|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
العفو ومافيش تعب ولا حاجة أحنا في الخدمة اقتباس:
أه طبعا ينفع تفتح حساب في الاهلي سوسيتيه جنرال وتستقبل عليه من اي شركة بسهولة :: البنك الأهلي سوسيتيه جنرال :: نوع الحساب : حساب توفير الحد الأدنى لفتح الحساب : 500 جنية مصاريف فتح الحساب : 15 جنية مصاريف إصدار الفيزا : 40 جنية استلام الفيزا بعد أسبوع :: البنك الأهلي المصري :: نوع الحساب : حساب توفير الحد الأدني لفتح الحساب : 500 جنية مصاريف الحساب : 25 جنية مصاريف إصدار الفيزا : 15 جنية دمغة : 3 جنية استلام الفيزا بعد أسبوعين لو في استفسار اسأل ولا يهمك |
رد: الى كل من يواجة مشكلة فى التحويلات البنكية الان خطوات الايداع بالفيزا
سؤالي الاخير ليك يا احمد معلش
شركة fxdd تقبل الديبت كارد بتاعت بيريوس وينفع اسحب بيها عادي ولا ايداع بس ؟ |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
اسأل براحتك مافيش أي مشاكل الشركة بتقبل الديبت كارد بتاعة بنك بيريوس مصر وتقدر تعمل إيداع وسحب عليها بسهولة |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
تمام الحمد لله وان شاء الله هفتح حسابي معاهم بعد العيد |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
الف شكر على مجهودك طب انا سمعت ان ممكن فتح حساب فى سوسيتيه جينرال ب 50 فقط ياتري ايه نوع الحساب دا ومميزاته وهل يختلف عن حساب التوفير العادي وينفع استقبل عليه الاموال المحوله من شركات الوساطه بدون مشاكل , وسؤال كمان البنك هيفتح حساب بالدولار اوتوماتيك ولا لازم اطلب فتح حساب بالدولار غير الحساب اللى بالجنيه ؟؟ الف شكر على ردك مقدما |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
الف شكر اخي العزيز على المساعده بارك الله فيك |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
ربنا يوفقك إن شاء الله وكل سنة وأنت طيب |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
العفو ربنا يخليك الحساب اللي ب 50 جنية ده اسمه حساب الشباب لغاية سن 23 سنة فقط بس في حساب عندهم أسمه حساب توفير بلس ده ممكن تفتح حساب بأي مبلغ حتى لو جنية واحد والحساب لا يختلف عن حساب التوفير العادي وطبعا هتقدر تستقبل عليه الاموال من شركات الوساطة بدون اي مشاكل والبنك هيفتحلك حساب فرعي بالدولار اوتوماتيك عند استلام الحوالة :1 (62): وده يغنيك عن إنك تفتح حساب مخصص للدولار زي بعض البنوك الأخرى :1 (26): بالتوفيق |
رد: الى كل من يواجة مشكلة فى التحويلات البنكية الان خطوات الايداع بالفيزا
السلام عليكم اخى ، كل عام انتم بخير اريد ان اعرف 1- عند التحويل ببظاقة الائتمان ، هل تقوم الشركة بفتح حساب مالى بها يتم خصم الحسارة منه و اضافة الربح اليه ؟ 2- كيف يتم سحب الارباح من الشركة ؟ 3- هل يتم سحب الارباح فى اى وقت و باى مبلغ ام ان هناك قيود على هذا الامر ؟ و لكم جزيل الشكر |
رد: الى كل من يواجة مشكلة فى التحويلات البنكية الان خطوات الايداع بالفيزا
السلام عليكم أنا قريت ف الموضوع كذا صفحة و تهت جاامد و فى حاجات مش فاهمها. أنا دلوقتى فتحت حساب فى بنك NSGB و حطيت فيه مبلغ ....و إعطونى بعد اسبوع ظرف فيه "فيزا إلكترون" و ظرف تانى فيه الرقم السرى ....أنا مش فاهم على فكرة أصلا الفرق بين الفيزات و لا تعاملاتها ...المهم بقى كنت عايز أفتح حساب ف FXDD . السؤال : هل ينفع أعمل إيداع و سحب ب الفيزا إلكترون دى ؟؟ لو مينفعش إية الخطوات اللى ينفع بيها ؟؟ السؤال التانى : الفيزا إلكترون مكتوب عليها ...."توقيع حامل البطاقة " و "NOT VALID UNLESS SIGNED" ... مش فاهم يعنى مش هينفع أسحب منها إلا لما أمضى و أمضى فين :D أسف على الأسئلة بس إعذرونى لسة جديد ف التعاملات البنكية دى :D |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
وعليكم السلام ورحمة الله وبركاته عند الايداع في الشركة بأي طريقة بتقوم الشركة بوضع المبلغ في حساب التداول الخاص بك لديها ويتم إضافة الربح أو خصم الخسارة فور إغلاق الصفقات المفتوحة يتم سحب الأرباح بعد تقديم طلب سحب الامول للشركة لا توجد أي قيود على السحب في أي وقت وبأي مبلغ بالتوفيق |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
وعليكم السلام إن شاء الله مافيش توهان ولا حاجة وهتفهم كل اللي أنت عاوزه بالنسبة للفيزا إلكترون فهي عشان تستخدمها في السحب من رصيدك في البنك عن طريق ماكينات الصرافة والرقم السري اللي في الظرف ده هو اللي هتستخدمه في التعامل مع ماكينة الصرافة هفهمك على السريع الفرق بين البطاقات التلاتة في بطاقات بتسمحلك إنك تصرف منها وبعد كده تسدد المبلغ اللي صرفته كأنها بتسلفك المبلغ ودي أسمها بطاقات دائنة (كريديت كارد) وبيكون عليها عمولات ورسوم كتير وفوائد زي القرض بالظبط في بطاقات أنت بتشحنها الاول وبعد كده تصرف منها ودي أسمها بطاقات مدفوعة مقدما (بريبيد كارد) يعني تدفع الاول وبعدين تصرف وفي بطاقات بتكون مرتبطة بحسابك البنكي يعني بتخصم منه مباشرة ودي أسمها بطاقات مدينة (ديبت كارد) زي اللي معاك دلوقتي نيجي للمهم بقى للأسف ماينفعش تعمل إيداع بالفيزا دي لأنه لا يمكن استخدامها عن طريق النت :1 (75): لو عاوز وسيلة من نفس البنك للإيداع بالفيزا يبقى هتستخرج فيزا نت ب 30 جنية وتشحنها بالمبلغ اللي هتودعه في الشركة بالنسبة للتوقيع على ظهر البطاقة فده حاجة مش مهمة مالهاش تأثير ماتقلقش وتقدر تستخدمها عادي وتسحب بيها من ماكينات الصرافة بدون مشاكل اسأل براحتك وأنا في الخدمة :1 (73): |
رد: الى كل من يواجة مشكلة فى التحويلات البنكية الان خطوات الايداع بالفيزا
مشكوور جدا أستاذ أحمد ع سرعة الرد .... و تعاونك مع باقى الأعضاء ....أنا لو مشرف هعطيك لقب المنقذ :D خلاص تمام يبقى فيزا النت اللى ب 30 جنية دى ...و بعد كدة هيبقى سهل الإيداع و السحب ؟ على ضمانتك :D أصل انا كنت عايز أحول فلوس لواحد صاحبى برة و قاعدو يشتغلونى ....و هات سويفت كود بتاعه و ABA ..و حاجات غريبة كدة ....و ياخدوا ع التحويل حوالى 30 دولار كمان فكنت عايز أعرف كمان يعنى لما أعمل فيزا النت دى و عايز أفتح حساب ف FXDDهياخدوا على كل تحويلة 30 دولار ؟؟ ...تبقى واقفة بخسارة :D و شكرا مقدما مرة تانية أستاذ أحمد ....و كل سنة و حضرتك طيب و عيد سعيد عليك ان شاء الله :) |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
ههههههه ربنا يخليك يا صديقي ولا شكر على واجب بص هو موضوع الفيزا نت هيبقى في الايداع تمام لكن في السحب الشركة مابتقبلهاش عشان مابتبقاش مضمونة ولو طلبت تسحب عليها بيكون على مسئوليتك فأنت لو هتعمل إيداع بالفيزا نت دي يبقى تسحب بعد كده بالتحويل البنكي أفضل لكن لو حابب يكون معاك فيزا تقدر تعمل بيها إيداع وسحب يبقى هاخدك ونروح لبنك تاني :D شوف أيه اللي يناسبك وأنا أقولك التحويل اللي بتقول عليه ده وبيحتاج سويفت كود هو التحويل البنكي وفعلا بتكون المصاريف كبيرة شوية حسب كل بنك إنما في حالة الايداع بالفيزا مافيش مصاريف ولا حاجة :1 (114): كل سنة وأنت طيب وربنا يعيد علينا الأيام بخير |
رد: الى كل من يواجة مشكلة فى التحويلات البنكية الان خطوات الايداع بالفيزا
لو حبيت أسحب ع فيزا النت ....هتبقى على مسئوليتى ؟؟ ....اية دة هما ممكن يشتغلونى و ميبعتوش حاجة :1: أو السؤال بطريقة تانية من واقع خبرتك ...حد جرب يسحب عليها و عملوا معاه الحركة دى انهم مبعتوش الفلوس :1 (68): و لو بالتحويل البنكى أنا مثلا عايز أسحب 50 دولار من الربح ....دول ممكن ياخدوا ال 50 دولار تحويلات......ما كانوا يقولوا من الأول انهم عايزين عمولة ع السحب و الإيداع :D أنا عايز أعمل سحب و إيداع و مياخدوش فلوس منى هههههههه ...و ف نفس الوقت مش عايز اتنطط من بنك لبنك ......ألا يوجد حل :1 (88): أخر سؤال بقى عشان أنا كدة طولت و بهزر ....فيزا النت دى ف البنوك التانية شغالة عادى ؟؟ و ف NSGB بس عليها المشكلة !! أسف ع إنى طولت عليك ف الأسئلة .....و إن شاء الله ربنا يقدرنى أرد جمايلك دى :D ... فى شوكلاتة اللى ببسكوت دى تاخد !! :D |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
ألف شكر على الشوكلاتة :1: وعيد سعيد إن شاء الله لأ هما مش بيشتغلوك ولا حاجة بس من البداية هما لهم نظام إنهم بيقبلوا فقط البطاقات الدائنة (كريديت كارد) والبطاقات المدينة (ديبت كارد) لأنهم مرتبطين بحسابات لدى البنك ولا يقبلوا البطاقات المدفوعة مقدما زي الفيزا نت لأنها غير مرتبطة بحساب بنكي فلو حصل وعملت إيداع عن طريقها ماينفعش تعمل سحب عليها هي دي النقطة المهمة في الموضوع كله يعني بالمختصر كده بيقولولك ياعم ماتعملش ايداع بالفيزا نت عشان مش هينفع تسحب عليها أنت قولتلهم لأ هعمل إيداع بيها هيقولولك خلاص أنت حر هتيجي تطلب سحب عليها هيقولولك ياعم ماينفعش دي فيزا نت تسحب عليها ازاي بس أعقل :1 (3): أنت هتقولهم لأ هسحب عليها عادي مالكوش دعوة هيقولولك خلاص أحنا مالنا هتيجي تسحب بظروفها بقى إما إن المبلغ يوصلك والحمد لله وإما إن المبلغ مايوصلش في الحالة دي الشركة مش مسئولة لأنها عرفتك النظام من الاول والبنك اللي طلعت منه الفيزا مش مسئول لأنه قال الفيزا نت ماينفعش نستقبل عليها فهمت ليه قولتلك مش مضمونة وعلى مسئوليتك أنت لو سحبت بالتحويل البنكي المصاريف بتكون من 15 - 30 دولار يعني لو هتسحب 50 دولار بالتحويل البنكي هيكون البنك هو المستفيد من الليلة دي :D وأنا بتكلم عن فيزا النت والبطاقات المدفوعة مقدما بشكل عام في أي بنك عشان كده من أول مابدأت أكتب في الموضوع ده قولت بنك بلوم مصر هو أفضل بنك للتعامل مع الفوركس لأنه بيوفر كله حاجة في حساب واحد فقط فيزا صالحة لجميع الاستخدامات وحساب شامل لجميع العملات غير السرعة والتميز في الاداء فأنت لو عاوز المضمون روح بنك بلوم مصر وانسى اي بنك عرفته قبل كده ومش هتحتاج تعرف بنوك تانية بعد كده الموضوع مش هيكلفك كتير هو بس إنك تفتح حساب بالمبلغ اللي هتحوله للشركة وتستلم الفيزا بعد 4 أيام وهتريح بالك من ناحية التعاملات البنكية للابد كل الحب والاحترام لك :1 (58): |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
حلو خالص اولا كل سنه وانت بالف خير ثانيا انا فى بلدى معنديش غير البنوك المصريه والاهلى سوستيه وكريدى ومصر ايران و باركليز بس ماذا افعل وانا عاوز استفيد اكبر استفاده عاوز اسهل وارخص وسيله للبنوك وللشركات فى السحب والايداع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
باشا هو انت الشريك المؤسس لبنك بلوم :1 (100)::1 (100): ,, اصل شايفك بتوصي عليه جامد لو كدا فانا عاوز منك خدمه عندي ابن اختي متخرج جديد من كلية تجاره عاوزين نشغله محاسب فى البنك ههههههه انا بهزر معاك طبعا واسمع فعلا ان بنوك بلوم من افضل البنوك المهم انا كنت سألتك على بنك الاهلي سوستيه جينرال وقولتلي انه كويس ياتري فيه فرق بين الحساب فى سوستيه جينرال وبنك بلوم او في اي مميزات اضافيه في بنك عن الاخر شكرا مقدما |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
كل سنة وانت بخير وسلام طب أنت عاوز تتعامل مع بنك من البنوك دي فقط اللي موجودة في بلدك ولا ممكن في سبيل الطريقة الأفضل والأسهل والأرخص إنك مثلا تروح بلد جنبك فيها بنوك أفضل |
رد: الى كل من يواجة مشكلة فى التحويلات البنكية الان خطوات الايداع بالفيزا
لا خلينا فى بلدنا
|
رد: الى كل من يواجة مشكلة فى التحويلات البنكية الان خطوات الايداع بالفيزا
على فكره كمان عندنا بنك بيريوس
|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
ههههههههه أنا رئيس مجلس إدارة البنك بس متنكر :D فعلا بلوم من أفضل البنوك وأنا لما بركز عليه بيكون عشان نريح بالنا من موضوع البنوك اللي بيشغل بال الكثير مننا البنك الأهلي سوسيتيه جنرال بنك كويس طبعا الفرق بس هو إن بنك بلوم عندهم فيزا شامله كل الاغراض وشوية فروقات بسيطة في التعامل وخدمة العملاء وبعض المصروفات نسبيا ماتأثرش قوي يعني بالتوفيق إن شاء الله |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
اقتباس:
خلاص يبقى خليك مع بنك بيريوس مصر هتروح تفتح حساب توفير بالجنية المصري الحد الأدنى لفتح الحساب 500 جنية مصاريف فتح الحساب 15 جنية مصاريف إصدار الفيزا 25 جنية استلام الفيزا خلال ربع ساعة تفعيل الفيزا بعد 24 ساعة وبكده الفيزا تكون جاهزة لعميله الايداع والمبلغ هيدخل حسابك في الشركة خلال دقائق قليلة جدا في حالة السحب على الفيزا المبلغ هيدخل حسابك في البنك مباشرة وفي حالة السحب بالتحويل البنكي سيقوم البنك بتحويل المبلغ إلى عملة الجنية المصري ويضعها في حسابك بالتوفيق إن شاء الله |
رد: الى كل من يواجة مشكلة فى التحويلات البنكية الان خطوات الايداع بالفيزا
ملحوظة مهمة جداااااااااااا يا شباب لازم ولابد وحتما أن يكون الأسم الذي يتم التسجيل به في الشركة هو نفسه الأسم الذي يتم التسجيل به في البنك نفس الاسماء ونفس الحروف يعني ولا حرف ناقص ولا حرف متغير ولا حرف زيادة لو في تغيير في حرف واحد عملية التحويل هتتأخر لغاية مايتم مراجعة الاسماء من خلال الشركة عشان كده الافضل انك تكتب أسمك لموظف البنك باللغة الانجليزية بنفسك وهو يكتب زيه في بيانات التسجيل مع تحياتي للجميع وبالتوفيق دائما |
رد: الى كل من يواجة مشكلة فى التحويلات البنكية الان خطوات الايداع بالفيزا
عندى سؤالين: 1- عايز اسم فيزا كارد كويسة ومن بنك محترم 2-هو ينفع اافتح حساب ب 100 دولار فى اف اكس دى دى مش اقل حاجة بردو 250 ؟!!! وشكرا مقدما على الموضوع المميز :) |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
نعم يمكنك دلك افتح حساب و تواصل مع خدمة الدعم الفني للموقع قبل الايداع |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
وأنا هجاوبك على السؤال الأول :) لو هتعمل إيداع ب 100 دولار يبقى تفتح حساب توفير بالجنية المصري في بنك بيريوس مصر يعني هتعمل إيداع في البنك 600 جنية وتعمل حساب مصاريف فتح الحساب واستخراج الفيزا 40 جنية يعني المبلغ كله هيكون في حدود 650 جنية مراعاة لسعر الصرف عند التحويل هتستلم الفيزا وأنت قاعد وهتكون جاهزة للايداع تاني يوم وبكده يكون عندك فيزا كويسة للايداع والسحب وعندك حساب بنكي تستقبل عليه بالتحويل البنكي في أي وقت بالتوفيق |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
طيب السحب على الفيزا دا هاياخد وقت وهاياخد كام فلوس |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
الوقت في السحب حوالي 3 أيام عمل ومافيش مصاريف على السحب بالفيزا |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
شـــــــــــــــــــــــــــــــــــــــــــــــــ ـــكرا على مجهودك معى طيب وسحب على الفيزا هايبقى بالدولار ولا ايه؟ وعاوز اعرف مصاريف السنويه لفتح الحساب و الفيزا لانهم اكيد لهم مصاريف سنويه |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
السحب على الفيزا هيكون بالدولار بس هيتحول لجنية مصري ويدخل حسابك في البنك مصاريف الحساب 15 جنية كل 3 شهور والفيزا بتتجدد كل فترة حوالي 4 سنين بنفس تمنها |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
والله رد وافى جداااا وانا مقدر تعبك معانا واتمنى لك من كل قلبى التوفيق على النصائح الذهبية والمفيدة دى :1 (25)::1 (25)::1 (25)::1 (25)::1 (25): |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
ربنا يخليك ومافيش تعب ولا حاجة بالتوفيق إن شاء الله |
رد: الى كل من يواجة مشكلة فى التحويلات البنكية الان خطوات الايداع بالفيزا
طب انا رحت بنك بيريوس وقالتلى فى البنك ان اقل حد للايداع 1000 جنية مع انهم كاتبين على الموقع 500 !!!! اعمل اية اروح فرع تانى يعنى ولا تعرفو بنك بيعمل فيزا بمبلغ اقل |
رد: الى كل من يواجة مشكلة فى التحويلات البنكية الان خطوات الايداع بالفيزا
االموضوع ملخبطني جدا بس الحمد لله عرفت
|
رد: الى كل من يواجة مشكلة فى التحويلات البنكية الان خطوات الايداع بالفيزا
هل ممكن ايداع بالفيزا الافتراضية؟؟؟
|
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
اتصل بالبنك على الرقم ده 19322 وقولهم اللي حصل طب أنت عاوز تعمل إيداع بكام؟ اقتباس:
لو في حاجة مش واضحة قول وانا اساعدك اقتباس:
الفيزا الافتراضية عاملة زي فيزا نت لأنها بتوفر رقم تسلسل وتاريخ انتهاء ورمز حماية يعني لو مافيش قدامك غير الطريقة دي يبقى هتعمل ايداع بيها وتسحب بالتحويل البنكي وتقدر ترجع للشركة اللي هتتعامل معاها للتأكد |
رد: الى كل من يواجة مشكلة فى التحويلات البنكية الان خطوات الايداع بالفيزا
يا جماعة لما سألت واستفسرت في الموضوع ده, الخلاصة جتلي كدة, وحد يصححلي اولا في حالة الايداع: فهروح بنك كريدي اجريكول او البنك العربي الافريقي واعمل فيزا نت في واحد منهم بقيمة الايداع اللي عايز احطه, وبعد كدة طبعا هحول من الفيزا نت علي الحساب بتاعي في FXDD ثانيا في حالة السحب: فلما اجي اسحب, هفتح حساب في اي بنك زي البنك الاهلي مثلا, ويكون الحساب بالدولار, واخلي الشركة تحولي فلوس عليه في حالة السحب, وهيتم خصم عمولة حوالي 15 دولار فهل الطريقة دي كويسة وشغالة؟ وهل في طريقة احسن منها؟؟ |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
هو من ناحية الطريقة دي شغالة فهي شغالة طبعا ومافيش مشاكل بس من ناحية إنها كويسة فهي أسوأ سيناريو ممكن الواحد يفكر فيه اللي قالك كده صعبها عليك وأكيد مصعبها على نفسه نيجي نحسبها أنت هتعمل فيزا مدفوعة مقدما ب 15 جنية من بنك كريدي اجريكول هتعمل إيداع فيها ولنفرض إنه 200 دولار عشان تحولهم للشركة يبقى انت عندك فيزا وماعندكش حساب بنكي كده لما تحب تسحب بتقول انك هتروح البنك الاهلي المصري وتفتح حساب بالدولار يعني هتكون محتاج اكتر من 500 دولار لفتح الحساب ده عشان تستقبل عليه وأنا بصراحة لغاية دلوقتي مش فاهم ايه يجبر الناس انها تفتح حساب بالدولار وخاصة في البنك الاهلي المصري:1 (52): يعني انت استخدمت كده أكتر من 700 دولار عشان تعمل ايداع وسحب طب ليه بقى الحوار ده كله مأنت من الاول بال 200 دولار دول تقدر تفتح حساب في بنك هيعملك فيزا مرتبطة بالحساب وصالحة للسحب والايداع وهيغنيك الحساب ده عن انك تفتح حساب آخر بالدولار للاستقبال عليه يعني هيكون عندك حساب شامل لاي عملة وفيزا شاملة لجميع الاغراض وكل اللي انت استخدمته هو 200 دولار مبلغ الايداع فقط |
رد: الى كل من يواجة مشكلة فى التحويلات البنكية الان خطوات الايداع بالفيزا
اقتباس:
بس هنا انا مش هخسر ال 700 دولار يعني, انا هروح احط ايداع 200 دولار في الفيزا, واحولهم بقي علي حسابي في شركة FXDD, وبالتالي استخدمتهم علطول وبالنسبة لل 500 دولار اللي هفتحهم بيهم الحساب في البنك الاهلي, فانا بعد ما افتح الحساب بيهم, هقدر بعد كدة اتصرف فيهم يعني مش هخسرهم اصلا يعني في الاخر ال 700 دولار, 200 منهم هيروحوا للشركة, و 500 بتوع البنك ممكن اسحبهم في اي وقت, غير اصلا اني بالفعل عندي حساب بالدولار في البنك الاهلي حاليا, بس انا خوفي كله من قيمة الفلوس اللي هيخصمها عند السحب وفي حاجة كمان مهمة, النهاردة كنت بفتح حساب بالصدفة في HSBC فسألته ممكن تستقبلوا فلوس من برة, قالي مفيش مشكلة ومش بناخد اي عمولة كمان, قولتله طيب لو بالدولار, قالي مش هتخش بالدولار, هتجيلك بالقيمة المصرية وتسحبها بالقيمة المصرية, قولتله يعني ينفع, قالي ينفع بس هتاخدها بالمصري بس ايه هي أفضل الطرق اللي بتقول عليها؟؟ |
| الساعة الآن 08:20 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com