|
رد: انا نازل يوم 25 يناير.
هؤلاء هم شباب مصر ؟؟
يا حسرتاه هل سيطر عليكم الخوف شوفو تونس اوتعلموا منها لم يستسلموا حتى سقطة النضام أما أنتم فسوف تتوقفون في منتصف الطريق سوف يحس مبارك أنه إنتصر عليكم وسوف يقوم بسرق المزيد من أموال الشعب في الأشهر المتبقية http://www.fx-arabia.com/vb/images/s...20%2846%29.gifhttp://www.fx-arabia.com/vb/images/s...20%2846%29.gifhttp://www.fx-arabia.com/vb/images/s...20%2846%29.gif |
رد: انا نازل يوم 25 يناير.
اقتباس:
مين اللى حط الفكره دي فى دماغك ؟ مش هيرشح نفسه تانى هو مش قادر اساسا خلاص تعب بعدين بصراحه الاخوان يستاهلو كل اللى بيحصلهم وانا لو مسكت رئيس فى يوم من الايام انا هعمل فيهم اكتر من كدا انا اعرف الاخوان كويس وقربت منهم جدا اهدافهم سياسيه بشعارات دينيه تمثيل فى تمثيل تقدر تقولى انت لسا فى ميدان التحرير ليه ؟ تقدر تقولى مين من الشباب الحر اللى مش تبع احزاب ولا اخوان لسا موجود ؟ احنا كان لينا مطالب 1 2 3 4 5 اتحقق لينا 1 2 3 وباقي 4 اتاجل لمدة 6 شهور وباقي رقم 5 ممكن نتفاوض فيه مع الحكومه ليه رفضنا الحوار من الاول وقلنا راينا احنا بس اللى يمشي ؟ انت مفكر البرادعي ولا الاخوان واقفين فى صفنا ؟ لو ادو لكل واحد منهم وزاره هم اول ناس هينزلو يضربو فينا ويفرقونا الناس دي بتاعه شعارات ومناصب احنا هدفنا الاصلاح هم هدفهم الكرسي فوووووووووووووووووووووووووووووووووقو |
رد: انا نازل يوم 25 يناير.
اقتباس:
ومطالبنا بنسبه 90% اتحققت والباقي فى الطريق ليه نفترض سوء النيه ؟ ليه نقول عليه كذاب وهو لسا معملش حاجه ؟ نديله الفرصه بعدين نحكم عليه مبارك دلوقتى عايز يختم حياته السياسيه بشكل لائق بيه |
رد: انا نازل يوم 25 يناير.
اقتباس:
اقرو اللى بالاحمر فكرو بعقلكم لا بقلبكم |
رد: انا نازل يوم 25 يناير.
اقتباس:
حتى لو مترشحش مين هيحسبه على اللى فات كفايه الغاز اللى بيبعه لاسرائيل ارخص من الثمن اللى بيبعه لينا شفت المسخره اخى الكريم ما تقوله انت بخصوص الاخوان يتناقض مع ابسط قواعد العداله انا مش من الاخوان انا فى قضايا فى المحاكم بينى وبين ناس فيهم تخيل انت لو منتمى لفكر سياسى معين ترضى ان القاضى اللى المفروض مستقل يعمل كده ده كمان يوضحلك مدى استقلال القضاء انا مجمل اللى قولته هو ان الديمقراطيه هى حكم الاغلبيه من الشعب والاغلبيه قالت ان الشعب يريد اسقاط النظام وبعدين مطالب ايه اللى اتحققت المطالب قبل يوم 25 1 حد ادنى من الاجور 1200 جنيه 2 محكمه حبيب العادلى 3 رفع قانون الطواررىء حد فى ده اتحقق |
رد: انا نازل يوم 25 يناير.
اقتباس:
|
رد: انا نازل يوم 25 يناير.
احذروا..!!
مصر..الفتنة |
رد: انا نازل يوم 25 يناير.
اقتباس:
دي بقي مطالب مين ؟ انا نازل على مطالب تانيه على فكره وهي 1- تعيين نائب للجمهوريه 2- تعديل مواد الدستور 3- عدم توريث السلطه 4- حل مجلس الشعب والشوري بسبب التزوير فى الانتخابات 5- تغيير النظام (الحكومه) بسبب الفساد والعمل لمصلحتها الشخصيه وخصوصا رجال الاعمال 6- الغاء قانون الطوارء وحديثا اثناء المظاهرات 7- محاكمه حبيب العادلي على مهزله الشركه يوم الجمعه 8- اقاله الرئيس مبارك من السلطه والا بقي اننا كنت فى مظاهره تانيه غير اللى انت نازلها تم تحقيق رقم 1 و 2 و 3و 5 وجاري العمل على 4 و 8 اذن باقي رقم 6 و 7 ويمكن الحصول عليهم بالمفاوضات اما موضوع الاجور فدا مش هيتحقق فى يوم وليله دا لازم تنسيق مع وزير الماليه ياباشا ووزير الماليه لسا متعين من يومين ولا انت عايزه يطلع يقولك تم رفع الاجور وبعد كدا متلقيش فلوس عشان يدفعوها اصلا؟ دا اسمه كلام برضو ؟ دا مش كلام الشباب اللى نزل المظاهرات ولا احنا ننضرب ونموت وانتو تحققو مطالبكم السياسيه معنى كلامك دا انك تبع حزب سياسي وليك مطالب سياسيه على عكسنا احنا كان لينا مطالب اصلاحيه بعدين انا شايف انك طولت فى موضوع الغاز دا قلنا موضوع الغاز يعتبر غلط وفساد امال احنا بنتظاهر ليه ؟ والرئيس الجديد اللى هيجي المفروض يلغي المعاهده اللى بتنص على تصدير الغاز لاسرائيل ياباشا احنا كشباب حققنا مطالبنا انتو كسياسيين لسا باقيلكم مطالب وهى السلطه والحكم اسف انا مش معاكم انا مع مصلحه البلد مع العقل مع اننا نغير للافضل وفى نفس الوقت نفضل اقوياء ومستقرين انيا بدون فوضي وبدون تخريب وبدون هرجله |
رد: انا نازل يوم 25 يناير.
شوفوا رساله دى
Incompatible Browser | Facebook |
رد: انا نازل يوم 25 يناير.
اقتباس:
محدش فاهم حاجه الكل بيفكر فى مصلحته الكل بيفكر فى سلطته الكل بيفكر فى هياخد ايه واحنا اللى بدئناها بنضيع فى النص كل اللى انجزناه بيحولوه هم لخراب ورماد كل انجاز عملناه هم بيضيعوه وكل دا باسمنا احنا حراااااااااااااام اصحووووووووووو |
رد: انا نازل يوم 25 يناير.
اقتباس:
حطلهم الرساله يقروها هنااا اقتباس:
|
رد: انا نازل يوم 25 يناير.
لكل الاخوه الذين يدعون للتظاهر مره اخري اقول لهم ان شباب مصر حقق مطالبهم بل و حققو اكثر مما كان يتوقع لهم اي متفائل. من المعروف عننا المصريين اننا ذوي ولاء لا حدود له و لا يجب علينا ان نعامل رئيس الجمهوريه المصري بهذه الطريق و نرميه خارج البلاد و هو في اخر عمره. لا و الف لا فنحن المصريين لدينا اصل و ان اراد الرجل ان يموت في بلده فدعوه يموت في بلده و لندع التاريخ يحكم عليه.
احب ان اوضح ان مصر مقدمه علي مرحله صعبه للغايه نظرا للمشاكل الاقتصاديه المزمنه التي نعاني منها و التي تفاقمت بشده بسبب الاحدث الاخيره حيث تم تخفيض التصنيف الائتماني لمصر مما سيعني ان تكلفه الحصول علي اي اموال خارجيه ستزيد مما سوف ينعكس علي الاسعار. ايضا دخل الدوله سوف يتعرض لهزه كبيره نظرا لضعف ايرادات السياحه الخارجيه التي سوف تنقطع عن مصر في الفتره القادمه ما لم تستقر الاوضاع سريعا (13% من اجمالي دخل مصر من السياحه) هذا بالاضافه الي قيام حكومات دول العالم الثالث في الايام الاخيره بشراء الكثير من المعروض في السوق العالمي من المواد الغذايه و هو الامر الذي سوف يؤدي الي ارتفاع كبير في الاسعار. ما اود ان اخلص اليه انه لا توجد حكومه لدينا مصباح علاء الدين لأصلاح الوضع في مصر و الحل الامثل يقع علي عاتق كل مصري في تحمل تبعات الديموقراطيه و الحريه الاقتصاديه التي طالما نادينا بها و غيرنا النظام من اجلها. علينا تغيير نمط المعيشه..علينا محاوله الحد من الزياده السكانيه الرهيبه التي تأكل الاخضر و اليابس (محدش يقول تركيا عندها ناس كتير لان وضعنا مختلف تماما عن تركيا) علينا العوده لشعار صنع في مصر و ليس صنع في الصين.. علي كل واحد ان يكون قلبه علي بلده و يحافظ عليها لان هذه الممتلاكات هي ممتلاكات الشعب كله مع تحياتي اخوكم امجد |
رد: انا نازل يوم 25 يناير.
دا انتم لو فى حد اساء اليك وغلط فيك وشتمك وبعد كدة اعتذرلك وقلك انا هصلح العملته هتسامحة وهتنتظر هيعمل اةة اصحـــــــــــــــــووووووووووو قبل فوات الاوان |
رد: انا نازل يوم 25 يناير.
اذا لم يتم الإطاحة بالنظام المصري سترجع الأمور كما كانت وأسوء يجب أن يعلم المتظاهرين أن فاتورة الإطاحة بهذا النظام الفاسد ستكون مكلفه جداااا النظام سيناور المتظاهرين حتى لا يسقط من المستحيل أن يشن المصرين المؤيدين لحسني مبارك هجوم لأن هذا الشخص لا يستحق أن يضحي أحد من أجله ومن شن الهجوم على المتظاهرين هم أفراد أو ضباط موالين للنظام الفاسد فيلذهب للجحيم حسني مبارك الذي يقدم الغاز لإسرائيل بأسعار زهيده ويترك شعبه يعانون |
رد: انا نازل يوم 25 يناير.
اقتباس:
استاذ امجد عطيه نحمل لك موقفك المشرف فى بدايه هذا الموضوع بالنسبه للاقتصاد كل شىء هيتصلح بالقضاء على الفساد مصر تدعم رجال الاعمال باموال خرافيه قارن بين سعر الارض التى بيعت لهشام طلعت مصطفى (بتاع سوزان تميم) وبين سعر الارض لباقى المواطنين محتكر الحديد فى مصر (احمد عز) تدعمه الدوله ب 2 مليار جنيه سنويا من اجل مصانعه مصر تخسر(3 مليار دولار سنويا) اكثر من ما تخصصه المعونه الامريكيه( 2 مليار دولار) فى التصدير الغاز لاسرائيل ( اللى بيتباع للاسرائيلى ارخص للمصرى)؟؟؟؟؟؟؟؟؟ |
رد: انا نازل يوم 25 يناير.
[QUOTE=د.أسامة عادل;106750]احذروا..!!
مصر..الفتنة[/QUOTE مناشدة لكل واحد بيحب البلد دى ايا كان موقفه سواء المؤيدين او المعارضين انهم يرجعو لبيوتهم عشان الشارع يهدى ونخمد نار الفتنة دى وكفاية نزيف فى دم المصريين لا للتظاهر يوم الجمعة القادم 4/2/2011 لاخماد نار الفتنة |
رد: انا نازل يوم 25 يناير.
ياجماعة اتمنى ان لا تتركوا مجال لحكام غرب يتولوا امركم
اذا ذهب مبارك من سيأتي البرادعي ؟ ام من ؟ لا تجعلوا امركم هباء منبثا دي دولة من عجينة فلاحة بدها ساعة لتجهز يعني الامور اللي تحققت خلال اسبوع دا انجاز مصيبة ان لم تعرفوا متى يجب ان تعملوا ستوب لوز 300 قتيل و3000 جريح وماخفي كان اعظم ذهبت دماءهم اللهم عوض اهاليهم وهناك من سرق ونهب وهناك من اغتصب عودا لبيوتكم واحموها |
رد: انا نازل يوم 25 يناير.
عمرو موسى باذن الله الرئيس القادم
دا لو مبارك سبها واشك فى هذا |
رد: انا نازل يوم 25 يناير.
السلام على الجميع
اقول للجميع اتقوا الله الحقيقة انا كنت ساخط على المجتمع المصرى من تصرفاته وبلادته وهمجيته وربى العظيم انا اول مرة احس ان المصريين دول طيبين بمعنى الكلمة وذو اخلاق حميدة واسوء مافيهم حكامهم ووجهاء القوم منهم من العملاء ورجال الأعمال انا لاانتمى الى اى فكر او اى اتجاه غير عقلى البسيط واقول لكم ان مبارك هو مبارك ابن صهيون مبارك فى تصرفاته وافعاله هو مثل فرعون فى كبريائه وخداعه وطغيانه انا ربكم الأعلى من لايفهم او لايعقل فليضع لسانه فى فمه ويصمت اتقوا الله يابشر ولا تجعلوا ظلمة القوم يستخفون بعقولكم حديث مبارك امس لمن يعقل كان تهديد ووعيد وخداع وكبرياء طاغية انا ربكم الأعلى استغفروا الله العظيم من كل ذنب انصروا الحق كى تنصروا |
رد: انا نازل يوم 25 يناير.
|
رد: انا نازل يوم 25 يناير.
اعزائى و أحبائى شباب الغد و المستقبل اعزائى و احبائى ابناء مصر الاوفياء اليكم اتحدث اليوم و ما كنت عنكم يوماً ببعيد فلكم عندى مكانه كبيره جدا حباً و احتراماً و تقديراً و لعلكم تذكرون اننى ما تحدثت فى هذه الصفحات مندفعاً متحمساً فلا رغبة عندى فى زعامه و اثبات وطنيه و حميه على حساب البلد و مقدراته و مكتسباته لعلكم تذكرون اننى ما خاطبت فيكم قبل الاحداث الا العقل و ما طالبتكم الا بتحكيم العقل هل تتذكرون عودا بالصفحات لتعيدوا قراءة ما خاطبتكم به درءاً لأمر كنت اخشاه و قد حدث ما كنت اخشاه و كان لى تساؤلات عده حينها و الان بعد ان جرى ما جرى ارجوكم أن تقبلوا ما سأقوله لكم حتى و ان لم يرق لكم حماية لهذا البلد الذى أواكم و أوانا يا شباب الغد لقد تحقق بكم و لكم الكثير فلما الان تصرون على العناد و التكبر و لصالح من لقد رضخت الدوله للكثير من مطالبكم و التى اعلنت لكم قبل الاحداث اننى معها انتهى التوريث بل انتهى التجديد للرئيس حكومه جديده على رأسها شخص رائع و هى بالطبع مؤقته لحين اختيار الرئيس الجديد لتسيير الامور و بدء الاصلاح النظر فى الطعون الانتخابيه و اعتقد انه و كما قلت بعد احداث تونس انه على الحكومات ان تعى الدرس فأنا اجزم ان الدولة قد وعت الدرس لاسيما بعد الاحداث المؤلمه فى مصرنا الحبيبه و ستفى بما وعدت به طلبت الدوله بدء الحوار مع الفصائل الوطنيه و المعارضه فإذا بظهور العناد و التكبر و رفض الاخر و رفض الحوار ممن ركبوا الموجه و استغلوها من احزاب و قوى لها مصالح شخصيه و حزبيه و من بعض الشباب الذين ما زال الحماس مسيطر عليهم فحجب عنهم الرؤيه و ما ألت اليه البلد من دمار و اجزم انهم كانوا لا يتخيلوه و لو حسبوه و عرفوه ما ساهموا فى إحداثه و توالت تنازلات الدوله و اعلنها الرئيس صراحه انه لن يعيد ترشيح نفسه لرئاسه جديده فيكون الرد لا بكل صلف و كبر و جحود لا لازم يرحل مش هنمشى الا اما يرحل ؟؟؟؟؟؟؟؟؟؟؟؟ !!!!!!!!!!!!!!!!!!!!!!!!!!!! ما هذا مانعيشه هذه الايام اذا كنتم مئات الالوف اذا كنتم مليون و لا اثنين و لا حتى عشرة مليون مصر فيها 85 مليون يا ساده فيه ايه ؟؟؟؟؟؟ تقليد اعمى لما حدث فى تونس واحد حرق نفسه يبقى نحرق أنفسنا شبابهم شالوا رئيسهم يبقى لازم نشيل رئيسنا ده مش ماتش كورة هو بين مصر و الجزائر ده بلد واقتصاد بلد و امان بلد و نماء او دمار بلد و سيُسأل كل من ساهم فى إحداث هذا الدمار او تسبب فيه بقصد او بدون قصد ثم يا ايها القابعون فى التحرير من شباب او قوى معارضه كيف اثق فيكم و قد ظهر الكتاب من عنوانه فأنتم لا تستمعون للأخر و لا ترغبون حوار و لا تفكرون فى تبعات قراراتكم كيف ؟؟؟؟؟؟؟؟؟؟؟ أجيبونى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حماسه احترمناها تحولت لتهور ثم لتكبر و غرور دونما تحكيم قدراً من العقل و من القلب و من الاحساس و من الضمير و الاحساس بالبلد و ما حدث به و ما أل اليه جرعة العلاج الزائده قد تميت الجسد المريض يا ساده تونس 6 مليون يوم ما يطلع منهم 2 مليون يبقى خرج 30% من الشعب مصر 85 مليون يوم ما يطلع منها 2 مليون و لا حتى خمسه و لا اكثر فهم بالنسبه للشعب كام فى المائه؟؟ أجيبونى و كانت طلباتهم حريه كرامه عداله جميل و تدخل من ركبوا الموجه ليتكسبوا من هبتكم ايها الشباب و يحولوها للشعب يريد اسقاط النظام ثم يحولوها الشعب يريد اسقاط الرئيس أى شعب تتحدثون بإسمه من فوضكم من الثمانون مليون لتتحدثوا بإسمه أجيبونى ؟؟؟؟؟؟؟؟؟؟؟؟؟؟؟؟؟ هذا البرادعى هذا القابع فى اوروبا و لو سار فى شوارع مصر لتاه فيها هذا الذى يقترن اسمه بما حدث للعراق يأتى ليهدد و يتوعد و يتخيل اننا نترجاه رئيساً ده بُعده لقد كرهته كل البيوت المصريه و لا تواجد فى قلب مصرى الا على ورقات الفيس بوك بعدما اشعلها فى جمعه الغضب و يريد اكمال المهزله فى جمعة الحسم و الرحيل فليرحل هو حيث يسكن هذا البرادعى القابع فى شوارع اوروبا لم يرى فقراء مصر و لا يعرفهم ثم كل قوى المعارضه انها لمتناحرة فى الرؤى و التوجهات بينها و بين بعضها بل فى داخل كل منها .............................................. لا نعرف كيف سيكون حالنا مع احدهم و هم من الان يرفضون الاخر لا حوار لازم الريس يمشى فيه إيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ و البعض الان قابع فى التحرير فى انتظار ثورة البرادعى يا ناس يا خلق هوه فكروا فى مصر الان و فى هذا الوقت الصعب حكموا عقولكم فوتوا الفرصه على كل من يبذرها فى ربوع الوطن قبل ان تندموا على ما ساهمتم فيه من فتنه خلاص فيه مكتسبات كبيره تحققت بل انتصارات تحققت بفضل هبة و انتفاضه الشباب لا تضيعوها و تضيعوا البلد معها اقولها لكم و بقسوة و اسمحوا لى ان اقسوا عليكم فأنا منكم و بكم و أخ لكم اتقوا الله فى البلد و مقدراته التى خرجتم من اجلها اذا كان خربها البعض فلا تزيدوها خرابا .................... الامر تطور قلتها منذ قليل و اكررها بمزيد من الايضاح أنتم كم؟؟؟؟؟ مليون 2 مليون 10 مليون ؟؟؟؟؟؟؟؟؟؟؟؟؟ فيه غيركم 70 مليون مصرى لا يقلون عنكم وطنيه و حب للبلد و لم يقبلوا على تصرف استغله البعض فدمر البلد هؤلاء ال 70 مليون سيبدأوا فى النزول للشارع و لكن ضدكم ضدكم ضدكم بعدما رأوا ما رأوا فيكم من كبر و عناد و تخليكم عن العقل و الفكر و المنطق بل عن القلب و الاحساس فقدوا الثقه فيكم بعدما شاهدنا و لمسنا ما حل على البلد احبائى أليس فيكم رجل رشيد ؟؟؟؟؟؟ اشهدك لكم بالعقل و الفكر و المنطق فما بالكم لا تقدرون ما حل بنا ما قدمه لكم رئيس الجمهوريه انتصار كبير او خطوة على طريق جديد احفظوا البلد اتوسل اليكم ألا تشعرون ما حل بالناس فى أكل عيشها ألا تقدرون ما حل بالبلد اقتصادياً هروب استثمارات تخفيض مستوى مصر الائتمانى مليارات خسائر الايام السابقه ملايين خسائر يوميه لم تحل مشاكل بل تفاقمت مشاكل بل فقدنا الامان و الثقه بالشارع حرامٌ عليكم الكثير من فقراء مصر الذين يعملون باليوميه جلسوا فى بيوتهم فلا عمل و سأكون قاسى عليكم لقد تبادلوا الدعوات لكم لأ عليكم نعم و الله دعوا عليكم ألم تخرجوا من اجلهم حريه كرامه عداله الان يدعون عليكم لأن النتائج لم تكن على قدر الطموحات بل على النقيض الى الان مالم تفيقوا و تعودوا الى صوابكم و تحكموا ما بقى لديكم من عقل و قلب و احساس كفى بالله عليكم و اعلموا ان من نزل الشارع اليوم ليسوا من الحزب الوطنى و ليسوا مأجورين و ليسوا بلطجيه فأنا ممن نزل اليوم مؤيدا لمبارك بل لمصر و استقرارها و لسيادة دولتها و شرعيتها و عدم قبول وصايه من دول اخرى و قوى اخرى و متسلقين نزل للشارع شباب و اباء و امهات دكاترة و فقراء و غلابه هم الشارع فالشعب ليس شعب الفيس بوك فقط لم يدفع احد لهم شئ لينزلوا حركتهم مشاعرهم نخوتهم رجولتهم مصريتهم و انتم تعلمون عنى توجهى الناصرى القومى العروبى و من ثم فلا علاقة لى بحزب وطنى و لا غيره و لا حتى الحزب الناصرى و لا الكرامه بل انى ممكن ان تقول اننى من المعارضين للنظام و لكننى مصرى مصرى مصرى خرجت اليوم ليكون فى الشارع اناس غيركم لم تسمعوا اليهم و لم تهتموا بهم و لم تلقوا لأراءهم بالاً خرجت اليوم لأقول ان الشارع المصرى ليس حكراً عليكم و ان الشعب المصرى به غيركم و ينبغى ان لا تنسوا ذلك و أن تقدروا ذلك لا يمكن ان نترك البلد للبرادعى يأتى على ما تبقى فيها حرام يا شباب كيف نبنى ديمقراطيه بعناد و تجمد فكر و قلب فكروا فى مصر يا شباب تونس السودان مصر الاردن اليمن لبنان و بيقولوا يوم الجمعه القادم جمعه الغضب فى سوريا طبعا ده بعد العراق اللى راح خلاص كل هذا فى وقت واحد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ فكروا يا جماعه ألا تتذكروا كونداليزارايس و قولها عن الشرق اوسط الجديد بعد تحريرهم للعراق كما زعموا هذا ما يريدون يا شباب قلتها ان عدو الامه قريبٌ جدا جدا منها و يزداد قربه كلما ضعفت الجبهة الداخليه و ما أضعفنا الان اعتذر عن الاطاله و لكن مين عارف قد لا اكتب اليكم ثانيةً |
رد: انا نازل يوم 25 يناير.
جمعة الرحيل باذن الله يوم الجمعة
الى كل الشرفاء عليكم الخروج يوم الجمعة في جمعة الرحيل والتحرير لو كان الريس بحب مصر لتنحى الان واعطى السلطة لعمر سليمان فليس من المعقول ان تخرب الدنيا بسبب ان الريس يريد ان يبقى 7 شهور اخرى جالس على الكرسي ... ارحل ارحل ارحل كفاية حرام عليك اتعبنا |
رد: انا نازل يوم 25 يناير.
تسلم والله يااستاااذ سامى
والله العظيم قولت كل اللى انا عاوز ااقوله وزيااده الناس عندى فى المنطقه مش لاقيه تاكل واسبوع كمان ومش هننزل نحمى البيوت من البلطجيه اللى بره لالالا هنحميهم من الناس اللى مش لاقيه تاكل هنا يعنى من صحابى وجيرانى واهل المنطقه واقسم بالله انا لو فى ايدى الامر لكنت حذرت الناس اللى فى التحرير دى ولو لم يستجيبوا هضربهم بالنار والله العظيم لاضربهم بالنار لان دول مش مصريين |
رد: انا نازل يوم 25 يناير.
اقتباس:
مش مصريين؟!!! |
رد: انا نازل يوم 25 يناير.
اقتباس:
أه مش مصريين لو مصريين ميعملوش كده البلد خربت خلاص والناس دى عارفه انها هتاكل وتشرب انما لو مش هتعرف تأكل عيالها زى الناس اللى عندى هنا مكانوش عملوا كده وهتشوفوا الخراب اللى هيحصل فى البلد زياده والله انا كنت مع الناس لغايه يوم الجمعه بس اللى شوفتى بعينى يخلينى ااقول انهم مش مصريين يلا تصبحوا على خير علشان عندى خدمه فى الشارع |
رد: انا نازل يوم 25 يناير.
بجد الناس اللي بتقول جمعة رحيل وبتقول يمشي بقولكوا انتوا عالم معندكمش دم. الريس ده لو كان زبالة كان هرب ومشي. تخيلوا لو كان الريس ده من اول يوم هرب زي ريس تونس كنتوا هتقولوا زبالة وخاااائن وساب بلده. حرام عليكو هدوا الدنيا شوية خلو الناس ترجع اشغالها. والدنيا ترجع هادية. ارحموووووووووونا. :1 (71)::1 (71)::1 (71)::1 (71)::1 (71):
|
رد: انا نازل يوم 25 يناير.
شكرا عم سامى على مداخلتك,
اتفق معك فى كل كلمة قلتها و اختلف معك بشان البرادعى, بغض النظر اننى ارى انه لا يصلح لحكم مصر و لكننى اختلف معك فى هجاءه و مع الكثيرين فى وصفه بالعمالة, البرادعى محترم و لكن نقول له شكرا لا تصلح ان تكون رئيسا لعدة اسباب ليست هنا او و قتها مناقشتها. شكرا عم سامى و ربنا يهدى النفوس., |
رد: انا نازل يوم 25 يناير.
اقتباس:
فاكر موقفك يوم الخميس قبل ما يقطعوا النت كان ايه (على الياهووووو) الوضع اللى خلاك تغير موقفك كده هو أن الناس وانت كنت واحد منهم من المطالبين باسقاط النظام بس راس النظام بكل تناحه وتياسه وبرووود ماسك فى الكرسى بايده وسنانه و....... وكان اول بيان قالوا بعد اربع ايام والمحلات قفلت ومفيش فلوس وتانى بيان كان (اللى بيستعطف الناس فيه امبارح) بعد 4 ايام تانيين كل ده والحال محلك سر يعنى هو لو خايف على مصلحه البلد كان مشى بكرمته نزولا على رغبه الجماهير وشكل حكومه انتقاليه لاداره البلد من تانى يوم ومكنش الحال وقف كده بس هو بعناده شايف مصلحته بس ولو على حساب الشعب لسه عايز يقعد الكم شهر اللى فضلين وبيقول انا عاشت فى مصر وناوى يموت فيها وكان الرئاسه دار مسنين مش هكلم على الخطاب بتاع امبارح بس هنقل جزء من تاريخ مبارك منقول على فكره اعرف انجازات مبارك 1_مشروع توشكي 2_تصدير الغاز للعدو 3_البطالة 4_الواسطة 5_غرق العبارة ومقتل اكثر من 1300 مصري 6_نظام التعليم الفاشل 7_قطار الصعيد 8_تزوير الانتخابات 9_ارتفاع الاسعار 10_ حوادث السيارات وحالة الطرق المصرية الاعلى فى العالم 11_سرقة اراضي الدولة كمثال طلعت مصطفى 12_عمليات التجميل علي نفقة الدولة ( كمثال زوجه وزير الصحه بتتعالج على حساب الدوله فى الخارج ) 13_حصار غزة 14_تردي الخدمة الصحية 15_خصخصة شركات القطاع العام وسرقة اموالها 16_المعتقلات السياسية واحد زى عبود الزمر مخلص العقوبه بتاعته من سنين ولسه مسجون 17_طوابير الخبز وانابيب البوتاجاز 18_اهمال العلااقات مع دول حوض النيل مما ادي الي قيامهم بتهديد مصر بمنع مياه النيل 19_هجرة الشباب وغرقهم في البحر المتوسط وامتهان كرامة المصريين في الدول العربية 20_احمد عز واحتكار صناعة الحديد 21_اموال المصريين التي تذهب الي الطبقة الحاكمة وانا وانت لا نجد قوت يومنا 22_اللحمة ب 100 جنيه والعدس اللى 10 جنيه 23_الداخلية ومعاملتها للمواطنين (دور على فيديوهات التعذيب) 24_ غياب الدور المصري في المحيط العربي مما ادي الي تدخل ايران وتركيا وازدياد نفوذها في المنطقة 25 ازمة السكن وارتفاع اسعار العقارات 26_المبيدات المسرطنة وخراب زراعة القطن المصري الشهير 27_احتكار نواب الحزب الحاكم لمجلس الشعب وتهميش الاحزاب الاخري بالتزوير 28_تقسيم اراضي سيناء لعدد من رجال الاعمال وتهميش الشعب الذي هو السبب في رجوعها الي مصر 29_ انقطاع الكهرباء والماء المتكرر في بلد توصف بانها هبة النيل 30 _العنوسة وظاهرة التحرش في الشارع المصري 31_قانون المرور الذي يهدف الي سرقة وليس حماية المواطنين 32_تهريب اموال مصر الي سويسرا 33_الضريبة العقاريةواموال التأمينات التي ضاعت في بورصات امريكا 34_ضياع الطبقة الوسطي التي هي عماد اي بلد محترم 35_تقسيم السودان وتدخل اسرائيل الواضح في القضية وغياب دو المخابرات المصرية والتي يبدو انها كانت نائمة 36_البناء علي الاراضي الزراعية الخصبة التي ورثناها عن اجدادنا الفراعنة والان نضيعها 37_انعدام الثقافة في المجتمع المصري واغاني العنب والحمار 38_اهمال اهل الصعيد وهم من حافظوا علي تراث الفراعنة مما ادي الي ضياع التراث المصري 39_انتشار المخدرات وضياع الشباب المصري من اجل قتل اي روح للتغيير 40_المنتجات الصيني المضروبة التي اغرقت الاسواق دون رقيب عن جودتها 41_ الرشاوي والفساد الاداري لاجهزة الدولة نتيجة لضعف المرتبات 42_ عدم محاسبة اي فاسد تفوح رائحته والاكتفاء بتغيير منصبه مشكله الشعب اللى عاش تقريبا 60 سنه فى نظم قمع وظلم مفكر ان اللى عامله مبارك منحه من عنده وليس حق للشعب |
رد: انا نازل يوم 25 يناير.
اقتباس:
اقرأووووو جيدا حراااااام انا رجعت واخويا رجع واصحابي رجعو الدكتور اسامه رجع وكلنا رجعنا احنا الشباب الذين لا ينتمون لاى حزب سياسي وليس لديهم مصلحه الا الاصلاح متمشوش ورا الاغراض متمشوش ورا الناس اللى ليهم مصالح خليكو مع مصر خليكو مع الشعب الى كنا بنهتف باسمه يوم الجمعه مش يوم الخلاص هيبقى يوم الدمار علينا كلنا ولو استمريتو على عنادكم انا هنزل مع المظاهرات المؤيده لبقاء الرئيس انا هنزل من الناس الصح مع المصلحه للبلد وليا انا كان مصلحتى فى التغير ومتاخرتش ونزلت ومخفتش دلوقتى مصلحتنا فى الصبر ومش هخاف وهنزل مع تاييد الرئيس |
رد: انا نازل يوم 25 يناير.
كله يسمع عمار الشريعي على دريم 2 |
رد: انا نازل يوم 25 يناير.
اقتباس:
اقتباس:
بجد حرااااااااااااااااام عليكواااااااااا كفاية هبل وقرف بقى الواحد خلالالالالالالالالاااااااااااص زههههههههههق مش عارف انتوا عاوزين ايه تانى الراجل عمل اكتر من اللى نفسكوا فية ماعدا حاجة واحدة بسسسسسسس .......... انه يدعك الفانوس ويخليلكوا البلد تماااااااااااااام فى 24 ساعة بجد حاجة تقرف والله ........... ربنا يسامح كل واحد عاوز ينزل يوم الجمعة ومنكممممممممممممممم لله .............. |
رد: انا نازل يوم 25 يناير.
ربنا يهدى الامور بس حرام ال النظام عمله دة مع الناس
ال لسه فى التحرير دة ميرضيش حد ابدا خلاص الميادين خلصت عشان الناس ال بتايد مبارك تروح نفس الميدان ويبعتو البلطجية ليهم الله اعلم البلد رايحة لفين ربنا يستر |
رد: انا نازل يوم 25 يناير.
ياشباب في الاتحاد قوة..فل يكن هدفكم واحد و لا للتفرقة..فالاقلية لا تنفع.. نحن نعرف ان اغلب الشعوب العربية تعيش في ديكتاتورية و حرمان و تجويع و فساد..وان مطلب الجميع هو حياة كريمة ديمقراطية فقط..وهدا سيتحقق باتحاد كافة الشعب و ليس بالاقلية.. ان كانت الاغلبية ستنظر 6 شهور للانتقال السلمي للسلطة..فلنتابع مادا سيحدث..بعد 6 شهور محصلش حاجة..اكيد كل الشعب سيتحد من جديد و ستكون الثورة اكثر من 10 ملاين..صدقوني لان أغلب فئات الشعب لهم نفس الاحساس و الهدف.. لاداعي لهدا اخواني او سني او معارض او مسلم او مسيحي او ...او ...فهده و الله لن تنفع احد ابدا..بل ستدفع الى حروب اهلية لن يربح فيها أحد..وكلنا تابعنا الحروب الاهلية في باقي البلدان و ما كانت نتيجته.. الرئيس يجب ان يكون شابا قادرا على ايصال البلد الى قمة الازدهار و تحقيق مطالب الشعب هدا مايجب عليكم ان تتحدوا و تضعوا يدا في يد لتحقيقه.. لدي اسئلة لانباء قرأتها في الصحف: 1 لمادا تم سحب السلطات لرجال الامن؟ 2ماسبب النهب و السرقة و ظهور ناس بتخرب؟ او من يتجرأ على اعمال السرقة والفساد في وقت الجميع متحمس بوطنية للانتصار وتغير النظام لتحقيق مطالبهم؟ 3من المسؤول عن حراسة السجناء ومن ساعدهم في الفرار؟ 4لمادا اعادت السلطة رجال الامن من جديد؟بعد فترة فراغ او ان صح القول بعد اعطاء الضوء الاخضر لانطلاق النهب و القتل!! 5 مادا قام به الجيش من أجل المواطنين..ولمادا لم يتدخل لحل النظام و اعلان حقومة مؤقتة لتهدئة الشعب و لتفادي كل هده الارواح التي سقطت؟ 6 لمادا امريكا تدعم جيش مصر و تحرص على تنظيمه و اعداده بمليارات الدولارات؟ 7 لمادا اسرائيل و امريكا مهتمة و خائفة من سقوط نظام مبارك؟هل سيقفوا مكتوفي الايدي لسقوط النظام الحليف لهم..الا يخططون لنزع مبارك و لكن الحفاظ على نفس النظام في الشهور القادمة..وبالتالي سيغلق الباب امام الحزب الدي سيختاره الشعب!! اسئلة ياريت لها جواب من فكر الشباب المصري لتحسس مايخطط له السياسين او مايكن ان يحدت في المستقبل.. بالتوفيق ان شاء الله |
رد: انا نازل يوم 25 يناير.
اقتباس:
يجب ان نستمع لصوت العقل لسبب بسيط, سقوط الرئيس الان سيؤدى بالبلاد الى مشاكل اقتصادية و ستزداد بعد خفض تقييم ستاندرد اند بورد الى سلبى و هو ما يعنى ان القروض ستزيد فوائدها بعض الخفض. الموضوع كبير و ساقوم بفتح موضوع خاص للتحدث فيه, لكن هذا لا ينفى ان مبارك طاغية ولا يمكن ان تسير فى مسيرات مؤيده له ان كنت عارضته من البداية,فمن يسير فى مظاهرات مؤيدة يسير فى مظاهرات مؤيدة للامن و الامان و حال البلد و عدم الانزلاق فى هوات سحيقة لا نعلم اين قاعها.. لذا فقط علينا ان نوعى الشباب باهمية الاحتفال بالمكسب. عندما يقل العدد فى التحرير سيعود الباقين. اعتقد ان عودة الفيس بوك ستسهم فى ذلك كثيرا, تحياتى |
رد: انا نازل يوم 25 يناير.
http://fx-arabia.com/vb/uploaded/15_11296683042.jpg http://fx-arabia.com/vb/uploaded/15_01296683042.jpg حماسه احترمناها تحولت لتهور ثم لتكبر و غرور دونما تحكيم قدراً من العقل و من القلب و من الاحساس و من الضمير و الاحساس بالبلد و ما حدث به و ما أل اليه جرعة العلاج الزائده قد تميت الجسد المريض يا ساده أى شعب تتحدثون بإسمه من فوضكم من الثمانون مليون لتتحدثوا بإسمه أجيبونى ؟؟؟؟؟؟؟؟؟؟؟؟؟؟؟؟؟ يا ناس يا خلق هوه فكروا فى مصر الان و فى هذا الوقت الصعب حكموا عقولكم فوتوا الفرصه على كل من يبذرها فى ربوع الوطن قبل ان تندموا على ما ساهمتم فيه من فتنه لو مصريين ميعملوش كده البلد خربت خلاص والناس دى عارفه انها هتاكل وتشرب انما لو مش هتعرف تأكل عيالها زى الناس اللى عندى هنا مكانوش عملوا كده وهتشوفوا الخراب اللى هيحصل فى البلد زياده اقتباس:
بجد حرااااااااااااااااام عليكواااااااااا كفاية هبل وقرف بقى الواحد خلالالالالالالالالاااااااااااص زههههههههههق مش عارف انتوا عاوزين ايه تانى الراجل عمل اكتر من اللى نفسكوا فية ماعدا حاجة واحدة بسسسسسسس .......... انه يدعك الفانوس ويخليلكوا البلد تماااااااااااااام فى 24 ساعة بجد حاجة تقرف والله ........... ربنا يسامح كل واحد عاوز ينزل يوم الجمعة ومنكممممممممممممممم لله .............. لكى الله يا مصر .... لكى الله .. أوعى اوعى يا طيار .... أوعى تسيبها تولع نار . كفاية زى ما سمعناكم لازم تسمعوا صوتنا كفاية كفاية حرام عليكم أنتوا وصلتونا لحافة الهاوية .... ومش هنقع مش هنقع . كل القوى الوطنية وافقت على الحوار مفيش حاجة بالعافية . يا ما قلنا للى نزلوا يعبروا عن رأيهم فكروا الأول مين هيشبط فيكم وهتحضروا العفريت مش هتعرفوا تصرفوه .... أنا أطالب كل من نزل فى يومى الثلاثاء والجمعة مثلما حضروا لنا العفريت يجب ان يصرفوه... لازم زى مانزلتم وولعتم الشرارة تطفوا الحريقة مش حبا فى مبارك ولكن فى حب مصر |
رد: انا نازل يوم 25 يناير.
هقول راي بصراحة من غير ماحد يزعل وهرد علي سؤال سأله استاذ أمير في بداية الموضوع علي مطالبة البابا الشنودة بعدم مشاركتنا في المهذله والمسخرة اللي البلد من يوم 28 يناير من يوم الجمعة الحزينة علينا كلنا لان البابا دة انسان حكيم كان من الاولي بهدلنا الدنيا بعد قصة كنيسة القديسين ولايقل حكمة عنة سيادة الرئيس محمد حسني مبارك اتخيل يوجد أناس مجندين من بلاد مجاورة لنا ادربت واتاهلت للوقيعة بمصر في هذا العام المشئوم حاولو يدخخلنا بفتنة طائفية ليلة راس سنة والحمدلله الموقف اتلم قالو لا اذاي الناس دي لازم يمزقوا مصدقوا حركة 25 يناير ودخلوا ووركبوا ودلدلو رجلهم الناس اللي عايزة تطلع يوم الجمعة دي عايزة اة ومين وراهم واسفة دول اعداء لاشركاء في الوطن ولا في دين هو في فالدنيا كدة فجاءة الشعب المصري صحي وحب يصلح البلد في اسبوع فجاء كنتوا فين السنين اللي فاتت الرجل كدة كدة ماشي عندة 83 سنة هعيش كم سنة يعني ولاعايزين تكونوا عراق ولا سودان ولاتونس لازم حسني مبارك يهرب علشان تهدوا ولا تشوفوا رئيسنا بيتعدم قدام العالم وقفة عيد الاضحي عيب عليكم عيب احترموا شيبه راسة رجاء ايقاف دماء المصريين من اول السنة في دم وقتل وبهدلة حرااااااااااااااااااااام |
رد: انا نازل يوم 25 يناير.
الله عليك يا بشمهندس نادر " مبارك شعبي مصر " |
رد: انا نازل يوم 25 يناير.
اى واحد اتقتل او هيقتل او اصيب او هيندبح فى ميدان التحرير
دمه فى رقبتنا وضميرنا وادينا ملوثه بدمه حتى لو مختلفين معاهم فى الأراء لا يعنى ذبحهم ومصادرة حقوقهم وانتم مالكم سيبوهم وعيشوا حياتكم حد فينا ولا فيهم اعتراضكم ضايقوكم كسرو ولا خربوا قتنة ايه فى البلد الفتنة دى بيضحكوا بها عليكم وهما اللى بيعملوها بخططهم الدنيئة القذرة انا قاعد فى بيتى وحاسس بالخيانة عشان انا مش مع الناس دى الظالم هو الجانى وهو اللى مدمر وبيخطط ويقتل وهو اللى عامل كل حاجة وفى الأخر نلوم المظلومين الناس اللى واصيبت وماتت قدام عنيكم دى دمها راح هدر انتم خايفين على دماء المصريين السؤال من هما اللى بيسيلوا دمائهم ويدبحوهم هل هم المتظاهرين السلمين ؟ اتقوا الله |
رد: انا نازل يوم 25 يناير.
اقتباس:
الامن والامان الاستقرار الاقتصاد عدم الفوضي والفراغ السياسي عدم الدخول فى صراعات بين الاحزاب على الكرسي الفارغ للسلطه شكل ما نزلت فى مظاهرات تؤيد التغير هنزل فى مظاهرات تؤيد الاستقرار لكن عمري ما هنتخب مبارك ولا واحد من الحزب الوطنى تانى الا اذا البلد بتقع كدا حرام عليكم احنا بنهدم كل اللى بنيناه احنا كدا بنضيع لازم تسمعو كفايه كفايه نسمع صوتنا بس فى اصوات تانيه كتير لازم نعمل حسابها احنا مش علامه فى كل حاجه فى جوانب احنا نغفلها وغيرنا اعلم منا فيها احنا عملنا اللى نعرفه اللى منعرفوش ممكن يضيعنا ويضيع كل اللى عملناه |
رد: انا نازل يوم 25 يناير.
اقتباس:
مش فاهم أية الظلم فى ان مطالبهم تتحقق ومطلوب منهم يروحوا بيوتهم علشان نحاول نلحق اللى يتلحق فى الأقتصاد اللى رجعوه 30 سنة لورا . مش فاهم لية يقتل نفسه ومطالبنا أخذنا عهود لتنفيذها . مش فاهم ليه بتحملنا وتحمل نفسك دم ليس لك فيه اى يد أذا اردتم اقصاء الرئيس الأن فيجب الأستفتاء على ذلك فمصر وطن الجميع وليس وطن المعتصمين فى التحرير فقط . أظن واضحة أراء المؤيدين كم رأى والمعارضين كم رأى ؟ حتى عندنا فى شارعنا وفى عمارتنا قمنا بالأستفتاء الشفوى وكان الطلب هو بقاءه حتى نهاية مدة الرسالة.... من يحارب الأن فهو يحارب لمطلب شخصى وليس لمطلب مصر والمصريين .... مش بالعافية ... لازم تاخد رأي فى اى حاجة هتعملها فى بلدى .. وتحيا مصر .... ولايمكن يطلع من فمى فى يوم ولا فى اى لحظة أقدر اقول فيها طظ فى مصر. تحيا مصر تحيا مصر. |
| الساعة الآن 08:17 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com