض بالامر وليس بالحسنه اقتباس:
كلام رائع ومحدش يختلف معاه وهو دا الاسلام المنتظر تطبيقه في مصر الدعوه بالحسنه وليس الامر الواجب النفاذ "ولو كنت فظا غليظ القول لانفضو من حولك" |
رد: انا نازل يوم 25 يناير.
اقتباس:
انا اتفرجت على الفيديو وانا عند موقفى وممكن حضرتك تراجع وبتركيز كل اللى انا كتبته هنا او موضوع الباشمهندس نادر المضحكات المبكيات او اى موضوع تانى انا كتبت ان الليبرالين برضه عايزين يطبقوا شرع الله حتى الحدود والجزية وقطع يد السارق بس هل شروط تطبيق الحدود دى متوافرة ده اللى انا اعترض عليه وطلعلى واحد بيقولى ان انت معترض على شرع الله والسلام على من اتبع الهدى كفرنى يعنى !!!!!!!!!!!! وضربت مثال الجزية ممكن حضرتك تراجع انا كتبت ايه وكتبت ان انا مسمعتش حد بيقول كده على الليبرالين انهم مش عايزين يطبقوا الشريعه غير من شيوخ الوهبيين وفى نفس الموضوع ضربت مثال على موضوع بيوت البغاء وقولت ان الليبرالين دول (الوفد الليبرالى) طبقوا الشريعه والباشمهندس نادر كتب فى رده هات اى واحد حتى لو كان هندوسى ممكن يحللك الزنا واخيرا انا رفعت فيديو لعبد المنعم ابو الفتوح وده اخوان مسلمين شوفت رد على منى لشاذلى ازاى هو ده الاسلام الوسطى اللى المفروض يطبق وانا قولت فى موضوع مستر نادر أن انا بعتبر الاخوان بنسبة 90% ليبراليين قبل الثورة.......... وانا عرفت الليبرالية هى الحرية فى حدود النظام العم والاداب والباشمهندس نادر قال الليبرالية ان راى صواب يحتمل الخطأ وراى غيرى خطأ يحتمل الصواب ضيف على ده الرساله اللى بعتهالك على الخاص مش عارف بقى كل واحد يخش على موقع كده يجيبلك تعريف الليبرالية من عنده علشان نبقى احنا وحشين ومش عايزين نطبق الشريعة هتلاقى كلامى ثابت وان انا ولا هجمت الاسلام ولا ضد تطبيق الشريعة والكلام ده انا قولته قبل كده ومش بغير كلامى راجع وبتركيز.......... كل اللى انا عملته ان انا هجمت وتوجهت بالنقد للجماعة الوهبيين لان انا من خلال اختلاطى بالاخوه الوهبيين مش عجبنى طريقة تفكيرهم و لا احتكارهم للدين كأن عندهم صكوك المغفرة والرحمة وكأنهم مبعوثين العناية الالهية لتطبيق الشريعة و كانهم هم الوحيدين اللى فهمين الدين صح(مع ان انا شايف العكس) واى حد يختلف معاهم يبقى ضد الاسلام وكافر وعلمانى وليبرالى وصوفى واشعرى ده اللى مش هيصوتلهم فى الانتخابات يبقى أثم وده منهج وطريقة تفكير عندهم مش حالات فردية وبالدليل انا رفعت فيديو لمحمد سليم العوا المرشح الرئاسى (المحسوب على الاسلاميين) يعنى مش ليبرالى ولا علمانى فى موضوع كل ده ولسة مش واخدين بالكوا عن رسائل عبد الوهاب راجع كده تانى فيديو وهتعرف انه منهج ليه بقى انا هجمت الوهبيين لسببين(وده عن تجربة شخصيةمع معظم اللى اتعملت معاهم) اولا تميز معظمهم:- 1- بضيق الافق 2-عدم الاستعدادت للدخول فى نقاش جاد يوضح كافة الافكار الاخرى 3- النقل الاعمى من شيوخهم حتى لو كان واعظ فى زاوية جوا حارة بدون اعمال العقل ولو للحظة 4- ضعف العلم وقلة نسب الذكاء هما بيخشوا النقاش على اساس انهم هيقنعوك ومعهم الحق مهما الاسلام وهما الدين ولما يوصلوا معاك لطريق مسدود يبقى انت عدو الله ومش عايز تطبق الشريعهة والاسلام فى خطر واعداء الاسلام والمؤامرة انا ساكن فى حى المنتزة وده معقل الوهبيين فى الاسكندرية ويمكن مصر كلها مشفتش حاجة من اللى انا بشفها كل يوم كذب و تكفير فى خطب الجمعة والتقول على الناس الاستاذ فاروق كتب ان المسلمين كفروا حزب الله فى حرب لبنان واسرائيل ومكنش عجبه ان المسلمين وقعوا فى بعض وانا كتبت رد ان الكلام ده سنه2006 كان اول تعاملى مع الوهبيين واول تعارفى عليهم واقسمت محد كفرهم غيرالوهبيين الموضوع انتشر فى جوامعهم بشكل غريب منهج متبع دول شيعه كفرة دول بيشتموا فى الصحابة ......... وانا فى سعتها استغربت يعنى حتى التوقيت لمهاجمه حزب الله غير مناسب دول كانوا بيحربوا اسرائيل السبب التانى انا كتبتهولك فى الرسالة كمثال اسامة بن لادن يعنى انهم بيكلموا باسم الدين يعنى اى واحد جاهل بيفتى فى الدين ممكن يتسبب فى اذى وضرر بالغ لجميع المسلمين او ممكن يعمل فتنة طائفية لمجرد انه ملزق نفسة فى الاسلام انت لو سألت واحد منهم عن الشيخ الشعراوى فأجاة كده يقولك شيخ محترم وكلام كده حلو كتير عنه طيب اعكس بقى وقولة ان الشيخ الشعراوى قال كذا وده يخالف راى الشيخ فلان (والشيخ فلان ده وهابى مثلا) هيرد عليك ويقولك اصل الشيخ الشعراوى ده صوفى طيب ايه رايك فى خلافهم مع على جمعه هو ده ليبرالى طيب يمكن علمانى (بيقولوا عليه اشعرى) ياعم ده شيخ من شيوخ المسلمين ممكن شيخ تانى يختلف او يتفق معاه بس بالعلم والمنطق والادب مش واحد يبعت الجماعة بتوعه يشتموا الراجل فى المحكمة وتصرفات بعيدة عن الاسلام وحاجات تانية كتير وانا تعبت من الكتابة ان كان فى نصيب واتقبلنا فى يوم من الايام ممكن نتكلم فيها |
رد: انا نازل يوم 25 يناير.
اقتباس:
واللهي وانا بردو يا استاذ امير قلقان من حزب النور والسلفيين او الوهابيين زي ما حضرتك بتطلق عليهم لان لفظ سلف دا اعتقد مظلوم منهم ومنا لان كلنا سلف ......المهم انا فعلا متفق معاك في موضوع الوهابيين بس انا ملتمسلهم عذر واحد انهم من زمان منغلقين علي نفسهم مفيش احتكاك بالآخر مفيش احتكاك بالميديا والاعلام ..... فبالتالي لما يخرجو للناس فجأه خروج غير متوقع لان طبعا كلنا متفقين ان اكثر المتفائلين منا مكنش يتوقع سقوط نظام البقره الضاحكه بالاسلوب دا وبالسرعه دي ... فهما فجأه لقوا نفسهم منهم للناس مفيش امن دوله مفيش اعتقالات مفيش تعذيب وهما بالتأكيد ينقصهم كتير اوي من خبرة التعامل سواء مع الناس او الميديا والاعلام ناهيك عن فتاوي وتصريحات بعضهم العنتريه ..... للاسف هما لسا مفتقدين لثقافة الحوار .. بردو انا معاك ان فيه منهم ناس متشددين لكن انا مش معاك في التعميم علي الجميع . في امثله كتير منهم غير متشدده بدون ذكر اسماء |
رد: انا نازل يوم 25 يناير.
حينما انتصر السلفيون في بعض مقاعد الجولة الاولى قال عبدالمنعم الشحات انتصر الاسلام .. الان وبعد هزيمته هل انهزم الاسلام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أذكر كل متشدد.....بقول الله تعالي >>>> فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لانْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِينَ.............صدق الله العظيم أحنا هنا بنتكلم سياسة...يعني في مؤيدين وفي معارضين ده تعليق يبين ان المفروض مش اى حد يتكلم بأسم الدين الاسلام اكبر من اى فصيل يدعى نصره الدين |
رد: انا نازل يوم 25 يناير.
اقتباس:
الشيخ عبد المنعم الشحات اللى قال ان الديموقراطية كفر.. خسر فى انتخابات الاعادة و كده ربنا كرمه و طلعه من دايرة الكفر و كرمنا احنا كمان و الله اكتر. انا مش فاهم ازاى ده المتحدث الرسمى باسم الدعوة السلفية فى خمسين الف واحد احسن و انبه و اذوق منه فى الكلام! بئس الاختيار الصراحة. تحياتى يا امير. |
رد: انا نازل يوم 25 يناير.
اقتباس:
اقتباس:
يعنى أسأل 100 واحد مين أول شعب زرع المكرونة وأعطى 3 أختيارات ( الفراعنة - الصين -أمريكا) هتلاقى 90% الأجابة تونس ...قصدى الفراعنة .... رغم أن المكرونة مش بتتزرع أصلا ههههه.... وجرب . اقتباس:
عمرو اديب كان واضح انه بيهزر أو غلط واليومين دوول صحح غلطته وقال قاعد لكم مش ماشى وهى دى الديموقراطية ولازم نقبلها .... أنا قلت لك الحرية والديموقراطية بتصحح الناس شمل ويمين ... كمان لو شوفت خطب أردوغان قبل ما يمسك الحكم هتقول دا أبو لهب بيتكلم وهيجيب تركيا فى ستين داهية لكن بعد ما مسك الحكم بمدة ولما جه مصر أحتفل به المتأسلمين وأستقبلوه استقبال الفاتحين الغزاة لكن لما ألقى كلمته العلمانيين واللليبراليين كانوا بيرقصوا فى الشوارع وكان اللى أستقبلوه نازلين شتيمة فية ومصر ليست تركيا وكلام من اللى قلبك يحبه ....لدرجة عندى فى الشغل تانى يوم بقول " أرد.... " وكنت هتكلم فى موضوع تانى خالص . 3-4 صرخوا لأ مصر مش تركيا و... و... ومعرفتش أقول لهم مكنتش هقول أسم الراجل غير بعد ما خلصوا كلام ... كل ما أفتح بقى يصرخوا لغاية ما خلصوا اللى فى قلبهم وسمعونى وضحكنا كلنا .....ههههههههههه اقتباس:
اقتباس:
تمام يا ريس متفقين علشان كدا قولنا محدش يقول أنا الأسلام والباقى كفرة . اقتباس:
اقتباس:
وأنا كمان متفق ... وتصدق بأية ساويرس كمان متفق ههههههههههه اقتباس:
اقتباس:
اقتباس:
يا رب الكلام يتفهم صح . |
رد: انا نازل يوم 25 يناير.
100 لايك لتوقيعك يا أمير باشا |
رد: انا نازل يوم 25 يناير.
اقتباس:
في شاب اسمه نادر بكار تقريبا ..... بجد لغته وطريقة كلامه بــ 100 شحات وهو دا المتحدث باسم حزب النور .... اما عبد المنعم الشحات فطريقة حواره تصادميه اوي |
رد: انا نازل يوم 25 يناير.
اقتباس:
سؤال يا باش مهندس نادر انت ايه رايك في نجيب سويرس كشخصيه بعيدا عن ديانته ؟ |
رد: انا نازل يوم 25 يناير.
اقتباس:
ربنا يكرمك يا دكتور وميحرمش الليبرالين منك بالنسبة للاخ الشحات وانا فى جولة الاعادة عرفت ان الاخوة الوهبيين يفتقروا الى الذكاء السياسى وكمان عرفت فضله فى توحيد صف الدائرة كلها باستثناء الاخوه الوهبيين اقتباس:
هو افضل من الشحات بالتاكيد والشحات ده مش متحدث باسم حزب النور ده المتحدث باسم الدعوة السلفية بس فى اللى احسن منهم هما الاتنين كان طالع مع يسرى فودة اول امبارح هو برده متحدث باسم النور |
رد: انا نازل يوم 25 يناير.
اقتباس:
منقول ياباشا من مقال لعمار على حسن ط§ظ„ظ…ظٹط¯ط§ظ† ظˆط§ظ„ط¨ط±ظ„ظ…ط§ظ† ظˆظ…ط§ ط¨ظٹظ†ظ‡ظ…ط§ | ط§ظ„ظ…طµط±ظٹ ط§ظ„ظٹظˆظ…طŒ ط£ط®ط¨ط§ط± ط§ظ„ظٹظˆظ… ظ…ظ† ظ…طµط± |
رد: انا نازل يوم 25 يناير.
اقتباس:
|
رد: انا نازل يوم 25 يناير.
اقتباس:
على مستوى شخصى أكتر من كدا معرفش طباعه ... وبالتالى مادام فى حاله وسايبنى فى حالى مفيش كلام أقوله له .... لكن لو عندك معلومات محددة عنه ممكن نتناقش فيها من باب العلم بالشئ من جهتى .أنت رأيك أية فيه ؟؟؟ اقتباس:
على فكرة كنت من مؤيدى الشيخ حازم للرئاسة بتعصب لكن غيرت رأي بعد كدا لأنى مش قادر أحدد وجهة تفكيره ... كتير بحس أن بيحصل فى حواراته شبه محمد صبحى فى مسرحية الجوكر ... بالنسبة لك انت أه ...بالنسبة لك انتى لأ ...أصل هجاوبك كرئيس ... وللا اقول لك هجاوبك كداعية ... خلانى اتلخبطت بعكس اول ظهورةه كان واضح صريح وحنين :1 (109):. لكن دلوقت تابعت ناس أفضل منه بكتير . وانا كمان بس كدا ههههههههه |
رد: انا نازل يوم 25 يناير.
طبعا من المتوقع ان يطعن عبد المنعم الشحات فى نتيجة الاعاده لبطلان الانتخابات حيث انها تفتقد للشرعيه السماوية
الخبر الجميل اللى قريته فى موقع مصراوى ظ…ط±ط´ط*****: ''ط§ظ„ظ†ظˆط± ط·ظ„ط¨ ظ…ظ†ظٹ 300 ط§ظ„ظپ ط¬ظ†ظٹظ‡ ظƒط±ط´ظˆط©''..ظˆط§ظ„ط*****ط²ط¨: ''ط§ظ„ظ…ط¨ظ„ط؛ ظ„ظ„ط¯ط¹ظ…'' وهو باختصار ان احد اعضاء حزب النور فضح الحزب قائلا انهم طالبوه برشوة 300 الف جنيه حتى يجعلوه على رأس القائمة! ورد الحزب ان ذلك بغرض التبرع للحزب! وهل التبرع يكون بالغصب؟وهل صدارة القوائم التى ستتحدث بأسم الشعب يكون وفقا لمقدرتك المالية ودنائة اخلاقك بحيث تستحل الرشوة من اجل الحصانة؟ هل وصلتلكم الفكرة اللى كنت بقولها انى لم اكن اتمنى ان يتلوث الدين بالسياسة القذرة؟ ادى السياسة..تحبوا تسمعوا من حد يقول تعليقا على هذا الخبر "ادى الدين و ادى الشيوخ؟"..طبعا هلاقى 100 واحد يرد ويقول دول افراد لا يعبروا الا عن نفسهم انما لو واحد من اللى بدقون دول حل مشكله كبيرة هيكون الردود "شايف السياسة بعد دخول الاحزاب الدينية بقت حلوة ازاى"؟ --------- ردا على سؤال سابق فأنا مصرى عايش ومتعلم فى مصر ولم اخرج من العالم العربى يوما واحدا |
رد: انا نازل يوم 25 يناير.
«النور» يمنع «الشحات» من الحديث عن الحزب.. ويؤكد: «أبو إسماعيل» ليس سلفياً صدرت اللجنة العليا لحزب النور قرارا بمنع عبد المنعم الشحات، المتحدث الرسمى للدعوة السلفية، من الإدلاء بأى تصريحات لوسائل الإعلام بعد كلامه الأخير الذى هاجم فيه أدب نجيب محفوظ واتهمه بالدعارة والمخدرات ونشر الرذيلة. وقال الدكتور يسرى حماد، المتحدث الإعلامى للحزب، إنه صدر قرار بمنع عبدالمنعم الشحات وجميع الأعضاء من التصريح بأى معلومات عن الحزب، باستثناء المتحدثين الرسميين الذين تعبر آراؤهم عن رؤية «النور»، أما ما يقوله أى شخص آخر فلا يعبر إلا عنه فقط. وأضاف: «إن ما قاله الشحات أثر بالسلب على نتيجة انتخابات جولة الإعادة، ما أدى لخسارة الحزب 20 مقعدا، رغم أن كلامه لا يعبر إلا عن رأيه الشخصى، و(النور) بعيد تماما عنه». وأكد «حماد» أن من بين أسباب عدم تحقيق حزبه نجاحات فى الإعادة اعتقاد البعض أن الشيخ حازم أبو إسماعيل، المرشح للرئاسة، سلفي، رغم أنه ليست له علاقة بالسلفية وليس عضوا فى حزب النور، وبالتالى أثرت آراؤه التى أدلى بها عند ظهوره الأخير على قناة«cbc» بالسلب على النتيجة. وكانت اخر تصريحات عبد المنعم الشحات، عضو حزب النور السلفي، الذي خسر مقعد الفئات بدائرة المنتزه، جولة الإعادة في انتخابات الشعب 2011، مسئولية خسارته إلى الخطاب الإعلامي وتعمد البعض إلى تشويه صورته. وقال "الشحات"، أهدف خلال المرحلة المقبلة إلى تكذيب ما نشر عني وسأقوم بالرد على الأكاذيب المغلوطة التي نسبها البعض إلى، مشيراً إلى ان البعض كان يهمه كيف سينظر الناس إلى الدعوى السلفية، مشيراً إلى أن جولة الاعادة شهدت محاولة لتفريق الناس من المؤيدين لنا. وأضاف سنهتم بكسب أنصار المؤيدين لفكرة الهوية الإسلامية لمصر وبغض النظر عن أي حسابات انتخابية، وأنه سيطوي صفحة الانتخابات ويبدأ في الدفاع عن الهوية الإسلامية لمصر عبر المنابر المتاحة. ورفض التعليق على ما حدث في الانتخابات إلا حينما تستقر، الامور، مشيراً إلى أنه يفضل الأن ترك فرصة للهدوء وأن يركز الحزب في كيفية الاستعداد للمرحلة المقبلة. وأكد أن التشويه الذي تعرض له جاء على طريقة الآية القرآنية "ولا تقربوا الصلاة"، وان الناس لم تشغل بالها والأكاذيب انتشرت دون التحقق من صحتها حتى انهم شككوا في حصولي على بكالوريوس الهندسة وأنهم كان يمكنهم التأكد من ذلك بـ 100 وسيلة. وأكد أنه حصل خلال الجولة الاولى على 190 ألف صوتاً وفي الثانية 170أف صوتاً، بسبب الخطاب الإعلامي والناخبين تكاسلوا عن النزول في الانتخابات بعد أن اصبحت المنافسة اسلامية اسلامية لأن المنهج واحد، مما تسبب في خسارته. |
| الساعة الآن 08:28 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com