|
رد: أبحث عن حقي مع شركة FXDD وأرجو تفاعل الجميع
اقتباس:
طيب يا دكتور ممكن حضرتك ترد عالاستفسار اللي أنا أثرته في النقطه دي ؟ لأن الاسبريد لو مجمله 20 نقطه يبقي الاتساع المفروض يكون أقل من 20 نقطه ولكن حضرتك والشركه قلتوا ان الاتساع 20 نقطه وحاسبتوني علي كدا وياريت كشف حساب لبقية العملات هل هما كلهم الاسبريد أصبح فيهم 20 نقطه وهل بالتساوي بالظبط كلو 20 نقطه ؟؟!! مع العلم اني داخل علي أزواج ملهاش دعوه ببعض .. معقول اتساع الاسبريد عليها يكون متساوي ؟ عموماً منتظر تقرير من حضرتك عن النقطه دي برده مفيش مشكله نفتح إستفسار جديد في أي نقطه نكتشفها مع الوقت مهما كانت هتتعبنا في المناقشه المهم تبان الحقيقه وأنا فعلاً مكنتش أخدت بالي من الصوره اللي حضرتك أرفقتها في الأميل تقبل كامل إحترامي |
رد: أبحث عن حقي مع شركة FXDD وأرجو تفاعل الجميع
اقتباس:
كيف لا تعرف وكيف يكون الأمر مضحك يا دكتور أسامه ؟ ممكن حضرتك تتبع الخطوات الآتيه حتي تتيقن بعلم اليقين من معني كلمة from# ؟ .. وسأقوم بعمل فيديو في خلال أيام لإيضاح المسأله تماماً ، والفيديو سيكون من علي منصتكم from# مبدئياً معناها اغلاق يدوي لجزء العقود المتبقي 1- افتح حساب تجريبي في شركة اف اكس دي دي ب 5000 دولار 2- افتح صفقه زي ما تحب شراء او بيع بعقد استاندرد 3- قم بالضغط كليك يمين علي الصفقه واختر modify or delet order 4- هتتفحلك صفحة الصفقه اختار منها type : instant excution 5- هتلاقي العقد اللي انت فاتحه وحجمه متنشط عندك .. انت فاتح ب 1 استاندرد اكتب مكانها .4 "اربعه من عشره" .. واضغط close#رقم الصفقه 6- كدا احنا قفلنا جزء من العقود هتروح الهيستوري هتلاقي ان العقود دي أدامها كلمة to # ورقم الصفقه وحجم العقد .4 7- هتلاقي ان حجم العقد المفتوح .6 بدل ما كان 1 استاندرد إقفل العقد دا بإيديك "رمز إكس" 8- روح عالهيستوري هتلاقيه كاتبلك from# ورقم الصفقه أي أنك قمت بإغلاق جزء العقود المتبقي ال .6 المتبقي من ال 1 استاندرد واضحه كدا يا دكتور ؟ .. جرب وقول لي النتيجه وإن شاء الله هنرفق فيديو للموضوع دا عشان الناس تعرف كل حاجا بوضوح لو الشرح الكتابي مش واضح تحياتي |
رد: أبحث عن حقي مع شركة FXDD وأرجو تفاعل الجميع
اقتباس:
والله العظيم يا أخ حسين أنا كلامي كله صدق ومش بكذب في أي كلمه قلتها وبقدم كل المستندات الي حصلت في الصفقات وكمان قدمت جزء مالكلام اللي دار بيني وبين الدكتور اسامه وبعدين ازاي هكذب في موضوع زي ده وهكدب علي مين ؟ علي ناس فاهمه وعارفه كل صغيره وكبيره ! انا إذا كنت بكذب في حاجا يبقي بكذب علي نفسي إن شاء الله الحقيقه هتبان إني مش بكدب في ولا كلمه ولا يلزمني أكدب وماشاء الله الاعضاء هنا كلهم خبره وانا عارف حجمهم كويس أوي ومقدره |
رد: أبحث عن حقي مع شركة FXDD وأرجو تفاعل الجميع
اقتباس:
الغريب في الموضوع انه كل شيء واضح ولا واحد قادر يفتي ويحكم .. حتى الدكتور اسامه الي يفترض يكون عنده خبراء فنيين لفحص كشف الحساب اذا ما كان فيه تلاعب ام لا .. جالسين ننتظر رد الشركة ( حتى الدكتور اسامه معنا ايضا ) ننتظر رد الشركة .. ورد الشركة كما شرحت في اول مشاركة حصلت عليه .. يعني منتظر من الشركة تغير كلامها .. لا يمكن ولن يحصل .. !! سؤالي للدكتور اسامه : - هل لديك اليه ( وسيله ) تدقيق كشف الحساب غير ما تقوله الشركة ؟ .. اقصد هل لديكم - كموقع - خبير فني يحكم بصحة التقرير والصفقات من عدمه .. ام الي تقوله الشركة تقبلوا فيه ؟ !! |
رد: أبحث عن حقي مع شركة FXDD وأرجو تفاعل الجميع
اخوي الكريم ميناتو
ممكن طلب يالغالي فوت لي على الهيستوري الخاص بالميتا تريدر الخاص بك وقم باظهار صفقاتك لشهر مضى لتاريخ اليوم وقم بحفظ الهيستوري بملف اكسل او هوتميل وضعه هنا من فضلك لنناقش نقاش علمي بالارقام لنعرف عدد الصفقات التي قاتحها بالضبط ولنتأكد ان رصيدك ارتفع من غير سبب وليس من جراء اغلاق صفقة عادية يعني كما تطالب بحل نطالبك باوراق كاملة يعني انت تذكر رصيد قديم وارتفع طيب بدل ان ندخل بمتاهات نريد كشف لو سمحت من الهستوري الخاص بك لشهر مضى |
رد: أبحث عن حقي مع شركة FXDD وأرجو تفاعل الجميع
السلام عليكم ورحمة الله وبركاتة
اسمحو لى ان اشارك مشاركة صغيره بهذا الموضوع انا لا اتترد على المنتديات كثيراً ولكن لفت انتباهى هذا الموضوع وانا من حين لاخر ادخل اف اكس ارابيا - لانه منتدى جميل بصراحه وفيه مواضيع شيقه جداً لى تعقيب بسيط على الموضوع - واقول للزميل الاستاذ عمر لو ليك سنت عند اف اكس دى دى اضمن لك انه هيرجع - بس تثبت بالادله المقنعه 100% ان المشكله المتسبب فيها الشركة واتمنى كان الموضوع يكون ودى بينك وبين الدكتور اسامه - لان فيه حرب بين الشركات ياعمر - زى ما انت عارف الشركات بتستنى موضوع زى ده وتبعت ارجوزات المنتديات يبطلوووو ويشمتوووو - الامر هيتحل وخليها ودى بينك وبين الدكتور اسامه ومفيش داعى ان ناس تدخل الموضوع وتسخن الدنيا وتعمل صراع احنا فى الاول وفى الاخر هدفنا ان المشكله تنحل - انا لا مع الشركة ولا مع حد - انا مش بحب الناس تدمر سمعة الشركات بكلااام هدام لصالح شركات تانيه نفكر ازاى نحل المشكله - ممكن يكون خطأ فنى من الشركة والشركه تعترف ليه لاء مش شرط يعنى الشركة اللى تكون نصبت عليك - الشركة بتتعامل حسابات بالملايين - اف اكس دى دى له مكانتها لا احد ينكر ذلك ياريت اللى يشارك فى الموضوع يقول كلمه خير او يصمت - او الموضوع يكون بينك وبين الدكتور اسامه وياريت تقابل الدكتور اسامه وجه لوجه وتشوف الشركة هتعمل ايه معكم ولو غلطوو كلنا معاك ان حقك هيرجع وهم اكيد هيعترفو بالخطأ وهيعوضوك ولعلمك يااستاذ عمر حصل مشاكل مع اكبر الشركات العالميه اللى وجود قوى على الساحه مفيش شركة تقدر ترضى كل الناس - وده اللى انا عايز اوصله للجميع واحنا متابعين المشكله بصمت وان شاء الله لو ليك سنت واحد واثبت لاتقلق وضع فى بطنك بطيخه صيفى وياريت الناس ماتشمت فى اف اكس دى دى لانها شركة له كيان كبير تحياتى واسف على الايطاله واتمنى تتقبل كلااامى بصدر رحب اخوك محمد الدمنهورى |
رد: أبحث عن حقي مع شركة FXDD وأرجو تفاعل الجميع
اقتباس:
دكتور عمر واضح ان انت فهمت كلامي غلط والله انا متاكد انك صادق في علي الاقل 90% من الكلام بس انا كنت برد علي الدكتور اسامة وانا معرفش ايه اللي الحوار اللي دار بينكم بالضبط والدكتور اسامة اكتر واحد عارف عشان كدة قلتله (لو كان صادق) وانا من عادتي بفترض الصدق في اي حد حتي يثبت العكس وبعد كدة انا كل كلامي واضح انه في صالحك لان انا فاهم الغلط فين بالضبط ولان انا بحب الاستراتيجية اللي انت شغال بيها وعارفها بس انا مش شغال بيها طبعا عشان المواقف اللي زي ديه تقبل تحياتي |
رد: أبحث عن حقي مع شركة FXDD وأرجو تفاعل الجميع
اقتباس:
معلش انا بخالفك الراي واللي انت طالبه ده ليس له اي علاقة بالمشكلة المشكلة في غلق الصفقات ودي عايزين نعرف حصل ازاي وفي اتساع السبريد ومش معقول يكون ارتفع علي كل العملات مرة واحدة بنفس القيمة وفي الرصيد اللي اضاف زيادة عايزيين نعرف منين اظن اللي انت طالبه ملوش دعوة مش مشكلتنا نحلل طريقة شغله ايه دي مشكلته هو وممكن نفتح عليها موضوع تاني تقبل تحياتي |
رد: أبحث عن حقي مع شركة FXDD وأرجو تفاعل الجميع
اقتباس:
يا استاذ محمد شركة اف اكس دي دي شركة محترمة جدا شئ محدش يختلف عليه وانا عارف ان المبلغ ده لا يمثل نقطة في بحر اموال الشركة ولكن لماذا لم يتم حل المشكلة من الاول وخصوصا ان الشركة غلطانة وزي مبيقول الدكتور اسامة انه اف اكس اريبيا اهم احد رعاتها في الشرق الاوسط فكان لازم يهتمو بيه شويه اكتر من كده وحتي بعد افتتاح السوق اهه عدي يوم ولم يتم الرد من الشركة للدرجة دي الموضوع صعب عليهم انهم يعرفوا الغلط فين يبقي الشركة دي ليست علي قد المسؤولية وان اعيد الحق لصاحبه فهذا كله (ارهاصات) تقبل تحياتي |
رد: أبحث عن حقي مع شركة FXDD وأرجو تفاعل الجميع
اقتباس:
استاذ معاذ احب اعرف رأيك في مشاركاتي اللي فاتت كلها وانا شايف انك بترد علي اي حد الا انا(قمة التجاهل بصراحة) لهذه الدرجة كلامي مزعلك وعشان انا ميرضنيش زعلك انت او الدكتور اسامة فأنا والله ما هكتب مشاركات تاني في الموضوع ده تقبل تحياتي |
| الساعة الآن 03:36 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com