المشاركة الأصلية كتبت بواسطة mazen (المشاركة 106908) حرااااااااااااام والله الكلام اللى بيحصل ده يا جماعة حرام عليكو تسمعو للقنوات دى يا جدعان افهمو اعقلو دى فتنة و هما هدفهم الاول والاخير هو خرااااااااااااب مصر انتو بتدوهم الفرصة ليه وبتسمعو كلامهم ليه ليكو حقوق و لينا حقوق و كل حاجة طالبو بيها لكن متسمعوش كلامهم دول عاوزين خراب مصر فى عقولنا ازاى تفتكرو ان هما خايفين علينا يعنى دول ما صدقو اللى حصل و عاوزين خراب مصر يا جماعة دلوقتى اقسم بالله اقسم بالله العظيم لو حصل تدخل فعلا من الخارج و مصر دى خربت ما هسامح و هحسبن على كل واحد دافع عن قنوات الجزيرة و عن الناس دى غير بجد انى اولع فى كل واحد دافع عن القنوات دى و قال انها بتنقل الصح و هتشوفو كلامى و ان غدا لناظره قريب بجد انا مش هسامح اى حد بجد لان دى مصر وانتو مش مراعيين ان فى اطفال ونساء بجد دلوقتى عايشين حالة رعب و مش لاقيين اكل ولا فلوس ولا اى حاجة خالص وبرضو عاوزين مظاهرات و خراب للبلد اكتر واكتر ايه مفيييييييييييييييييييييييييييييييييش عقل حرام عليكو اعقلو بقى قولنا هو خلاص ماشى و الوضع يرجع زى ما هو و الناس تروح شغلها بقى عشان عاوزين ياكلو عيش و لو منفذش طلباتنا الشارع موجود و انزلو الشارع واعملو مظاهرات برضو مصممين ان البلد تخرب برضو مفيش اى دم مفيش اى احساس بالاطفال و النساء دول؟ حرام عليكو والله والله لتتحاسبو على الخراب اللى بتعملوه ده بجد او بتشجعو عليه بجد

الثأر أصبح شخصى بين الجزيرة وبين مصر.

يا صاحبى أقسم بالله أنا كنت متابع السى ان ان بالأنجليزية وما أن غيرت لقناة الجزيرة حتى وجدت لنفس الصور والتصريحات أختلفت وشوهت ...مقطتفات من مواقف على طريقة ولا تقيموا الصلاة ... أقسم لك . وبناشد اى شعب عاوز يتحرر فعلا زى مصر أنه يتابع العربية أو البى بى سى العربية أفضل بكثير وأكثر مهنية وسيجد فعلا الرأى والرأى الأخر ....

المشاركة الأصلية كتبت بواسطة Debo (المشاركة 106931) دى آخر مشاركة ليه فى الموضوع ده بس ليه سؤال عمالين يتكلموا وتتكلموا عن الفتنة السؤال اللى نفسى اعرفوا فتنة بين مين ومين؟؟؟؟؟؟؟؟؟؟؟؟؟؟ فتنة بين الأغلبية الحالية والمتشبثين برأيهم وألا فلا حاليا . اللى اعرفه اللى بينافق بمبارك وبيأيده عشان مصلحته سواء حزب وطنى او موظفين خايفين يجوعوا او يغضب عليهم حتى البلطجية لهم مصلحة انوا يعفوا عنهم او فى بمبلغ مالى السؤال حد من الشعب مستعد ياخد قلم او بوكس فى سبيل الدفاع عن تأييد مبارك لوجه الله لأ طبعا ... وأفتكر محدش حاليا عنده الشجاعة حتى يدافع عن نظام فاسد الناس اللى بتقول خلاص كفاية كده خايفة من الفوضى بس عمرها لأ يا باشا خايفين من الهوية الساحقة للحالة الأقتصادية والأجتماعية والنفسية وزمنية وتسلط الرأى اللى رايحين لها وتدخل القوى الأجنبية فى ظل الفوضى . مهاتتدخل فى معركة عشانه بالعكس هما نفسهم يزول بس يبقوا زوال يضمن الامان لهم يبقى الفتنة بين مين ومين سبق الرد الموظفين لو قلتلوهم هشاغلكم باجر ازيد 100 جنيه هيبعوا ام الوظيفة ويلعنوا ابو اللى جابوها الحزب الطنى لو لقوا مصلحة احسن وسببوبه اعلى هيبعوا الوطن كله المجرمين والبلطجية والمرتزقة دول مش محتاجين كلام دول هيبعوا ابوهم عشان جنيه بس للأسف فيه فى الشعب فئه من الجبنه وان نجح الشعب فى تحقيق مايسعى اليه لاعمل بكل مااوتيت من قوى ليتم محاكمة كل من خان وطنه بتهمة الخيانة العظمى واولهم التليفزيون المصرى دم اخويه مش رخيص كل اللى شارك يوم الجمعة فى كل محافظات مصر يعتبر نفسه انه مات فى المظاهرة دى يأخى الفاضل انا واحد من الناس لأحب الهتافات ولا اومن بالمظاهرات السلمية مع هذا النظام لكن واجب منى روحت وقفت وسجلت حضورى والله والله انا من الدخان اللى الشرطة كانت بترميه بشكل عشوائى انا كنت هموت ومعتدش قادر على التنفس غير انهم لحقونى ببصلة ومنديل باين بخل وده كان اقل نوع من ضربهم لينا وكنت بعتبر ان دى نزهه ليه ومش هتعمل حاجة ومش هتغير وكنت هموت امال لوكنت عملت فيه ابو على كان حصلى ايه اتقوا الله وواصمتوا ان كنتم لا تعقلون

المشاركة الأصلية كتبت بواسطة Amir Issa (المشاركة 106939) للرفع كلام محترم واخر كلام لى فى الموضوع ده الناس عندنا تعبت من 8 او9 ايام تونس صبروا 15 يوم وانما النصر صبر ساعه

المشاركة الأصلية كتبت بواسطة ALNAGAF (المشاركة 106977) معلومه للشباب صغار السن كنت قد سافرت الى ألمانيا الغربيه سنه 1981 لأول مره وقتها أشتريت الدولار ب 34 قرش و كانت اول مره في حياتي اشتري دولار دى كانت ايام أشتراكية يا ريس ومكنش الجنية متعوم .... الحكومة تقدر من بكرة ترجعه للسعر دة تانى لكن لن يعكس حقيقة اقتصاد البلاد وسيزيد الأنهيار .... الجنية بدا فى النزول مع ثورة 52 وضياع الغطاء الذهبى وليس بسبب السرقة فقط . الأن و بعد 30 سنه طبعا كلكم عارفين الدولار بكام شوف الفرق و افهم ياللي بتفهم ما هذا الفرق الا لأننا بنتسرق في عام 1991 و بعد الغزو العراقي صرفت الأمم المتحده لكل شخص 1200$ قامت الحكومه المصريه بتسليمها لنا ناقصه اكثر من 200 دولار نهب و سرقه عيني عينك انتم في مصر تدفعون ضريبه المبيعات و الواجب ان التجار و رجال الأعمال هم من يدفع تلك الضريبه لا ياريس الكلام غير صحيح بالمرة ... ضريبة المبيعات يدفعها المشترى فى كل بلاد العالم هى معمولة علشان كدا علشان تحد من أستهلاك من معه النقود كل ما يشترى حاجة يبقى بيتميز عن غيره انه أستطاع شرائها فيدفع ضريبة تعود على من لم يستطيع الشراء ...هى دى ضريبة المبيعات فى العالم كله .....كله كله كله هنيئا لكم بمبارك و تستاهلوه فعلا يامن تدافعون عن بقاؤه حضرتك شوفت حد فى مصر دلوقت بيدافع عن بقاء مبارك ... ممكن تقول فية محايدين واعداء ولكن اصداقاء له.. لن تجد . هذا الرجل لابد أن يتم سحله و إعدامه في ميدان التحرير ليش شنقا و لا بالرصاص لكن الرجم حتى الموت هو و زبانيته

المشاركة الأصلية كتبت بواسطة محمد نوارج (المشاركة 106900) إنني أبكي لحال كلامكم عنهم .. لقد ضللتم من التلفزيون المصري وخطاب مبارك هو فية حد ياريس بيتفرج على التليفزيون المصرى أصلا من 10-15 سنة :) وبعدين لية تحكم على كل الى اتكلموا انهم ضلوا وأنت الوحيد المهدى:) أنا مقدر موقف الأخوان تماما . ماذا فعلوا؟!! اعتصموا بميدان التحرير؟!!! يااااااااااااااااااااااااه ؟!! دي جريمة تستحق الإعدام و( ضرب النار ) .. مش كده؟!!! هات لى رد واحد فى المنتدى أو خارجه قال ما تقول ... هات لى واحد بيقول اعدموهم وأضربوهم بالنار . الشباب دي لو اتفرقت وحاولوا يسيبوا الميدان هياكلوهم زي الديابة! ودة فعلا شعور الأخوان لهم الله .. لهم الله .. لهم الله .. في ايه؟!!!!!!! حقاً صدقت يا رسول الله .. «يأتي على الناس سنون خداعات، يصدق فيه الكاذب ويكذب فيه الصادق ويؤتمن فيه الخائن ويخون فيه الامين وينطق فيه الرويبضة..»

المشاركة الأصلية كتبت بواسطة ALNAGAF (المشاركة 106889) أخر كلام لي لو ظل مبارك في السلطه ليستعد الشعب المصري للعقاب المبرح و سيخرج ليقول لكم أعمل لكم ايه انتم 84 مليون ساذج انتم صدقتوني ليه يا سلام ومفيش شعب تانى خلاص ؟ هى هبه وانتهينا ... لايمكن لايمكن دا وقتها اللى منزلش هينزل .... هو عنده دلوقت شرطة وللا جيش يقدروا يدافعوا عنه تانى . سيقول للشعب المصري انتم بتظاهراتكم قد خربتم الاقتصاد و لا يوجد في الخزينه اموال للاصلاح و سيبدأ يتعزيز السجون و المعتقلات وأنا اكتب لك الأن نائب الرئيس يقول .... من لم يرتكب جريمة فى ما حدث سيتم الأفراج عنه فورا ونحن بحاجة لمصالحة شعبية ولكن إن رحل سيكون هناك الأفضل أكيد يكفي انه الأن استطاع أن يوقع الشعب المصري في فتنه بين مؤيديه و معارضيه أكررها لك تانى ياريس يمكن علشان انت بعيد عن مصر ... الرئيس ليس له مؤيدين الأن المظاهرات لتأيييد انتقال سلمى للسلطة وضد سيطرة الفوضى والغوغائية اللى يقول انه بيايد حسنى مبارك يبقى بيضحك على نفسه . استعدوا للعقاب اكثر الدول انزعاجا لرحيل مبارك هى اسرائيل افهموا بقى

الأن لماذا يعترض الأخوان ويطلبون الرحيل الفورى هو بعينه لب مشاركتك ... الأخوان من اول يوم اعلنوا عدم المشاركة لماذا ؟ لأنهم يعلمون ( كما تسائلت مسبقا فى هذا الموضوع من سيدفع الفاتورة ؟ من سيدفع الحساب ؟) كان الأخوان يعلمون انهم الوحيدون الذين سيدفعون حق المشاريب نيابة عن الشارع المصرى كله وستلصق بهم جميع التهم ولذلك اعلنوا عدم المشاركة وقام المرشد العام بأستدعاء رموز الأخوان وقام بأبلاغهم بعدم المشاركة والكلام معلن وعرفه الجميع ..وأستنكره ايضا الجميع وقتها حتى الأخوان الصغار نفسهم ....فى حين ساندت باقى الأحزاب المظاهرة ولو من بعيد أو على استحياء ليس خشية من النظام كالأخوان ولكن أما لأنهم لن يفرقوا كثيرا وليس لهم وجود فى الشارع أو لعلمهم بأنه " مفيش فايدة ".
وبدات المظاهرات سلمية وأحشدت الحشود وحاول النظام قهر الشباب المتهور الأنفعالى وقمعهم ولم يستطع واقترب أفلات الأمر من يده وبقى له تكة وتشجع باقى الشعب كله - والأخوان من الشعب طبعا- على النزول فى يوم الجمعة وكبرت الكبيرة وسحقت قوات مكافحة الشغب والأمن المركزى ووبعد انضمام الأخوان والشعب بدا حرق اقسام الشرطة الواحد تلو الأخر ودواوين الدولة ( من حرق ؟؟؟ لا نعرف ولكن الأمر محصور فى ثلاثة... النظام .. الهمج والغوغاء من الشعب .... او جماعة منظمة ومخططة وتعرف أهدافها - اى جماعة وليس شرطا الأخوان وقد تكون جماعة خارجية أصلا ولكن بالنسبة للنظام فلا يعرف بمثل هذا التنظيم الا الأخوان المسلمين وعنده من حملاته عليهم ومداهماته لهم والتنكيل باعضائهم ما قد يوحى او يثبت له ذلك )
الأن الوضع ان مطالب الشعب تحققت وبعد نداء " عيش حرية كرامة انسانية " وموافقة النظام عليها - أذن لقد خنع النظام وقهر... والعجل وقع هاتوا السكاكين - علشان نقسم التورتة كمان ( مصر ) - تصاعد سقف المطالب أكثر قليلا فوافق النظام وأقال الحكومة - النظام أنتهى ليس لديه اى شئ وبطئ فى أتخاذ القرارات لأن جميع المطروح عليه لا يرضيه وليس لديه القوة على رفضه فتنازل وتنازل حتى تحققت مطالب يطالب بها الشعب منذ 1952 لو نذكر مبادئ الثورة ... وزاد عليها مطلب الرحيل ووافقت الرئاسة .....
النظام ... افلس فقد دفع كل مالديه وليس لديه أى شئ أخر ألا الفوضى والهروب والرحيل بالجمل وما حمل .
الشعب .... الشعب لن يدفع ويكفيه ماخسر فى كل ما حدث ويكفيه ما دفعه طوال نصف قرن .

الأحزاب .... طبعا طبيعة اى حزب لا تؤهله على الدفع خصوصا وهو لم يشرب شيئا لم يتظاهر اولا ولم يحرق ولم ولم فلماذا يدفع .... ونظرت الاحزاب حولها ولوضعها ... أولا جماهير الشعب مختلفة التوجهات فأنا وفدى ومستر سامى ناصرى وشتان بيننا ... نوارج اخوانى وامير ليبرارى غير تابع وشتان بينهما ويوجد اشتراكيون و...و.. .. ولكل منا توجه يعبر عنه موجود فى الأحزاب التى انهكها النظام قبلا ... ولو كان يريد مبارك ضرب هذة الثورة فى مقتل لوقف وقال بالحرف الواحد " شكلوا وزارة منكم واحضروا لى رئيس منكم غيرى وسأعين الحكومة المختارة واتنازل عن السلطة لرئيسكم" ووقتها كنت ستجد عجب العجاب وتسود الفرقة فى الثورة وقد نقع فى الحرب الأهلية والغلبة وقتها للقوى المنظم المطيع لقائده وهم الأخوان وبذلك فهو ضد تطلعات جميع الأحزاب سواء للسلطة او لمجتمع منظم ومتحضر . أذن لابد من الحوار بين الشعب ...الأحزاب والاخوان ... والنظام .... فوافقوا على الحوار .

الأخوان ... فجأة انفض المولد الشعب اخذ مايريد والأحزاب أخذت ماتريد فما مستقبل الأخوان فى ظل أستمرار النظام ولو ليوم واحد او ساعة واحدة .... أذا استقر النظام فى المجتمع فأن مرتكبى العنف سيحاسبون أذا أستقر النظام فان من مروا على أصحاب المحال فى الأسكندرية مثلا منذ يومان وأخبروهم انه لا يجب ان يبيعوا السجائر والا فالعقاب شديد وبالنص " ان رجعنا كمان ساعتين ولقينا عندك سيجارة على الرف تقول ع المحل يارحمن يا رحيم " ... الذين أرغموا الباعة الجائلين على بيع الطماطم بسعر 2 جنية مع وصول سعرها وقت الازمة الحالية ل 7 جنيهات رغم توسلات البائع بأنه اشتراها بسعر غالى عليه وان بيته سينخرب وسيتشرد اطفاله ومحاولاته المستميتة للوصول لحل وسط ولكن يقابله العقل المتحجر ( ولا بتوع الأزالة يا جدع ههههه ) ... سيحاسبون ( وممكن من البائع حتى وليس من النظام ).... من حرق المحال وسرق محتوياتها سيحاسبون ...... وليس عند النظام افضل من الأخوان ليلقى عليهم تبعات ذلك ( على فكرة امبارح ظبطنا فى ورديتى 3 فلسطينيين معاهم سلاح آلى قد يكونوا تابعين للنظام او غير تابعين لأحد ويمثلون انفسهم ) ولكن اعتقد ان كل ذلك سيبحث صلته بالأخوان خاصة ....
أذن طبقا لرؤية الأخوان فالعملية اما قاتل او مقتول وأن مقتول وكلا الخيارين قاتل او مقتول - مقيل للرئيس أو مقصى من المجتمع والحوار - كلا الخيارين افضل من اى حوار سيقود كما يعتقد الأخوان لنفس النتيجة أما قاتل او مقتول .... ولذلك أعذرهم كثيرا . وارجو وأعتقد أن النظام سيغفر لهم وهيعديها - وليس بمزاجه - ولكن لأنهم مصريون ولهم دور مهم فى الحوار الوطنى برضاء او بغير رضاء الجميع كما ان النظام ليس امامه وقت لمحاسبتهم ولا يقوى حاليا على ذلك ولا يقوى على أستعدائهم الأن .... واقول لهم مصر بحاجة اليكم فى مسيرتها الجديدة فأنسوا جراح الماضى وشاركوا الجميع ... فالأن النظام يلملم اوراقه للرحيل ومصر أولى بكم لتبنوها . ولا يمكن الرهان على استمرار الجيش لأن دوره فى حماية الشرعية وخيارات المجتمع بالكامل والجميع ارتضى بالحوار فشارك ولاتعزل نفسك . والشارع امامنا اذا أتفقنا على شئ فلنشد اليه الرحيل مرة أخرى .